Повесть временных лет (оригинал)
Начало княженья Святославьля.

Начало княженья Святославьля.

В лето 6454. Ольга съ сыномъ Святославомъ събра вои многы и храбры, и иде на Деревьскую землю. И изыдоша древляне противу. И снемъшемася обема полкома на скупь, суну копьемъ Святославъ на деревляны, и копье летевъ сквози уши коневи и удари в ногы коневи, бе бо велми детескъ.[141] И рече Свенгелдъ и Асмудъ: «Князь уже почалъ, потягнемъ, дружино, по князи». И победиша деревьляны.[142] Деревляне же побегоша и затворишася в городехъ своихъ. Ольга же устремися съ сыномъ своимъ на Искоростень городъ, яко те бяху убиле мужа ея, и ста около города съ сыномъ своимъ, а деревляне затворишася в городе, и боряху крепько из города, ведаху бо, яко сами убиле князя и на что ся предати. И стоя Ольга лето цело, и не можаше взяти города, и умысли сице: посла къ городу, ркущи: «Чего хощете доседети? А вси ваши городи передашася мне, и ялися по дань, и делають нивы своя и землю свою, а вы хощете голодомъ измерети, не имучися по дань». Деревляни же рькоша: «Ради быхомъ ся яли по дань, но хощеши мьшати мужа своего». Рече же имъ Ольга, яко «Азъ уже мьстила есмь мужа своего, когда придоша къ Киеву, и второе, и третьее, еже когда творяхут трызъну мужю моему. А уже не хощю отмщения творити, но хощю дань имати помалу и, смирившися с вами, поиду опять». Ркоша же древляне: «Что хощеши у нас? Ради даемъ и медом и скорою». Она же рече имъ: «Ныне у вас нету меду, ни скоры, но мала у васъ прошю: дайте ми от двора по три голуби и по три воробьи. Азъ бо не хощю тяжькы дани възложити на васъ, якоже мужь мой, но сего у вас прошю мала: изнемогли бо ся есте въ осаде, да вдайте ми се малое». Деревляне же ради быша, събраша же от двора по три голуби и по три воробьи, и послаша къ Ользе с поклоном. Ольга же рече имъ: «Се уже ся есте покориле мне и моему детяти, а идете в городъ, а язъ заутра отступлю от города и поиду в городъ свой». Деревьляне же ради быша, вънидоша в город и поведаша людемъ, и обрадовашася людье в городе. Ольга же раздая воемъ комуждо по голуби, а дьругимъ по воробьеви, и повеле къемуждо голубеви и воробьеви привязати черь и, оберътываючи въ платкы малы, нитькою поверьзаючи къ всемъ голубемъ и воробьемъ. И повеле Ольга, яко смерчеся, пустити голуби и воробии воемъ своимъ. Голуби же и воробьеве полетеша въ гнезда своя, ови в голубникы своя, воробьеве же подъ острехы, и тако загарахуться голубници, и от нихъ клети и одрины. И не бе двора, идеже не горяше, и не бе льзе гасити, вси бо дворе възгорешася. И побегоша людье из города, и повеле Олга воемъ своимъ имати я. И яко взя городъ и пожьже и́, старейшины же города изънима и прочая люди овехъ изби, а другия работе преда мужем своимъ, а прокъ остави ихъ платити дань.

И възложи на ня дань тяжьку, и две части идета Киеву, а третьяя — Вышегороду къ Ользе; бе бо Вышегородъ[143] Ольжинъ город. И иде Олга по Деревьской земли съ сыномъ своимъ и дружиною своею, уставляющи уставы и урокы, и суть становища ея и ловища ея. И приде в городъ свой Киевъ съ сыномъ своимъ Святославом и, пребывши лето едино, в лето 6455 иде Олга Новугороду. И устави по Мьсте погосты и дань, и по Лузе погосты[144] и дань, и оброкы; и ловища ея суть по всей земли, и знамения и места и погосты. И сани ея стоять въ Плесъкове и до сего дни, и по Днепру перевесища и по Десне, и есть село ея Ольжичи и до сего дни. Изрядивши, възвратися къ сыну своему в Киевъ и пребываше с ним въ любви.

«Подобна еси царствовати в городе семъ с нами». Она же, разумевши, и рече къ цесарю: «Азъ погана есмь, да аще мя хощеши крестити, то крести мя самъ, аще ли — то не кресщюся». И крести ю цесарь с патриархом. Просвещена же бывши, радовашеся душею и теломъ. И поучи ю патриархъ о вере и рече ей: «Благословена ты еси в руськых князехъ, яко възлюби светъ, а тму остави. Благословити тя имуть сынове рустии и въ последний родъ внукъ твоихъ». И заповеда ей о церковнемъ уставе, и о молитве, и посте, и о милостыни и о въздержании тела чиста. Она же, поклонивши главу, стояше, аки губа напаяема, внимающи ученью, и, поклонившися патриарху, глаголаше: «Молитвами твоими, владыко, да съхранена буду от сети неприязнены». Бе же имя ей наречено въ кресщении Олена, якоже и древняя цесарица, мати Великого Костянтина. И благослови ю патриархъ и отпусти ю. И по кресщении призва ю цесарь и рече ей: «Хощю тя поняти жене». Она же рече: «Како мя хощеши поняти, а крестивъ мя самъ и нарекъ мя дщерь? А въ крестьянехъ того несть закона, а ты самъ веси». И рече цесарь: «Переклюка мя, Олга». И вдасть ей дары многы, золото и серебро, паволокы, съсуды разноличныя и отпусти ю, нарекъ ю дщерь себе. Она же, хотячи домови, приде къ патриарху, благословения просящи на домъ, и рече ему: «Людье мои погани и сынъ мой, дабы мя Богъ съблюлъ от вьсякого зла». И рече патриархъ: «Чадо верное! Въ Христа крестилася еси и въ Христа облечеся, и Христосъ съхранить тя, якоже съхрани Еноха в первыя роды, потомъ Ноя в ковчезе, Аврама от Авимелеха, Лота от содомлянъ, Моисея от Фараона, Давида от Саула, три отрокы от пещи, Данила от зверий,[146] тако и тебе избавить от неприязни и сетий его». И благослови ю патриархъ, и иде с миром в землю свою и приде къ Киеву.

Се же бысть, яко и при Соломони приде цесарица ефиопьская, слышати хотящи мудрость Соломоню, многу мудрость видети и зънамения: [147] тако и си блаженая Олга искаше добрые мудрости Божия, но она человецьскыя, а си Божия. «Ищющи бо премудрости обрящют»;[148] «Премудрость на исходищихъ поеться, на путехъ же дерзновение водит, на краихъ же стенъ забралныхъ проповедается, въ вратехъ же градныхъ дерзающи глаголеть: елико бо летъ незлобивии держатся по пьравду...».[149] И си бо от възвраста блаженая Олена искаше мудростью, что есть луче всего въ свете семъ, и налезе бисеръ многоценьный, еже есть Христосъ. Рече бо Соломонъ: «Желанье благоверныхъ наслажаеть душю»;[150] и «Приложиши сердце свое в разумъ»;[151] «Азъ бо любящая мя люблю, а ищющии мене обрящють мя»,[152] ибо Господь рече: «Приходящаго къ мне не иждену вонъ».[153]

Си же Ольга приде къ Киеву, и, якоже рькохом, и присла к ней цесарь грецкый, глаголя, яко «Много дарихъ тя. Ты же глагола ми, яко «аще възвращюся в Русь, многы дары послю ти: челядь, и воскъ и скору, и воя многы в помощь». Отвещавши же, Олга рече къ послом: «Аще ты, рци, тако же постоиши у мене в Почайне, якоже азъ в Суду, то тогда ти вдамъ». И отпусти слы, си рекши.

«Невернымъ бо вера крестьяньская уродьство есть»;[154] «Не смыслиша бо, ни разумеша въ тме ходящии»,[155] и не видеша славы Господня. «Одобелеша бо сердца ихъ, и ушима бо тяшько слышати, очима видети».[156] Рече бо Соломонъ: «Дела нечестивых далече от разума»: [157] «Понеже звахъ вы, и не послушасте, и прострох словеса, и не разуместе, но отметасте моя светы и моихъ же обличений не внимасте»;[158] «Възненавидеша бо премудрость, а страха Господня не изволиша, ни хотяху моихъ внимати светъ, подражаху же моя обличения».[159] Якоже бо Олга часто глаголаше: «Азъ, сыну, Бога познах и радуюся, аще и ты познаеши Бога, то радоватися начнеши». Онъ же не внимаше того, глаголя: «Како азъ хочю инъ законъ одинъ язъ приняти? А дружина моя сему смеяти начнут». Она же рече ему: «Аще ты крестишися, вси имут то же створити». Онъ же не послуша матери и творяше норовы поганьскыя. Аще кто матери не слушаеть, в беду впадае, якоже рече: «Аще кто отца или матерь не слушаеть, смертью да умреть».[160] Се же тому гневашеся на матерь. Соломонъ бо рече: «Кажа злыя, приемлеть себе досажение, обличая нечестиваго, поречеть себе; обличения бо нечестивымъ мозолье имъ суть. Не обличай злыхъ, да не възненавидять тебе».[161] Но обаче любяше Олга сына своего Святослава, ркущи: «Воля Божия да будет: аще Богъ въсхощеть помиловати роду моего и земли Рускые, да възложит имъ на сердце обратитися къ Богу, якоже и мне Богъ дарова». И се рекши, моляшеся за сына и за люди по вся дни и нощи, кормячи сына своего до мужьства его и до възъраста его.

В лето 6464. В лето 6465. В лето 6466. В лето 6467. В лето 6468. В лето 6469. В лето 6470. В лето 6471.

мясъ варя, но потонку изрезавъ конину, или зверину, или говядину, на угълехъ испекъ, ядяше, ни шатра имяше, но подъкладъ постилаше, а седло въ головах; тако же и прочии вои его вси бяху. И посылаше къ странам, глаголя: «Хочю на вы ити».[162] И иде на Оку реку и на Волгу, и налезе вятичи и рече имъ: «Кому дань даете?» Они же ркоша: «Козаром по щелягу от рала даем».

В лето 6473. Иде Святославъ на козары. Слышавше же, козаре изыдоша противу съ княземъ своим каганомъ, и съступиша ся бити, и бывши брани межи ими, одоле Святославъ козаром и городъ ихъ Белу Вежю взя.[163] И ясы победи и касогы, и приде къ Киеву.

В лето 6475. Иде Святославъ на Дунай на Болъгары.[164] И бившимъся, одоле Святославъ болгаромъ и взя городовъ 80 по Дунаю, и седе княжа ту въ Переяславци, емля дань на грецехъ.

В лето 6476. Придоша печенизи первое на Рускую землю, а Святославъ бяше в Переяславци. И затворися Ольга съ внукы своими Ярополкомъ, и Олгомъ и Володимеромъ в городе Киеве. И оступиша печенизи городъ в силе тяжьце, бещисленое множьство около города, и не бе лзе вылести изъ града, ни вести послати, и изънемогаху людье гладом и водою. И събравшеся людье оноя страны Днепьра в лодьяхъ и об ону страну стояху, и не бе лзе внити в Киевъ ни единому же ихъ, ни изъ города къ онемъ. И въстужиша людье в городе и ркоша: «Не ли кого, иже бы на ону страну моглъ доити и речи имъ: аще не приступите утро подъ городъ, предатися имамъ печенегом?» И рече одинъ отрокъ: «Азъ могу преити». Горожани же, ради бывше, ркоша отроку: «Аще можеши, како ити — иди». Онъ же изыде изъ града съ уздою и хожаше сквозе печенегы, глаголя: «Не виде ли коня никтоже?» Бе бо умея печенежскы, и ̀и мняхуть и-своихъ. И яко приближися к реце, свергъ порты съ себе, сунуся въ Днепръ, и побреде. И видевше, печенези устремишася на нь, стреляюще его, и не могоша ему ничтоже створити. Они же, видевше съ оноя страны, приехавше в лодьи противу ему, взяша и́ в лодью и привезоша и къ дружине. И рече имъ: «Аще не подъступите заутра рано подъ город, предатися имуть людье печенегом». Рече же имъ воевода ихъ, именемъ Претичь: «Подъступимъ заутра в лодьях и, попадъше княгиню и княжичи, умьчимъ на сю страну, и люди.[165] Аще ли сего не створим, погубити ны имать Святославъ». И яко бысть заутра, вседоша в лодья противу свету, въструбиша велми трубами, и людье въ граде кликоша. Печенизе же мнеша князя пришедша, побегоша розно от града. И изыде Олга съ внукы и съ людми к лодьямъ. И видевъ же, князь печенежьскый възвратися единъ къ воеводе Притичю и рече: «Кто се приде?» И рече ему: «Людье оноя страны». И рече князь печенежьскый: «А ты князь ли еси?» Онъ же рече: «Азъ есмь мужь его и пришелъ есмь въ сторожехъ, а по мне идеть вой бещисленое множьство». Се же рече, грозя имъ. И рече князь печенежьскый Претичу: «Буди ми другъ». Онъ же рече: «Тако буди». И подаста руку межю собою, и въдасть печенежьскый князь Претичю конь, саблю, стрелы. Онъ же дасть ему брони, щитъ, мечь. И отступиша печенезе от города, и не бяше лзе коня напоити: на Лыбеди печенегы. И послаша кияне къ Святославу, глаголюще: «Ты, княже, чюжей земли ищешь и блюдешь, а своея ся лишивъ: мале бо нас не възяша печенези, и матерь твою и детий твоихъ. Аще не придеши, ни оборониши нас, да пакы възмуть. Аще ти не жаль отьчины своея, и матерь, стары суща, и дети своих?» То слышавъ, Святославъ вборзе въседъ на кони съ дружиною своею и приде къ Киеву, и целова матерь свою и дети своя, съжалиси о бывшем от печенегъ. И събра воя и прогна печенегы в поле, и бысть мирно.

«Не любо ми есть в Киеве жити, хочю жити в Переяславци в Дунаи, яко то есть среда земли моей, яко ту вся благая сходяться: от Грекъ паволокы, золото, вино и овощи разноличьнии, и и-Щеховъ и изъ Угоръ — серебро и комони, изъ Руси же — скора, и воскъ, и медъ и челядь». И рече ему мати: «Видиши ли мя болну сущю, камо хощеши от мене?» — бе бо разболелася уже. Рече же ему: «Погребъ мя, иди аможе хощеши». И по трехъ днехъ умре Олга. И плакася по ней сынъ ея, и внуци ея и людье вси плачемъ великим и, несъше, погребоша ю на месте. И бе заповедала Олга не творити трызны над собою, бе бо имущи прозвутера, и тъ похорони блажену Олгу.

грехом, не омовени святымъ кресщением. Си бо омыся святою купелью, съвлечеся греховныя одежда ветхаго человека Адама, и въ новый Адамъ облечеся, еже есть Христосъ. Мы же речемъ къ ней: «Радуйся, руское познание къ Богу, начатокъ примирению быхом». Си первое вниде въ царство небесное от Руси, сию бо хвалять рустии сынове акы началницю, ибо по смерти моляшеся къ Богу за Русь. Праправеднихъ бо душа не умирают, якоже рече Соломонъ: «Похваляему праведному възвеселятся людье»,[166] бесмертье бо есть память его, яко от Бога познавается и от человекъ. Се бо вси человеци прославляют, видяще лежащю в теле за многа лета, рече бо пророкъ: «Прославляюща мя прославлю».[167] О сяковыхъ бо Давидъ глаголаше: «В память вечную будеть праведникъ, от слуха зла не убоится; готово серце его уповати на Господа, утвердися сердце его и не подвижится».[168] Соломонъ бо рече: «Праведници въ векы живуть, и от Господа мьзда имъ есть и строение от Вышняго. Сего ради приимут царствие красоте и венець доброты от рукы Господня, яко десницею защитить я и мышьцею покрыеть я».[169] Защитилъ бо есть силою блаженую Ольгу от противника и супостата дьявола.

В лето 6478. Святославъ посади Ярополка в Кыеве, а Олга в Деревехъ. В се же время придоша людье новъгородьстии, просяще князя себе: «Аще не поидете к нам, то налеземъ князя себе». И рече к нимъ Святославъ: «А бы кто к вам шелъ». И отпреся Ярополкъ и Олгъ. И рече Добрыня: «Просите Володимиря». Володимиръ бо бе от Малуши, милостьнице Ольжины;[170] сестра же бе Добрыня, отець же бе има Малъко Любчанинъ, и бе Добрыня уй Володимеру. И реша новгородци Святославу: «Въдай ны Володимира». И пояша новгородьци Володимира себе, и иде Володимиръ съ Добрынею, уемъ своим, к Новугороду, а Святославъ къ Переяславцю.

В лето 6479. Прииде Святославъ Переяславцю, и затворишася болгаре в городе. И изълезоша болгаре на сечу противу Святославу, и бысть сеча велика, и одолеваху болгаре. И рече Святославъ воем своимъ: «Уже нам зде пасти, потягнемъ мужьскы, братье и дружино!». И к вечеру одоле Святославъ и взя город копьем, рькя: «Се городъ мой!». И посла къ греком, глаголя: «Хощю на вы ити и взяти городъ вашь, яко и сий». И ркоша греци: «Мы недужи противу вамъ стати, но возми на нас дань и на дружину свою, и повежьте ны, колько васъ, да вдамы по числу на головы». Се же ркоша греци, льстячи подъ русью: суть бо греци мудри[171] и до сего дни. И рече имъ Святославъ: «Есть нас 20 тысящь» и прирече 10 тысящь, бе бо руси 10 тысящь толко. И пристроиша греци 100 тысящь на Святослава и не даша дани. И поиде Святославъ на грекы, и изидоша противу руси. Видевъ же русь и убояшася зело множьства вой, и рече Святославъ: «Уже намъ некамо ся дети, и волею и неволею стати противу. Да не посрамим земли Руские, но ляжемы костью ту, и мертьвы бо сорома не имаеть. Аще ли побегнемъ, то срамъ нам. И не имамъ убегнути, но станемъ крепко, азъ же предъ вами поиду: аще моя глава ляжеть, то промыслите о себе». И ркоша вои: «Идеже глава твоя ляжеть, ту и главы наша сложим». И исполчишася русь и греци противу. И сразистася полка, и оступиша греци русь, и бысть сеча велика, и одоле Святославъ, и греци побегоша. И поиде Святославъ, воюя, къ городу[172] и другая городы разбивая, иже стоять пусты и до днешьнего дне.

И съзва цесарь в полату бояры своя и рече имъ: «Что створим? Не можемъ стати противу ему». И ркоша ему бояре: «Посли к нему дары, искусимъ ̀и, любезнивъ ли есть злату, или паволокам?». Послаша к нему злато и паволокы и мужа мудра и рькоша ему: «Глядай взора его и лица его и смысла его». Онъ же, вземъ дары, приде къ Святославу. И яко придоша греци с поклоном, рече: «Въведете я семо». И придоша, и поклонишася ему, и положиша предъ ним злато и паволокы. И рече Святославъ, прочь зря: «Похороните!». Отроци же Святославли, вземше, похорониша. Сли же цесаревы възвратишася къ цесарю и съзва цесарь бояры. И ркоша же послании, яко «Придохомъ к нему и въдахомъ дары, и не позре на ня и повеле схоронити». И рече единъ: «Искуси ̀и единою и еще — посли ему оружье». Они же послушаша его и послаша ему мечь и ино оружье. Онъ же, приимъ, нача любити, и хвалити, и целовати цесаря. И придоша опять къ цесарю и поведаша вся бывшая. И ркоша бояре: «Лють сей мужь хощеть быти, яко имения не брежет, а оружье емлеть. Имися по дань». И посла цесарь, глаголя сице: «Не ходи къ городу, но възми дань и еже хощеши», за маломъ бо бе не дошелъ Цесаря-града. И вдаша ему дань; имашеть же и за убьеныя, глаголя, яко «Родъ его възметь». Възя же и дары многы и възвратися в Переяславець с похвалою великою. Видевъ же мало дружины своея, рече в себе: «Егда како, прелестивше, изъбьють дружину мою и мене», беша бо мьнози погыбли на полку. И рече: «Поиду в Русь и приведу боле дружины».

«Хочю имети миръ с тобою твердъ и любовь». Се же слышавъ, цесарь радъ бысть и посла дары къ нему болша первыхъ. Святославъ же прия дары и поча думати съ дружиною своею, ркя сице: «Аще не створимъ мира съ цесаремъ, а увесть цесарь, яко мало нас есть и, пришедше, оступят ны в городе. А Руская земля далече есть, а печенези с нами ратни, а кто ны поможет? Но створим миръ с цесаремъ, се бо ны ся по дань ялъ, и то буди доволно намъ. Аще ли начнет не управляти дани, то изнова изъ Руси, съвокупивше вои множайша, и придемъ къ Цесарюграду». И люба бысть речь си дружине, и послаша лепьшии мужи къ цесареви, и придоша въ Дерьстеръ, и поведаша цесареви. Цесарь же наутрея призва я, и рече цесарь: «Да глаголють сли руссции». Они же ркоша: «Тако глаголеть князь нашь: хочю имети любовь съ царем грецькымъ свершену прочая вся лета». Цесарь же, радъ бывъ, повеле письцю писати на харотью вься реци Святославли. И начаша глаголати сли вся речи, и нача писець писати. Глаголя сице:

«Равно другаго свещания,[173] бывшаго при Святославе, велицемь князи рустемъ и при Свенгельде, писано при Феофиле синкеле и ко Иоану, нарецаемому Цимьскому,[174] цесарю грецкому, в Дерьстре, месяца иулия, индикта 14, в лето 6479.

Азъ Святославъ, князь рускый, якоже кляхся, и утвержаю на свещании семъ роту свою и хочю имети миръ и свершену любовь съ всякымъ и великымъ цесаремь[175] грецьким и съ Васильем и съ Костянтином, и съ богодохновенными цесари, и съ всими людми вашими, иже суть подо мною Русь, бояре и прочии, до конца века. Яко николиже помышляю на страну вашю, ни сбираю людий, ни языка иного приведу на страну вашю и елико есть подъ властию грецькою, ни на власть Коръсуньскую и елико есть городовъ ихъ, ни на страну Болъгарьску. Да аще инъ кто помыслит на страну вашю, да язъ буду противенъ ему и бьюся с ним. Якоже и кляхся азъ к цесаремь грецьскымъ, и со мною бояре и русь вся, да хранимъ правая свещания. Аще ли от техъ самехъ и преждереченыхъ не храним, азъ же и со мною и подо мною, да имеемъ клятву от Бога, в неже веруемъ — в Перуна и въ Волоса, бога скотья, да будем золоте, якоже золото се,[176] и своимъ оружьемь да иссечени будемъ, да умремъ. Се же имеете во истину, якоже створихъ ныне к вамъ, и написахъ на харотьи сей и своими печатьми запечатахомъ».

Створивъ же миръ Святославъ съ грекы и поиде в лодьяхъ къ порогом. И рече ему воевода отень и Свенгелдъ: «Поиди, княже, около на конех, стоять бо печенези в порозехъ». И не послуша его и поиде въ лодьяхъ. Послаша же переяславци къ печенегом, глаголя: «Идеть Святославъ в Русь, възем именье много у грекъ и полонъ бещисленъ, а с маломъ дружины». Слышавше же печенези се, заступиша порогы.[177] И приде Святославъ къ порогомъ, и не бе лзе проити пороговъ. И ста зимовать въ Белобережьи, не бе в них брашна, и бысть гладъ великъ, яко по полугривне голова коняча, и зимова Святославъ. Весне же приспевъши, поиде Святославъ в порогы.

къ Киеву къ Ярополку. И бысть всехъ лет княжения Святославля лет 28.

В лето 6482.

В лето 6483. Ловы деюшю Свеньгелдичю, именемъ Лотъ, ишедъ бо изъ Киева, гна по звери в лесе. Узре ̀и Олегъ и рече: «Кто се есть?». И ркоша ему: «Свенгелдиць». И, заехавъ, уби ̀и, бе бо ловы дея Олегъ. И о том бысть межи има ненависть, Ярополку на Ольга, и молвяше всегда Ярополку Свенгелдъ: «Поиди на брата своего и приимеши власть един его», хотя отмьстити сыну своему.

В лето 6485. Поиде Ярополкъ на Олга, брата своего, на Деревьскую землю. И изыде противу ему Олегъ, и ополчистася, и сразившимася полкома, и победи Ярополкъ Олга. Побегъшю же Олгови с вои своими в город, рекомый Вручий,[178] и бяше мостъ чресъ гроблю к воротам городным, и, теснячися другъ друга, спехнуша Олга с моста въ дебрь. И падаху людье мнози с моста, и удавиша и кони и человеци. И вшедъ Ярополкъ в город Олговъ, прия волость его, и посла искати брата своего, и искавше его, не обретоша. И рече одинъ древлянинъ: «Азъ видехъ вчера, яко съпехънуша ̀и с моста». И посла Ярополкъ искатъ, и волочиша трупье изъ гробли от утра и до полудни, и налезоша исподи Олга подъ трупьемъ, и внесъше, положиша ̀и на ковре. И приде Ярополкъ надъ онь и плакася, и рече Свеньгелду: «Вижь, иже ты сего хотяше». И погребоша Ольга на месте у города Вручего, и есть могила его у Въручего и до сего дни. И прия волость его Ярополкъ. И у Ярополка жена грекини бе, и бяше была черницею, юже бе привелъ отець его Святославъ и въда ю за Ярополка, красы деля лица ея. Слышавъ же се Володимиръ в Новегороде, яко Ярополкъ уби Олга, убоявся, бежа за море. А Ярополкъ посади посадникъ свой въ Новегороде, и бе володея единъ в Руси.

В лето 6488. Приде Володимиръ с варягы къ Новугороду и рече посадником Ярополъчимъ: «Идете къ брату моему и речете ему: Володимиръ идеть на тя, пристраивайся противу бится». И седе в Новегороде.

«Хощю пояти дщерь твою жене». Онъ же рече дъщери своей: «Хощеши ли за Володимира?». Она же рече: «Не хощю розути Володимера,[179] но Ярополка хочю». Бе бо Рогъволодъ перешелъ изъ заморья, имяше волость свою Полотьске, а Туръ Турове, от него же и туровци прозвашася. И приидоша отроци Володимири и поведаша ему всю речь Рогнедину, дщери Рогъволоже, князя полотьского. Володимиръ же събра вои многы, варягы и словены, и чюдь и кривичи, и поиде на Рогъволода. В се же время хотяху вести Рогънедь за Ярополка. И приде Володимиръ на Полотескъ, и уби Рогъволода и сына его два, и дщерь его Рогънедь поя жене.

И поиде на Ярополка. И приде Володимиръ къ Киеву съ вои многыми, и не може Ярополкъ стати противу Володимиру, и затворися Ярополкъ въ Киеве съ людьми своими и съ Блудом; и стояше Володимиръ, обрывся на Дорогожичи,[180] межи Дорогожичемъ и Капичемъ, и есть ровъ и до сего дне. Володимиръ же посла къ Блуду, воеводе Ярополчю, с лестью глаголя: «Поприяй ми! Аще убью брата своего, имети тя начну въ отца место своего, и многу честь возмеши от мене: не я бо почалъ братью бити, но онъ. Азъ же того убояхъся и придохъ на нь». И рече Блудъ къ посланымъ Володимиром: «Азъ буду ти въ приязнь». О злая лесть чловечьская! Якоже Давидъ глаголеть: «Ядый хлебъ мой, възвеличилъ есть на мя лесть».[181] Сьи убо лукавоваше на князя лестью. И пакы: «Языкы своими льшаху. Суди имъ, Боже, да отпадут от мыслий своих; по множьству нечестиа их изърини я, яко прогневаша тя, Господи».[182] И пакы тоже рече Давидъ: «Мужи крови льстиви не припловят дний своих».[183] Се есть светъ золъ, еже свещевають <...> на кровопролитье, то суть неистовии, иже приимъше от князя или от господина своего честь и дары, ти мыслят о главе князя своего на погубление, горьше суть таковии бесовъ. Якоже и Блудъ предасть князя своего, приимъ от него чести многы, сь бо бысть повиненъ крови той. Се бо Блудъ затворивъся съ Ярополком, слаше къ Володимиру часто, веля ему приступати къ городу бранью, самъ мысля убити Ярополка; гражаны же не лзе убити его. Блуд же не възмогъ, како бы ̀и погубити, замысли лестью, веля ему не изълазити на брань изъ града. И рече же Блудъ Ярополку: «Кияне слются къ Володимирю, глаголюще: “Приступай къ городу бранью, яко предамы ти Ярополка”. Побегни изъ града». И послуша его Ярополкъ и бежа изъ града, и, пришедъ, затворися въ граде Родене на устьи Ръси,[184] а Володимиръ вниде в Киевъ, и оседяху Ярополка в Родне. И бе гладъ великъ в немъ, и есть притча и до сего дне: беда аки в Родне. И рече Блудъ Ярополку: «Видиши ли, колко вой у брата твоего? Намъ ихъ не перебороти. И твори миръ съ братомъ своимъ», льстя подъ ним, се рече. И рече Ярополкъ: «Тако буди». И посла Блудъ къ Володимеру, глаголя, яко «Събыся мысль твоя, яко приведу Ярополка к тебе, и пристрой убити ̀и». Володимиръ же, то слышавъ, въшедъ въ дворъ теремьный отень, о немьже преже сказахом, седе ту с вои и съ дружиною своею. И рече Блудъ Ярополку: «Поиди къ брату своему и рьци ему: что ми ни вдаси, то язъ прииму». Поиде же Ярополкъ, и рече ему Варяжько: «Не ходи, княже, убьють тя; побегъни в печенегы и приведеши воя». И не послуша его. И приде Ярополкъ къ Володимиру, и яко полезе въ двери, подъяста и́ два варяга мечема подъ пазусе. Блудъ же затвори двери и не дасть по немъ внити своимъ. И тако убьенъ бысть Ярополкъ. Варяжько же, видевъ, яко убьенъ бысть Ярополкъ, бежа съ двора в Печенеги и мьного воева с печенегы на Володимира, и одва приваби ̀и, заходивъ к нему роте. Володимиръ же залеже жену братьню грекиню, и бе непраздна, от нея же роди Святополка. От греховнаго бо корене злый плодъ бываеть: понеже была бе мати его черницею, а второе — Володимиръ залеже ю не по браку, прелюбодейчищь бысть убо. Темьже и отець его не любяше, бе бо от двою отцю — от Ярополка и от Володимира.

Посемъ реша варязи Володимеру: «Се град нашь, и мы прияхом ̀и, да хощем имати откупъ на них по 2 гривне от человека». И рече имъ Володимиръ: «Пожьдете, даже вы куны сберут за месяць». И жьдаша за месяць, и не дасть имъ. И реша варязи: «Съльстилъ еси нами, да покажи ны путь въ грекы». Онъ же рече: «Идете». Изъбра от нихъ мужа добры и смыслены и храбъры и раздая имъ грады; прочии же идоша Цесарюграду. И посла пред ними слы, глаголя сице цесареви: «Се идуть к тебе варязи, не мози ихъ держати в городе, или то створят ти въ граде, яко зде, но расточи я раздно, а семо не пущай ни единого».

И жряхут имъ, наричуще богы, и привожаху сыны своя, и жряху бесомъ, и оскверняху землю требами своими. И осквернися требами земля Русская и холмъ тъ. Но преблагый Богъ не хотяй смерти грешником: на томъ холме ныне церкы есть святаго Василья, якоже последе скажем. Мы же на преднее възвратимся.

Бе же Володимиръ побеженъ похотью женьскою. Быша ему водимыя: Рогънедь, юже посади на Лыбеди, идеже есть ныне селце Передславино, от нея же роди 4 сыны: Изеслава, Мьстислава, Ярослава, Всеволода, и две дщери; от грекини — Святополка; от чехыни — Вышеслава; а от другия — Святослава, а от болъгарыни — Бориса и Глеба. И наложьниць у него 300 въ Вышегороде, 300 в Белегороде, а 200 на Берестовемъ в сельци, еже зовут и ныне Берестовое. И бе несытъ блуда, и приводя к себе мужьскыя жены и девици растляя. Бе бо женолюбець, яко и Соломонъ: бе бо у Соломона, рече, женъ 700, а наложьниць 300.[186] Мудръ же бе, а на конець погибе; сь же бе невеглас, на конець обрете спасение. «Велий бо Господь, и велья крепость его, и разуму его несть числа!»[187] Зло бо есть женьская прелесть, якоже рече Соломонъ, покаявся, о женахъ: «Не внимати зле жене, медъ бо каплеть от устъ ея, жены любодеица, во время наслажаеть твой гортань, последе же горьчее желчи обрящеши. Прилепляющаяся ей вънидутъ съ смертью въ адъ. На пути бо животъныя не находит, блудна бо теченья ея и неблагоразумна».[188] Се же рече Соломонъ о прелюбодеицах. О добрыхъ же женахъ рече: «Дражьши есть каменья многоценьнаго. Радуется о ней мужь ея. Дееть бо мужеви своему благо все житье. Обретши волну и ленъ, створить благопотребная рукама своима. Бысть яко корабль, куплю деющь, издалеча събираеть себе богатьство, и въстаеть из нощи, и даеть брашно дому и дело рабынямъ. Видевши тяжание, куповаше, от делъ руку своею насадить тяжание. Препоясавши крепько чресла своя, и утверьди мышьци свои на дело. И вкуси, яко добро делати, и не угасает светилникъ ея всю нощь. Руце свои простираеть на полезная, локти же свои утвержает на веретено. Руце свои отверзаеть убогимъ, плодъ же простре нищим. Не печеться о дому своемъ мужь ея, егда кде будет. Сугуба оденья створит мужю своему, очерьвлена и багъряна себе оденья. Възоренъ бываеть въ вратехъ мужь ея, внегда аще сядеть на соньмищи съ старци и съ жители земля. Опоны створи и отдасть в куплю. Уста же своя отверзе смыслено и въ чинъ молвить языкомъ своим. Въ крепость и в лепоту облечеся. Милостыня ея въздвигоша чада ея, обогатеша, и мужь ея похвали ю. Жена бо разумлива благословлена есть, боязнь же Господню да хвалит. Дадите ей от плода устъну ея, да хвалять въ вратехъ мужа ея».[189]

В лето 6489. Иде Володимиръ к ляхомъ и зая грады ихъ: Перемышль, Червенъ[190] и ины городы, иже суть и до сего дне подъ Русью. Семъ же лете и вятичи победи и възложи на ня дань от плуга, якоже отець его ималъ.

В лето 6490. Заратишася вятичи, и иде на ня Володимеръ и победи я въторое.

«Мечемъ жребий на отрока и девицю, на негоже падеть, того зарежемы богомъ». И бяше варягъ одинъ, бе дворъ его, идеже бе церкви святыя Богородица, юже създа Володимиръ. Бе же варягь тъй пришелъ от Грекъ и держаше веру в тайне крестьяньскую. И бе у него сынъ красенъ лицем и душею, и на сего паде жребий по зависти дьяволи. Не терпяше бо дьяволъ, власть имея надъ всими, сьй бяше ему акы тернъ въ сердци, и тщашеся потребити оканный и наусти люди. И реша, пришедъша, послании к нему, яко: «Паде жребий на сынъ твой, изволиша бо ̀и бози себе, да створим требу богомъ». И рече варягъ: «Не суть то бози, но древо; днесь есть, а утро изъгнило есть, не ядять бо, ни пьють, ни молвять, но суть делани руками въ древе секирою и ножемъ. А Богъ единъ есть, емуже служать греци и кланяются, иже створилъ небо, и землю, и человека, и зъвезды, и солнце, и луну, и далъ есть жити на земли. И си бози что сделаша? Сами делани суть. Не дамъ сына своего бесом». Они же, шедъше, поведаша людемъ. Они же, вземъше оружье, поидоша на нь и разъяша дворъ около его. Онъ же стояше на сенехъ съ сыномъ своимъ. Реша ему: «Дай сына своего, дамы ̀и богомъ». Онъ же рече: «Аще суть бози, то единого себе послють бога, да поимуть сына моего. А вы чему перетребуете имъ?». И кликнуша и секоша сени подъ ними, и тако побиша я. И не свесть никтоже, кде положиша я. Бяху бо человеци тогда невегласи, погани, и дьяволъ радовашеся сему, не веды, яко близъ погибель хотяше быти ему. Тако бо и преди тъщашеся погубити родъ хьрестьяньскый, но прогонимъ бяше крестомъ честнымъ во иныхъ странах, зде же мняшеся оканьный, яко зде ми есть жилище, зде бо не суть учили апостоли, ни пророци прорекъли, не ведый пророка, глаголюща: «И нареку не люди моя люди моя»;[192] о апостолехъ же рече: «Во всю землю изидоша вещания ихъ и в конець вселеныя глаголи ихъ».[193] Аще бо и теломъ апостоли суть зде не были, но учения ихъ, яко трубы, гласять по вселений въ церьквахъ, имъже ученьемъ побежаемъ противнаго врага, попирающе подъ нозе, якоже попраста и сия отьченика, и приимъша венець небесный съ святыми мученикы и съ праведными.

В лето 6492. Иде Володимиръ на радимици. И бе у него воевода Волчий Хвостъ, и посла пред собою Володимиръ Волчия Хвоста, и срете радимичи на реце Пищане,[194] и победи Волчий Хвостъ радимичи. Темь и русь корятся радимичемъ, глаголюще: «Пещаньци волъчья хвоста бегають». Быша же радимичи от рода ляховъ; и, пришедше ту, ся вселиша, и платять дань в Руси, и повозъ везуть и до сего дне.

В лето 6493. Иде Володимиръ на Болъгары съ Добрынею, уемъ своимъ, в лодьяхъ, а торкы берегомъ приведе на конехъ. И тако победи болгары.[195] И рече Добърыня Володимиру: «Съглядахъ колодникъ, и суть вси в сапозехъ. Симъ дани намъ не платити, поидеве искать лапотникъ». И сътвори миръ Володимиръ с болгары, и роте заходиша межи собою, и реша болгаре: «Толи не буди мира межи нами, оли же камень начнеть плавати, а хмель грязнути». И приде Владимиръ къ Киеву.

В лето 6494. Приидоша болгаре веры бохъмичи,[196] глаголюще, яко «Ты князь еси мудръ и смысленъ и не веси закона; да веруй въ законъ наш и поклонися Бохъмиту». Рече Володимиръ: «Кака есть вера ваша?» Они же реша: «Веруемъ Богу, а Бохъмитъ ны учить, глаголя: обрезати уды тайныя, а свинины не ести, а вина не пити, и по смерти съ женами похоть творити блудную. Дасть Бохъмить комуждо по семидесятъ женъ красенъ, и избереть едину красну, и всехъ красоту възложит на едину, и та будеть ему жена. Зде же, рече, достоить блудъ творити всякый. На семъ же свете аще будет кто убогъ, то и тамо, аще ли богатъ есть зде, то и тамо». И ина многа лесть, еяже нелзе писати срама ради. Володимиръ же слушаше ихъ, бе бо самъ любяше жены и блужение многое, и послушаше сладъко, Но се бе ему не любо: обрезание удовъ и о неядении свиныхъ мясъ, а о питьи отинудь рекъ: «Руси веселье питье, не можемъ безъ того быти». По семъ же придоша немци от Рима, глаголюще, яко «Придохомъ послани от папежа». И ркоша ему: «Реклъ ти папежь: “Земля твоя яко земля наша, а вера ваша не акы вера наша, вера бо наша светъ есть, кланяемъся Богу, иже створи небо и землю, и звезды, и месяць и всяко дыхание, а бози ваши — древо суть”». Володимиръ же рече: «Кака есть заповедь ваша?» Они же реша: «Пощение по силе. Аще кто пьеть или есть, все въ славу Божию,[197] рече учитель нашъ Павелъ». Рече же Володимиръ немцомъ: «Идете опять, яко отци наши сего не прияли суть». Се слышавше, жидове козарьстии[198] приидоша, ркуще: «Слышахомъ, яко приходиша болъгаре и хрестьяни, учаще тя кождо ихъ вере своей. Хрестьяни бо верують, егоже мы распяхомъ, а мы веруемъ едину Богу Аврамову, Исакову, Ияковлю». И рече Володимиръ: «Что есть законъ вашь?» Они же реша: «Обрезатися и свинины не ясти, ни заячины, суботу хранити». Онъ же рече: «То кде есть земля ваша?» Они же реша: «Въ Иерусадиме». Онъ же рече: «То тамо ли есть?» Они же реша: «Разъгневалъся Богъ на отци наши и расточи ны по странам грехъ ради нашихъ, и предана бысть земля наша хрестьяномъ».[199] Володимиръ же рече: «То како вы инехъ учите, а сами отвержени от Бога? Аще бы Богъ любилъ васъ, то не бысте расточнени по чюжимъ землямъ. Еда и намъ то же мыслите зло прияти?»

«Слышахомъ, яко приходили суть болгаре, учаще тя приняти веру свою. Ихъ же вера оскверняеть небо и землю, иже суть прокляте паче всехъ человекъ, уподобльшеся Содому и Гомору, на няже пусти Богъ каменье горущее и потопи я, и погрязоша,[200] яко и сихъ ожидаеть день погибели ихъ, егда придеть Богъ судити на землю и погубити вься творящая безаконье и скверны деющая. Си бо омывають оходы своя, поливавшеся водою, и въ ротъ вливають, и по браде мажются, наричюще Бохмита. Тако же и жены ихъ творят ту же скверну и ино же пуще: от совокупления мужьска вкушають». Си слышавъ, Володимиръ плюну на землю, рекъ: «Нечисто есть дело». Рече же философъ: «Слышахомъ же и се, яко приходиша от Рима учить васъ к вере своей, ихъ же вера с нами мало же развращена: служать бо опреснокы, рекши оплатъкы, ихъже Богъ не преда, но повеле хлебом служити, и преда апостоломъ, приимъ хлебъ, и рек: “Се есть тело мое, ломимое за вы”. Такоже и чашю приимъ, рече: “Се есть кровь моя новаго завета”.[201] Си же того не творять, и суть не исправиле веры». Рече же Володимиръ: «Придоша къ мне жидове, глаголюще: яко немьци и греци верують, егоже мы распяхом». Философъ же рече: «Воистину в того веруемъ, техъ бо пророци прорькоша, яко Богу родитися, а другии — распяту быти и третьй день въскреснути и на небеса възити. Они же ты пророкы и избиваху, а другия претираху. Егда же събысться проречение ихъ, сниде на землю, и распятье приятъ, и въскресе и на небеса възиде, а сихъ же ожидаше покаянья за 40 летъ и за 6, и не покаяшася, и посла на ня римляны. Грады ихъ разъбиша, а самехъ расточиша по странам, и работають въ странахъ». Рече же Володимиръ: «Что ради сниде Богъ на землю и страсть таку приятъ?» Отвещавъ же, рече философъ: «Аще хощеши, княже, послушати из начала, что ради сниде Богъ на землю?» Володимиръ же рече: «Послушаю, радъ». И нача философъ глаголати сице: [202]

сътвори море, рекы, источникы и семена. Въ 4 — солнце, и луну, и звезды, и украси Богъ небо. Видевъ же первый от ангелъ, старейшина чину ангельску, помысли в себе, рекъ: «Сниду на землю, и прииму землю, и поставлю столъ свой на облацехъ северьскыхъ, и буду подобенъ Богу». И ту абье сверже ̀и съ небеси, и по немъ спадоша иже беша подъ нимъ, чинъ десятый. Бе же имя противнику Сотанаилъ, в неже место постави старейшину Михаила. Сотана же, грешивъ помысла своего и отпадъ славы первыя, наречеся противьникъ Богу. По семъ же въ 5 день створи Богъ кыты, и гады, и рыбы, и птица пернатыя, и звери, и скоты, и гады земныя. Въ 6 день створи же Богъ человека.[204] Въ 7 день почи Богъ от делъ своихъ, еже есть субота. И насади Богъ Рай на въстоци въ Едеме, и въведе Богъ ту человека, егоже созда, и заповеда ему от древа всякого ясти, от древа же единого не ясти, иже есть разумети злу и добру. И бе Адамъ в Раи, и видяше Бога и славяше, егда ангели славяху Бога, и онъ с ними. И възложи Богъ на Адама сонъ, и успе Адамъ, и взятъ Богъ едино ребро у Адама, и створи ему жену, и приведе ю къ Адаму, и рече Адамъ: «Се кость от кости моея и плоть от плоти моея, си наречеться жена». И нарече Адамъ имена всемъ скотом и птицам, и зверем, и гадомъ, и самема ангелъ поведа имени. И покори Богъ Адаму звери и скоты, и обладаше всими, и послушаху его. Видевъ же дьяволъ, яко почести Богъ человека, позавидевъ ему, преобразися въ змию, и прииде в Евзе, и рече ей: «Почто не яста от древа, сущаго посреде Рая?» И рече жена къ змии: «Рече Богъ: не имата ясти, оли — да умрета смертью». И рече змия къ жене: «Смертью не умрета; ведаше бо Богъ, яко въньже день яста от него, отверзостася очи ваю, и будета яко Богъ, разумевающа добро и зло». И виде жена, яко добро древо въ ядь, и вземьши жена снесть, и въдасть мужю своему, и яста, и отверзостася очи има, и разуместа, яко нага еста, и сшиста листвием смоковьнымь препоясание. И рече Богъ: «Проклята земля въ делехъ твоихъ, в печали яси вся дни живота твоего». И рече Господь Богъ: «Егда како прострета руку, и возмета от древа животнаго, и живета в веки». Изъгна Господь Богъ Адама из Рая. И седе прямо Раю, плачася и делая землю, и порадовася сатана о проклятьи земля. Се на ны первое падение, горкый ответъ, отпадения ангелъскаго житья. И роди Адамъ Каина и Авеля, и бе Каинъ ратай, а Авель пастух. Принесе Каинъ от плод земныхъ къ Богу, и не прия Богъ даровъ его. А Авель принесе от агнець первенець, и прия Богъ дары Авелевы. Сотона же вълезе въ Каина и пострекаше Каина на убийство Авелево. И рече Каинъ къ Авелю: «Изидеве на поле». И яко изидоша, въста Каинъ и хотяше убити ̀и, не умеяше убити ̀и. И рече ему сотона: «Возми камень и удари ̀и». И уби Авеля. И рече Богь Каину: «Кде есть братъ твой?» Он же рече: «Еда азъ стражь есмь брату моему?»[205] И рече Богъ: «Кровь брата твоего въпиет къ мне, буди стоня и трясыся до живота своего». Адамъ же и Евга плачющася бяста, и дьяволъ радовашеся, рекъ: «Сего же Богъ почести, азъ створих ему отпасти от Бога, и се ныне плачь ему налезох». И плакастася по Авеле лет 30, и не съгни тело его, и не уместа погрести его. И повеленьемъ Божиимъ птенца два прилетеста, единъ ею умре, и единъ же ископа яму, вложи умершаго и погребе. Видевша же се, Адамъ и Евга ископаста яму, и вложиста Авеля, и погребоста ̀и съ плачем. Бысть же Адамъ лет 230 роди Сифа и 2 дщери, и поя едину Каинъ, а другую Сифъ, и от того чловеци расплодишася по земли. И не познаша створшаго я, исполнишася блуда и всякого скаредиа, и убийства, и зависти, и живяху скотьскы человеци. И бе Ной единъ праведенъ в роде семъ. И роди 3 сына: Сима, Хама, Афета. И рече Богъ: «Не имать пребывати духъ мой въ человецехъ», и рече: «Да потреблю человека, егоже створих, от человека до скота». И рече Богъ Ноеви: «Створи ковчегъ в долготу лакотъ 300, а в широту 80, а възвышье 30 лакот» — егупьте бо локтемъ саженъ зовуть. Делаему же ковчегу за 100 лет, и поведаше Ной, яко быти потопу, посмехахуся ему. И егда сдела ковчегъ, рече Господь Богь Ноеви: «Влези ты, и жена твоя, и сынове твои, и снохы твоя, и въведи я к себе по двоему от всех гадъ, скот и птицъ». И въведе Ной, якоже заповеда ему Богъ. И наведе Богь потопъ на землю, и потопе всяка плоть, и ковчегъ плаваше на воде. Егда же посяче вода, излезе Ной, и сынове его, и жена его. И от сихъ расплодися земля. И быша человеци мнози и единогласни, реша другъ другу: «Съзижемъ столпъ до небесе». И начаша здати, и бе старейшина имъ Невродь.[206] И рече Богъ: «Умножишася человеци, и помыслы ихъ суетны». И съниде Богъ, и размеси языкы на 70 и два языка. Адамовъ же языкъ бысть не отъятъ у Авера: то бо единъ не приложися къ безумью ихъ, рекъ сице: «Аще бы человеком Богъ реклъ на небо столпъ делати, то повелелъ бы самъ Богъ словом, якоже створи небеса, и землю, и моря и вся видимая и невидимая». Того ради сего языкъ не пременися, от сего суть евреи. На 70 и единъ языкъ разделишася и разидошася по странам, кождо свой нравъ прияша. И по дьяволю научению ови рощением и кладязямъ жряху и рекам, и не познаша Бога. От Адама же до потопа лет 2242, а от потопа до разъделенья языкъ лет 529.

По семъ же дьяволъ в болша прелщения въверже человекы, и начаша кумиры творити, ови древяныа и медяныя, а друзии мороморяны, златы и сребряны, и кланяхуться имъ, и привожаху сыны своя и дьщери своя и закалаху предъ ними, и бе вся земля осквернена. И началникъ же бяше кумиротворению Серухъ, творяше бо кумиры въ имена мерътвыхъ человекъ, бывшимъ овемъ цесаремъ, другымъ храбрымъ, и волъхвомъ, и женамъ прелюбодеицамъ. Се же Серухъ роди Фару, Фара же роди 3 сыны: Аврама, и Нахора, и Арана.[207] Фара же творяше кумиры, навыкъ у отца своего. Аврамъ же, пришедъ въ ум, възревъ на небо, и рече: «Воистину той есть Богъ, иже створилъ небо и землю, а отець мой прельщает человекы». И рече Аврамъ: «Искушю богь отца своего» и рече: «Отче! Прельщаеши человекы, творя кумиры древяны. То есть Богъ, иже створилъ небо и землю». И приимъ Аврамъ огнь, зажьже идолы въ храмине. Видевъ же се Аранъ, братъ Аврамовъ, ревнуя по идолехъ, хоте умьчати идолъ, самъ згоре ту Аранъ и умре пред отцемъ. Пред семъ бо не умиралъ сынъ предъ отцемъ, но отець пред сыномъ, и от сего начаша умирати сынове пред отцемъ. И възлюби Богъ Аврама, и рече Богъ Авраму: «Изиди изъ дому отца твоего и поиди в землю, в нюже ти покажю, и створю тя въ языкъ великъ, и благословять тя колена земная». И створи Аврамъ, якоже заповеда ему Богь. И поя Аврамъ Лота, сыновца своего, и бе бо ему Лотъ шюринъ и сыновець, бе бо Аврамъ поялъ братьню дщерь Ароню, Сарру. И приде в землю Хананейску къ дубу высоку, и рече Богь къ Авраму: «Семени твоему дамъ землю сию». И поклонися Аврамъ Богу. Аврамъ же бяше лет 75, егда изиде от Хараона. Бе же Сарра неплоды, болящи неплодскым. Рече Сарра Авраму: «Влези убо къ рабе моей». И поемши Сарра Агарь и вдасть ю мужеви своему, и влезъ Аврамъ къ Агари. И зача Агарь и роди сына, и прозва Аврамъ Измаилом, а Аврамъ же бе лет 86, егда родися Измаил. По семъ же, заченши, Сарра роди сына и нарече имя ему Исакъ. И повеле Богъ Авраму обрезати отроча, и обреза Аврам въ 8 день. И възълюби Богь Аврама и племя его, и нарече я в люди себе, и отлучи я от языкъ, нарекъ люди своя. Сему же Исаку възмогшу, Авраму же живущю лет 175 и умре, и погребенъ бысть. Исаку же бывшю лет 60, роди два сына — Исава и Якова. Исавъ же бысть лукавъ, а Яков правдивъ. Сий же Яковъ работа у уя своего изъ дьщери его из меньшие 7 лет, и не дасть ему ея Лаван, уй его, рекъ: «Старейшюю поими». И вдасть ему Лию, старейшюю, и изъ другое рекъ ему: «Другую работай 7 лет». Онъ же. работа другую 7 лет из Рахили. И поя себе 2 сестреници, от неюже роди 8 сыновъ: Рувима, Семеона, Левгию, Июду, Исахара, и Заулона, Иосифа и Веньамина, и от робу двою: Дана, Нефталима, Гада, Асира. И от сихъ расплодишася жидове. Ияковъ же сниде въ Егупетъ, сы лет 130 с родомъ своим, числом 65 душь. Поживе же в Егупте лет 17, и успе, и поработиша племя его за 400 лет.

По сихъ же летехъ възмогоша людье жидовьстии, умножишася, и насиляхуть им егуптяне работою. В си же времена родися Моисей в жидех, и реша волъсви егупетьстии цесарю, яко «Родилъся есть детищь въ жидох, иже хощеть погубити Егупет». Ту абье повеле цесарь ражающаяся дети жидовьскыя вметати в реку. Мати же Моисеова, убоявшися сего погубления, вземъши младенець, вложи въ крабьицю и, несъши, постави в лузе. В се же время сниде дщи фараонова Фермуфи купаться и виде отроча плачющеся, и възя е и пощади е, и нарече имя ему Моисий, и въскорми е. И бысть отроча красно, и бысть 4 лет, и приведе ̀и дщи фараоня къ отцю своему фараону. Видевъ же Моисея фараонъ, нача любити фараонъ отроча. Моисий же, хапаяся за шию цесареву, срони венець съ главы цесаревы, и попра ̀и.[208] Видевъ же волхвъ, рече цесареви: «О цесарю! Погуби отроча се: аще ли не погубиши, имаеть погубити всь Егупет». И не послуша его цесарь, но паче повеле не погубити детий жидовьскыхъ. Моисееви же възмогъшю, и бысть великъ в дому фараони. И бысть цесарь инъ, възавидеша ему бояре. Моисей же уби егупьтянина, бежа изъ Егупта и приде в землю Мадиамьску и, ходя по пустыни, научися от ангела Гавриила о бытьи всего мира, и о первемъ человеци, и яже суть была по нем и по потопе, и о смешении языкъ, аще кто колико летъ бяше былъ, и звездное хожение и число, земльную меру и всяку мудрость. По семъ же явися ему Богъ в купине огньмь и рече ему: «Видехъ беду людий моих въ Егупте и низълезохъ изяти я от руку егупетьску, изъвести я от земли тоя. Ты же иди къ фараону цесарю егупетъску и речеши ему: “Пусти Израиля, да три дни положать требу Господу Богу”. Аще не послушаеть тебе цесарь егупетъскый, побью ̀и и всими чюдесы моими». И пришедъшю Моисеови, и не послуша его фараонъ, и пусти Богъ 10 казний на фараона: 1 — рекы въ кровь, 2 — жабы, 3 — мьшице, 4 — песья мухы, 5 — смерть на скотъ, 6 — прыщьеве горющии, 7 — градъ, 8 — прузи, 9 — тма три дни, 10 — моръ в человецехъ. Сего ради 10 казний бысть на нихъ, яко 10 месяць топиша дети жидовьскы. Егда же бысть моръ въ Егупте, рече фараонъ Моисеови и брату его Аарону: «Отъидета въскоре». Моисей же, събравъ люди жидовьскыя, поиде от земля Егупетъскыя. И ведяше я Господь путемъ по пустыни къ Чермьному морю, и предъидяше пред ними нощью столпъ огньнъ, а во дни — облаченъ. Слышавъ же фараонъ, яко бежать людье, погна по нихъ, и притисну я къ морю. Видевъше же людье жидовьстии въспиша на Моисея, ркуще: «Почто изведе ны на смерть?». И въспи Моисей къ Богу, и рече Господь: «Что вопиеши къ мне? Удари жезломъ в море». И створи Моисей тако, и раступися вода надвое, и внидоша сынове израилеви в море. Видевъ же, фараонъ гна по нихъ, сынове же израилеви проидоша посуху. Яко излезоша на брегъ, и съступися море о фараоне и о воихъ его. И възлюби Богъ Израиля, и идоша от моря три дня по пустыни, и придоша в Меронъ. И бе ту вода горка, и възропташа людье на Бога, и показа имъ древо, и вложи е Моисей въ воду, и осладишася воды. По семъ же пакы възропташа людье на Моисея и на Арона, ркущи: «Луче ны бяше въ Егупте, еже ядохом мяса, и тукъ и хлебъ до сытости». И рече Господь Бог Моисеови: «Слышах хулнание сыновъ Израилевъ». И дасть им манну ясти. По семъ же дасть имъ законъ на горе Синайстий. И Моисеови въшедъшю на гору къ Богу, они же, съльявше тельчью главу, поклонишася аки Богу. Ихъ же Моисей исъсече 3000 числом. По семъ же пакы възропташа на Моисея и на Арона, еже не бе воды. И рече Господь Моисеови: «Удари жезломъ в камень», рекъ: «Исъ сего камени егда не испустиве воды?» И разгневася Господь на Моисея, яко не възвеличи Господа, и не вниде в землю обетованую сего ради, роптанья онехъ ради, но възведе ̀и на гору Вамьску и показа ему землю обетованую. И умре Моисей ту на горе. И прия власть Исусъ Навгинъ. Сий приде въ землю обетованую и изби хананейско племя, и всели в нихъ место сыны Израилевы. Умерьшю же Исусу, бысть судья въ него место Июда, инехъ судий бысть 14. При них же, забывше Бога, изъведъшаго я изъ Егупта, начаша служити бесом. И разъгневася Богъ, предаяшеть я иноплеменьником на расхыщение. И егда ся начьну каяти, помиловашеть их, и пакы укланяхуся на бесослужение. По сихъ же служаше Илий жрець, и по семъ Самуилъ пророкъ. Реша людье Самуилу: «Постави нам цесаря». И разъгневася Богъ на Израиля и постави надъ ними цесаря Саула. Таче Саулъ не изволи ходити въ завете Господни, избра Господь Давида, постави ̀и цесаря надъ Израилемъ, и угоди Давидъ Богу. Сему Давиду кляся Богь, яко от племени его родитися Богу. И первое начаша пророчьствовати о воплощении Божии, рекъ: «Изъ щрева преже деньница родихъ тя».[209] Се же пророчьствовавъ 40 лет и умре. И по нем царствова и пророчьствова сынъ его Соломонъ, иже възгради церковь Богови и нарече ю Святая Святыхъ. И бысть мудръ, но на конець поползеся; цесарьствовавъ лет 40 и умре. По Соломоне же цесарьствовавъ сынъ его Ровоамъ. При семъ разделися царство надвое жидовьское: въ Ерусалимъ одино, а другое в Самарии[210] Въ Самареи же царьствова Еровамъ, холопъ Соломонь, иже створи две краве злате и постави едину вь Вефили на холме, а другу въ Ендане и рекъ: «Се Бога твоя, Израилю». И кланяхуся людье, а Бога забыша. Таче и въ Ерусалиме забывати Бога начаша, кланятися Валу, рекъше ратьну богу, еже есть Арей,[211] и забыша Бога отець своихъ. И нача Богъ посылати к нимъ пророкы. Пророци же начаша обличати о безаконьи ихъ и о служеньи кумиръ. Они же начаша пророкы избивати, обличаеми от них. И разгневася Богъ на Израиля велми и рече: «Отрину от себе и призову ины люди, иже мене послушают. И аще съгрешат, не помяну съгрешения ихъ». И нача посылати пророкы, глаголя: «Прорицайте о отвержении жидовьсте и о призваньи стран».

«Преставлю царство дому Израилева и скрушю лукъ Израилевъ, и не приложю пакы помиловати дому Израилева, но отметаа, отвергуся ихъ, — глаголеть Господь, — и будут блудяще въ языцехъ».[212] Иеремея же рече: «Аще станеть Самуилъ и Моисей, не помилую ихъ», И пакы той же Еремея рече: «Тако глаголеть Господь: Се кляхся именемъ моим великымъ, аще будеть отселе кде имя мое именуемо въ устех июдейскыхъ».[213] Иезекеиль же рече: «Тако глаголеть Господь Аданай: Расъсею вы вся, останкы твоя въ вся ветры, зане святая моя осквернависте вьсими негодованми твоими. Азъ же тя отрину и не имамъ тя помиловати пакы».[214] Малахия же рече: «Тако глаголеть Господь: Уже несть ми хотенья въ вас, понеже от въстока и до запада имя мое прославися въ языцех, и на всяком месте приносится кадило имени моего и жертва чиста, зане велье имя мое въ языцех. Сего ради дамъ васъ на поносъ и на пришествие въ вся языкы».[215] Исая великый рече: «Тако глаголеть Господь: Простру руку свою на тя, истьлю тя и расею тя, и не приведу тя». И пакы и тъ же рече: «Възненавидехъ праздникы ваша и начаткы месяць ваших не приемлю».[216] Амосъ же пророкъ рече: «Слышите слово Господне: Азъ приемлю на вы плачь. Домъ Израилевъ падеся и не приложи въстати».[217] Малахия же рече: «Тако глаголеть Господь: Послю на вы клятву и проклену благословление ваше, и разорю, и не будет въ вас».[218]

И много пророчьствоваша о отвержении их. Симъ же пророкомъ повеле Богъ пророчьствовати о призваньи инех странъ в них место. Нача звати Исая, тако глаголя: яко «Законъ от мене изидет, и судъ мой светъ странамъ. Приближается скоро правда моя, изидеть, и на мышцю мою страны уповают».[219] Иеремея же рече: «Тако глаголеть Господь: И положю дому Июдову заветъ новъ, дая законы в разуменья ихъ, и на сердца ихъ напишю, и будут имъ въ Богъ, и ти будут мьне въ люди».[220] Исая же рече: «Ветхая мимоидоша, а новая възвещаю. И преже възвещения явлено бысть вамъ: пойте Господеви песнь нову. Работающим ми призоветь имя ново, еже благословиться имя ново, еже благословится имя всей земли. Домъ мой домъ молитве прозовется по всемъ языком».[221] Той же Исая глаголеть: «Открыеть Господь мыщьцю свою святую пред всеми языкы. Узрять вси конци земля спасение Бога нашего».[222] Давидъ же: «Хвалите Господа вси языци, похвалите его вьси людье».[223]

«Рече Господь Господеви моему: сяди одесъную мене, дондеже положю врагы твоя подножье ногама твоима».[224] И пакы: «Рече Господь къ мне: сынъ мой еси ты, азъ днесь родих тя».[225] Исая же рече: «Не солъ, ни вестьникъ, но самъ Господь, пришедъ, спасеть ны».[226] И пакы: «Яко детищь родися намъ, ему же бысть начало на раме его. И прозовется имя его “велика света ангелъ” и велика власть его, и миру его несть конца».[227] И пакы: «Се въ утробе девая зачат и родить сынъ, и прозовуть имя ему Еммануилъ».[228] Михея же рече: «Ты Вифлеоме, доме Ефрантовъ, еда не многъ еси быти в тысящах Июдовах? Ис тебе бо ми изидет старейшина быти въ князех въ Израили; исходъ его от дний века. Сего ради дасться до времени ражающая родит, и прочии от братья его обратятся на сыны Израилевы».[229] Иеремия же рече: «Се Богъ наш, и не въменится инъ к нему. Изъобрете вьсякъ путь художьства, яко дасть Иякову, отроку своему. По сихъ же на земли явися и съ человекы поживе».[230] И пакы: «Человекъ есть, и кто увесть, яко Богъ есть, яко человекъ же умираеть».[231] Захарья же рече: «Не послушаша сына моего, и не услышю ихъ, глаголеть Господь».[232] Иосей рече: «Тако глаголеть Господь: Плоть моя от нихъ».[233]

Прорекоша же и о страсти его, ркуще, якоже рече Исая: «О люте души ихъ, понеже светъ золъ свещаша, ркуще: Свяжемъ праведника».[234] И пакы той же рече: «Тако глаголеть Господь: Азъ не супротивлюся <...> ни глаголю противу. Плещи мои дах на раны, и ланите мои на заушение, и лица своего не отвратих от студа заплеваниа».[235] Еремия же рече: «Приидите, въложим древо въ хлебъ его, изътребимъ от земля животъ его».[236] Моисей же рече о распятьи его: «Узрите жизнь вашю висящю предъ очима вашима».[237] И Давидъ рече: «Въскую шаташася языци».[238] Исая же рече: «Яко овьча на заколенье веденъ бысть».[239] Ездра же рече: «Благословенъ Богъ, распростеръ руце свои и спаслъ Иерусалима».

«Въстани, Боже, суди земли, яко ты наследиши въ всех странах».[240] И пакы: «Да въскреснеть Богъ, и разидутся врази его».[241] И пакы: «Въскресни, Господи Боже мой, да възнесеться рука твоя».[242] Исая же рече: «Сходящии въ страну и сень смертьную, светъ восияеть на вы».[243] Захарья же рече: «Ты въ крови завета твоего испустилъ еси ужникы своя от рова, не имущи воды».[244] И ино много пророчьствова о немъ же, и събыстся все.

Рече же Володимиръ: «То въ кое время събысться се? И было ли се есть? Еда ли топерво хощет быти се?» И философъ же, отвещавъ, рече ему, яко «Уже преже сьбысться все, егда Богъ въплотися. Якоже преже ркох, жидомъ пророкы избивающим, цесаремъ ихъ законы преступающим, предасть я на расхыщение въ пленъ, и ведени быша въ Асурию, грехъ ради их, и работаша тамо лет 70. И по семъ възвратишася на землю свою, и не бе у нихъ цесаря, но архиереи обладаху ими <...> до Ирода иноплеменьника, иже облада ими.[245]

В сего же власть, в лето 5000 и 500 посланъ бысть Гаврилъ въ Назарефъ къ девици Марьи, от колена Давидова, рещи ей: «Радуйся, обрадованная, Господь с тобою!»[246] И от слова сего зачатъ Слово Божие во утробе, и породи сына, и нарече имя ему Исусъ. И се волъсви приидоша от въстока, глаголюще: «Кде есть рожийся цесарь жидовескъ? Видехом звезду его на въстоци, приидохом поклонится ему». Слышавъ же се, Иродъ цесарь смятеся, и всь Иерусалимъ с нимъ, и, призвавъ книжникы и старци людьскыя, въпрашаше: «Кде Христосъ ражается?» Они же реша ему: «Въ Вифлеоме июдейстемь». Иродъ же, се слышавъ, посла, рекъ: «Избейте младенца сущаа до дву лету». Они же, шедше, избиша младениць 14 000. Марья же, убоявшися, скры отроча. Иосифъ же съ Мариею, поимъ отроча и бежа въ Егупетъ, и бысть ту до умертвия Иродова. Въ Егупте же явися аньгелъ Иосифу, глаголя: «Въстани, поими отроча и матерь его и иди в землю Израилеву». Пришедъшю же ему, вселися въ Назарефъ. И възрастъшю же ему и бывшю ему лет 30, нача чюдеса творити и проповедати царство небесное. Изъбра 12 и яже ученикы себе нарече, и нача чюдеса творити велика: мертвыя въскрешати, прокаженыя очищати, хромыя ходити, слепымъ прозренье творити, и ина многа чюдеса велика, якоже беша пророци прорекли о немъ, глаголюще: «Тъ недугы наша ицели, и болезни подъя». И крестися въ Иердане от Ивана,[247] показая новымъ людем обновление. Крестившю же ся ему, и се отверзошася небеса, и Духъ сходящь зраком голубиномъ на нь, и глас глаголя: «Се есть сынъ мой възлюбленый, о немъже благоизволих».[248] И посылаше ученикы своя проповедати царство небесное и покаяние въ оставленье греховъ. И хотя исполнити пророчьство, и нача проповедати, яко подобает сыну человечьскому пострадати, и распяту быти, и въ 3 день въскреснути. И учащю ему въ церкви, архиереи исполнишася зависти и книжници искаху убити ̀и, и емъше ̀и, ведоша ̀и къ игемону Пилату.[249] Пилатъ же, испытавъ, яко безъ вины предаша ̀и, хоте пустити ̀и. Они же реша ему: «Аще того пустиши, не имаеши быти другь кесареви». Пилатъ же повеле, да ̀и расъпнут. Они же, поемъше Исуса, ведоша ̀и на место краньево,[250] и ту ̀и распяша. И бысть тма по всей земли от шестаго часа до 9-го, и при 9-мь часе испусти духъ Исусъ. И церковьная запона раздрася надвое, и мертвии въстаяху мьнози, имъже повеле въ раи быти. И снемъше же ̀и съ креста, положиша ̀и въ гробе, и печатьми запечаташа гробъ людье же жидовьстии, и стражи приставиша, ркуще: «Еда украдуть и нощью ученичи его». Онъ же въ 3 день въскресе. И явися учеником, и въскресъ изъ мертвыхъ, рекъ имъ: «Идете въ вся языкы и научите вся языкы, крестяще во имя Отца и Сына и Святаго Духа». И пребысть с ними 40 дний, являяся имъ по въскресении. И егда исполнися дьний 40, повеле имъ ити на гору Елеоньскую. И ту явися имъ и, благословивъ я, рече имъ: «Сядете въ граде Иерусалиме, дондеже послю обетование Отца моего». И егда възношашеся на небо, ученикы поклонишася ему. И възъратишася въ Иерусалимъ и бяху воину въ церкви. И егда скончася днии 50, сниде Духъ Святый на апостолы, и приимъше обетование Святаго Духа, разидошася по вьселеней, учаще и крестяще водою».

«Что ради от жены родися, и на дьреве распятъся, и водою крестися?». Философъ же рече ему: «Сего ради, понеже исперва родъ человечьскый женою съгреши: дьяволъ прелести Евгою Адама, и отпаде рая; тако же и Богъ отместье створи дьяволу, женою первее побеженье бысть дьяволу, женою бо перьвее[251] испадение бысть Адаму из раа; от жены же пакы въплътися Богъ и повеле в рай ити верным. А еже на древе распяту быти, сего ради, яко от древа вкушь и испаде породы; Богъ же на древе страсть приать, да древом диаволь побежен будет, и от древа праведнаго приимут праведнии. А еже водою обновление, понеже при Нои умножившемъся грехом въ человецех, и наведе Богъ потопь на землю и потопи человекы водою. Сего ради рече Богъ: «Понеже погубих водою человекы грех ради их, ныне же пакы водою очищу грехы человеком обновлениемь водою», ибо жидовьскый род въ мори очистишася от египетскаго злаго нрава, понеже вода изначала бысть пръвое; рече бо, и Духъ Божий ношашеся връху воды, еже бо и ныне крестятся водою и Духом. Проображение бысть пръвое водою, якоже Гедеон прообрази. Егда прииде к нему аггелъ, веляше ему ити на мадиама, онъ же, искушая, рече къ Богу, положивь руно на гумне, рекь: «И аще будет по всей земли роса, а на руне суша...». И бысть тако. Се же прообрази, яко иностраны беша преже суша, а жидове — руно, послеже на странах роса, еже есть святое крещение, а на жидех суша. И пророци же проповедаша, яко водою обновление будет.

комуждо по делом их: праведному царство небесное, и красоту неизреченную, веселие без конца, и не умирати в векы, а грешником — мука огненна, и червь неусыпаемый, и муце не будет конца. Сице же будут мучениа, иже не веруют Господу нашему Иисус Христу: мучими будут въ огни, иже ся не крестит». И се рекь, показа ему запону, на нейже бе написано судище Господне, показываше же ему одесную праведныа въ веселии предъидуща в рай, а ошуюю — грешныа, идущих въ муку. Вълодимер же, въздохнувь рече: «Добро сим одесную, горе же сим ошуюю». Он же рече: «Аще хощеши одесную стати, то крестися». Вълодимеръ же положи на сердци своем, рекь: «Пожду еще мало», хотя испытати о всех верах. Вълодимер же, сему дары многы въдавь, отпусти съ честию великою.

В лето 6495. Съзва Вълодимерь бояры своя и старци градскыа и рече имь: «Се приходиша къ мне болгаре, рекуще: “Приими закон нашь”. По сем же приидоша немци, и тые хваляху закон свой. По сих приходиша жидове. Сих же последи приходиша и греци, хуляще все законы, свой же хваляще, и много глаголаша, сказующе от начала миру. Суть же хитро сказающе, яко и другый светъ поведают быти, и чюдно слышати их: да аще кто, дееть, в нашю веру ступить, то паки, умеръ, станеть, и не умрети ему в веки, аще ли в-ынъ законъ ступить, то на ономъ свете в огне горети. Да что ума придасте? что отвещаете?» И реша бояре и старци: «Веси, княже, яко своего никтоже не хулить, но хвалить. Аще хощеши испытати гораздо, то имаши у собе мужи: пославъ, испытай когождо ихъ службу, и кто како служить Богу». И бысть люба речь князю и всемъ людемъ. Избраша мужи добры и смыслены, числомъ 10, и реша имъ: «Идете первое в Болгары, испытайте веру ихъ и службу». Они же идоша и, пришедше, видиша скверная дела ихъ и кланяние вь ропати, и придоша в землю свою. И рече имъ Володимеръ: «Идете пакы в немце и сглядайте такоже, и оттуду идете въ Грекы». Они же придоша в немце и сглядавше церковь и службу ихъ, и придоша к Цесарюграду и внидоша къ цесарю. Цесарь же испыта, коея ради вины придоша. Они же исповедаша ему вся бывшая. Се слышавъ цесарь и рад бысть, и честь велику створи имъ въ тъ день. Наутрея же посла къ патреарху, глаголя сице: «Придоша русь, пытающе веры нашея, да пристрой церковь и крилосъ и самъ причинися въ святительския ризы, да видять славу Бога нашего». И си слышавъ патреархъ и повеле созвати крилось всь, и по обычаю створи празникъ, и кадила вьжгоша, и пения ликы составиша. И иде и цесарь с ними во церковь, и поставиша я на пространьне месте, показающе красоту церковьную, и пенья, и службу архиерейскы, и предстоянья дьяконъ, сказающе имъ служение Бога своего. Они же въ изуменьи бывше и удивившеся, похвалиша службу ихъ. И призвавша я цесаря Василей и Костянтинъ,[252] и реста имъ: «Идете в землю вашю». И отпустиша я с дары великы и с честью. Они же придоша в землю свою. И созва князь бояры своя и старца, рче Володимеръ: «Се придоша послании нами мужи, да слышимъ от нихъ бывшее», и рече имъ: «Скажите предъ дружиною». Они же реша, яко «ходихомъ первое в Болгары и смотрихомъ, како ся кланяють въ храмине, рекше в ропате, стояще бес пояса: и поклонивься, сядет и глядить семо и овамо, акы бешенъ, и несть веселия у нихъ, но печаль и смрадъ великъ. И несть добръ законъ ихъ. И придохомъ в Немце и видихомъ службу творяща, а красоты не видихомъ никоеяже. И придохом же въ Грекы, и ведоша ны, идеже служать Богу своему, и не свемы, на небеси ли есмы были, или на земле: несть бо на земли такого вида или красоты такоя, недоумеемь бо сказати. Токмо то вемы, яко онъде Богъ съ человекы пребываеть, и есть служба ихъ паче всих странъ. Мы убо не можемь забыти красоты тоя — всякъ бо человекъ, аще преже вкусить сладка, последи же <...> не можеть горести прияти — тако и мы не имамъ сде жити». Отвещавъша же бояре и реша: «Аще лихъ бы законъ гречкый, то не бы баба твоя Олга прияла кресщения, яже бе мудрейши всих человекъ». Отвещав же Володимеръ, рече: «То кде кресщение приимемь?». Они же реша: «Кде ти любо».

И минувшу лету, в лето 6496, иде Володимеръ с вои на Корсунь, град гречкый, и затворишася корсуняни въ граде.[253] И ста Володимеръ об онъ полъ града в лимени, вьдале града стрелище едино. И боряхуся крепко горожане с ними. Володимеръ обьстоя град. И изнемогаху людие въ граде, и рече Володимеръ к гражаномъ: «Аще ся не вдасте, имамъ стояти за три лета». Они же не послушаша того. Володимеръ же изряди воя своя и повеле приспу сыпати к граду. Сим же спущимъ, корсуняне, подкопавше стену градьскую, крадяху сыплемую перьсть и ношаху к собе в град, сыплюще посреде града. Вои же присыпаху боле, и Володимеръ стояше. И се мужь именемь Анастасъ корсунянинъ стрели, написавъ на стреле: «Кладези, яже суть за тобою от вьстока, ис того вода идеть по трубе, копавше, преимете воду». Володимеръ же, се слыша, възревъ на небо, и рече: «Аще ся сбудеть, се имамъ креститися». И ту абье повеле копати прекы трубамъ, и переяша воду. И людье изнемогаху жажею водною и предашася. И вниде Володимеръ въ град и дружина его, и посла Володимиръ къ цесареви, Василию и Костянтину, глаголя сице: «Се град ваю славный взях; слышю же се, яко сестру имаете девою, да аще ея не вдасте за мя, то створю граду вашему, яко и сему створихъ». И се слышавша цесаря, быста печална, посласта весть, сице глаголюще: «Не достоить крестьяномъ за поганыя посягати и даяти. Аще ли ся крестиши, то приимеши се и получиши царство небесное, и с нами единоверникъ будеши. Аще ли сего не хощеши створити, не можеве дати сестры своей за тя». И се слышавъ Володимеръ и рече посланымъ от цесарю: «Глаголите цесарема тако, яко азъ кресщюся, яко испытахъ преже сихъ дний законъ вашь, и есть ми любъ, и вера ваша и служение, иже ми исповедаша послании нами мужи». И се слышавша цесаря и рада быста, и умолиста сестру свою, именемь Анну, и посласта к Володимеру, глаголющи: «Крестися, тогда послеве сестру свою к тобе». И рече Володимиръ: «Да пришедше съ сестрою вашею крестять мя». И послушаста цесаря и посласта сестру свою и сановникы некыя и прозвутеры. Она же не хотяше ити яко в поганыя,[254] и рече им: «Луче бы ми сде умрети». И реста ей брата: «Еда како обратить Богъ Рускую землю в покаяние, а Гречкую землю избавиши от лютыя рати. Видиши ли колико зло створиша русь грекомъ? Ныне же, аще не идеши, то же имуть творити намъ». И одва принудиста. Она же, вседши в кубару, целовавши ужикы свое с плачемь, поиде чресъ море. Яко приде ко Корсуню, и излезоша корсуняни с поклономъ, и введоша ю въ градъ, и посадиша ю в полате. По Божью же строенью вь се время разболелся Володимиръ очима и не видяше ничтоже, и тужаше велми, и не домышляше, что створити. И посла къ нему цесариця, рекуще: «Аще хощеши болезни сея избыти, то вьскоре крестися, аще ли ни, то не имаеши избыти сего». И си слышавъ, Володимеръ рече: «Аще се истина будет, поистене великъ Богъ крестьянескь». И повеле крестити ся. И епископъ же корсуньскый с попы цесарицины, огласивъ ̀и, и крести Володимера. И яко возложи руку на нь, и абье прозре. Видив же се Володимеръ напрасное исцеление и прослави Бога, рекъ: «То первое увидехъ Бога истиньнаго». Си же увидивше дружина его, мнози крестишася. Крести же ся въ церкви святое Софьи,[255] и есть церкви та стояще в Корсуни граде, на месте посреде града, идеже торгъ деють корсуняне; полата Володимеря воскрай церкви стоить и до сего дни, а цесарицина полата за олътаремь. По кресщении же приведе цесарицю на обручение.

Се же не сведуще право, глаголють, яко крестился есть в Кыеве, инии же реша — в Василеве, друзии же реша инако сказающе.

«Да не прельстять тебе неции от еретикъ, но веруй, сице глаголя: «Верую вь единого Бога Отца, вседержителя, творца небу и земле» и до конца веру сию. И пакы: «Верую въ единого Бога-Отца нерожена, и вь единого Сына рожена, и въ единъ Святый Духъ исходящь: три собьства свершена, мысльна, разделяема числомъ и собьствомь, а не божествомъ, разделяеть бо ся не разделно, и совокупляеться неразмесно. Отець бо, Богъ-Отець, присно сый пребываеть въ отечьстве, нероженъ, безначаленъ, начало, вина всимь, единемь нерожениемь старей сы Сыну и Духови. От него же ражаеться Сынъ преже всих векъ, исходить же Духъ Святый и безъ времене и бес тела; вкупе Отець, вкупе Сынъ, вкупе Духъ Святый есть. Сынъ подобосущенъ и безначаленъ <...>, рожениемь точию разнествуя Отцю и Духу. Духъ есть пресвятый, Отцю и Сыну подобосущенъ и присносущенъ.[256] Отцю бо отечьство, Сыну же сыновьство, Святому Духу исхожение. Ни Отець бо въ Сынъ или въ Духъ преступаеть, ни Сынъ въ Отца и Духа, ни Духъ въ Сынъ или въ Отець, неподвижна бо свойствия. Не трие бози — единъ Богъ, понеже едино божество вь трехъ лицих. Хотеньем же Отца же и Духа свою спасти тварь, отечьскых ядръ, иже не отступи, сшед и вь девичьское ложе пречистое, акы Божье семя вшед и плоть съдушьвну, и словесну же, и умну, не преже бывшю, приимъ, изииде Богъ воплощенъ, родивыся неизреченьне и девство матери схрани нетленьно, не смятение, ни размешение, ни изменения пострадавъ, но пребывь еже бе, прием рабий зракъ истиною, а не мечтаниемь, всячьскы, разве греха, намъ подобенъ бывъ. Волею родися, волею бо взалка, волею вжада, волею трудися, волею устрашися, волею умре, истиною, а не мечтаниемь, вся свершена, не оклеветаньныи страсти человечества. Распятъ же ся, смерти вкуси безъгрешный и въскресъ въ своей плоти, и, не ведевши истления, на небеса вьзыиде и седе одесную Отца. И придеть же пакы съ славою судити живымъ и мертвымъ, якоже взииде сь своею плотью, тако и снидеть.

К сим едино кресщение исповедаю водою и духомъ, приступаю кь пречистымъ тайнамъ, верую вь истину тело и кровь, и приемлю церковьная предания, и кланяюся честнымъ иконамъ, кланяюся древу честному и кресту, и всякому кресту и святымъ мощемь и святымь сьсудомъ. Веруй же семи сборъ святыхъ отець,[257] иже есть первый в Никии 300 и 18, иже прокляша Арья и проповедаша веру непорочну и праву. Вторый же сборь в Костянтинеграде святыхъ отець 100 и 50, иже прокляша Македонья духоборца и проповедаша Троицю единосущную. 3-й же сборъ въ Ефесе святыхъ отець 200 на Несторья, егоже прокленше, проповедаша святую Богородицю. 4-й сборъ в Халкидоне святыхъ отець 600 и 30 на Евтуха и Диоскора, еюже прокленше святии отци, изъгласивше свершена Бога и свершена человека Господа нашего Исуса Христа. 5 сборъ въ Цесареграде святыхъ отець 100 и 60 и 5 на Ерегенова предания и на Евагрия, ихже прокляша святии отци. 6-й сборъ Цесареграде святыхъ отець 100 и 70 на Сергиа и Кура, ихже прокляша святии отци. 7-й сборъ в Никеи святыхъ отець 300 и 50, прокляша, иже не поклоняються иконам.

Не приимай же от латыне учения, их же учение развращено: влезъше бо вь церковь, не покланяються иконамъ, но стоя поклониться <...> и, поклонився, напишеть кресть на земли и целуеть, и вьстанеть простъ ногама на немь, да, легъ, целуеть, а вьставь попираеть. Сего бо апостоли не предаша: предали суть апостоли крестъ поставленъ целовати, иконы предаша. . Лука бо еуангелистъ, первое написавъ, посла вь Римъ. «Якоже глаголеть Василей, икона на первый образъ приходить».[258] Пакы же землю глаголють матерью. Да аще имъ есть земля мати, то отець имъ есть небо, искони створи Богъ небо и такоже землю. Тако глаголють: «Отче нашь, иже еси на небеси». Аще ли по сихъ разуму земля есть мати, почто плюете на матерь свою? Да семо ю лобызаете, а семо ю скверните? Сего же римляне не творяху, но исправляху на всих сборех, сходящеся от Рима и от всихъ престолъ. На первомъ сборе, иже на Арья, иже в Никеи, от Рима преже Селивестръ посла епископы и прозвутеры, а от Александрия Афанасия, от Цесаряграда Митрофанъ посла епископы от себе, и тако исправляху веру. На вторемь же сборе от Рима Дамасъ, а от Александреа Тимофей, от Антиохия Мелетий, Курилъ Ерусалимскый, Григорей Богословець. На третьемь же сборе Келестинъ Римьский, Курилъ Александрийский. На 4 же сборе Леонтий Римьскый, Анатолей Цесаряграда, Увеналий Ерусалимскый. На пятомъ сборе Римьский Вилигий, Евьтухий Цесаряграда, Аполинарий Александрийский, Домнинь Антиохийскый. На шестом сборе от Рима Агафонь, Георгий Цесаряграда, Феофанъ Антиохийскый, от Александрия Петръ мнихъ. На 7-мь сборе Андрианъ от Рима, Тарасий Цесаряграда, Политьянь Александрейскый, Феодоръ Антиохийскый, Илья Ерусалимскый. Сии вси съ своими епископы и, сходящеся, и правяху веру. По семемь же сборе Петръ Гугнивый[259] сь иними шедъ в Римъ и престолъ вьсхытивъ, развративъ веру, отвергься престола Ерусалимьскаго, и Александрейскаго, и Цесаряграда и Антиохийскаго. И возмутиша Италию всю, сеюще учение свое раздно, тем же держать не в одино съглашение веру, но раздно: овии бо попове, одиною женою оженився, служать, а друзии до семи женъ поимающе служать, ина же многа раздно держать, ихже блюдися учения. Пращають же грехы на дару, еже есть злее всего. Богъ да хранить ть, княже, от сего».

Володимеръ же поимъ цесарицю, и Настаса, и попы корсуньскыя, мощи святаго Климента[260] и Фива, ученика его, и поима сьсуды церковныя, иконы на благословенье себе. Постави же церковь святаго Иоана Предтечю в Корсуне на горе, иже ссыпаще среде града, крадуще приспу, и яже и церкви стоить и до сего дни. Взяша же, идя, медяне 2 капищи, и 4 коне медяны, иже и ныне стоять за святою Богородицею, яко иже неведуще мнять я мраморяны суща. Вдасть же за вено Корсунь грекомъ цесарице деля, а самъ прииде Кыеву. И яко приде, повеле кумиры испроврещи, овы исещи, а другыя огньви предати. Перуна же повеле привязати кь коневи хвосту и влещи с горы по Боричеву на Ручай, и 12 мужа пристави бити жезлиемь. Се же не яко древу чюющю, но на поругание бесу, иже прильщаше симъ образомъ человекы, да возместье прииметь от человекъ. «Велий еси, Господи, чюдная дела твоя!»[261] Вчера чьстимь от человекъ, а днесь поругаем. И влекому же ему по Ручаеви кь Днепру, плакахуся его невернии людье, еще бо не бяху прияли кресщения. И привлекше, и вринуша ̀и въ Днепръ. И пристави Володимеръ, рекъ: «Аще кде пристанеть, вы-то отревайте его от берега, доньдеже порогы проидеть, тогда охабитеся его», Они же повеленое створиша. Яко пустиша ѝ, и проиде сквозе порогы, изверже ѝ ветръ на рень, яже и до сего дни словет Перуня рень. По сем же Володимиръ посла послы своя по всему граду, глаголя: «Аще не обрящеться кто заутра на реце, богатъ ли, убогь, или нищь, или работенъ — противникъ мне да будеть». И се слышавше, людье с радостью идяху, радующеся и глаголаху: «Аще бы се не добро было, не бы сего князь и бояри прияли». Наутрея же изииде Володимеръ с попы цесарицины и корсуньскыми на Днепръ, и снидеся бе-щисла людий,[262] И влезоша вь воду и стояху ови до шее, а другии до персий, младеи же по перси от берега, друзии же младенци держаще, свершении же бродяху, попове же, стояще, молитвы творяху. И бяше видити: радость велика на небеси и на земли, толико душь спасаемых, а дьяволъ стенаше, глаголя: «Увы мне, яко отсюду прогонимь есмь! Зде бо мнехъ жилище имети, яко сде не суть учения апостолскаа, ни суть ведуще Бога, но веселяхуся о службе ихъ, еже служаху мне. И се уже побежаемь есмь от невегласа сего, а не от апостолъ и мученикъ, и ни имамъ уже царствовать во странах сихъ». Крестившим же ся людемь, идоша когождо в домы своя. Володимеръ же радъ бывъ, яко позна Бога самъ и людие его, и възревъ на небо и рече: «Боже великый, створивый небо и землю! Призри на новыя люди своя, вдай же имъ, Господи, уведити тебе, истеньнаго Бога, якоже увидиша страны крестьяньскыя, и утверди у нихъ веру правую и несъвратну, мне помози, Господи, на супротивнаго врага, да, надеюся на тя и на твою державу, побежаю козни его». И се рекъ, повеле рубити церькви и поставляти по местомъ, идеже стояше кумиры. И постави церковь святаго Василья на холме, идеже стояше кумири — Перунъ и прочии, идеже требы творяху князь и людье. И нача ставити по градомъ церкви и попы, и людие на кресщение приводити по всемъ градом и селомъ, И, пославъ, нача поимати у нарочитой чади дети, и даяти на учение книжное. А матери же чадъ своихъ плакахуся по нихъ, и еще бо ся бяху не утвердиле верою, но акы по мерьтвеце плакахуся.

«Вь оны дни услышать глусии словеса книжная, яснъ будеть языкъ гугнивыхъ».[263] Си бо не беша преди слышали словеса книжная, но по Божью строенью и по милости своей помилова Богъ, якоже рече пророкъ: «Помилую, егоже хощю».[264] Помилова бо ны «Пакы банею бытия и обновлениемь духа»,[265] по изволению Божию, а не по нашим деломъ. Благословенъ Господь Иисусъ Христосъ, иже възлюби новыя люди, Рускую землю, и просвети ю крещениемь святымь. Темже и мы припадаемь к нему, глаголюще: «Господи Иисусе Христе! Что ти въздамъ о всихъ, яже ты въздасть намъ, грешнымъ сущимъ? Недоумеемь противу даромъ твоим въздати». «Велий бо еси и чюдна дела твоя, и величью твоему несть конца. В роды и родъ въсхвалимъ дела твоя»,[266] рекуще съ Давидомъ: «Придете, възрадуемься Господеви и воскликнемь Богу, Спасу нашему. Варимъ лице его исповеданиемь»;[267] «Исповедающеся ему, яко благъ, яко въ векы милость его», яко «избавилъ ны еси от врагъ наших»,[268] рекше от идолъслужитель. И пакы рчемь съ Давидомъ: «Воспойте Господеви песнь нову, воспойте Господеви вся земля, воспойте Господеви, благословите имя его, благовестите день от дни спасение его, възвестите вь языцехъ славу его и во всехъ людехъ чюдеса его, яко велий Господь, хваленъ зело»,[269] «И величью его несть конца».[270] Колика ти радость: не единъ, ни два спасаеться! Рече бо Господь: «Яко радость бываеть на небеси о единъмъ грешнице кающемся».[271] Се же не единъ, ни два, но бещисленое множьство к Богу приступиша, святымь кресщениемь просвещени. Якоже пророкъ рече: «Въскроплю на вы воду чисту, и очиститеся от идолъ ваших и грехъ ваших».[272] И пакы другый пророкъ рче: «Кто яко Богъ отъемля грехы и преступая неправду? Яко хотяй милостивь есть. Тъ обратить и ущедрить ны, погрузи грехы наша въ глубине».[273] Ибо Павелъ глаголеть: «Братья, елико насъ креститься въ Христа Иисуса, и въ смерть его крестихомся, погребохомся убо с нимъ крещениемь вь смерть; да якоже въста Христосъ от мертвых съ славою отчею, якоже и мы въ обновлении житья поидемь».[274] И пакы: «Ветхая мимоидоша, и се быша нова».[275] «Ныне приближися намъ спасение, нощь успе, а день приближися».[276] «Им же приведение обретохомъ верою» князя нашего Володимера «вь благодать сию, им же восхвалимся и стоимъ».[277] «Ныне же свободивъшеся от греха, поработившеся Господеви, имате плодъ вашь вь священие».[278] Темже долъжни есми рабътати Господеви, радующеся ему. Рече бо Давидъ: «Работайте Господеви съ страхомъ и радуйтеся ему с трепетомъ».[279] Мы же вопиемь къ владыце Богу нашему, глаголюще: «Благословенъ Господь, иже не дасть насъ в ловитьву зубомъ их. Сеть скрушися, и мы избавлени быхомъ»[280] от прелести дьяволя. «И погыбе память его с шюмомъ, и Господь вь векы пребываеть»,[281] хвалимъ от рускихъ сыновъ, поемь въ Троици, а демони проклинаемы от благоверныхъ мужь и от говеиньныхъ женъ, иже прияли суть кресщение, покаяние вь отпущение греховъ, нови людье крестьяньстии, избрани Богомъ».

И посади Вышеслава в Новегороде, а Изяслава в Полотьсце, а Святополка в Турове, Ярослава в Ростове. И умершю же старейшому Вышеславу в Новегороде, и посади Ярослава в Новегороде, а Бориса в Ростове, а Глеба вь Муроме, Святослава в Деревех, Всеволода в Володимере, Мьстислава вь Тмуторокане. И рече Володимеръ: «Се не добро есть: мало городовъ около Кыева». И нача ставити городы по Десне, и по Устрьи, и по Трубешеви, и по Суле, и по Стугне.[282] И поча нарубати мужи лутши от словенъ, и от кривичъ, и от чюдии, и от вятичь, и от сихъ насели и грады; бе бо рать от печенегъ. И бе воюяся с ними и одоляя имъ.

Въ лето 6497. Въ лето 6498.

В лето 6499. По сем же Володимиру живущю в законе крестьяньстем, и помысли создати каменую церковь святыя Богородица,[283] и, пославъ, приведе мастеры от Грькъ. Заченшю здати, яко сконча зижа, украси ю иконами и поручивъ ю Настасу Корсунянину, и попы корсуньския пристави служити вь ней, вда ту все, еже бе взялъ в Корсуни: иконы, и ссуды церковныя и кресты.

Въ лето 6501. Иде Володимиръ на Хорваты.[285] Пришедшю же ему с войны хорватьской, и се печенезе придоша по оной стороне от Сулы, Володимеръ же поиде противу имъ. И усрете я на Трубеши на броду, кде ныне Переяславль. И ста Володимеръ на сей стране, а печенезе на оной, и не смеяху си на ону сторону, и они на сю сторону. И приеха князь печенескый к реце, и возва Володимира и рече ему: «Пусти ты свой мужь, а я свой, да ся борета. Да аще твой мужь ударить моимъ, да не воюемься за три лета <...>. Аще ли нашь мужь ударить вашимъ, да воюемь за три лета». И разидостася разно. Володимеръ же, пришедъ в товары, посла по товаромъ бирича, глаголя: «Нетуте ли такаго мужа, иже бы ся ялъ с печенежаниномъ брати?» И не обретеся никдеже. И заутра приехаша печенезе, а свой мужь приведоша, а наших не бысть. И поча тужити Володимеръ, сля по всимъ воемь своим. И приде единъ мужь старъ к нему и рече ему: «Княже! Есть у мене единъ сынъ дома менший, а сь четырми есмь вышелъ, и онъ дома. От детьства си своего несть кто имъ ударилъ. Единою бо ми сварящю, оному же мнущю уснье, и разгневася на мя, преторже черевии руками». Князь же, се слышавъ, и рад бысть, и посла по нь борзо, и приведоша и́ ко князю, и князь поведа ему вся. Сьй же рече: «Княже! Не вемь, могу ли со нь, да искусите мя: нетуть ли вола, велика и силна?» И налезоша волъ силенъ, и повеле раздражити вола, и возложиша на нь железо горяче, и пустиша вола. И побеже волъ мимо нь, и похвати вола рукою за бокъ и выня кожю с мясы, елико ему рука я. И рече ему Володимеръ: «Можеши ся с нимъ бороти ». И назавьтрее придоша печенезе и почаша звати: «Несть ли мужа? Се нашь доспель». Володимеръ же повеле той ночи облещися въ оружье. И выпустиша печенезе мужь свой, и бе превеликъ зело и страшенъ. И выступи мужь Володимеръ, и възревъ печенежинъ и посмеяся, — бе бо средний теломъ. И размеривше межи обеима полкома, и пустиша я к собе. И ястася крепко, и удави печенежинина в руку до смерти. И удари имь о землю. И вьскликоша русь, а печенезе побегоша, а русь погнаша по нихъ, секуще е, и прогнаша их. Володимеръ же, рад бывъ, и заложи городъ на броду томь и нарче и́ Переяславль, зане перея славу отрокъ.[286] Володимиръ же великомь мужемь створи того и отца его. Володимиръ же възвратися вь Киевь с победою и славою великою.

Въ лето 6504. Володимиръ же видивъ церковь свершену, и вшедъ в ню и помолися Богу, глаголя: «”Господи Боже! Призри с небеси и вижь. Посети винограда своего. И сверши, яже насади десница твоя”,[287] люди сия новыя, имже обратилъ еси сердца в разумъ, познати тебе, истиньнаго Бога. И призри на церьковь сию, юже создахъ, недостойный рабъ твой, во имя рожьшая ти матери и приснодевыя Марья Богородица. И аще помолиться кто въ церкви сей, то услыши молитву его и отпусти вся грехы его молитвы ради пресвятыя Богородица». И помолившюся ему, и рекъ сице: «Се даю церкви сей святей Богородице от имения своего и от моих град десятую часть». И положи, написавъ, клятьву вь церкви сей, рекь: «Аще сего посудить кто, да будеть проклятъ». И вдасть десятину Анастасу Корсунянину. И створи же празникъ великъ в той день бояромъ и старцемь градьскым, и убогимъ раздая имение много.

И тогда обещася Володимеръ поставити церковь вь Василеве святое Преображение, бе бо празникъ Преображению Господню въ день, егда си бысть сеча, Избывъ же Володимеръ сего, постави церковь и творяше празникъ, варя 300 переваръ меду. И зваше бояры своя, и посадникы, и старейшины по всимъ градомъ, и люди многы, и раздаваше 300 гривенъ убогымъ. И празнова князь Володимеръ ту дний 8, и възвращашеться Кыеву на Успение святыя Богородица,[289] и ту пакы творяше празникъ светель, съзываше бещисленое множьство народа. Видяше же люди крестьяны суща, радовашеся душею и теломъ. И тако по вся лета творяше.

Бе бо любя книжная словеса, слыша бо единою еуангелие чтомо: «Блажении милостивии, яко теи помиловани будуть»,[290] и пакы: «Продайте имения ваша и дайте нищимъ»,[291] и пакы: «Не <...> скрывайте собе скровища на земли, идеже тля тлить и татье подъкоповаеть, но скрывайте собе скровище на небесих, идеже ни тля тлить, ни татье крадуть»,[292] и Давида глаголюща: «Благъ мужь милуя и дая»,[293] Соломона слыша глаголюща: «Дая нищимъ, Богу в заемь даеть».[294] Си слышавъ, повеле нищю всяку и убогу приходити на дворъ на княжь и взимати всяку потребу: питье и яденье, и от скотьничь кунами.[295] Устрои же се: рек, яко «Немощнии, болнии не могуть доити двора моего», повеле устроити кола и, вьскладываше хлебы, мяса, рыбы и овощь разноличьный и медъ въ бочках, а вь другыхъ квасы, возити по градомъ,[296] вьпрашающе: «Кде болнии, нищии, не могы ходити?» И темь раздаваху на потребу. И се же творя людемь своимь: по вся неделя устави по вся дни на дворе вь гридници пиръ творити и приходити бояромъ, и гридьмъ, и соцькимъ, и десятникомъ[297] и нарочитымь мужемь и при князе и безъ князя. И бываше на обеде томь множьство от мясъ, и от скота и от зверины, и бяше же изобилью всего. Егда же подопьяхуться, и начаху роптати на князя, глаголюще: «Зло есть нашимъ головамъ: да намъ ясти древяными лжицами, а не сребряными». И се слышавъ, Володимиръ повеле исковати лжици сребряны ясти дружине, рекъ сице, яко «Сребромъ и златомъ не имамъ налести дружины, а дружиною налезу сребро и злато, яко дедъ мой и отець мой <...> доискася дружиною злата и сребра». Бе бо любяше Володимиръ дружину, и с ними думаа о строеньи землинемь, и о уставе земленемь, и о ратехъ. И бе живя с князи околными его миромъ: с Болеславомъ Лядьскымъ, и сь Стефаномъ Угорьскымъ и съ Ондроникомъ Чьшьскымъ.[298] И бе миръ межи ими и любы. И живяше Володимиръ въ страсе Божии. И умножишася разбоеве, и рече епископи Володимеру: «Се умножишася разбойници, почто не казниши?» Он же рче: «Боюся греха.» Они же реша ему: «Ты поставленъ еси от Бога на казнь злымъ, а на милование добрымъ. Достоить ти казнити разбойника, нъ съ испытаниемь». Володимеръ же отвергъ виры и нача казнити разбойникы <...>. И реша епископы и старци: «Рать многа, а еже вира, то на конихъ и на оружьи буди». И рече Володимиръ: «Да тако буди». И живяше Володимиръ по устроению дедню и отню.

Въ лето 6505. Володимеру шедшю к Новугороду по верхъние вое на печенегы, бе бо рать велика бес пересту. В то же время уведаша печенезе, яко князя нету, придоша и сташа около Белагорода. И не дадяхуть вылести из града. Бе бо голодъ великъ вь граде, и не лзе Володимиру помочи, и не бе лзе поити ему, и еще бо ся бяхуть не собрали к нему вои, печенегь же бе множьство много. И удолжишася, остояче вь граде люди, и бе глад великъ. И створиша вече вь граде и реша: «Се хочемь помрети от глада, а от князя помочи нетъ. Да луче ли ны умрети? Вдадимся печенегомъ, да кого ли оживят, кого ли умертвять, уже помираемь от глада». И тако светъ створиша. И бе же одинъ старець не былъ в вечи томь, вьпрашаше: «Что ради створиша вече людье?» И поведаша ему, яко утро хотять ся людье передати печенегомъ. Се же слышавь, посла по старейшины градьскыя и рече имъ: «Слышахъ, яко хочете передатися печенегомъ». Они же реша: «Не стерпять людье голода». И рече имъ: «Послушайте мене, не предайтеся за три дни, и азъ что вы велю и створите». И они же ради и обещашася послушати. И рече имъ: «Сберете по горьсти овса, или пшенице, ли отруб». Они же, шедше, ради снискаху. И повеле женам створити цежь, в немже варять кисель, и повеле копати кладязь, и вьставити тамо кадь, и налья цежа кадь. И повеле копати другий кладязь и вьставити тамо другую кадь. Повеле имь искати меду. Они же, шедше, взяша лукно меду, бе бо погребено вь княжи медуши. И повеле росытити воду велми и вьльяти вь кадь и в друземь кладязе тако. Наутрея же посла по печенегы. Горожани же рекоша, шедше, печенегомъ: «Поимете к собе тали наша, а васъ до 10 мужь идете вь градъ и видите, что ся дееть вь граде нашемь». Печенези же раде бывше, мняще, яко хотять ся передати, а сами избраша лучшии мужи вь граде[299] и послаша я вь град, да розъглядають, что ся дееть вь граде у нихъ. И придоша вь градъ, и рекоша людие: «Почто губите себе? Коли можете перестояти нас? Аще стоите 10 лет, что можете створити намъ? Имеемь бо кормьлю от земля. Аще ли не веруете, да видите своима очима». И приведоша я кь кладязю, идеже цежь, и почерпоша ведромъ и льяху в латкы. И варяху пред ними, и яко свариша пред ними кисель, и поемь я, и приведоша кь другому кладязю, и почерпоша сыты, и почаша ясти первое сами, потом же и печенезе. И удивишася, рекоша: «Не имуть сему веры наши князи, аще не ядять сами». И людье нальяша корчагу цежа и сыты от кладязя и вдаша печенегомъ. Они же, пришедше, поведаша вся бывшая. И вариша кисель, и яша князи печенежьстии и подивишася. И поемше тали своя, а онехъ пустивше, и вьсташа от града, и вь своя идоша.

Въ лето 6509. Преставися Изяславъ, отець Брячьславль, сынъ Володимерь.

Въ лето 6510.

Въ лето 6511. Преставися Всеславъ, сынъ Изяславль, внукъ Вълодимерь.

Въ лето 6515. Принесени святии вь святую Богородицю.

Въ лето 6516. Въ лето 6517. Въ лето 6518.

Въ лето 6519. Преставися цесарици Володимеряа Анна.

[141] ... суну копьемъ... велми детескъ. — По обычаю бой начинал сам князь. Ребенок Святослав также мечет копье в сторону неприятеля; брошенное детской рукой оно падает в ноги княжеского коня, но ритуал соблюден, и битва начинается.

[142] И победиша деревьляны. — Как установил еще А. А. Шахматов, в Начальном своде после этих слов следует: «И възложи на ня дань тяжку...» (ср. Новг. перв. лет. С. 113). Таким образом, рассказ о четвертой мести Ольги — взятии Искоростеня — появляется только в ПВЛ. Он явно разрушает отмеченную выше символическую «триаду».

— городок в 15—16 км от Киева, выше по течению Днепра.

[144] Погосты — центры, в которых осуществлялся сбор княжеской дани.

— В сочинении Константина Багрянородного «О церемониях византийского двора» описан прием Ольги в Константинополе. 9 сентября ее принял император в Магнавре — тронном зале дворца, а затем — императрица Елена. Потом княгиня была приглашена во внутренние покои императрицы, куда явился и Константин с детьми. В честь Ольги был дан обед. Г. Г. Литаврин выдвинул гипотезу, что описанный прием состоялся не в 957 г., как считалось ранее, а в 946 г. Второй раз Ольга, по мнению Литаврина, посетила Константинополь в 954/955 г.; она была принята с большими почестями, так как Византия нуждалась в русской военной помощи. Именно во время этой поездки Ольга крестилась и была наречена «дочерью» императора (Литаврин Г. Г. К вопросу об обстоятельствах, месте и времени крещения княгини Олыи // Древнейшие государства. 1985. М., 1986. С. 49—57). Иную точку зрения высказывает А. В. Назаренко (Когда же княгиня Ольга ездила в Константинополь // ВВ, 1989. Т. 50. С. 63—83). По мнению Д. Оболенского (К вопросу о путешествии русской княгини Ольги в Константинополь в 957 г. // Проблемы изучения культурного наследия. М., 1985. С. 36—47), Ольга крестилась не в Константинополе, а в Киеве после возвращения из Византии.

[146] ... якоже съхрани Еноха... Данила от зверий. — Приводятся аналогии из Библии и апокрифов: по апокрифическому преданию праведный Енох был взят живым на небо, Ной спасся от потопа в ковчеге (Быт. Гл. 6—9), ангелы спасли жизнь Лоту (Быт. Гл. 19), герарский царь Авимелех примирился с Авраамом (Быт. Гл. 20), неудачей кончилась попытка царя Саула убить Давида (1 Цар. Гл. 18—19), три отрока, брошенные в горящую печь, остались невредимыми (Дан. Гл. 3), пророка Даниила не тронули голодные львы (Там же. Гл. 6).

— О посещении Соломона царицей Савской (Сава — область Эфиопии) рассказывается в Библии (3 Цар. 10, 1—13).

[148] Ищющи бо премудрости обрящют. — Притч. 8, 17.

[149] Премудрость... по пьравду. — Там же. 1, 20—22.

— Там же. 13, 19.

— Там же. 2, 2.

[152] Азъ бо любящая... обрящють мя. — Там же. 8, 17.

[153] Приходящаго... не иждену вонъ. — Ио. 6, 37.

[154] Невернымъ... уродьство есть. — 1 Кор. 1, 18.

— Пс. 81, 5.

[156] Одобелеша бо сердца... очима видети. — Ис. 6, 10.

[157] Дела нечестивых далече от разума. — Притч. 13, 20(?)

[158] Понеже звахъ вы... не внимасте. — Там же. 1, 24—25.

— Там же. 1, 29—30.

— Лев. 20, 9.

[161] Кажа злыя... възненавидять тебе. — Притч. 9, 7—8.

[162] Князю Святославу възрастьшю... на вы ити. — Византийский историк Лев Диакон описывает внешность Святослава: «... умеренного роста, не слишком высокого и не очень низкого, с мохнатыми бровями и светло-синими глазами, курносый, безбородый, с густыми, чрезмерно длинными волосами над верхней губой. Голова у него была совершенно голая, но с одной стороны ее свисал клок волос — признак знатности рода; крепкий затылок, широкая грудь и все другие части тела вполне соразмерные, но выглядел он угрюмым и диким. В одно ухо у него была вдета золотая серьга, она была украшена карбункулом, обрамленным двумя жемчужинами. Одеяние его было белым и отличалось от одежды его приближенных только чистотой» (Лев Диакон. История. М., 1988. С. 82). Однако комментаторы отмечают, что Лев «возможно, правильно — по рассказам очевидцев — рисует наружность Святослава, но повествование его не вызывает доверия из-за особого пристрастия подражать древним авторам. В данном случае... описание наружности Святослава напоминает описание Приском Аттилы» (Там же. С. 214).

— хазарская крепость Саркел, стены которой были сложены из кирпича. Во время этого похода, более подробные сведения о котором сохранились в восточных источниках, Святослав (по мнению А. П. Новосельцева и вопреки существовавшим ранее представлениям) захватил Белую Вежу и воевал в западных районах Хазарского каганата. Целью его похода было завоевание Тьмуторокани и освобождение от хазарской дани вятичей. В 968—969 гг. был совершен второй поход (быть может без личного участия Святослава), во время которого были разрушены Атиль (в устье Волги) и Самандар (в Дагестане). Именно этот поход и предопределил скорое крушение каганата (Новосельцев. Хазарское государство. С. 230—231).

[164] Иде Святославъ на Дунай на Болъгары. — Поход на Дунай в 967 г. был, вероятно, осуществлен с согласия византийского императора Никифора Фоки (963—969 гг.). Но когда обосновавшийся в Перяславце (на Дунае) Святослав добился возобновления уплаты Византией дани, отношение империи к русичам изменилось — весной 970 г. между ними начинается война.

— Слов «и люди» в Л и Р нет, вероятно, в И текст испорчен.

[166] Похваляему праведному възвеселятся людье. — Притч. 29, 2.

— 1 Цар. 2, 30.

[168] В память вечную... не подвижится. — Пс. 111, 6—8.

[169] Праведници въ векы живуть... покрыеть я. — Прем. 5, 15—16.

— Милостники — наиболее доверенные приближенные, слуги.

— В Л — «суть бо грьци льстивы»; это чтение более соответствует смыслу.

[172] И поиде Святославъ, воюя, къ городу... — Святослав, одолев в битве прославленного византийского полководца патрикия Петра (эта битва и описана в ПВЛ), двинулся к Константинополю (он именуется просто «город»), но другой русский отряд был остановлен и разбит под Аркадиополем, в 150 км от столицы, Вардой Склиром. Это поражение и побудило Святослава начать переговоры с византийцами (См.: Сахаров А. Н. Дипломатия Святослава. М., 1991. С. 146—150).

[173] Равно другаго свещания... — А. Н. Сахаров считает, что смысл этих слов — указание на соответствие текста договора предварительным переговорам о мире (Сахаров. Дипломатия Древней Руси. С. 134—146). Дипломатическую оценку этого договора см.: Сахаров А. Н. Дипломатия Святослава. С. 178—198.

[174] Иоанн Цимисхий — византийский император (969—976 гг.). Он был женат на дочери Константина Багрянородного — Феодоре, ее племянники — Василий и Константин, сыновья Романа II, являлись его соправителями.

— Исследователи полагают, что «всякымъ» — описка вместо имени императора, но А. Н. Сахаров считает, что речь идет о намерении заключить с греками как бы «вечный мир» (Дипломатия Святослава. С. 193).

[176] ... да будем золоте, якоже золото се... — В Л «будемъ колоти». Возможно, это не описка, а первоначальное чтение, и речь идет о каком-то ритуальном обряде «прокалывания золота»: ведь, принося клятву, русичи «покладоша оружья своя, и щиты и золото», как говорится в статье 945 г. Так полагал и В. М. Истрин (см. его статью «Договоры русских с греками X века» в Т. 29 ИОРЯС. С. 390).

[177] Слышавше же печенези се, заступиша порогы. — Одним из условий договора Святослава с греками было требование, чтобы византийцы гарантировали беспрепятственное возвращение русичей в Киев. Однако печенеги отказались дать византийцам эти гарантии, а византийцы не сообщили об отказе Святославу.

[178] Вручий — Овруч, город на севере современной Житомирской области на Украине.

— В Л ответ Рогнеды более резкий: «не хочю розути робичича» — намек на происхождение княжича от Малуши, ключницы княгини Ольги. Разувание мужа — элемент свадебного обряда.

— урочище между Киевом и Вышгородом.

[181] Ядый хлебъ... на мя лесть.— Пс. 40, 10.

[182] Языкы своими... Господи. — Там же. 5, 10—11.

— Там же. 54, 24. Следует «крови и льсти».

[184] Рось — правый приток Днепра, впадающий в него южнее Киева. По реке проходила граница русских княжеств со Степью.

— В 1975 г. украинские археологи обнаружили на Старо-киевской горе постаменты языческих идолов: Перуна (бога грозы, покровителя князей и дружины), Хорса (божества солнца и светила), Даждьбога (божества света и подателя благ), Мокоши (богини земли и плодородия). Изображение Семаргла — крылатого пса, божества семян, ростков и корней, охранителя посевов, могло представлять собой, как предполагает Б. А. Рыбаков, рельеф при идоле Мокоши. (См.: Рыбаков. Язычество Древней Руси. С. 412—445).

[186] ... женъ 700, а наложьниць 300. — Об этом говорится в Библии: 3 Цар. 11, 3.

— Пс. 146, 5.

[188] Не внимати зле жене... неблагоразумна.— Притч. 5, 3—6.

[189] Дражьши есть... въ вратехъ мужа ея. — Там же. 31, 10—29, 31—32.

— Перемышль — город на реке Сан, ныне Пшемысль в Польше, Червен — город в междуречье рек Вепш и Западный Буг. Древняя Червенская земля — ныне приграничный район Польши к югу от города Хелм.

— древнепрусское племя, обитавшее между реками Неман и Нарев (к северо-западу от города Гродно).

[192] И нареку не люди моя люди моя... — Ос. 2, 23.

[193] Во всю землю... глаголи ихъ. — Пс. 18, 5.

[194] Пищань (Пещана) — правый приток реки Сож, впадающий в нее близ устья реки Прони (около города Славгород).

— На каких болгар — волжских или дунайских — ходил Владимир? «Память и похвала Владимиру» упоминает в этом случае «серебряных», т. е. волжских болгар. А. П. Новосельцев высказывает осторожное предположение, что речь могла идти о приазовских (черных) болгарах (Хазарское государство. С. 227).

[196] Приидоша болгаре веры бохъмичи... — В 922 г. хан города Булгара Альмас начал объединять болгарские племена и для упрочения своей власти принял ислам. Славяне называли Мухаммеда — Бохмит.

[197] Аще кто пьеть... славу Божию...— 1 Кор. 10, 31.

[198] ... жидове козарьстии... — В Хазарии существовали колонии этнических евреев — купцов и ремесленников, а с последней четверти VIII в. правящая верхушка каганата исповедовала иудаизм. Однако среди других религий, приверженцы которых жили в Хазарии (ислам, христианство, языческие культы), иудаизм, по сведениям арабских авторов, занимал более чем скромное место (Новосельцев. Хазарское государство. С. 144—154).

— Эти слова указывают на позднее происхождение фрагмента: христианское Иерусалимское королевство возникло на территории Палестины лишь в 1099 г.

— Об уничтожении небесным огнем этих городов, жители которых погрязли в грехах, говорится в Библии (Быт. 19, 24—25).

[201] Се есть тело мое... новаго завета. — Компиляции с использованием цитат из 1 Кор. 11, 24—25 и Мф. 26. 28.

[202] И нача философъ глаголати сице... — Далее следует так называемая «Речь философа» — краткое изложение Священной истории, с которым будто бы обратился к Владимиру греческий миссионер. «Речь философа» считали составленной в Болгарии (А. А. Шахматов, А. С. Львов), в западнославянских землях (Н. К. Никольский), на Руси (Д. С. Лихачев). Последняя точка зрения подтверждается большим числом текстуальных параллелей в «Речи» и других компилятивных сочинениях, созданных на Руси. В «Речи философа» много апокрифичееких сюжетов, некоторые из них отмечаются далее в комментарии.

— Согласно Библии, землю накрывает куполообразная «твердь» (небосвод), а первозданные воды частью остались на земле в виде морей и озер, а частью были возведены над твердью.

[204] Въ 6 день... человека. — В И текст испорчен; в Л, как и в Библии (Быт. 1, 25), говорится: «В 6-й же день створи Богь звери, и скоты, и гады земныя; створи же и человека».

— Цитата из Библии (Быт. 3, 9), однако упоминания о том, как Сатана учил Каина способу убийства, о тридцатилетнем оплакивании Авеля, о том, как птенцы подсказали, как похоронить убитого, а также сведения о детях Адама — апокрифические мотивы.

[206] Неврод. — Это имя отсутствует в библейском рассказе о Вавилонской башне (Быт. 11, 3—8), нет в нем и указания на число языков, нет слов о том, что Евер сохранил язык Адама — все это апокрифические мотивы.

— Согласно Библии (Быт. 11, 22—26), у Серуха был сын Нахор, внук Фарра и правнуки — Аврам (Авраам), Нахор и Аран. Рассказ о протесте Авраама против деятельности отца, изготовлявшего идолов, и о гибели Арана — апокрифический.

[208] Моисий же... попра ̀и. — Сюжет о поступке младенца Моисея апокрифический.

[209] Изъ щрева преже деньница родихъ тя. — Пс. 109, 3.

— После смерти Соломона (ок. 928 г. до н. э.) Израильско-Иудейское государство распалось: Израиль (с центром в Самарии) просуществовал до 722 г. до н. э., когда он был завоеван ассирийским царем Саргоном II; Иудея (с центром в Иерусалиме) была завоевана вавилонским царем Навуходоносором II в 586 г. до н. э.

— Ваал — божество древних семитов. Однако Ваал не был богом войны, и сближение его с Ареем (богом войны у греков) ошибочно.

[212] Преставлю царство... блудяще въ языцехъ. — Ос. 1, 4 и 6; 9, 17.

[213] Аще станеть Самуилъ... не помилую ихъ... Тако глаголеть Господь... въ устех июдескыхъ. — Иер. 15, 1; 44, 26.

[214] Тако глаголеть Господь... помиловати пакы. — Иез. 5, 8, 10—11.

— Мал. 1, 10—11; 2, 9.

[216] Тако глаголеть Господь... не приведу тя... Възненавидехъ праздникы... не приемлю. — Ис. 1, 24—25; 1, 14.

[217] Слышите слово... не приложи въстати. — Ам. 5, 1—2.

[218] Тако глаголеть Господь... не будет въ вас. — Мал. 2, 2.

— Ис. 51, 4—5.

— Иер. 31, 31—33.

[221] Ветхая мимоидоша... песнь нову. Работающим ми... имя всей земли. Домъ мой... по всемъ яэыком.— Ис., 42, 9—10; 65, 15—16; 56, 7.

[222] Открыеть Господь... Бога нашего. — Там же. 52. 10.

— Пс. 116, 1.

[224] Рече Господь Господеви... ногама твоима. — Там же. 109, 17

— Там же. 2, 7.

[226] Не солъ, ни вестьникъ... спасеть ны. — Ис. 63, 9.

— Там же. 9, 6—7.

[228] Се въ утробе девая... имя ему Еммануилъ. — Там же. 7, 14.

[229] Ты, Вифлеоме, доме... на сыны Израилевы. — Мих. 5, 2—3.

— Вар. 3, 36—38. Иеремия назван в тексте ошибочно.

— Иер. 17, 9.

[232] Не послушаша... глаголеть Господь. — Зах. 7, 13.

[233] Тако глаголеть Господь: Плоть моя от нихъ. — Ос. 9, 12.

[234] О люте души ихъ... Свяжемъ праведника. — Ис. 3, 9—10.

— Там же. 50, 5—6.

[236] Приидите, въложим древо... животъ его. — Иер. 11, 19.

[237] Узрите жизнь... очима вашима. — Вт. 28, 66.

[238] Въскую шаташася языци. — Пс. 2, 1.

— Ис. 53, 7.

— Пс. 81, 8.

[241] Да въскреснеть Богъ... врази его. — Там же. 67, 22.

[242] Въскресни, Господи... рука твоя. — Там же. 9, 33.

— Ис. 9, 2.

[244] Ты въ крови завета... не имущи воды. — Зах. 9,11.

— После правления в Иудее Маккавеев (с 152 до 37 г. до н. э.) римляне передали власть Ироду, отличавшемуся исключительной жестокостью. Именно этим, возможно, объясняется тот факт, что с Иродом, умершим в 4 г. до н. э., христианское предание связывает «избиение младенцев» в канун рождества Христа.

[246] Радуйся, обрадованная, Господь с тобою! — Лк. 1, 28.

— Иоанн Предтеча — проповедник, предвещавший явление Христа и крестивший Иисуса в водах Иордана.

[248] Се есть сынъ мой възлюбленый, о немъже благоизволих. — Лк., 3, 22.

[249] Пилат — римский наместник в Иудее в 26—36 гг.

— От греч. «кранион» — череп. Название дано холму в окрестностях древнего Иерусалима по сходству его очертаний с черепом (отсюда же термин — «лобное место», как место казни). Тот же холм именуется Голгофой.

— С этого места до слов «слышати их» (с. 152) текст приводится по X, а от слов «да аще кто» и до слов «мужи добры» по Л. В И утрачен лист.

[252] Василий и Константин — императоры-соправители, сыновья Романа II: Василий II Болгаробойца (976—1025 гг.) и Константин VIII (976—1028 гг.).

[253] ... иде Володимеръ с вои... затворишася корсуняни въ граде. — До сих пор не прекращаются споры о дате похода Владимира на Корсунь (Херсонес) и причинах, этот поход вызвавших. Так, по версии О. М. Рапова, события развивались следующим образом. В 987 г. византийский полководец Варда Фока поднял мятеж. Императоры Василий и Константин обратились за военной помощью к Владимиру, со своей стороны пообещав отдать за него свою сестру Анну, при условии, что Владимир примет крещение. Разгромив с помощью шеститысячного русского корпуса своего противника под Хрисополем, императоры не спешили исполнить свое обещание и прислать на Русь Анну. Именно тогда Владимир и осадил Корсунь. Поэтому крещение самого Владимира (тайное) произошло в 988 г., перед предполагаемым приездом Анны, а крещение киевлян состоялось уже после возвращения Владимира из корсунского похода — в 990 г. (Рапов О. М. Русская церковь в IX — первой трети XII в.: Принятие христианства. М., 1988). Польский историк А. Поппе выдвинул версию, что осада Корсуни была актом в поддержку императоров, так как город был захвачен мятежниками (О причинах похода Владимира Святославича на Корсунь 988—989 гг. // Вестник МГУ. 1978. Серия 8. № 2).

[254] ... яко в поганыя... — Выражение бессмысленное; вероятно, более правильное чтение сохранено в Л: «Яко в полонъ, рече, иду...».

— В Л — «крести же ся въ церкви святаго Василья» (ПВЛ. С. 77). Отметим, что в ПВЛ упоминается и киевская церковь святого Василия, поставленная на месте языческого капища (С. 56). Но Б. А. Рыбаков считает, что фраза в статье 980 г. — «на томъ холме ныне церкы есть святаго Василья, якоже последе скажем» — «носит явно вставной характер» (Язычество Древней Руси. С. 426). Во всяком случае летописец к упоминанию этой церкви не возвратился, как обещал. Если вспомнить еще версию о крещении Владимира в городе Василеве, то окажется, что с именем святого (небесного патрона Владимира) связан ряд неясных упоминаний (См. также: Лихачев. Комментарии. С. 338).

[256] ... подобосущенъ и присносущенъ. — Отмечалось, что выражение «подобосущен» вместо «единосущен» носит еретический, арианский характер; возможно, это объясняется и неверным переводом (См.: Лихачев. Комментарии. С. 340).

[257] Веруй же семи сборъ святыхъ отець... — Далее упоминаются семь вселенских церковных соборов, на которых вырабатывались ортодоксальные догматы христианства. Соборы происходили в 325 г. (Никейский), в 381 г. (Константинопольский), в 431 г. (в Эфесе), в 451 г. (в Халкидоне), в 553 г. и в 680 г. (в Константинополе), в 787 г. (в Никее), в 869—870 гг. (в Константинополе).

[258] Якоже глаголеть Василей... приходить. — Изречение византийского богослова Василия Великого включено в летопись через посредство болгарского перевода Богословия Иоанна Дамаскина. См.: Лихачев. Комментарии. С. 341.

— символический образ папы-отступника.

— Святой Климент умер в ссылке в Крыму, чем и объясняется нахождение его мощей в Херсонесе. Мощи были перенесены в киевскую Десятинную церковь; культ Климента получил распространение на Руси. См.: Бегунов Ю. К. Русское слово о чуде Климента Римского и Кирилло-Мефодиевская традиция // Slavia. Praha. 1974. Roč. 43, seš 1 S. 28—46.

[261] Велий еси, Господи, чюдная дела твоя! — Компиляция из Псалтыри (144, 3 и 5).

[262] Наутрея же изииде Володимеръ... бе-щисла людий. — По гипотезе О. М. Рапова, крещение киевлян произошло 1 августа 990 г. См. сноску 253.

— Ис. 29, 18.

[264] Помилую, егоже хощю. — Исх. 33, 19.

— Тит. 3, 5.

[266] Велаи бо еси …дела твоя. — Пс. 144, 3—5.

— Там же. 94, 1—2.

[268] Исповедающеся ему, яко благъ... от врагъ наших. — Там же. 135, 1 и 24.

[269] Воспойте Господеви... хваленъ зело. — Там же. 95, 1—4.

— Там же. 144, 3.

— Лк. 15, 7.

[272] Въскроплю на вы воду... грехъ ваших. — Иез. 36, 25.

[273] Кто яко Богъ... грехы наша въ глубине. — Мих. 7, 18—19.

[274] Братья, елико насъ... житья поидемь. — Рим. 6, 3—4.

— 2 Кор. 5, 17.

[276] Ныне приближися... день приближися. — Рим. 13, 11—12.

[277] Им же приведение обретохомъ... и стоимъ. — Там же. 5, 2.

[278] Ныне же свободивъшеся... вь священие. — Там. 6, 22.

— Пс. 2, 11.

— Там же. 123, 6—7.

[281] И погыбе память... вь векы пребываеть. — Там же. 9, 7—8.

[282] И нача ставити городы... по Стугне. — Упоминаются пограничные со Степью реки: Осетр — левый приток Десны, Трубеж и Сула — левые притоки Днепра, Стугна — правый приток Днепра.

— Десятинная церковь, была княжеской церковью, она «должна была стать русской преемницей древнего и священного Корсуня—Херсонеса... в нее были перенесены мощи Климента Римского»; а также «иконы, книги и другая утварь»; «не менее важной должна была стать экономическая деятельность новой церкви», которой передавалась десятина — десятая часть княжеских доходов. См.: Щапов. Государство и церковь. С. 28—32. О десятине см. там же. С. 85—87.

[284] Белгород — город на реке Ирпень в 30 км к западу от древнего Киева (ныне — село Белгородка).

— Куда именно был направлен поход Владимира, не ясно. Д. С. Лихачев отметил, что, возможно, этот поход вспоминали в XIII в.: «иный бо князь не входилъ бе в землю Лядьску толь глубоко, проче Володимера великаго, иже бе землю крестил» (так говорится о рейде вглубь территории Польши князя Даниила Романовича в статье 1229 г. Ипатьевской летописи. См.: Лихачев. Комментарии. С. 346—347).

[286] ... нарче ú Переяславль, зане перея славу отрокъ. — Однако Переяславль упоминается еще в договоре Олега с Византией. Следовательно, либо легенда была лишь позднее соотнесена с именем Владимира (См. Лихачев. Комментарии. С. 347), либо приурочена к возведению в Переяславле новых укреплений.

— Пс. 80, 15—16.

[288] Василев — город на реке Стугне в 35 км южнее Киева. Ныне — Васильков.

[289] И празнова князь... на Успение святыя Богородица... — Д. С. Лихачев, отметив, что «спасение» Владимира от печенегов и закладка церкви произошли в один и тот же день — 6 августа, пишет: «Ясно, что оба события не могли относиться к одному дню. Поэтому, очевидно, поражение Владимира в Васильеве и построение им церкви Преображения относятся к разным годам (возможно, что Владимир освятил церковь ровно через год — в годовщину своего спасения)» (Лихачев. Комментарии. С. 349).

— Мф. 5, 7.

— Лк. 12, 33.

[292] Не <...> скрывайте... ни татье крадуть. — Мф. 6, 19—20.

[293] Благъ мужь милуя и дая. — Пс. 111, 5.

[294] Дая нищимъ, Богу в заемь даеть. — Притч. 19, 17.

— мелкая денежная единица, равная в X—XI в. 1/25 гривны.

[296] ... возити по градомъ... — Текст испорчен. Перевод сделан по Л, где читается «возити по граду».

[297] ... и гридьмъ, и соцькимъ, и десятникомъ... — В Л — «десяцьким». Гриди — члены младшей дружины, сотские и десятские — знатные горожане, выполнявшие административные функции.

— Названы польский король Болеслав 1 Храбрый (992—1025 гг.), венгерский король Стефан (Иштван) (997—1038 гг.) и чешский князь Андрих (Олдржих) (1012—1034 гг.). Имя последнего искажено в И, в Л — «Андрихомь». То, что назван именно Андрих, а не его предшественник — Яромир (1003, затем 1004—1012 гг.), говорит о том, что статья рассматривает международные связи Владимира ретроспективно.

— явная описка. Первичное чтение, вероятно, сохранено Софийской первой летописью: «мужи вь родехъ».

— по предложению А. А. Шахматова, речь идет о матери Владимира — Малуше. Но это отождествление представляется спорным (см.: Ловмяньский X. Русь и норманны. М., 1985. С. 225).