СКАЗАНИЕ О ДОВМОНТЕ
СКАЗАНИЕ О БЛАГОВЕРНЕМЬ КНЯЗИ ДОВМОНТЕ И О ХРАБРОСТИ ЕГО
В лето 6773-е. Побишася Литва межи собою[1] некиа ради нужа, блаженый же князь Домантъ съ друженою своею и съ всем родомъ своимъ оставль отечьство свое, землю Литовскую, и прибеже в Плесков.[2] Си бысть князь Домонт от племени литовского,[3] прьвее имеа ко идоломъ служение[4] по отцю преданию, егда Богь восхоте избрати собе люди новы, и вдохну в онь благодать Святого Духа, и възбнувся, яко от сна, от идолского служениа и помысли своими бояры креститися во имя Отца и Сына и Святого Духа. И крещен бысть въ соборной церкви, въ святей Троици,[5] и наречено бысть имя ему въ святомъ крещении Тимофей. И бысть радость велика во Плескове, и посадиша его мужи псковичи на княжение въ граде Пскове.
съ множеством полона ко граду Плескову. Перебродився Двину, и отъеха за 5 верстъ, и ста шатры на бору чисте, а стражи постави на реце на Двине Давыда Якуновича, внука Жаврова, с Лувою с Литовникомъ. Две же девяносте мужь отпровади с полономъ, а во едином девяносте сам ся оста, жда по собе погони.
Герденю же съ своими князи дома не бывшю, и приехаше в домы своя, аже домове их и земля их вся пленена. Ополчився Гордений и Гойтортъ и Люмби и Югайло и прочии князи, в семисотъ погнаша в след Домонта, хотяще его руками яти и лютой смерти продати, а мужи псковичи мечи иссечи, и пребродившеся Двину реку и сташа на брезе. И стражи же, видевше рать велику, пригнавше, поведавше Домонту: рать перебродилася Двину. Домонтъ же рече Давыду и Луве: «Помози вама Богъ и святаа Троица, оже еста устерегла рать велику, полезьта доловъ». И рече Давыдъ и Лува: «Не лезова доловъ, хотя животъ свой дати на славе и кровь свою пролити с мужи съ псковичи за святую Троицу и за вся церкви святыа. А ты, господине княже, поеди борзо с мужи съ псковичи на поганую Литву». Домонт же рече псковичемъ: «Братьа мужи псковичи, кто старъ, то отець, а кто млад, той братъ! Слышалъ есмь мужество ваше во всех странах, се же, братья, нам предлежитъ животъ и смерть. Братья мужи псковичи, потягнете за святую Троицу и за святыа церкви, за свое отечьство!»
Тогда же бе приспелъ день великого и славнаго воеводы, мученика Христова Леонтиа,[8] и рече Тимофей князь: «Святаа Троица, и святый великий воевода Леонтий, и благоверный княже Всеволоде,[9] помози намъ в час сий на супротивныя врагы». И ехав, князь Домонтъ с мужи псковичи Божиею силою и святаго Христова мученика Леонтиа одиномъ девяностомъ 7 сот победи. Тогда же убиенъ бысть князь великий литовский Гойтортъ, и инехъ князей много избиша; а инаа Литва въ Двине истопоша, а инехъ Двина изверже 70 их на островъ Гоидовъ, а инии на прочаа островы извержени быша, а инии вниз по Двине поплыша. Тогда же убиенъ бысть Онтонъ един псковитинъ, сынъ Лочков, брат Смолигов, а инии вси без вреда съхранени быша молитвою святого Христова мученика Леонтиа. И възвратишася с радостию великою ко Пскову граду съ многою користию, и бысть радость и веселие велико въ граде во Пскове о пособии святыа Троица, и славнаго великого Христова мученика Леонтиа, и благовернаго князя Всеволода, ихъ молитвами на супостатыа победа.
И паки же по томъ времени, в лето 6775-е, великий князь Дмитрий Олександровичь... съ зятемъ своимъ с Домонтомъ[10] и с мужи с новогородци и со псковичи и иде к Раковору,[11] и бысть сеча велика[12] с погаными немци на поле чисте, и помощию святыа Софиа[13] Премудрости божиа и святыа Троици немецкиа полкы победиша февраля 18 суботу сыропусную.[14] И прошед горы непроходимаа, и иде на вируяны,[15] и плени землю их и до моря, и повоева Поморье,[16] и паки возвратився, и исполни землю свою множеством полона. И славна бысть вся земля ею во всехъ странах страхом грозы храборства великого князя Дмитрея, и зятя его Домонта, и мужь ею новогородцовъ и псковичь.
И по томъ по неколицех днехъ останок собравше поганое латины,[17] и пришед тайно, и взяша с украины неколико псковскых селъ, и възвратишася вскоре. И боголюбивы же князь Домонтъ не стерпе обидиме быти земли и дому святыа Троица от нападениа поганыхъ немець, выехавъ в погоню с малою дружиною в пяти насадах[18] с шестьюдесятью мужь псковичь, Божиею силою 8 сотъ немец победи на реце на Мироповне,[19] а два насада бежаше в ыныа островы. Боголюбивый же князь Домонтъ, ехав и зажже островъ, и пожже ихъ под травою, а инии побегоша, а власи их зажжени горятъ, а иных иссече, а инии истопоша в воде пособием святыа Троици, и славнаго великого воина Георгиа,[20] и молитвою благовернаго князя Всеволода, месяца априля в 23 день, на память святого славнаго мученика Христова Георгиа. И възвратишася с радостию великою въ град во Псковъ, и бысть радость и веселие въ граде во Пскове о пособии Святыа Троица и святого воина великого Христова мученика Георгиа.
руками яти, а мужъ псковичь мечи иссечи, а иныа люди плесковскыа в работу ввести. Слышав же то Домонтъ, ополчающася люди без ума во множстве силы, без Бога, и вниде въ церковь Святыа Троица и, положивъ мечь свой пред олтаремъ Господнимь, пад, моляся много с плачемъ, сице глаголя: «Господи Боже силъ, мы, людие твои и овца пажити твоея, имя твое призываемъ, призри на кроткиа и смиренныа възвыши, и гордыхъ высокиа мысли низложи, да не опустиеть пажить овць твоих».[22] И взем же игуменъ Сидоръ[23] мечь, и всь иерейский чинъ, препоясавше мечемъ, и благословивша и отпустиша. Домонт же въ множестве ярости мужства своего, не дождавъ полковъ новъгородцких, с малою дружиною с мужи съ псковичи выехавъ, Божиею силою победи и изби полки ихъ, самого же местера раниша по лицю. Они же трупьа своя многи учаны[24] накладоша, везоша в землю свою, а останокъ ихъ устремиша на бегъ, месяца июня в 8 день, на память святого мученика Федора Стратилата принесению мощей.
И паки же по временех княжениа его начаша поганая латына силу деати на псковичехъ нападениемъ и работою. Боголюбивый же князь Тимофей не стерпе обидимъ быти, ехавъ с мужи съ псковичи, и плени землю и грады их пожже.
И потомъ по мале времени бысть знамение в луне, месяца септября. Тоа же зимы грех ради наших изгониша немци изгонною ратью посад у Пскова, в лето 6807-е, месяца марта въ 4 день, на память святого мученика Павла и Ульаны, и избиша игумены. Тогда убиенъ бысть Василей, игуменъ святого Спаса,[25] Иосифъ прозвутеръ, Иасаф, игуменъ святей Богородици Снятной горе,[26] и с ними 17 мнихъ, и черньца, и черници, и убогыа, и жены, и малыа детки, а мужь Богъ ублюде. Въ утрий же день погании немци оступиша град Псков, хотяще его пленити. Боголюбивый же князь Тимофей не стерпе дождати мужь своихъ болшея рати и выехал с малою дружиною с мужи съ псковичи и с Ываномъ с Дорогомиловичем[27] и сь его дружиною, противо имъ вполчився. Помощью Святыа Троица у святого Петра и Павла на березе[28] удари на нихъ; и бысть сеча зла, якоже николиже не бывала у Пскова, и раниша самого мендеря[29] по главе, а вельневици,[30] изъимаве, посла к великому князю Андрееви,[31] а прочии вскоре повергъша оружиа и устремишася на бегъ страхомъ грозы храборства Домонтова и мужъ его псковичь.
Тогда же беаше и моръ золъ на людех.
Сей же бе князь не одинем храборъством показанъ бысть от Бога, но и боголюбець показася, в мире приветливъ, и церкви украшаа, и попы и нищаа любя, и вся праздники честно проводя, и попы и чернца кормля, и милостыню даа и сиротамъ и вдовицамъ. Якоже рече Исайя пророкъ: «Князь благъ въ стране, уветлив, боголюбивъ, страннолюбецъ, кротокъ, смеренъ, по образу Божию; Богъ бо мира не аггеломъ любить, но человекомъ щедря си ущедряеть и показуеть милость свою на мире».[32]
бе победими, якоже бе и Акрита,[33] единъ побежая полки в крепости силы своеа. Такоже и великий князь Александръ[34] и Дмитрей сынъ его с своими бояры, и с новогородци, и съ зятем своимъ с Домонтомъ и сь его мужи с плесковичи побежаа страны поганыа Немець, Литву, Чюдь, Корелу. То единаго ли ради Езекея съхраненъ бысть Иерусалимъ от пленениа Синахиримля, царя Асурска.[35] Паки же и великимъ княземъ Александром, и сыномъ его Дмитреемъ, и зятемъ его Домонтомъ спасенъ бысть град Новгород и Псковъ от нападениа поганыхъ немець.
И по томъ времени мало здравъ бывъ благоверный князь Тимофей и нача болети, и в той болезни и преставися к Богу в жизнь вечную, месяца майя в 20, на память святого мученика Фалелеа. А проводиша его все поповство, и игумены, и чернцы, и все множество людей плакахуся его, и тако положиша и в святей Троици с похвалами, и песньми, и пении духовными. Бысть же тогда жалость велика въ Плескове мужемъ, и женам, и малымъ детемъ по добром господине благоверномъ князи Тимофеи, и много бо дне пострада за домъ Святыа Троица и за мужей за псковичь стояниемъ дому Святыа Троица.
[1] Побишася литва межи собою... — Имеется в виду междоусобная война в Литве после убийства великого литовского князя Миндовга (1263).
[2] Плесков, Плесков, Плъсков — подобное написание названия города встречается в некоторых рукописях XV—XVI вв.
[3] Си бысть князь Домонт от племени литовского... — Ο жизни Довмонта в Литве сохранились весьма противоречивые сведения. Согласно одним источникам, Довмонт был князем нальшанским, участвовал в убийстве Миндовга и бежал после этого во Псков, преследуемый сыном убитого князя. Другие источники, более поздние, называют Довмонта сыном Миндовга, его побег во Псков объясняют гонениями на сторонников Миндовга и желанием Довмонта принять христианство.
— Литовцы только с середины XIII в. начали принимать христианство (в его католической форме); до этого «поклонялись идолам», то есть были язычниками.
[5] ... въ святей Троици... — Троицкий собор в кремле, главный псковский храм, патрональная святыня Пскова (XII в.). Значение Троицкого собора в жизни древнего Пскова огромно — он был центром политической и духовной жизни. Здесь хранились важные документы, печати, казна, велось псковское летописание.«Святая Троица», «дом святой Троицы» были символами Пскова и постоянно употреблялись в псковской литературе как синонимы Пскова.
[6] Девяносто — народный счет дружины, отряд в девяносто человек.
[7] Гердень — литовский князь, бывший, по-видимому, в числе врагов Довмонта. Более поздние источники, которые называют Довмонта сыном Миндовга, считают Герденя убийцей великого литовского князя. Жена князя Герденя Евпраксия была родной теткой Довмонта.
— Битва с литовцами состоялась 18 июня 1266 г., в день памяти святого Леонтия.
— князь Всеволод Мстиславич, внук Владимира Мономаха, был псковским князем в 1137—1138 гг., псковичи пригласили его на княжение вопреки воле Новгорода. Считается основателем Троицкого храма, куда в 1129 г. были перенесены его мощи. С этого времени он почитается как местный святой (общерусское почитание установлено после собора 1547 г.), защитник и покровитель города Пскова.
[10] ... великий князь Дмитрий Олександровичь съ зятемъ своимъ с Домонтомъ... — Дмитрий Александрович, сын Александра Невского, был великим князем с 1276 по 1294 г. Довмонт был женат на дочери Дмитрия Александровича Марии. Но женитьба состоялась, по-видимому, позже, уже после Раковорского похода.
[11] Раковор (Везенберг) — крепость на территории, населенной эстами, современный г. Раквере в Эстонии.
[12] ... и бысть сеча велика... — Раковорская битва с ливонскими рыцарями («с погаными немцами») состоялась 18 февраля 1268 г.
[13] ... и помощию святыа Софиа... — Собор святой Софии в новгородском кремле, патрональная святыня Новгорода (XI в.).
— суббота накануне Великого поста.
[15] Вируяне — население земель, расположенных у Раковора.
[16] Поморье — часть южного побережья Балтийского моря, северо-западнее Раковора.
[17] ... поганое латины... — Латинянами называли сторонников католицизма, в данном случае — ливонских рыцарей. Термин «поганый» в древнерусских текстах не имел современного эмоционального оттенка, а означал — «иноверец», человек не православного вероисповедания.
[18] Насад — вид речного судна.
— река, впадающая в Чудское озеро.
[20] Георгий — христианский мученик (IV в.), особо почитаемый на Русн, считающийся покровителем русских воинов. День памяти — 23 апреля.
[21] ... местеръ земля Ризскиа... — Магистр Ливонского ордена Оттон фон Луттерберг (1267—1271 гг.), возглавлял поход ливонцев на Псков весной-летом 1269 г.
[22] «Господи Боже силъ... да не опустиеть пажить овць твоих». — Молитва Довмонта соткана из образов и выражений Псалтыри и других книг Библии. Ср.: Пс. 78, 13; 146, 6; Притч. 3, 34 и др.
[23] ... игуменъ Сидоръ... — Β некоторых редакциях «Сказания» уточняется, что Исидор был игуменом Спасо-Мирожского монастыря, основанного в XIII в. близ Пскова, на левом берегу реки Великой, при впадении в нее реки Мирожи.
— лодка, речное судно.
[25] ... Василей, игуменъ святого Спаса... — Игумен Спасо-Мирожского монастыря.
[26] ... Иасаф, игуменъ святей Богородици Снятной горе... — Снетогорский монастырь Рождества Богородицы, основанный в XIII в., находится на берегу реки Великой в трех километрах от Пскова.
[27] Иван Дорогомилович — по-видимому, новгородский посадник.
[28] ... у святого Петра и Павла на березе... — Имеется в виду церковь св. Петра и Павла, которая стояла, как считают, на берегу реки Псковы.
— Так в этом списке передается одно из высших званий в средневековых рыцарских орденах — командор. Β других списках более точно — «кумендер».
[30] ... Вельневици... Вельневичане — жители ливонского города Феллина (Велиад, Вельяд, Вельян, Велиан).
[31] ... великому князю Андрееви... — Андрей Александрович, сын Александра Невского, князь городецкий, костромской (с 1276 г.), в 1281 г. получил ярлык на великое княжение, боролся за великокняжеский стол с братом Дмитрием Александровичем, окончательно утвердился на великокняжеском столе после его смерти в 1294 г.; умер в 1304 г.
«Князь благъ... показуеть милость свою на мире». — Ветхозаветный пророк, автор библейской Книги пророка Исайи. Рассуждения ο благом князе не находят точного соответствия в его книге. Весь этот фрагмент не принадлежит автору «Сказания ο Довмонте», он является переложением похвалы Александру Невскому из Особой редакции его Жития.
[33] Акрит — герой «Девгениева деяния», византийской повести ο подвигах богатыря Дигениса, прозванного Акритом (см. в т. 3 наст. изд.). Акриты — воины, несшие службу на границе.
— Александр Невский.
[35] To единаго ли ради Езекея... Синахиримля, царя Асурска. — Езекия — иудейский царь, известный своим благочестием, стремившийся вернуть иудеев κ вере их отцов. Во время осады Иерусалима Сеннахиримом, ассирийским царем, Езекия воззвал κ Господу, и тот через пророка Исайю возвестил ему, что город будет спасен (см.: 4 Цар. 19).