|
Житие Михаила Ярославича Тверского (перевод) |
ЖИТИЕ МИХАИЛА ЯРОСЛАВИЧА ТВЕРСКОГО
В ЛЕТО 6800.[1] УБИЕНИЕ БЛАГОВЕРНОГО И ХРИСТОЛЮБИВАГО ВЕЛИКОГО КНЯЗЯ МИХАИЛА ЯРОСЛАВИЧА,[2] МЕСЯЦА НОЯБРЯ ВЪ 22 ДЕНЬ
Благослови, отче.
ин же черленым и багряным и зело точнымъ лице имея; а въ едином совокуплении смесившимся от многъ арамат чюдоносную воню испущающе благоухания, изимающе злосмрадие от сердца верных. Сице убо жития имеющих велие усвоение къ единому Богу, желающе, како угодия ему сътворити, киимъ доити и видети горний Иерусалимъ: овии же отложше плотскую немощь, постомъ и молитвами в пустыняхъ и в горах, в пешерах изнуряюще тело свое и венецъ, и перфиру, и весь санъ своего суньклитства временнаго, ничтоже вменяюще, оставляаху, токмо единого Христа любящи въ сердци и желающе нетленнаго царства, но еще тело свое предаша на поругание узамъ, и темницам, и ранам, конечное, кровь свою проливающе, въсприимаху царство небесное и венецъ неувядаемый. Яко же сей крепкий умомъ и терпеливый душею блаженный и христолюбивый великий князь Михайло Ярославичь свое царство, уметы вменивъ, остави, приятъ страсть нужную, положи душу свою за люди своя, помня слово Господне, еже рече: «Аще кто положит душу свою за други своя, сей великий наречется въ царствии небеснемъ».[3] Сии словеса измлада навыче от Божественаго Писания, положи на сердци си, како бы пострадати. Нам же сеи не от инехъ слышавше, но сами бывше честному его въспитанию и добронравному възрасту его и премудру разуму усерднаго к Богови усвоения.
Сего блаженнаго великого князя Михаила Ярославича несть лепо в забвение ума оставити, но на свещнице проповедания оставити, да вси, видящи свет богоразумнаго князя жития, терпения, конечная страсти его, просветят сердца своя умная светомъ немерцаемыя благодати. Аз же, аще грубъ сый и невежа есмь, но ревностию любве господина своего палимъ есмь. Убояхся оного раба лениваго, съкрывшаго талантъ господина своего в земли, а не давшаго добрымъ торжником, да быша сътворили сторицею.[4] Но паки боюся и трепещу своея грубости: како въспишу от многа мало, известити о конечней страсти блаженнаго Христова воина, великого князя Михаила Ярославича, еже сътворися в последняя времяна въ дни наша. Се и начиная молитися: «Владыко Господи Исусе Христе, подай же ми умъ и разумъ и отверзи ми устне, да възвестят хвалу твою, да провещаю подвигъ блаженнаго раба твоего».
В последняя бо лета Господь нашь Исус Христос, Слово Божие, родися от пречистыя девы Мария Богородица, и приятъ страсть, исправляя падения рода нашего, и въскресе в третий день, и възнесеся на небеса.[5] В день пятдесятный посла Господь нашъ Богъ Духъ свой на апостолы,[6] оттоле начаша учити, обходяще вся страны, и крестити въ имя Отца и Сына и Святаго Духа, и в себе место поставляаху патриархи и митрополиты, епископы же и прозвитеры. Господь же премилостивый Богъ божественым своимъ промышлениемъ на последний векъ яви благодать свою на русскомъ языце: приведе великого князя Владимера русскаго въ крещение; Вълодимеръ же, просвещенъ Святаго Духа благодатию, введе всю землю русскую въ крещение.[7] Оттоле распространися святая вера по всей земли, и бысть веселие и радость велика в новопросвещенных людехъ; точию единъ дияволъ сетовашеся, побеждаемъ от тех, имиже преже техъ чтим бываше, жертву приимая и вся угодная. Сего не терпя, врагъ душь наших опрометашеся, льстивый, како бы съвратити с праваго пути ихъ; и вложи в сердце ихъ зависть, ненависть, братоубийство; нача въсхитити и имения сынъ подо отцемъ, брат менший под старейшим братомъ, умножися неправда и злоба многа въ человецехъ, и предашеся въ слабость света сего скороминующаго. Господь же премилостивый Богъ, не терпя видети погибающа от диявола род нашь, претяше намъ казньми, хотя нас обратити от злобъ нашихъ, посла на ны казнь, овогда глад, овогда смерть въ человецехъ и скотехъ; конечную пагубу преда нас в руце измаилтяном.[8] Оттоле начахомъ дань даяти по татарьскому языку. И егда коему княземъ нашим доставашеся великое княжение, хожаше князи русстии въ Орду къ цареви,[9] носящи множество имения своего.
По великомъ жестоком пленении русстемъ минувшимъ лет 34.[10]
Сей блаженный, приснопамятный и боголюбивый великий князь Михайло бысть сынъ великого князя Ярослава, внук же великого князя и блаженнаго Всеволодичя, скончавшагося нужною смертию въ Орде за крестьяне. Роди же ся от блаженныя, въистину от преподобныя матери, великие княгини Ксении;[11] его же святая та и премудрая мати въспита въ страсе Господни и научи святымъ книгам и всякой премудрости.
дошелъ бяше степени великого княжения.[13] И поиде въ Орду къ царю,[14] якоже преже бывши его князи имеаху обычай тамо взимати княжение великое.
В то же время сыновецъ его князь Юрий[15] поиде въ Орду же. Бывшу ему в Володимере, блаженный и приснопамятный митрополит Максимъ всея Руси[16] со многою молбою браняше ему итти въ Орду, глаголя: «Азъ имаюся тебе съ княгинею, с материю князя Михаила, чего восхочешъ изъ отчины вашея, то ти дасть». Он же обещася, рекъ: «Хотя, отче, поиду, но не ищу княжения великого».
И бывшу ему во Орде, не хотяше добра роду крестьяньскому дияволъ вложи в сердце князем татарьским свадиша братию, рекоша князю Юрию: «Оже ты даси выход болши князя Михаила, тебе дамъ великое княжение». Тако превратиша сердце его, нача искати великого княжения. Обычай бе поганых, и до сего дни — вмещущи вражду между братьею, князи русскими, себе многия дары взимаютъ.
И бывши пре велице между има, и бысть тягота велика в Руси за наша беззакония и съгрешения. О том рече пророкъ: «Аще обратитеся ко мне и останетеся от злобъ ваших, то вложу любовь княземъ вашим, аще ли не останетеся злаго обычая вашего, ни покаетеся от многих беззаконий своих, всякою казнию покажню вас».[17] Но милостию пречистыя Богородица и всех святых прииде благоверный великий князь Михайло и посаженъ бысть на столе деда и отца своего у святей Богородици в Володимере блаженым и преподобным Максимом, митрополитомъ всея Руси.
И князившу ему лето в великомъ княжении, и седе инъ царь, именем Озбякъ.[18] И виде Богъ мерьскую веру срацинскую,[19] и оттоле начаша не щадити рода крестьяньска, якоже бо о таковых рекоша царския дети, въ плену в Вавилоне сущии, глаголаху: «Предасть ны в руце царю немилостиву, законопреступну, лукавнейшу паче всея земля».[20] Егда бо Господь Титу предасть Иерусалимъ, не Тита любя, но Иерусалимъ казня. И паки, егда Фоце преда Царьград, не Фоцу любя, но Царьград казня за людская прегрешения.[21] Еже и си нас деля бысть за наша согрешения. Но мы бывшее възглаголемъ.
себя въ Орде, а князя Михаила отпустиша в Русь. И минувшу лету, паки безаконнии измаилтяне, не сыти суще мздоимьства, егоже ради желааше, вземши многое сребро, и даша Юрию великое княжение, и отпустиша с ним на Русь единого от князь своих, беззаконнаго треклятаго Кавгадыя.[22] Блаженный же великий князь Михайло срете его с вои своими, послалъ князю Юрию, рекъ: «Брате, аже тебе далъ Богъ и царь великое княжение, то азъ отступлю тебе княжения, но в мою оприснину не въступайся». Роспустя вои свои, поиде в вотчину свою з домочадци своими.
Паки не престаетъ дияволъ, желаетъ кровопролития, еже сотворися за грехи наша. Прииде князь Юрий ратию ко Тфери, совокупя всю землю Суздальскую, и с кровопийцем с Ковгадыемъ множество татаръ, и бесерменъ, и мордвы, и начаша жещи городы и села. И бысть туга и скорбь велика, поимающе бо мужи, мучиша разноличными ранами и муками и смерти предаяху, а жены ихъ оскверниша погании. И пожгоша всю волость Тверскую и до Волги, и поидоша на другую страну Волги, в той стране то же, хотеша сътворити.
Блаженный же великий князь Михайло призвавъ епископа своего, и князи, и бояре и рече имъ: «Братие, видите, княжения отступился есмь брату моему молодшему, и выход далъ есмь, и се над темъ, колика зла сътвориша в отчине моей, аз же терпях имъ, чаяхъ, убо престанет злоба сия. Наипаче вижю, уже головы моея ловят. А ныне не творюся, в чем ему виноватъ буду или в чем виноватъ, скажите ми». Они же, яко единеми усты, съ слезаами рекоша: «Господине, правъ еси во всемъ пред сыновцемъ своим. Тако въ смирение сотворил еси, се взяша всю волость твою, а на другой стране в отчине твоей то же хотятъ сотворити. А ныне, господине, поиди противу имъ, а мы за тебя хотимъ животом своимъ». Блаженный же великий князь Михайло такоже съ многимъ смирениемъ рече: «Братие, слышите, что глаголетъ святое Евангелие: иже аще кто положит душу свою за други своя, велик наречется въ царствии небеснемъ. Нам же не за единъ другъ, ни за два положити душа своя: селико народа в полону, и инии избиени суть, жены же и дщери ихъ осквернени суть от поганыхъ; а ныне мы, иже за толика народа положим душа своя, да вменится намъ слово Господне въ спасение».
И утвердившеся крестомъ честнымъ, и поидоша противу ратным. И яко быша близъ себе, бысть видети ратных бесчисленое множество; яко съступишася полци, и бысть сеча велика; не могуть брани носити противнии и вдаша плещи свои; милостью бо святаго Спаса и пречистыя его Матери и помощию великаго архаггела Михаила победи великий князь Михайло; бысть видети бесчисленое множество ратных, падающих под конми язвени, аки снопы в жатву на ниве.
Князь же Юрий, видевъ вои свои росполошены, аки птица въ стаде, отъехав к Торжку с малою дружиною, оттоле вборзе к Новугороду. А окаяннаго Кавгадыя со други повеле великий князь избити, в немже бысть последняя горкая погибель.
его не бысть никоеяже раны. Рече же блаженный пророкъ Давыдъ: «Падетъ от страны твоея тысяща и тма одесную, к тебе же не приступитъ, не приидетъ к тебе зло, и рана не приступитъ к телеси твоему, яко аггеломъ своимъ заповесть от тебе сохранити тя во всех путехъ твоих, на руках возмут тя».[23] Якоже и бысть тогда сохраненъ великим архаггеломъ Михаиломъ. И избави из плена множество душь, бывшая въ скверныхъ поганьских рукахъ, возвратися въ свое отчество с великою радостию. Приведе окааннаго Ковгадыя в дом свой, и много почтивъ его и одаривъ, отпусти его во своя. Он же лестию ротяшеся много не вадити къ цареви, глаголя: «Занеже воевалъ есмь волость твою без царева повеления».
Князь же Юрий совокупи множество новогородецъ и пьскович и поиде ко Тфери. И срете его благоверный великий князь Михайло противу Синеевъского. Паки не хотя видети другаго кровопролития за толь мало дни, удалишася и целоваша крестъ. И рече блаженный князь Михайло: «Поидеве, брате, оба во Орду, жалуемся вместе къ царю, абы ны чим помочи крестьяномъ сим». Князь же Юрий съемся с Ковгадыемъ, поидоста наперед во Орду, поимше с собою вси князи суздальские и бояре из городовъ и от Новагорода. По повелению же окаянный Ковгадый, написавъ многа лжа, свидетелствова на блаженнаго Михаила.
духовнаго, игумена Иванна; последнее исповедание на реце на Нерли[26] на многи часы, очищая душу свою, глаголаше: «Азъ, отче, много мыслях, како бы намъ пособити крестьяномъ сим, но моихъ ради греховъ множайшая тягота сотворяется разности; а ныне же благослови мя, аще ми ся случитъ, пролию кровь свою за них, да некли бы ми Господь отдалъ греховъ, аще сии крестьяне сколко почиютъ».
Еже до егоже места проводити его благородная его княгини Анна и сынъ его Василий,[27] возвратишася от него со многим рыданиемъ, испущающе от очию слезы, яко реку, не могуще разлучитися от възлюбленнаго своего князя.
Он же поиде к Володимерю. Приехалъ посолъ от царя, глаголя: «Зовет тя царь. Буди вборзе за месяць, аще ли не будеши, уже воименовал рать на твой город. Обадил тя есть Ковгадый къ царю, глаголя: “Не бывати ему во Орде”».
«Сынъ твой въ Орде, а еще другаго пошли сына своего». Тако же глаголета ему: «Господине отче драгий, не езди сам во Орду, которого хощещи, да того пошлеши, занеже обаженъ еси къ цареви, дондеже минет гневъ его».
Крепкий же умом, исполнився смирения, глаголаше: «Видите, чада, яко царь не требуетъ вас, детей моихъ, ни иного кого, но моей головы хощетъ. Аще азъ где уклонюся, а отчина моя вся в полону избиени будут, а после того умрети же ми есть, то лучши ми есть ныне положити душу свою за многия душа». Помянулъ бо бяше блаженнаго отчество боголюбца, великаго Христова мученика Дмитрея, рекше про отчину свою и про Селунь град: «Господи, аще погубиши ихъ, то и азъ погибну с ними, аще ли спасеши ихъ, то и азъ с ними спасенъ буду».[28] Сий убо такоже сътвори: умысли положити душу свою за отчество, избави множество от смерти своею кровию и от многоразличных бед. И паки много поучивъ сына своя кротости, уму, смирению же и разуму, мужеству, всякой доблести, веляше же последовати благымъ своимъ нравомъ. На мнозе же целовашеся съ многими слезами, не можаху ся разлучити от аггелообразнаго взора красныя светлости его и святаго лица его, не могуще насытитися медоточнаго учения его. Егда разлучастася слезни и уныли, отпусти ихъ во отчество свое, давъ имъ даръ, написавъ имъ грамоту, раздели имъ отчину свою, ти тако отпусти ихъ.
Дошедшу же ему во Орду месяца сентября въ 6 день, на память чюдеси великаго архаггела Михаила, на усть реки Дону, идеже течет в море Сурожьское, ту же срете его князь Костяньтинъ, сынъ его. Царь же дасть ему пристава, не дадуще его никомуже обидити. Се бо умякнуша исперва словеса ихъ паче елея, та бо ны быша и стрелы,[29] егда одари вси князи и царицю, последи же и самого царя. Бывшу же ему въ Орде полтора месяца, и рече царь княземъ своимъ: «Что ми есте молвили на князя Михаила? Сотворита има суд съ княземъ Юриемъ, да котораго сотворите вправду, того хочю жаловати, а виноватого казни предати». А не веси окаанне, аже ся своею казнию исплелъ еси ему венецъ пресветелъ!
Въ един же от дни собрашася вси князи ординьстии за дворъ его, седше въ единой вежи, покладааху многы грамоты съ многимъ замышлениемъ на блаженнаго князя Михаила, глаголющи: «Многы дани поимал еси на городех наших, а царю не дал еси». Истинный же Христовъ страдалецъ князь Михайло глаголя, любя истинну, со всякою правдою, обличаше ихъ лживое сведетелство. О таковых судьяхъ реченно бысть: «Поставлю властеля, ругателя ихъ и судию, немилующа ихъ».[30] Се бо бяше нечестивый Ковгадый самъ судия и, судя же, тоже лжив послухъ бываше, покрывая лжею своею истинная словеса вернаго Михаила. И изрече многозамышенныя вины на блаженнаго непорочнаго Христова воина, а свою страну оправдая.
Паки, минувши единой недели по суде томъ, в день суботный, от нечестивых изыде повеление безаконно: поставиша и на другомъ суде связанна блаженнаго Михаила, износяще ему неправедное осужение, глаголя: «Царевы дани не далъ еси, противу послабилъся еси, а княгиню Юрьеву повелелъ еси уморити».[31] Благоверный же князь Михайло съ многым свидетельством глаголаше: «Колико съкровищь своих издаялъ есмь цареви и княземъ, все бо исписано имяще», — а посла како избави на брани и съ многою честию отпусти, а про княгиню Бога послуха призываше, глаголаше, яко «ни на мысли ми того сътворити». Они же безаконнии, по глаголющему пророком: «уши имуть и не слышат правды, уста имуть и не глаголютъ, очи имуть и не видят»,[32] ослепи бо ихъ злоба ихъ, — не вмениша себе ни мала словеса блаженнаго, но реша в собе: «Поносы и узами стяжим его и смертию нелепотною осудимъ его, яко неключимъ есть намъ, не последует нравомъ нашим».
Вземше от портъ его, поделишася и в ту нощь мало облегчиша ему от узъ железных, но связанъ тако пребысть всю нощь. Тое же нощи отгнаша от него всю дружину его, силно биюще, и отца его духовнаго Александра игумена,[34] и оста единъ в руках ихъ, глаголаше бо в собе: «Удалисте от мене дружину мою и знаемых моих от страстей».
Наутрия же в неделю повелениемъ безаконных возложиша колоду велику от тяжка древа на выю святаго, прообразующе ему поносную муку прияти, юже приимъ, благодаряше Господа Бога с радостию и со слезами, глаголя: «Слава тебе, Владыко человеколюбче, яко сподобил мя еси прияти начаток мучения моего, сподоби мя прияти и кончати подвигъ свой, да не прельстят мене словеса лукавых, да не устрашат мя прещения нечестивых».
И повелеша безаконнии вести святаго после царя, бяше бо пошелъ царь на ловлю. Премудрый же благоверный великий князь Михайло, якоже обыче измлада, николиже не изменяше правила своего, в нощи убо пояше псалмы Давыдовы. А како поиде из Володимеря, от тоя недели до недели постящеся, причащающися тела и крови Господня; отнележе ятъ бысть, наипаче беспрестани по вся нощи не дающи сна очима своима, да не уснетъ, не воздремлетъ храняяй его аггелъ, но пакы славяше Бога, съ многыми слезами и съ глубокимъ въздыханиемъ исповедаяся к нему, глаголаше: «Господи, услыши молитву мою, и вопль мой к тебе да придетъ, не отврати лица твоего от мене, Владыко. В он же день, аще тужю, приклони ко мне ухо твое, в он же часъ призову тя, Господи, скоро услыши мя. Се бо минуша, яко дымъ, дние мои».[35] Прочее: «Спаси мя, Боже, яко внидоша воды до душа моея, приидохъ бо семо, яко въ глубину морьскую, аки буря, потопи мя. Се бо умножишася на мя паче влас главы моея ненавидящеи мя без ума. И преже сего мой хлебъ ядяше и мою любовъ видевша, а ныне укрепишася на мя врази мои, быша досажающи ми бес правды».[36]
Егда безаконнии они стражие в нощи забиваху в той же колоде святеи руце его, но ни, тако озлобляемъ, не престая поя Псалтырь, а единъ отрокъ его седяше, прекладывая листы. Он же прилежно глаголаше: «Господи, не отврати лица твоего от отрока твоего, яко скръблю, скоро услыши мя, вонми души моей, избави ю́ от враг моих. Ты бо единъ веси помышление мое, студ мой и срамоту мою, се бо пред тобою суть вси стужающии ми бес правды. Иже бы кто со мною поскорбелъ, и утешающаго не обретох, развее тебе, Господи, въздаютъ бо ми злая въз добрая, пролей на ня гневъ твой и ярость гнева твоего да иметъ я́.[37] Почто ся хвалиши о злобе своей, безаконный же Ковгадый, злая мысля на мя по вся дни? Язык твой, яко бритву изоощрену, сътворилъ еси, лесть възлюбилъ еси, злобу паче добра, забылъ еси многих моих даровъ, глаголалъ еси, на мя неправду къ цареви. Сего ради раздрушит тя Богъ, въсторгнет тя и преселит тя от селения твоего и корень твой от земля живыхъ.[38] Но трьплю, Господи, имени твоего ради, яко благо ми будетъ пред преподобными твоими, давно бо жадах, да ми пострадати за Христа. Се бо виде себе озлобляема сице, радуюся о спасении твоемъ, — и въ имя Господа Бога нашего възвеличимся. Но въскую, Боже, прискорбна еси, душе моя, въскую смущаеши мя; уповай на Бога моего, яко исповемся ему; спасение лицу моему Богъ мой».[39]
Тако же на всякъ час славя Бога съ слезами, въ день же бяше всегда видети светлым веселым взоромъ, словесы сладкими тешаше дружину свою. И бяше видети, яко никоего озлобления приемлюще, глаголаше: «Се ли едино было, дружина моя, егда преже сего, яко в зерцало, зряще на мя, тешастася. Ныне же видящеи на мне се древо, печалуетеся и скорбите. Помяните, како прияхомъ благая в животе нашем, сихъ ли не можемъ претрьпити? А что бо ми есть сия мука противу моимъ деломъ! Но болша сих достойна ми прияти, да некли быхъ прощение улучилъ». И приложи слово, слово праведнаго Иева: яко годе Господеви, тако и будетъ, буди имя Господне благословено от ныне и до века.[40] Да не печалуйте, пребывъше мало, узрите прочее выя моея».
укоризне, созва вся заимодавца и повеле святаго поставити на колену пред собою; величашеся безаконный властьми над праведнымъ и многа словеса изрече досадна праведному. Посем рече: «Ведая буди, Михайле, такъ царевъ обычай: аже будетъ ему на кого нелюбо, хотя от своего племяни, то таково древо въскладаютъ на него. Егда же царевъ гневъ минет, то паки в первую честь введетъ его. Утро бо въ предидущий день тягота сии отъидет от тебе, потомъ в болшей чести будеши». Възрев же, рече сторожемъ: «Почто не облегчите древа сего?» Они же рекоша: «Заутра или на другой день тако сътворимъ по глаголу твоему». И рече окаянный: «Поддержите ему древа того, да не отягчаетъ ему плещу». Тако единъ от предстоящих за нимъ, подъимъ, держаще, древо то.
Многу же часу минувшу о въпросехъ, а праведному ответы дающа; посемъ повеле вести вонъ блаженнаго. Ведше его, и рече слугамъ своим: «Дадите ми столецъ, да прииму покой ногама своима, беста бо отягчали от многаго труда». В то же время съехалися бесчисленое множество от всехъ языкъ, сшедшеся, стояще, зряху на святого. Рече же единъ от техъ стоящих ему: «Господине княже, видиши ли, селико множество народа стоятъ, видящи тя в таковой укоризне. А преже тя слышахом царствующаго въ своей земли. Абы еси, господине, въ свою землю шелъ». Блаженный же рече съ слезами, яко «позору быхомъ аггеломъ и человекомъ, и вси видящеи мя покиваша главами своими».[41] И паки: «Уповаша на Господа, да избавитъ и, яко хощетъ ему, яко той есть исторгий мя ис чрева, упование мое от сесцю матере моея».[42] Въставъ, поиде к вежи своей и глаголя прочее псалма того; и оттоле бяше видети очи его полны слезъ, чюяше бо ся въ сердци, яко уже скончатися доброму течению.
Бывшу же блаженному князю Михаилу в неизреченном томъ терпении, в таковой тяготе 26 дней, за рекою Терком, на реце на Севенци, под городом Тютяковымъ, минувши горы высокыя Ясския Черкаскыя, близъ вратъ железных.[43] В среду рано повеле отпети заутреню, и канонъ, и часы. Сам же с плачемъ послушавъ правила причащения и рече попови, да бых молвилъ псаломъ сий. Он же вда ему книги. Приимъ книгы, нача глаголати тихо, съ умилениемъ и многим воздыханиемъ и со многими слезами, испущая от очию, яко реку, слезы, глаголаше се: «Съхрани мя, Господи, яко на тя уповах»,[44] псалом 2: «Господь пасетъ мя, ничтоже мя лишит»,[45] псалом 3: «Веровах, тем же и възглаголахъ».[46] По семъ нача каятися ко отцу своему духовному съ многим смирениемъ, оцищая душу свою, бяше бо с ним игуменъ да два попа. По сем же приседящу у него сыну его Костяньтину, он же приказываше къ княгине и сыномъ своим, приказываше про отчину свою, и про бояре, и про тех, иже с нимъ были, и до менших, иже с ним были, но веля ихъ презрети. И по сем уже часу приближающуся, и рече: «Дадите ми Псалтырь, велми бо ми есть прискорбна душа моя». Чюяше бо сий въ сердцы — при дверех пришелъ есть святый зватай по блаженную его душу. Разгнувъ, обрете псалом: «Внуши, Боже, молитву мою, вонми моление мое, въ скорбехъ печалию моею смутихся от гласа вражия и от стужения грешнича, яко въ гневе враждоваху мне».[47]
В той час окаянный Ковгадый вхожаще къ царю, исхожаше съ ответы на убиение блаженнаго Михаила. Се же чтяше: «Сердце мое смутися въ мне, и страхъ смерти нападе на мя».[48] И рече попом: «Отци, молвите псалом сий, скажите ми». Не хотяше болшему смущати ему: «Се, господине, знакоми то, молвит в последи главизне: възверзи на Господа печаль твою, и той тя препитаетъ, не дасть бо в веки смятения, праведнику».[49] Он же пакы глаголаше: «Кто дасть ми криле, яко голуби, полещу и почию. Се удалихся бегая и въдворихся в пустыни, чаяхъ Бога, спасающаго мя».[50]
Егда вожааху блаженнаго Михаила со царемъ в ловех, глаголааху ему слуги его: «Се, господине, проводницы и кони готови, уклонися на горы, живот получиши». Он же рече: «Не дай же ми Богъ сего сътворити, николиже бо сего сътворих во дни моя. Аще бо азъ, где уклонюся, а дружину свою оставя в такой беде, кою похвалу приобрящу, но воля Господня да будетъ».
«Аще бы ми врагъ Ковгадый поносилъ, претрьпелъ убо бых ему. Но сей ненавидяй мене велеречюетъ о мне и се ему несть изменения от Бога; аз же, Господи, уповаю на тя».[51] И тако сконча псалом, и съгнувша Псалтырь, и дасть отроку.
И се в той час единъ отрокъ его въскочи в вежю обледевшим лицем и измолкъшим гласомъ: «Господине княже, се уже едутъ от Орды Ковгадый и князь Юрей съ множествомъ народа прямо къ твоей вежи». Он же наборзе воставъ, и въздохнувъ, рече: «Вемъ, на что едут, на убиение мое». И отсла сына своего Костяньтина къ царице. И бе страшно в той час, братие, видети от всехъ странъ множество женущих видети блаженнаго князя Михаила. Ковгадый же и князь Юрей послаша убийцы, а сами в торгу сседоша с коней, близъ бо бяше в торгу, яко каменемъ доврещи.
Убийцы же, яко дивии зверие, немилостивии кровопийцы, разгнавше всю дружину блаженнаго, въскочивше в вежю, обретоша его стояща. И тако похвативше его за древо, еже на выи его, удариша силно и възломиша на стену, и проломися стена. Он же паки въскочивъ, итако мнози имше его, повергоша на землю, бияхутъ его нещадно ногами. И се единъ от безаконных, именем Романецъ, и извлече ножь, удари в ребра святаго, в десную страну и, обращая ножь семо и овамо, отреза честное и непорочное сердце его. И тако предасть святую свою блаженную душю в руце Господеви великий христолюбивый князь Михайло Ярославичь месяца ноября в 22 день, в среду, въ 7 дни и спричтеся с лики святых и съ сродникома своима, з Борисом и Глебом,[52] и с тезоименитым своимъ с Михайлом с Черниговьским.[53] И приятъ венецъ неувядаемый от рукы Господня, егоже въжделе.
А двор блаженнаго разграбиша русь же и татарове, а имение русское повезоша к себе в станы, а вежю всю расторгоша подробну, а честное тело его повергоша наго, никимже небрегому. Един же пригна в торгъ и рече: «Се уже повеленное вами сотворихомъ». Ковгадый же и князь Юрей вседше на кони, приехаша въскоре к телу святаго и видеша тело святаго наго, браняше и съ яростию князю Юрию: «Не отець ли сей тебе бяшет князь великий? Да чему тако лежит тело наго повержено?» Князь же Юрий повеле своимъ покрыти единою котыгою,[54] еже ношаше при деде его, а другыя кыптом[55] своим.
́ на велицей веце, и возложиша и́ на телегу, и увиша ужи крепко, и превезоша за реку, рекомую Адежь, еже речется «горесть». Горесть бо намъ въистинну, братие, в той час бысть, видевшим такову смерть поносную господина своего князя Михаила Ярославича. А дружина наша немнози гонзнуша рукъ ихъ: иже дръзнуша, убежаша въ Орду къ царице, а другых изимаша, влечахут наги, терзающи нещадно, акы некия злодея, и приведши въ станы своя, утвердиша въ оковах. Сами же князи и бояре въ единой вежи пияху вино, повестующе, кто какову вину изрече на святаго.
— злата и сребра или бисера многоценнаго, нежели градовъ и власти, о нихже каково убийство сътворися! Но мы на первое възвращшеся, сътворившеся чюдо да скажемъ.
В настоящую бо нощь посла князь Юрей от слугъ своихъ стеречи телеси святаго. И яко начаша стеречи телеси святаго, яко страх великъ и ужасъ приятъ, не могуще трьпети, отбегоша въ станы. И рано пришедше, не обретоша телеси святаго на веже, но телега стояще и веку на ней ужи привязано, а тело святаго особь на единомъ месте лежаше раною к земли и кровь многую исшедшу изъ язвы; десная рука под лицемъ его, а левая у язвы его, а порты одинако оденъ. Преславно бо Господь прослави вернаго раба своего Михаила и тако удиви: об нощь бо лежа тело святаго на земли, а не прикоснуся ему ничтоже от зверей, от множества сущу бесчислену; съхранит бо Господь вся кости ихъ, ни едина же от нихъ не съкрушится, смерть же грешником люта.[56] Еже и бысть треклятому и безаконному Кавгадыю: не пребывъ ни до полулета, зле испроверже окаянный животъ свой, приятъ вечныя муки.
Мнози же вернии и от неверных тое нощи видеша чюдо преславно: два облака светла всю нощь осеняета над телесем преблаженнаго, раступающася и паки ступающася вместо, осеняющи, яко солнце. Наутрия глаголаху: «Святъ есть князь сий, убиенъ бысть безвинно. Облакома сима являетъ присещение аггельское над нимъ», — еже исповедаша нам съ слезами и съ многими клятвами, яко истинна есть бывшее.
И оттоле посла тело въ Мжачары и съ всеми бояры. И тамо, слышаша, гости, знаеми ему, хотеша прикрыти тело святаго с честию плащаницами многоценными и съ свещами преславно въ церкви поставити. Приставлении же немилостивии бояре не даша ни видети блаженнаго, но съ многою укоризною поставиша въ единой хлевине за сторожи. Но ту прослави его Господь Богъ. Мнози от различных языкъ, живующих в месте том, по вся нощи видяху столпъ огнен, сияющь от земля и до небеси, инии же яко дугу небесную, прикладающи над хлевину, идеже лежитъ тело блаженнаго.
И оттоле его повезоша к Бездежю, и яко приближающимся имъ къ граду и мнози видевше из града около саней святаго множество народу съ свещами, инии же на конехъ с фонари на воздусехъ ездяще. И тако привесше въ град, не поставиша его во церкви, но въ дворехъ стрежахутъ его. Един же от стрегущих възлежа верху саней, сущихъ с телесемъ святаго; и тако невидимо некоторая сила сверже его далече с саней святаго. Он же с великою боязнию едва въста, живу ему сущу, пришедше, поведа сущему ту иереови вся бывшая ему, от негоже мы слышахомъ и написахомъ.
́ въ церкви всемилостиваго Спаса в монастыри.[57] И княгине же его и сыном его не ведущимъ ничтоже сътворшагося, далече бо бяше земля, не бе мощно вести никомуже.
На другое же лето приехавъ в Русь князь Юрий, приведе с собою князя Костяньтина и дружину отца его. И се уведавши княгини его Анна, и епископъ Варсунофей, и сынове его, послаша уведати на Москву. Послании же приехаша, поведая, яко христолюбивый великий князь Михайло убиенъ бысть. И плакашеся многи дни неутешно.
Бывшу князю Юрию в Володимере, посла к нему князь Дмитрей брата своего Александра[58] и бояръ своих, и едва ся смиришася. И взя князь Юрий множество сребра, а мощи блаженнаго Михаила повеле отпустити въ Тферь. Послаша на Москву бояръ своихъ со игумены и со прозвитеры, привезоша мощи святаго въ Тферь со многою честию, и срете и́ Дмитрей, и Александръ, и Василий, и княгини его Анна на Волге в насаде.[59] А епископъ Варсунофей съ кресты и съ игумены, и с попы, и дияконы, и бесчисленое множество народа сретоша его у святаго Михаила на березе. И от многаго вопля не бе слышати поющихъ, не можаху раки донести тесноты ради до церкви, поставиша пред враты церковными. И тако на многи часы плакавшеся, едва внесоша въ церковь, певше надгробныя песни, положиша въ церкви святаго Спаса[60] въ гробе, яже самъ създалъ, на десной стране, посторонь епископа Семиона,[61] месяца сентября въ 6 день на чюдо архаггела Михаила.
Се чюднее сотвори Богъ своею чюдною и неизреченною милостию: ис толь далее страны везено тело святаго на телезе и в санех, потом же все лето стояло на Москве, обретеся все тело цело и неистлевше. Да како можемъ по достоянию въсхвалити, блаженный княже...[62]
[1] Β лето 6800. — Дата 6800 (1292) г., читающаяся в ряде списков Пространной редакции, не имеет никакого отношения ни к описываемым событиям, ни тем более ко времени создания текста. Β двух списках этой редакции читается дата 6826 (1318) г.
—1318) — великий князь тверской (где-то с 1282—1285 гг.), великий князь владимирский (1305—1317 гг.).
[3] «Аще кто положит... въ царствии небеснем». — Ср. Иоан. 15. 13.
[4] Убояхся оного раба... сътворили сторицею. — См.: Мф. 25. 14—28.
[5] В последняя бо лета... на небеса. — См.: Мф. 1. 18—25, 26. 47—27. 50, 28. 1—8; Мк. 14. 43—15. 37, 16. 1—8, 16, 19; Лк. 2. 4—7, 22. 47—23. 46, 24. 1—9, 24. 51; Иоан. 18. 1—19, 30, 20. 1—18.
[6] Β день пятдесятный посла Господь нашъ Богъ Духъ свой на апостолы... — См.: Деян. 2. 1—4.
— Владимир Святославич (ум. в 1015 г.) — великий князь киевский, в 988 г. принявший крещение, а затем (в 988 или 990 г.) объявивший христианство государственной религией Руси.
[8] ... преда нас в руце измаилтяном. — Измаильтяне — потомки Измаила, 12 сыновей которого стали князьями племен измаильских; народ, над которым исполнилось пророчество (см.: Быт. 16. 11—12, 17. 20, 21. 18, 25. 16—18). Ha Руси измаильтянами могли называть язычников, идолопоклонников или чаще мусульман. Именование измаильтянами татар традиционно для древнерусских памятников.
[9] ... въ Орду къ цареви... — Царем именуется ордынский хан, что традиционно для литературных памятников периода татаро-монгольского нашествия.
[10] По великомъ жестоком пленении русстемъ минувшимъ лет 34. — Судя по всему, отсчет годов ведется от нашествия татар в 1237 г. до рождения Михаила Ярославича в 1271 г.
[11] ... великий князь Михайло бысть сынъ... великие княгини Ксении... — Ярослав Ярославич (вторая половина 20-х — начало 30-х гг. XIII в. — 1271) — отец Михаила Ярославича, великий князь тверской (после 1255 г.), великий князь владимирский (с 1263 г.). Ярослав Всеволодич (1190—1245) — отец Ярослава Ярославича, сын Всеволода Большое Гнездо, великий князь владимирский (с 1238 г.). Ксения (ум. в 1312 г.) — вторая жена Ярослава Ярославича, дочь новгородского боярина Юрия Михайловича.
— Андрей Александрович — князь городецкий и костромской, великий князь владимирский (с 1294 г.), сын Александра Ярославича Невского, двоюродный брат Михаила Ярославича, умер в 1304 г.
— Михаил Ярославич имел преимущественные права на владимирский великокняжеский стол, так как был внуком Ярослава Всеволодича (см. выше), а претендовавший на это же княжение Юрий Данилович Московский (см. далее) лишь его правнуком.
[14] И пойде въ Орду къ царю... — Поход Михаила Ярославича относится κ 1304—1305 гг. Ханом в то время был сын Менгу-Тимура Тохта.
[15] ... сыновецъ его князь Юрий... — двоюродный племянник Михаила Ярославича Юрий Данилович (ум. в 1325 г.), князь московский, великий князь владимирский (с 1315 г.).
[16] ... митрополит Максимъ всея Руси... — Максим — митрополит киевский и всея Руси, грек, прибыл в 1283 г., умер в 1305 г.
«Аще обратитеся ко мне... покажню вac». — Ср.: Иер. 25. 5—29, 35. 15, 35. 17.
[18] ... седе ин царь, именем Озбякъ. — Β 1313 г. хан Тохта умер, ханский престол занял его племянник Узбек.
[19] ... мерьскую веру срацинскую... — Сарацины — один из народов, живших на территории Аравии. Первоначально сарацинами называли кочующие разбойничьи племена, в средние века христианские писатели называли сарацинами арабов, а впоследствии — мусульман.
[20] «Предасть ны в руце... паче всея земля». — Дан. 3. 32.
[21] Егда бо Господь Титу предасть Иерусалимъ... за людская прегрешения. — Пленение Иерусалима войсками римского военачальника (впоследствии императора) Тита (70 г. н. э.) описано в кн. 5 и 6 «Истории иудейской войны» Иосифа Флавия, которая была переведена на древнерусский язык не позднее XI в. Идея «казни» Иерусалима не оригинальна для Жития Михаила Ярославича, она присутствует уже в «Истории иудейской войны»: «Тогда будеть взятъ Иерусалимъ град, и святаа пожжется, егда усобица будеть на граде и своими рукама осквернять олтарь божии» (Мещерский Н. А. История иудейской войны Иосифа Флавия в древнерусском переводе. М.—Л., 1958, с. 341). Фока — византийский император (602—610 гг.), известный своими жестокостями. Рассказы ο его правлении читаются в составе различных хроник и хронографов.
— Один из представителей золотоордынской знати, военачальник, ханский посол.
[23] «Падетъ от страны твоея... на руках возмут тя». — Пс. 90. 7, 90. 10—12.
[24] сына своего Костяньтина... — Константин (1306—1346) — третий сын Михаила Ярославича, великий князь тверской (с 1339 г.).
[25] ... у епископа своего Варсунофия... — Варсонофий — епископ тверской (1315—1328 гг.).
[26] ... игумена Иванна... на реце на Нерли... — Точных сведений об игумене Иване мы не имеем. По предположению В. А. Кучкина, это Иван Царегородец, игумен тверского монастыря св. Федора Тирона и Федора Стратилата, который провожал Михаила Ярославича до Нерли Волжской. На Нерли Волжской монастырей не было.
— Анна (ум. в 1368 г.) — святая благоверная княгиня Анна Кашинская, дочь ростовского князя Димитрия Борисовича. Василий (1309—1368) — младший, четвертый сын Михаила Ярославича, великий князь тверской (1348—1365 гг.), в последние годы князь кашинский.
[28] Помянулъ бо бяше... мученика Дмитрея... с ними спасенъ буду... — Димитрий Солунский — святой великомученик, пострадавший во времена императора Диоклетиана, воин, правитель Солуни. Приведенный эпизод имеет своим источником широко распространенное на Руси Житие Димитрия.
[29] Се бо умякнуша... ны быша и стрелы... — Ср. Пс. 54. 22.
[30] «Поставлю властеля, ругателя ихъ и судию, немилующа ихъ». — Ср. Ис. 3. 1—4. Цитата далеко не точная, смысл библейской фразы несколько изменен. Возможно, в Житие Михаила Ярославича Тверского она попала не непосредственно из Книги пророка Исайи, а через другой текст, например, летописную повесть об убиении Бориса и Глеба (см. наст. изд., т. 1).
[31] ... княгиню Юръеву повелелъ еси уморити... — Женой Юрия Даниловича Московского была сестра хана Узбека Кончака (в крещении Агафья), умерла в 1318 г. в Твери, в плену у Михаила Ярославича; был слух, что ее отравили.
«уши имуть... и не видят». — Ср. Пс. 113. 13—14.
[33] ... от седми князей седмь сторожей... — Ср. Есф. 1. 10—2.9.
[34] ... отца его духовнаго Александра игумена... — Игумен Тверского Отроча монастыря, предполагаемый автор жития.
«Господи, услыши молитву мою... дние мои»... — Пс. 101. 1—4.
[36] «Спаси мя, Боже... досажающи ми бес правды». — Ср. Пс. 68. 2—3, 68. 5.
«Господи, не отврати лица... и ярость гнева твоего да иметъ я». — Ср. Пс. 68. 18—21, 68. 25.
[38] Почто ся хвалиши... от земля живыхъ. — Ср. Пс. 51. 3—7.
[39] «Но въскую, Боже, прискорбна... спасение лицу моему Бог мой». — Ср. Пс. 41. 6, 41. 12.
[40] ... яко годе Господеви... от ныне и до века. — Ср. Иов. 1. 21.
[41] ...«позору быхомъ аггеломъ и человекомъ, и вси видящеи мя покиваша главами своими»... — Ср. Пс. 21. 7—8.
«Уповаша на Господа... от сесцю матере моея». — Ср. Пс. 21. 9—10.
[43] ... близ вратъ железных... —Дарьяльский перевал. Возможны другие варианты — либо Дербент, либо теснина в среднем течении Дуная, узкий проход в южной части Урала, через который неоднократно устремлялись на запад орды азиатских кочевников.
[44] «Съхрани мя, Господи, яко на тя уповах». — Пс. 15. 1.
[45] «Господь пасетъ мя, ничтоже мя лишит». — Пс. 22. 1.
[46] ...«Веровах, тем же и възглаголахъ». — Пс. 115. 1.
«Внуши, Боже, молитву мою... враждоваху мне». — Ср. Пс. 54. 2—4.
[48] «Сердце мое смутися въ мне, и страхъ смерти нападе на мя». — Пс. 54. 5.
[49] ...«възверзи на Господа... смятения праведнику». — Ср. Пс. 54. 23.
[50] «Кто дасть ми криле... спасающаго мя». — Ср. Пс. 54. 7—9.
[51] «Аще бы ми врагъ... уповаю на тя». — Ср. Пс. 54. 13, 54. 20, 54. 24.
— Сыновья великого киевского князя Владимира Святославича, убитые в 1015 г. по приказу своего старшего брата Святополка, первые русские святые.
[53] ... с Михайлом с Черниговьским. — Михаил Всеволодич (80—90-е гг. XII в. — 1246) — великий князь черниговский (1224—1234 гг.), убитый в Орде, почитавшийся на Руси как мученик, погибший за христианскую веру (Сказание об убиении в Орде князя Черниговского... см. в т. 5 наст. изд.).
[54] Котыга — верхняя одежда типа накидки, плаща или рубашка.
[55] Кыпт — варианты др. списков: якыпт, апокит, апокыт, набкит, абъкит. Значение слова не зафиксировано др. источниками. Судя по всему, в данном случае имеется в виду плащ из войлока (подробнее см.: Кучкин В. А. Повести ο Михаиле Тверском, с. 214).
[56] ... съхранит бо Господь... смерть же грешником люта. — Ср. Пс. 33. 21—22.
— Монастырь Спаса на Бору в Московском Кремле.
[58] ... князь Дмитрей брата своего Александра... — Дмитрий Михайлович Грозные Очи (1299—1326) — старший сын Михаила Ярославича, великий князь тверской (с 1319 г.), 21 ноября 1324 г. убил в Орде Юрия Даниловича Московского и 15 сентября 1325 г. был казнен ханом за самоуправство. Александр (1301—1339) — второй сын Михаила Ярославича, великий князь владимирский (1325—1327), после набега Чол-хана (Шевкала) бежал в Литву, с 1337 г. великий князь тверской, казнен в Орде.
[59] Насад — тип речного судна.
[60] ... въ церкви святаго Спаса... — Спасо-Преображенский собор, главный храм Твери, построенный по повелению Михаила Ярославича и его матери великой княгини Ксении.
[61] Симеон — епископ тверской, умер в 1289 г.
— Конец рукописи (один лист) утрачен.