Поиск по материалам сайта
Cлова начинающиеся на букву "Е"

1. Повесть временных лет (оригинал). Начало княженья Святославьля.

Входимость: 6. Размер: 125кб.

Часть текста: временных лет (оригинал) Начало княженья Святославьля. Начало княженья Святославьля. В лето 6454. Ольга съ сыномъ Святославомъ събра вои многы и храбры, и иде на Деревьскую землю. И изыдоша древляне противу. И снемъшемася обема полкома на скупь, суну копьемъ Святославъ на деревляны, и копье летевъ сквози уши коневи и удари в ногы коневи, бе бо велми детескъ.[141] И рече Свенгелдъ и Асмудъ: «Князь уже почалъ, потягнемъ, дружино, по князи». И победиша деревьляны.[142] Деревляне же побегоша и затворишася в городехъ своихъ. Ольга же устремися съ сыномъ своимъ на Искоростень городъ, яко те бяху убиле мужа ея, и ста около города съ сыномъ своимъ, а деревляне затворишася в городе, и боряху крепько из города, ведаху бо, яко сами убиле князя и на что ся предати. И стоя Ольга лето цело, и не можаше взяти города, и умысли сице: посла къ городу, ркущи: «Чего хощете доседети? А вси ваши городи передашася мне, и ялися по дань, и делають нивы своя и землю свою, а вы хощете голодомъ измерети, не имучися по дань». Деревляни же рькоша: «Ради быхомъ ся яли по дань, но хощеши мьшати мужа своего». Рече же имъ Ольга, яко «Азъ уже мьстила есмь мужа своего, когда придоша къ Киеву, и второе, и третьее, еже когда творяхут трызъну мужю моему. А уже не хощю отмщения творити, но хощю дань имати помалу и, смирившися с вами, поиду опять». Ркоша же древляне: «Что хощеши у нас? Ради даемъ и медом и скорою». Она же рече имъ: «Ныне у вас нету меду, ни скоры, но мала у васъ прошю: дайте ми от двора по три голуби и по три воробьи. Азъ бо не хощю тяжькы дани възложити на васъ, якоже мужь мой, но сего у вас прошю мала: изнемогли бо ся есте въ осаде, да вдайте ми се малое». Деревляне же ...

2. Житие Авраамия Смоленского (оригинал)

Входимость: 3. Размер: 56кб.

Часть текста: насъ презрети въ мнозей прелести мира сего, но посла на избавление наше Сынъ свой единочадный. Глаголеть бо пророкомъ Духъ Святый: «Не ходатай, ни аггелъ осия ны, но самъ сый преклонь небеса и сниде»;[1] и родися отъ святыя и пречистыя и неискусобрачныя приснодевыя Мария безъ семене отъ святаго Духа, и поживъ яко человекъ на земли, и страсть претерпе отъ твари своея, и смерть вкуси на кресте, безстрастенъ сый и бесмертенъ Божествомъ, и въ гробе положенъ, и въскресе третий день, явися ученикомъ своимъ и уверивъ я, и многа знамениа и чюдеса показа предъ ученикы, и взыиде на небо къ Отцю, и седе одесную, и посла святый свой Духъ на святыя апостолы, и теми вся языкы просвети и научи истинне веровати и славити Бога, и се, заповедаа, глаголаше: «Се азъ с вами есмь по вся дни до скончания века».[2] И се преже написаниа молю ти ся, Господи Исусе Христе Сыне Божий, молитвами пресвятыя и пречистыа Девы матере и всехъ небесныхъ силъ, и всехъ святыхъ молбами, и дай же ми разумъ, просвещенъ Божиею благодатью, подаждь мне худому и грешнеишу паче всехъ светлый подвигъ житиа и терпениа начати, еже о житьи блаженаго Аврамиа, бывшаго игумена монастыря сего святыя владычица нашея Богородица, его же день успениа ныне празднующи память чтемъ. Се же, братия, въспоминающу житие преподобнаго и не сущу написану, печалью по вся дни обдержимъ быхъ и моляхся Богу: «Господи, сподоби мя вся по ряду писати о житьи богоноснаго отца нашего Авраамиа», — да и по насъ сущии черноризци, приемше наказание и почитающе, ти, видяще мужа доблесть, въсхвалятъ Бога и, угодника его прославляющии, на прочий подвигъ укрепяться, паче же въ стране сей, яко такъ мужь явися, угодникъ Божий. О семъ бо рече Господь пророкомъ, яко «отъ утробы матерня възвахъ тя».[3] Хотящу же ми...

3. Казанская история - оригинал. Главы 49-68

Входимость: 4. Размер: 79кб.

Часть текста: и мудръ советъ с ними творити, хотя самъ в другие двигнутися на безбожную и поганую Казань, на презлыя и неверныя недруги своя — казанския люди и мстити крови християнския, яко Елезванъ, ефиопъский царь, на омиритского царя Дунаса жидовина,[134] ревнуя прадедом своим: великому князю Святославу Игоревичю,[135] како той многажды Греческую землю плени, столь далече ей сущи от Руския земли разстояниемъ, и дани великия со Царя-града имая, со благородных грек, победивших древле Трою предивную и прегордаго царя перскаго Скерска;[136] и той же великий князь по Дунаю стоящихъ 80 градовъ болгарскихъ взя. Поревнова же и сыну его, первому во благочестии возсиявшему — православному и великому князю Владимиру, иже державу свою — Рускую землю — святымъ крещением просвятившему, како взя великий град Корсунь[137] и иныя земли многия з дары, работаху ему, дани дающе. И надо всеми враги его рука его бе высока. Велми же позавиде Владимиру Манамаху,[138] якоже той подвизася на греческаго царя Констянтина Монамаха[139] великим ополчением ратнымъ, не хотевшю греческому царю мира поновити и дани...

4. Из Тактикона Никона Черногорца (оригинал)

Входимость: 6. Размер: 39кб.

Часть текста: нас сберег, разъсеяныя суща, и зверем удобь емлемый бьшающа ловъ. Нъне же нову в уши наши въпадшюю слышанию настоящее писание къ святыне твоей послахом, ово убо долъжное то и въздаюше поклонение и еже от нею благословление просяще, ово же и о слышанемъ сказающе; еда бо се въ твою не вънесено бысть слухы. Слышахом бо яко цятом арменом некым рекше отшелником арменьскыя службы ту сътворше жилище и безмольствовати ту произволивше, неции всяко от доброненавистнаго беса нападают на них и яко неправославны облыгуют и всячьскыми образы оскорьбляютъ их. Но убо таковии приятне бяху от прежде бывших патриархъ наших, и некая от них братья суть въ честней обители святаго Чюдтворца Симеона учинене и въ иных монастырих, в нихже и служат и Причистымъ Таинам съ православными причящаются, и ниже от древних лет дажде доныне възниче съмнинье некое о славе их. Сия убо мы яко ведуще възвестихом; твоего же хотенья есть или нраву предварших патриархъ последовати, или инако некако помянувшемуся и угодному Богови створити. Честныя убо и святыя молитвы твоя да дароване будут нам въ всемъ житии. РАВНОЕ ПОСЛАНЬЕ ПОСЛАНАГО ОТ СВЯТАГО ЧЮДОТВОРЦА СИМЕОНА К КИРЪ ЕУФИМЬЮ ПАТРИАРХУ ИЕРУСАЛИМЬСКОМУ С ПАТРИАРХОВЕМ ПОСЛАНЬЕМ. Надписанье. Блаженейшему и святому владыце моему треблаженому патриарху Иерусалимьскому Петръ последнии мних прозвитеръ и игуменъ и архимандритъ честныя обители иже на Дивнеи горе святаго и чюдотворца Семеона, рабъ молитвы твоея. Блаженийший и владыко и святеиший, слышание некое приде въ наша слухы о ту сущих и ошелникох цятох, ту негде жилище створшим и безмольствовати произволившим. Неции всяко наваждением добруненавистника врага нападают на них и яко неправославны облыгаютъ и всяцем образом опечялеют их. Тии же, владыко святый, приятни бяху от предварших святыхъ старець и святийших патриархъ, и нецеи от них съчтани суть въ братья нашея обители и служити и съпричящатися с нами и въ ...

5. Повесть временных лет (оригинал). В лето 6618.

Входимость: 3. Размер: 40кб.

Часть текста: Идоша весне на половце Святополкъ, и Володимеръ, Давыдъ. И дошедше Воиня, воротишася. Того же лета пришедше половци <...> воеваша около Переяславля по селомъ. Того же лета взяша полонъ половьци у Чина.[561] В то же лето бысть знаменье в Печерьскомъ манастыри февраля въ 11 день: явися столпъ огненъ от земля до небесе, а молнья освитиша всю землю, и на небеси погреме в час 1 нощи, весь миръ виде. Се сь же столпъ ста на тряпезници камяней, яко не видити хреста бяше, и стоя мало, ступи на церковь и ста надъ гробомъ Федосьевомъ, и потомъ надъ верхъ съступи, аки ко въстоку лицемъ, и потомъ невидимо бысть. Се же бяше не огнь, ни столпъ, но видъ ангельскый: ангелъ бо сице являеться ово столпомъ огненомъ, ово же пламеномь. Якоже рече Давидъ: «Творя ангелы своя духы и слугы своя огнь пламянъ,[562] и слеми суть повеленьемь Божьимъ, аможе хощеть Владыка, всихъ Творець, ангеломъ и человекомъ. Ангелъ бо приходить, кде благая места и молитвении домове, и ту показають нечто мало видинья своего, ово бо огнемь, ово столпомъ, ово инако, яко мощно зрети человеком, а не мощно бо зрети человекомъ естьства ангельскаго видити, аще и Моиси великий не возможе видети ангельскаго естьства: водяшеть бо я во дне столпъ облаченъ, а в нощи столпъ огненъ,[563] то се не...