Повесть временных лет (оригинал)
Се начнемь повесть сию.

ПОВЕСТЬ ВРЕМЕННЫХЪ ЛЕТ ЧЕРНОРИЗЦА ФЕДОСЬЕВА МАНАСТЫРЯ ПЕЧЕРЬСКАГО,[1] ОТКУДУ ЕСТЬ ПОШЛА РУСКАЯ ЗЕМЛЯ <...> И ХТО В НЕЙ ПОЧАЛЪ ПЕРВЕЕ КНЯЖИТИ, И ОТКУДУ РУСКАЯ ЗЕМЛЯ СТАЛА ЕСТЬ

Се начнемь повесть сию.

По потопе бо 3-е сынове Ноеви розделиша земьлю: Симъ, Хамъ, Афетъ. Яся въстокъ Симови: [2] Перьсида, Ватрь, доже и до Иньдикия в долготу, и в широту и до Нирокуриа, якоже рещи от въстока доже и до полуднья, и Сурия, и Мидиа по Ефратъ реку, и Вавилонъ, Кордуна, асуриане, Месопотамиа, Аравиа Старейшая, Елумаисъ, Индия, Аравия Силная, Кулии, Комагины, Финикия вся.

Хамови же яся полуденья часть: Егупетъ, Ефиопья, прилежащия къ Индомъ, другая же Ефиопья, из неяже исходить река ефиопьскаа Чермьна, текущия на въстокъ, Фива, Луви, прилежащи доже до Куриния, Мармариа, сурите, Ливуи другая, Нумидия, Масурия, Мавритания, противу сущи Гадире. Сущимъ же къ встоком имать Киликию, Памфилию, Писидию, Мосию, Лукаонию, Фругию, Камалию, Ликию, Карию, Лудию, Масию другую, Троаду, Солиду,[3] Вифунию, Старую Фругию. И островы пакы имать: Сарданию, Критъ, Купръ, и реку Гиону, зовемую Нилу.

молоси, Фесалия, Локрия, Пеления, яже и Полопонисъ наречется, Аркадия, Ипириноя, Илурикъ, словене,[4] Лухития, Аньдриакия, Аньдриатиньска пучина. Имать же и островы: Вританию, Сикелию, Евию, Родона, Хиона, Лезвона, Куфирана, Закуньфа, Кефалиния, Ифакину, Керкуру, и часть всякоя страны,[5] и нарицаемую Онию, и реку Тигру, текущюю межи Миды и Вавилономъ; до Понетьского моря,[6] на полунощныя страны, Дунай, Днепръ и Кавькасийскыя горы, рекше Угорьскыя,[7] и оттуда, рекше, доже и до Днепра, и прочаая рекы: Десна, Припеть, Двина, Волховъ, Волга, иже идеть на въстокъ, въ часть Симову. Въ Афетови же части седить русь, чюдь и вси языце: меря, мурома, всь, мордва, заволочьская чюдь, пермь, печера, ямь, югра, литва, зимигола, корсь, летьгола, либь.[8] Ляхове же, и пруси[9] и чюдь приседять к морю Вяряскому. По сему же морю седять варязи[10] семо къ вьстоку до предела Симова, по тому же морю седять къ западу до земли Агаряньски[11] и до Волошьскые.[12]

Афетово же колено и то: варязи, свеи, урмане, готе,[13] русь, агляне, галичане,[14] волохове,[15] римляне, немци, корлязи,[16] венедици, фрягове и прочии, приседять от запада къ полуденью и съседятся съ племенем Хамовомъ.

Симъ же, и Хамъ и Афетъ, разделивше землю, и жребии метавше, не переступати никомуже въ жребий братень, и живяху кождо въ своей части. И бысть языкъ единъ. И умножившимся человеком на земли, и помыслиша создати столпъ до небеси въ дни Нектана и Фалека. И събравшеся на месте Сенарь поле здати <...> столпъ до небесе и городъ около его Вавилонъ, и здаша столпъ за 40 лет, и не свершенъ бысть. И сниде Господь Богъ видеть город и столпа, и рече Господь: «Се родъ единъ и языкъ единъ». И смеси Богъ языкы, и раздели на 70 и на два языка, и рассея по всей земли. По размешеньи же языкъ Богъ ветромъ великомъ раздруши столпъ, и есть останокъ его межи Асура и Вавилона, и есть въ высоту и въ шириню лакотъ 5433 локотъ, въ лета многа хранимъ останокъ.[17]

По раздрушении же столпа и по разделении языкъ прияша сынове Симовы въсточныя страны, а Хамовы же сынове полуденныа страны. Афетови же сынове западъ прияша и полунощьныя страны. От сихъ же 70 и дву языку бысть языкъ словенескъ, от племени же Афетова, нарецаемеи норци,[18] иже суть словене.

По мнозехъ же временехъ селе суть словени по Дунаеви, кде есть ныне Угорьская земля и Болгарьская. От техъ словенъ разидошася по земьли и прозвашася имены своими, кде седше на которомъ месте. Яко пришедше седоша на реце именемъ Мораве, и прозвашася морава, а друзии чесе нарекошася. А се ти же словене: хорвати белии, серпь и хорутане[19] Волохомъ бо нашедшим на словены на дунайскые, и седшимъ в нихъ и насиляющимъ имъ.[20] Словене же ови пришедше и седоша на Висле, и прозвашася ляхове, а от техъ ляховъ прозвашася поляне, ляхове друзии — лютице, инии мазовшане, а инии поморяне.[21]

полочане, речькы ради, яже втечеть въ Двину, именемь Полота,[22] от сея прозвашася полочане. Словене же седоша около озера Илмера, и прозвашася своимъ именемъ, и сделаша городъ и нарекоша и́ Новъгородъ. А друзии же седоша на Десне, и по Семи,[23] и по Суле[24] и наркошася северо.[25] И тако разидеся словенескъ языкъ, темьже и прозвася словеньская грамота.

Поляномъ же живущим о собе по горамъ симъ, и бе путь из Варягъ въ Грекы, и изъ Грекъ по Днепру, и верхъ Днепра волокъ до Ловоти, и по Ловоти внити в Илмерь озеро великое, из негоже озера потечеть Волховъ и втечеть въ озеро великое Нево, и того озера внидет устье в море Варяское.[26] И по тому морю внити доже и до Рима, а от Рима прити по тому же морю къ Цесарюграду, и от Царяграда прити в Понтъ море, в неже втечет Днепръ река. Днепръ бо течеть изъ Воковьского леса,[27] и потечеть на полудни, а Двина изъ того же леса потечет, и идеть на полуночье и внидет в море Варяское. Ис того же леса потечеть Волга на въстокъ и вътечет седьмьюдесятъ жерелъ в море Хвалийское.[28] Темьже из Руси можеть ити по Волзе в Болгары и въ Хвалисы, и на въстокъ доити въ жеребий Симовъ, а по Двине въ Варягы, а изъ Варягъ и до Рима, от Рима же и до племени Хамова. А Днепръ втечет в Понтеское море треми жералы, иже море словеть Руское, по нему же училъ святый апостолъ Андрей, братъ Петровъ.

Якоже ркоша, Андрею учащю в Синопии, пришедшю ему в Корсунь, увиде, яко ис Коръсуня близъ устье Дьнепръское, и въсхоте поити в Римъ, и приде въ устье Днепръское, и оттоле поиде по Днепру горе.[29] И по приключаю приде и ста подъ горами на березе. И заутра, въставъ, рече к сущимъ с нимъ ученикомъ: «Видите горы сия? Яко на сихъ горахъ въсияеть благодать Божия: имать и городъ великъ быти и церкви мьногы имат Богъ въздвигнути». И въшедъ на горы сиа, и благослови я, и постави крестъ, и помолився Богу, и слезе съ горы сея, идеже послеже бысть Киевъ, и поиде по Днепру горе. И приде въ словены, идеже ныне Новъгород, и видевъ люди ту сущая, какъ ихъ обычай и како ся мыють и хвощются, и удивися имъ. И иде въ Варягы, и приде в Римъ, исповеда, елико научи и елико виде, и рече имъ: «Дивно видехъ землю словеньску, идущю ми семо. Видехъ бане древяны, и пережьгуть я велми, и съвлекутся, и будуть нази, и обольются мытелью, и возмуть веникы, и начнуть хвостатися, и того собе добьють, одва вылезуть еле живы,[30] и обольются водою студеною, и тако оживут. И тако творять по вся дни, не мучими никымже, но сами ся мучать, и то творят не мытву себе, а <...> мученье».[31] И се слышавше, дивляхуся. Андрей же, бывъ в Риме, приде въ Синопию.

Поляномъ же живущиим о собе и владеющимъ роды своими, яже и до сея братья бяху поляне, и живяху кождо съ родом своимъ на своихъ местехъ, володеюще кождо родомъ своимъ. И быша 3 брата: а единому имя Кий, а другому Щекъ, а третьему Хоривъ, и сестра ихъ Лыбедь. И седяше Кий на горе, кде ныне увозъ Боричевъ,[32] а Щекъ седяше на горе, кде ныне зовется Щековица, а Хоривъ на третьей горе, отнюду же прозвася Хоривица. Створиша городокъ во имя брата ихъ старейшаго и наркоша и́ Киевъ.[33] И бяше около города лесъ и боръ великъ, и бяху ловяще зверь, бяхуть бо мудре и смыслени, и нарицахуся поляне, от нихъ же суть поляне — кияне и до сего дни.

Инии же, не ведуще, ркоша, яко Кий есть перевозникъ бысть, у Киева бо перевозъ бяше тогда съ оноя страны Днепра, темь глаголаху: «На перевозъ на Киевъ». Аще бо былъ перевозникъ Кый, то не бы ходилъ къ Цесарюграду. Но сий Кий княжаше в роду своем, и приходившю ему къ цесарю — не свемы, но токмо о семъ вемы, якоже сказають: яко велику честь приялъ есть от цесаря, которого не вемъ и при котором приходи цесари.[34] Идущю же ему опять, приде къ Дунаеви, и възлюби место, и сруби городокъ малъ, и хотяше сести с родомъ своимъ, и не даша ему близъ живущии; еже и доныне наречють дунайци городище Киевець. Киеви же пришедшю въ свой городъ Киевъ, ту и сконча животъ свой, и брата его — Щекъ и Хоривъ, и сестра ихъ Лыбедь ту скончашася.

Волгы, и на верхъ Двины и на верхъ Днепра, ихъже и городъ есть Смоленескъ; туда бо седять кривичи. Таже северо от них. На Беле озере седять весь, а на Ростове озере меря, а на Клещине озере[35] седять меря же. А по Оце реце, кде втечеть въ Волгу, языкъ свой — мурома, и черемиси свой языкъ, и мордва свой языкъ. Се бо токмо словенескъ языкъ в Руси: поляне, деревляне, новъгородьци, полочане, дьрьговичи, северо, бужане, зане седять по Бугу, послеже же волыняне.

И се суть инии языце, иже дань дают Руси: чудь, весь, меря, мурома, черемись, мордва, пермь, печера, ямь, литва, зимегола, корсь, нерома, либь: си суть свой языкъ имуще, от колена Афетова, иже живуть на странахъ полунощныхъ.

Словеньску же языку, якоже ркохом, живущю на Дунаи, придоша от скуфъ, рекше от козаръ, рекомии болгаре, и седоша по Дунаеви, населнице словеномъ беша. А посемъ придоша угре белии и наследиша землю словеньскую, прогнавше волохы, иже беша прияле землю словеньску. Си бо угри почаша быти пр-Ираклии цесари, иже ходиша на Хоздроя, цесаря перьскаго.[36] В си же времена быша и обре,[37] иже воеваша на цесаря Ираклия и мало его не яша. Си же обри воеваша на словены и примучиша дулебы,[38] сущая словены, и насилье творяху женамъ дулебьскымъ: аще поехати бяше обрину, не дадяше въпрячи коня, ни волу, но веляше въпрячи 3, или 4, ли 5 женъ в телегу и повести обрина, и тако мучаху дулебы. Бяху бо обри теломъ велице, а умомъ горди, и потреби я Богъ, и помроша вси, и не оста ни единъ обринъ. И есть притча в Руси и до сего дни: погибоша аки обри, ихъ же несть ни племене, ни наследка. По сихъ бо придоша печенизе,[39] и пакы идоша угри чернии[40] мимо Киевъ послеже при Ользе.

Поляномъ живущимъ о себе, якоже ркохомъ, сущии от рода словеньска и наркошася поляне, а деревляне от словенъ же и нарекошася древляне; радимичи бо и вятичи от ляховъ. Бяста бо два брата в лясехъ: Радимъ, а другый Вятко, и, пришедша, седоста: Радимъ на Съжю, и прозвашася радимичи, а Вятко седе своимъ родомъ по Оце, от него прозвашася вятичи. И живяху в мире поляне, и древляне, и северо, и радимичи, и вятичи и хорвати.[41] Дулеби же живяху по Бугу, кде ныне волыняне, а уличи, тиверци седяху по Бугу и по Днепру,[42] и приседяху къ Дунаеви. И бе множество ихъ, седяху бо по Бугу и по Днепру оли до моря, и суть городы ихъ и до сего дне, да то ся зовяху от Грекъ Великая скуфь.[43]

Имеяхуть бо обычая своя и законы отець своихъ и предания, кождо своя норовъ. Поляне бо своихъ отець обычай имяху тихъ и кротокъ, и стыденье къ снохамъ своимъ и къ сестрамъ, и къ матеремъ своим, и снохы къ свекровамъ своимъ и къ деверемъ велико стыденье имуще. И брачный обычай имеаху: не хожаше женихъ по невесту, но привожаху вечеръ, а заутра приношаху что на ней вдадуче. А деревляни живяху зверьскымъ образомъ, живуще скотьскы: и убиваху другъ друга, ядуще все нечисто, и браченья в нихъ не быша, но умыкаху у воды девица. А радимичи, и вятичи и северо одинъ обычай имяху: живяху в лесе, якоже всякый звер, ядуще все нечисто, и срамословье в нихъ предъ отьци и пред снохами, и бьраци не бываху в нихъ, но игрища межю селы, и схожахуся на игрища, на плясанья и на вся бесовьскыя песни, и ту умыкаху жены собе, с неюже кто свещевашеся. Имяхут же по две и по три жены. И аще кто умряше, творяху трызну надъ нимь, и посемъ творяху кладу велику, и възложать на кладу мертвеца и съжигаху, и посемъ, събравше кости, вложаху въ <...> ссудъ малъ и поставляху на столпе на путехъ, иже творять вятичи и ныне. Си же обычаи творяху и кривичи и прочии погании, не ведуще закона Божиа, но творяху сами себе законъ.

«Ибо комуждо языку овемь законъ исписанъ есть, другымъ же обычая, зане безаконнымъ отечьствиемь мнится. От нихъ же перьвое сирии, живущии на конець земля, законъ имуть отець своих и обычая: не любодеяти, ни прелюбодеяти, ни красти, ни клеветати, ли убити, ли зло деяти всема отинудь. Законъ же и у ктириянъ, глаголемии върахмане и островичи,[45] иже от прадедъ показаньемь и благочестьемь мясъ не ядуще, ни вина пьюще, ни блуда творяще, никакояже злобы творяще, страха ради многа. Ибо яве таче прилежащим к нимъ индомъ: убийстводеица, сквернотворящии, гневливи паче естьства; въ нутренейший же стране ихъ человекы ядуще и страньствующихъ убиваху, паче же ядять яко пси. Етеръ же законъ халдеемь[46] и вавилоняномъ: матери поимати, и съ братними чады блудъ деяти, и убивати. Всяко бестудьное деяние яко добродетелье мнятся деюще, любо аще и далече страны своея будут.

Инъ же законъ гилиомъ: [47] жены у нихъ орють, и хоромы зижють, и мужьскыя дела творять, но и любы творить елико хощеть, не въздержаемы от мужий своихъ отинудь, ни зазрятъ. В нихъ же суть и хоробры жены ловити звере крепькы. Владеють жены мужьми своими и въдобьляють ими. Въ Вритании же мнози мужи съ единою женою спять, тако же и многыя жены съ единымъ мужемъ похотьствують и безаконьная законъ отець творять независтьно и невъздержанно.

Амазоняни[48] же мужа не имуть, акы скотъ бесловесный, но единою летом к вешнимъ днемъ оземьствени будуть и съчитаються съ окрестныхъ <...> мужи, яко некоторое имъ торжество и велико празднество время те мнять. От нихъ заченшим въ чреве, и пакы разбегнутся отсюду вси. Въ время же хотящимъ родити, аще родится отроча — погубять и́, аще ли девическъ полъ, то въздоять и прилежьно и въспитают».

Якоже се и ныне при насъ половци законъ держать отець своихъ: кровь проливати, а хвалящеся о семъ, и ядуще мертвечину и всю нечистоту, хомякы и сусолы, и поимають мачехы своя и ятрови, и ины обычая отець своихъ. Но мы же, християне, елико земль, иже верують въ святую Троицю, и въ едино крещение, и въ едину веру, законъ имамъ одинъ, елико в Христа крестихомъся и въ Христа облекохомся.

По сихъ же летехъ, по смерти братья сея, быша обидими деревляны и инеми околными. И наидоша я козаре,[49] седящая в лесехъ на горах, и ркоша козаре: «Платите намъ дань». Здумавше же поляне и вдаша от дыма мечь. И несоша козаре къ князю своему и къ старейшинамъ своим и реша имъ: «Се, налезохомъ дань нову». Они же реша имъ: «Откуду?», Они же реша имъ: «В лесе на горах, над рекою Днепрьскою». Они же ркоша: «Что суть вдале?» Они же показаша мечь. И реша старце козарьстии: «Не добра дань, княже! Мы доискахомся оружьемь одиноя страны, рекше саблями, а сихъ оружье обоюду остро, рекше мечи. Си имуть имати и на нас дань и на инехъ странахъ». Се же събысться все: не от своея воля ркоша, но от Божия изволенья. Яко и при фараоне, цесари егупетьстемь, егда приведоша Моисея пред фараона, и ркоша старци фараони: «Сий хощеть смирити область Егупетьску»; якоже и бысть: погыбоша егуптяне от Моисея, а первее беша работающе имъ.[50] Тако и си: первее владеша, а последе самеми владеют; якоже и бысть: володеють бо козары русьстии князи и до днешняго дне.

Темьже и отселе почнем и числа положим, яко от Адама до потопа лет 2242, а от потопа до Аврама лет 1082, от Аврама до исхожения Моисеева летъ 430; от исхожения Моисеова до Давида лет 601, от Давида и от начала царства Соломоня до пленения Иеросалимова лет 448, от пленения до Александра лет 318, от Лександра до Христова рожества лет 333, от Христова рожьства до Костянтина лет 318, от Костянтина же до Михаила сего лет 542.[53] От перьваго лета Михаила сего до перваго лета Олгова рускаго князя, лет 29, от перваго лета Олгова, понележе седе в Киеве, до перваго лета Игорева лето 31, от перваго лета Игорева до перваго лета Святославля лет 33, от перваго лета Святославля до перваго лета Ярополча лет 28, Ярополкъ княжи лет 8, Володимеръ княжи лет 37, Ярославъ княжи лет 40. Темьже от смерти Святославля до смерти Ярославли лет 85, от смерти Ярославли до смерти Святополчи лет 60.[54]

Но мы на предлежащее възъвратимся и скажемъ, что ся удеяло в лета си, якоже преже почали бяхомъ первое лето Михаила, и по ряду положимъ числа.

В лето 6361-е. В лето 6362-е. В лето 6363-е. В лето 6364-е. В лето 6365-е.

В лето 6366-е. Михаилъ цесарь изыде с вои берегом и моремъ на болъгары. Болгар(е) же увидевьше, не могоша стати противу, креститися просиша, покорятися греком. Цесарь же крести князя ихъ и бояры вся и миръ сътвори съ болгары.[55]

В лето 6367. Имаху дань варязи, приходяще изъ заморья, на чюди, и на словенехъ, и на меряхъ и на всехъ, кривичахъ.[56] А козаре имахуть на полянех, и на северехъ, и на вятичихъ, имаху по беле и веверици[57] тако от дыма.

В лето 6370. И изгнаша варягы за море, и не даша имъ дани, и почаша сами в собе володети. И не бе в нихъ правды, и въста родъ на род, и быша усобице в них, и воевати сами на ся почаша. И ркоша: «Поищемъ сами в собе князя, иже бы володелъ нами и рядилъ по ряду, по праву.» Идоша за море к варягом, к руси. Сице бо звахуть ты варягы русь, яко се друзии зовутся свее, друзии же урмани, аньгляне, инеи и готе, тако и си.[58] Ркоша руси чюдь, словене, кривичи и вся: «Земля наша велика и обилна, а наряда въ ней нетъ. Да поидете княжить и володеть нами». И изъбрашася трие брата с роды своими, и пояша по собе всю русь, и придоша къ словеномъ первее. И срубиша город Ладогу. И седе старейший в Ладозе Рюрикъ, а другий, Синеусъ на Беле озере, а третей Труворъ въ Изборьсце.[59] И от техъ варягъ прозвася Руская земля. По дъвою же лету умре Синеусъ и братъ его Труворъ. И прия Рюрикъ власть всю одинъ, и пришед къ Ильмерю, и сруби город надъ Волховом, и прозваша и́ Новъгород, и седе ту, княжа, и раздая мужемъ своимъ волости и городы рубити: овому Полътескъ, овому Ростовъ, другому Белоозеро. И по темь городомъ суть находнице варязи; первии населници в Новегороде словене, и в Полотьске кривичи, Ростове меряне, Белеозере весь, Муроме мурома. И теми всеми обладаше Рюрикъ.

И бяста у него два мужа, не племени его, но боярина, и та испросистася къ Цесарюграду с родом своимъ. И поидоста по Дънепру, идуче мимо и узреста на горе городокъ. И въспрошаста, ркуще: «Чий се городъ?» Они же ркоша: «Была суть три братья — Кий, Щекъ, Хоривъ, иже сделаша городъ сий, и изъгыбоша, а мы седимъ род ихъ,[60] и платимы дань козаром». Асколдъ же и Диръ остаста в городе семъ, и многы варягы съвокуписта и начаста владети польскою землею, Рюрику же княжящу в Новегороде.

В лето 6371. В лето 6372. В лето 6373.

В лето 6374. Иде Асколдъ и Диръ на Грекы, и приде въ 14 лето ( Михаила цесаря.[61] Цесарю же отшедъшю на агаряны,[62] и дошедшю ему Черное рекы,[63] весть епархъ[64] посла ему, яко русь идеть на Цесарьград, и воротися цесарь. Си же внутрь Суда[65] вшедъше, много убийство християномъ створиша, и въ двою сту кораблий Цесарьград оступиша. Цесарь же одва в городъ вниде, и с патриарьхом Фотиемъ[66] къ сущий церкви святий Богородици Вълахерни всю нощь молитву створиша, такоже божественую ризу святыя Богородица с песьнеми изнесъше, в реку омочиша.[67] Тишине сущи и морю укротившюся, абье буря с ветром въста,[68] и волнамъ великымъ въставшим засобь, и безъбожных руси корабля смяте, и къ берегу приверже, и изби я, яко малу ихъ от таковыя беды избыти и въсвояси възвратишася.

В лето 6376. Поча цесарствовати Василий.[69]

В лето 6377. Крещена бысть вся земля Болгарьская.[70]

В лето 6378. В лето 6379. В лето 6380. В лето 6381. В лето 6382. В лето 6383. В лето 6384. В лето 6385. В лето 6386.

В лето 6387. Умершю же Рюрикови предасть княжение свое Олгови, от рода ему суща, въдавъ ему на руце сына своего Игоря, бяше бо молодъ велми.[71]

В лето 6390. Поиде Олгъ, поемъ вои свои многы: варягы, чюдь, словены, мерю, весь, кривичи. И прия городъ Смольнескъ и посади в нем мужь свой. Оттуда поиде внизъ и, пришедъ, взя Любечь,[72] и посади мужь свой. И придоста къ горамъ киевьскымъ, и увиде Олгъ, яко Осколдъ и Диръ княжита, и похорони вои въ лодьях, а другыя назади остави, а самъ приде, нося Игоря молода. И приступль под Угорьское, похоронивъ вои свои, и посла къ Асколду и Диру, глаголя, яко «Гостье есмы, идемъ въ Грекы от Олга и от Игоря княжича. Да придета к роду своему, к нам». Асколдъ же и Диръ придоста, и выскакаша вси из лодей, и рече Олгъ къ Асколъдови и Дирови: «Вы неста князя, ни роду княжя, но азъ есмь роду княжа», и вынесоша Игоря: «Сь сынъ Рюриковъ». И убиша Асколъда и Дира, и несоша на гору, и погребоша на горе, еже ся ныне зоветь Угорьское, идеже ныне Олминъ дворъ; на той могиле поставилъ божницю святаго Николы: и Дирова могила за святою Ориною.[73] И седе Олегъ, княжа в Киеве, и рече Олегъ: «Се буди мати городом русскымъ». И беша у него словени и варязи и прочии, прозвашася русью. Се же Олегъ нача городы ставити, и устави дани словеном, и кривичемъ и мерямъ, и устави варягом дань даяти от Новагорода 300 гривенъ на лето, мира деля, еже до смерти Ярославля даяше варягом.

В лето 6391. Поча Олегъ воевати на древляны, и примучивъ я, поча на них дань имать по черьне куне.

В лето 6392. Иде Олегъ на севяры, и победи северы, и възложи на нихъ дань легъку, и не дасть имъ козаромъ дани даяти, рекъ: «Азъ имъ противенъ, а вамъ не чему».

В лето 6393. Посла Олегъ к радимичем, ркя: «Кому дань даете?» Они же реша: «Козаром». И рече имъ Олегъ: «Не давайте козаромъ, но мне давайте». И вдаша Олгови по щелягу,[74] якоже и козаромъ даяху. И бе обладая Олегъ деревляны, полями, радимичи, а со уличи и тиверьци имеяше рать.

В лето 6395. Леонъ царствова, сынъ Васильевъ, иже Левъ прозвася, и брат его Александръ, иже цесарствоваша <...> лет 26.[75]

В лето 6396. В лето 6397. В лето 6398. В лето 6399. В лето 6400. В лето 6401. В лето 6402. В лето 6403. В лето 6404. В лето 6405.

В лето 6406. Идоша угре мимо Киевъ горою, еже ся зоветь ныне Угорьское, и пришедше къ Днепру, сташа вежами; беша бо ходяще, яко и половци. И пришедше от въстока и устремишася чересъ горы великыя, иже прозвашася горы Угорьскыя, и почаша воевати на живущая ту. Седяху бо ту преже словене и волохове, переяша землю Волыньскую.[76] Посемъ же угре прогнаша волохы, и наследиша землю ту, и седоша съ словеньми, покоривше я подъ ся. И оттоле прозвася земля Угорьска. И начаша воевати угре на Грекы, и пополниша землю Фрачьскую и Македоньску доже и до Селуня.[77] И начаша воевати на Мораву и на Чехы. Бе бо единъ языкъ словенескъ: [78] словене, иже седяху по Дунаю, ихъже прияша угре, и морава, и чеси, и ляхове, и поляне, яже ныне зовемая Русь. Симъ бо первее положены[79] книгы мораве, яже и прозвася грамота словеньская, яже грамота е в Руси и в болгарехъ дунайскых.

Словеномъ бо живущимъ кресщеным и княземъ ихъ, Ростиславъ, и Святополкъ и Коцелъ[80] послаша къ цесарю Михаилу, глаголюще: «Земля наша крещена, и несть в нас учитель, иже бы нас училъ и казалъ, и протолоковалъ святыя книгы. Не разумеемъ бо ни гречькому языку, ни латиньскому — оны бо ны инако учать, а друзии — инако, темьже не разумеем книжнаго разума, ни силы ихъ. А послете ны учителя, иже могуть ны сказати книжная словеса и разумъ ихъ». Се слышавъ, Михаилъ цесарь съзъва философы вся и сказа имъ речи вся словеньскыхъ князь. И ркоша философы: «Есть мужь в Селуни, именемь Левъ, И суть у него сынове, разумиви язьку словеньску, и хытра два сына у него и философа». Се слышавъ, цесарь посла по ня в Селунь къ Лвови, глаголя: «Пошли к намъ сына своя, Мефедья и Костянтина».[81] Се слышавъ, Левъ въскоре посла я. И придоста къ цесареви, и рече има цесарь: «Се прислалася ко мне словеньская земля, просяще учителя себе, иже бы моглъ имъ истолковати святыя книгы, сего бо желают». И умолена быста цесаремъ, и послаша я въ словеньскую земьлю къ Ростиславу, и Святополку и Коцьлови. Сима же пришедъшима, начаста съставляти писмена азъбуковьная словеньскы, и преложиста Апостолъ и Еуангелие. И ради быша словене, яко слышаша величья Божия своимъ языком. Посемъ же переложиста Псалтырь и Октаикъ[82] и прочая книгы. Неции же начаша хулити словеньскыя книгы, глаголюще, яко: «Не достоить никоторому же языку имети буковъ своихъ, разъве евреи, и грекъ и латины, по Пилатову писанию, еже на кресте Господни написа».[83] Се же услышавъ, папежь римьскый[84] похули техъ, иже ропьщют на книгы словеньскыя, рька: «Да ся исполнит книжное слово: яко “Въсхвалять Бога вьси языци”; другое же: “Вси възглаголють языкы различными величья Божия, якоже дасть им Святый Духъ отвещевати”. Да аще кто хулить словеньскую грамоту, да будут отлучени от церкве, дондеже исправятся; ти бо суть волци, а не овце, яже достоить от плодъ познати я и хранитися ихъ. Вы же, чада, Божия послушайте учения и не отринете наказания церковнаго,[85] якоже вы наказалъ Мефедий, учитель вашь». Костяньтинъ же възвратися въспять и иде учить болгарьска языка, а Мефедий оста въ Мораве. Посемь же Коцелъ князь постави Мефедия епископа въ Пании, на месте святаго апостола Андроника, единого от 70, ученика святаго апостола Павла. Мефедий же посади 2 попа борзописца велми, и преложи вся кьнигы исполнь от грецька языка въ словенескъ шестью месяць, наченъ от марта месяца до двунадесяту и 6 дний октября месяца. Окончавъ же, достойную хвалу и славу Богу въздасть, дающему таку благодать[86] епископу Мефедью, настолнику Андроникову. Темьже словеньску языку есть учитель Андроникъ апостолъ. Моравы бо доходилъ и апостолъ Павелъ и училъ ту; ту бо е Илурикъ, егоже доходилъ апостолъ Павелъ, ту бо бяша словени первее. Темьже словеньску языку учитель есть Павелъ, от негоже языка и мы есме русь, темже и намъ руси учитель есть Павелъ апостолъ, понеже училъ есть языкъ словенескъ и поставилъ есть епископа и наместника по себе Андроника словеньску языку. А словенескъ языкъ и рускый одинъ. От варягъ бо прозвашася Русью, а первее беша словене; аще и поляне звахуся, но словеньская речь бе. Полями же прозвашася, занеже в поле седяху, языкъ словеньскый бе имъ единъ.

В лето 6410. Леонъ цесарь ная угры на болгары. Угре же, нашедше, всю землю Болгарьскую пленоваху. Семеонъ же, уведавъ, на угры възвратися, угри противу поидоша и победиша болгары, яко одъва Семеонъ въ Деръстеръ убежа.[87]

В лето 6411. Игореви възрастъшю, и хожаше по Олзе и слушаше его, и приведоша ему жену от Плескова, именемь Ольгу.

В лето 6412. В лето 6413. В лето 6414.

В лето 6415. Иде Олегъ на Грекы, Игоря оставивъ Кыеве.[88] Поя же множьство варягъ, и словенъ, и чюди, и кривичи, и мерю, и поляны, и северо, и деревляны, и радимичи, и хорваты, и дулебы, и тиверци, яже суть толковины;[89] си вси звахуться Великая скуфь.[90] И сь семи всеми поиде Олегъ на конехъ и в кораблех, и бе числомъ кораблий 2000. И приде къ Цесарюграду, и греци замкоша Судъ, а городъ затвориша. И вылезе Олегъ на берегъ, и повеле воемъ изъволочити корабля на берегъ, и повоева около города, и много убийство створи греком, и полаты многы разбиша, а церькви пожьгоша, А ихъже имяху полоняникы, овехъ посекаху, другыя же мучаху, иныя же растреляху, а другыя въ море вметаша, и ина многа зла творяху русь греком, елико же ратнии творять.

«Не погубляй город, имемься по дань, якоже хощеши». И устави Олегъ вои, и вынесоша ему брашна и вино, и не прия его — бе бо устроено съ отравою. И убояшася греце и ркоша: «Несть се Олегъ, но святый Дмитрий,[92] посланъ на ны от Бога». И заповеда Олегъ дань даяти на 2000 кораблий, по 12 гривне на человека, а в корабли по 40 мужь.

Няшася греци по се, и почаша греци мира просити, дабы не воевалъ Грецькой земли. Олегъ же, мало отступивъ от города, нача миръ творити съ цесарема грецькыма, съ Леономъ и съ Александром. Посла к нима в городъ Карла, Фарлофа, Велмуда, Рулава и Стемида, глаголя: «Имете ми ся по дань». И ркоша греце: «Чего хочете и дамы ти». И заповеда Олегъ дати воемъ на 2000 кораблий по двенатьчать гривне на ключь, и потом даяти углады на руские городы: первое на Киевъ, таже и на Черниговъ, и на Переяславлъ, и на Полътескъ, и на Ростовъ и на Любечь и на прочая городы; по темь бо городомъ седяху князья, подъ Ольгом суще.

«Да приходять русь сълебное емлють, елико хотят, а иже придуть гостье, да емлють месячину на 6 месяць, и хлебъ, и вино, и мяса, и рыбы и овощемъ. И да творять имъ мовь, елико хотять. И поидут же русь домови, да емлют у цесаря вашего на путь брашно, и якоря, и ужа, и парусы и елико надобе.» И яшася греци, и ркоша цесаря и боярьство все: «Аще приидуть русь бес купли, да не взимают месячины. Да запретить князь людем своимъ, приходящим руси зде, да не творят пакости в селехъ и въ стране нашей. Приходящии русь да витают у святаго Мамы, и послеть царство наше, да испишют имена ихъ, и тогда возмут месячное свое — первое от города Киева, и пакы ис Чернигова и Переяславля и прочии городи. И да входять в городъ одиными вороты съ цесаревымъ мужемъ, безъ оружья, мужь 50, и да творят куплю, якоже имъ надобе, и не платяче мыта ни в чемьже».

Цесарь же Леонъ съ Александром миръ створиста съ Ольгом, имъшеся по дань, и роте заходивше межи собою, целовавше сами крестъ, а Ольга водиша и мужий его на роту по рускому закону: кляшася оружьемь своимъ, и Перуномъ, богомъ своимъ, и Волосом,[93] скотьимъ богомъ, и утвердиша миръ. И рече Олегъ: «Исшийте парусы паволочиты руси, а словеном кропийнныя». И бысть тако. И повесиша щиты своя[94] въ вратехъ, показающе победу, и поиде от Цесаряграда. И въспяша русь парусы паволочитые, а словене кропийнныя, и раздра я ветръ. И ркоша словене: «Имемъся своим толъстинамъ — не даны суть словеном парусы кропинныя». И приде Олегъ къ Киеву, неся золото, и паволокы, и овощи, и вина, и всяко узорочье. И прозваша Ольга «вещий» — бяху бо людие погани и невеголоси.

В лето 6416. В лето 6417. В лето 6418.

В лето 6420. Посла Олегъ мужи свои построити мира и положити ряды межи Грекы и Русью, и посла глаголя:

«Равно другаго свещания,[96] бывшаго при техъже цесарихъ Лва и Александра. Мы от рода рускаго — Карлы, Инегелдъ, Фарлофъ, Веремудъ, Рулавъ, Гуды, Руалдъ, Карнъ, Фрелавъ, Рюаръ, Актеву, Труанъ, Лидуль, Фостъ, Стемиръ, иже послани от Олга, великаго князя рускаго, и от всех, иже суть под рукою его, светълыхъ бояръ, к вамъ, Львови и Александру и Костянтину, великьмъ о Бозе самодержьцем, цесаремь грецкымъ, на удержание и на извещение от многыхъ летъ межю християны и Русью бывшюю любовь, похотеньемъ наших князь и по повелению и от всехъ, иже суть подъ рукою его сущих руси. Наша светлость боле инехъ хотящихъ же о Бозе удержати и известити такую любовь, бывшюю межю хрестияны и русью многажды, право судихом, не точью простословесенъ и писаниемь и клятвою твердою, кленшеся оружьемь своимъ, такую любовь известити и утвердити по вере и по закону нашему.

Суть, яко понеже мы ся имали о Божии вере и любви, главы таковыя: по первому слову да умиримся с вами, грекы, да любимъ другъ друга от всея душа и изволенья, и не вдадимъ, елико наше изволение, быти от сущих под рукою нашихъ князь светлыхъ никакомуже съблазну или вине. Но потщимся, елико по силе, на схранение прочихъ и вьсегда летъ с вами, грекы, исповеданиемь и написанием съ клятвою извещаемую любовь непревратну и непостыжну. Тако же и вы, греци, да храните таку же любовь къ княземъ же светлымъ нашим рускымъ и къ всемъ, иже суть подъ рукою светлаго князя нашего, несъблазнену и непреложну всегда и въ вся лета.

А о главах, иже ся ключит проказа, урядимся сице: да елико яве будеть показании явлеными, да имеють верное о тацехъ явлении, а емуже начнуть не яти веры, да кленется часть та, иже ищеть неятью веры, да егда кленется по вере своей, будеть казнь, якоже явится съгрешение.

да возметь ближний убьенаго, а и жена убившаго да имееть, толцемь же прибудеть по закону. Аще ли есть неимовит створивый убой и убежавъ, да держится тяжи, доньдеже обрящется, яко да умреть.

Аще ли ударить мечемь или бьеть кацемь любо сесудомъ, за то ударение или убьение да вдасть литръ 5 сребра по покону рускому; аще ли будеть неимовить тако створивый, да вдасть елико можеть, и да соиметь съ себе и ты самыя порты своя, в нихъже ходить, да о проче да роте ходить своею верою, яко никакоже иному помощи ему, да пребывает тяжа оттоле не взискаема.

О семь, аще украдет русинъ что любо у крестьянина, или пакы христьянинъ у русина, и ятъ будеть в томъ часе тать, егда татьбу створит, от погубившаго что любо, аще приготовится татьбу творяй: и убиенъ будеть, да не възыщется смерть его ни от хрестьянъ, ни от руси, но паче убо да възметь свое, иже будеть погубилъ. И аще въдасть руце украдый, да ятъ будет темь же, у негоже будеть украдено, и связанъ будеть, и отдасть то, еже сме створити, и створить трижды.

О семь, аще ли кто или русинъ хрестьяну или хрестьянъ русину мучения образомъ искусъ творити и насилье яве, или възмет что любо дружне, да въспятить троичь.

Аще вывержена лодья будет ветромъ великом на землю чюжю, и обрящються тамо иже от нас руси, да аще кто идеть снабьдети лодью с рухломъ своимъ и отсылати пакы на землю крестьяньску, да проводимъ ю сквозе всяко страшно место, дондеже придеть в бестрашно место. Аще ли таковая лодья или от буря, или боронения земнаго боронима,[97] не можеть възвратитися въ своя си места, спотружаемъся гребцемъ бо тоя лодья мы, русь, и допровадимъ с куплею ихъ поздорову. Ти аще ключится близъ земли Грецькы, аще ли ключится такоже проказа лодьи рустей, да проводимъ ю в Рускую земьлю, и да продають рухло тоя лодья, и аще что можеть продати от лодья, воволочимъ имъ мы, русь. Да егда ходимъ въ <...> Грекы или с куплею, или в солбу къ цесареви вашему, да пустимъ я съ честью проданое рухло лодья ихъ. Аще ли ключится кому от тоя лодья в ней убьену быти или бьену быти от нас, руси, или взяти что любо, да повиньни будуть то створшии преждереченную епитемьею от техъ.

купящии, или мниться въ куплю над нь челядиная цена. Такоже аще от рати ятъ будеть, да от техъ грекъ, такоже да възвратится въ свою страну, и отдана будеть цена его, якоже речено есть, якоже есть купля.

Егда же требуеть на войну ити, егда же потребу творите, и си хотять почестити цесаря вашего, да аще въ кое время елико ихъ придет, и хотять оставити у цесаря вашего своею волею, да будуть.

О руси, о полоненьи. Многажды от коея убо страны пришедшимъ в Русь и продаемомъ въ крестьяны, и еще же и от хрестиянъ полоненых мьногажды от коея любо страны приходящимъ в Русь, се продаеми бывают по 20 золота, и да придуть в Грекы.

О том, аще украденъ будеть челядинъ рускый, или ускочить, или по нужи проданъ будет, и жаловати начнуть русь, да покажеться таковое о челядине, да имуть и́ въ Русь. Но и гостье, погубиша челядинъ и жалуют, да ищють и обретаемое, да имуть е. Аще ли кто искушения сего не дасть створити местникъ, да погубит правду свою.

О работающих въ Грецехъ руси у хрестьяньского цесаря. Аще кто умреть, не урядивъ своего именья, ци и своихъ не имать, да възратить именье к малымъ ближикамъ в Русь. Аще ли створить обряжение таковый, възмет уряженое его, кому будеть писалъ наследити именье его, да наследит е.[98]

О различныхъ ходящихъ въ Грекы и удолжающихъ. Аще злодей не възвратится в Русь, да жалують русь хрестьяньскому царству, и ятъ будеть таковый, и възвращенъ будет, не хотяи, в Русь, Си же вся да творять русь греком, идеже аще ключится таково.

На утвержение же и неподвижение быти межи вами, хрестьяны, и Русью, бывший миръ състворихом Ивановомъ написанием[99] на двою харотью, цесаря вашего и своею рукою, предлежаiдим честнымъ крестомъ и святою единосущною Троицею единоистиньнаго Бога вашего, извести и дасть нашим послом. Мы же кляхомся къ цесарю вашему, иже от Бога суще, яко Божие здание, по закону и по покону языка нашего, не переступати ни намъ, ни иному от страны нашея от уставленыхъ главъ мира и любве. И таково написание дахомъ царства вашего на утвержение обоему пребывати таковому свещанию, на утвержение и извещение межи нами бывающаго мира. Месяца сентября въ 2, в неделю 15,[100] в лето создания миру 6420».

Цесарь же Леонъ послы рускыя почьстивъ дарми — золотом, и паволоками и фофудьями[101] — и пристави къ нимъ мужи свои показати имъ церковьную красоту, и полаты златыя и в нихъ сущая богатьства, злато много и паволокы и каменье драгое, и страсти Господни, венець, и гвоздье,[102] и хламиду багряную, и мощи святыхъ, учаще я к вере своей, и показающе имъ истинную веру. И тако отпусти я въ свою землю съ честью великою. Послании же Ольгомъ посли придоша къ Ольгови и поведаша вся речи обою цесарю, како створиша миръ, и урядъ положиша межю Грецькою землею и Рускою, и клятвы не переступати ни грецемь, ни руси.

И живяше Олегъ, миръ имея къ всемъ странамъ, княжа въ Киеве. И приспе осень, и помяну Олегъ конь свой, иже бе поставилъ кормити, не вседати на нь. Бе бо преже въпрошалъ волъхвовъ и кудесникъ: «От чего ми есть умьрети?». И рече ему одинъ кудесникъ: [103] «Княже! Конь, егоже любиши и ездиши на немъ, от того ти умрети». Олегъ же приимъ въ уме, си рече: «Николи же всяду на конь, ни вижю его боле того». И повеле кормити и́ и не водити его к нему, и пребывъ неколко летъ не дея его, дондеже и на грекы иде. И пришедшю ему къ Киеву и пребысть 4 лета, на 5 лето помяну конь свой, от негоже бяху рекъли волъсви умрети Ольгови. И призва старейшину конюхомъ, ркя: «Кде есть конь мой, егоже бехъ поставилъ кормити и блюсти его?». Онъ же рече: «Умерлъ есть». Олегъ же посмеяся и укори кудесника, ркя: «То ть неправо молвять волъсви, но все то лъжа есть: конь умерлъ, а я живъ». И повеле оседлати конь: «Да ть вижю кости его». И приеха на место, идеже бяху лежаще кости его голы и лобъ голъ, и слезъ с коня, посмеяся, ркя: «От сего ли лъба смерть мне взяти»?» И въступи ногою на лобъ, и выникнучи змея и уклюну ̀и в ногу. И с того разболевся, умьре. И плакашася по немъ вси людие плачем великом, и несоша ̀и, и погребоша ̀и на горе, иже глаголеться Щековица; есть же могила его до сего дни, словеть могила Олгова.[104] И бысть всехъ летъ его княжения 33.

бесовьская чюдеса творя. От Рима бо пришедъ въ Узантию, умоленъ бысть от живущих ту, створити сия: отгна множьство змий и скоропия изъ града, яко не вьрежатися человекомъ от нихъ, ярость коньскую обуздавъ, егда схожахуся бояре. Тако же и въ Антиохию[107] пришедъ и умоленъ бывъ от них, томимомъ бо антиохомъ от скорпий и от комаровъ, створи скорпий медянъ и погребе и́ в земли, и малъ столпъ мраморянъ постави надъ ним. И повеле трость держати человекомъ, и ходити по городу, звати, тростемъ трясомомъ: «Бес комара граду». Тако изъщезоша изъ града комари и скорпия. И спросиша же и пакы о належащемь на граде трусе, въздохну, списа на дщице сия: «Увы тебе, оканьный городе, яко потрясешися много, одержимъ будеши огнемъ, оплачеть же тя и при березе си Оронтии». О немь же и великый Анастасий Божия города[108] рече: «Аполонию же доже и доныне на нецехъ местех сбываются створенаа, стоящая ова на отвращение четвероногъ, птица, могущи вредити человекы, другыя же на въздержание струямъ речнымъ, нездержаньно текущимъ, но ина некая на тленье и вредъ человекомъ суща на побежение стоять. И не точью бо за живота его така и таковая створиша бесове его ради, но и по смерти его пребывающа у гроба его знаменья творяху во имя его, а на прелещение оканнымъ человекомъ, болма крадомымъ на таковая от дьявола». Кто убо что речеть о творящихъ волшевныхъ делъ? Яко то таковый горазнъ бысть волшебнымъ прелщениемъ, яко воину зазряше ведый Аполоний, яко неистовьствен на ся философьскую хитрость имуща; подобашеть бо ему рещи, якоже и «Азъ словомъ точью творити, ихъже хотяша», а не свершениемъ творити повелеваемая от него. Та же вся ослаблениемъ Божиимъ и творениемь бесовьскымъ бываеть, таковыми вещьми искушатися нашея преславныя веры, аще тверда есть, искрь пребывающи Господеви, ни не влекома врагомъ мечетныхъ ради чюдесъ и сотонинъ делъ, творимомъ от рабъ и слугъ злобие. 2-е и еще и именемъ Господнимъ пророчьствоваша неции, яко Валамъ, и Саулъ, и Каияфа, и бесъ пакы изгнаша, яко Июда и сынове Скевави.[109] Убо и на недостойнии благодетьствует многажды, да етеры свидетельствуеть, ибо Валаамъ чюжь бе обоихъ — житья изящна и веры, но обаче сведельство в немъ благодать инехъ ради смотрения. И Фараонъ таковый бе, но и тому предбудущаа показа. И Навходъносоръ законопреступный, но и сему пакы по мнозехъ сущих посреде же града откры,[110] темь являя, яко мнози, прекостьни имуще умъ, предъ образомъ Христовымъ знаменають иною кознью на прелесть человекомъ, не разумеющимъ добраго, якоже бысть Симонъ[111] волъхвъ, и Менандръ,[112] ини таковыхъ ради, поистине рече: «Не чюдесы прельщати...».

В лето 6421. Поча княжити Игорь по Ользе. В се же время поча царствовати Костянтинъ, сынъ Леонтовъ, зять Романовъ.[113] И деревляне заратишася[114] от Игоря по Олгове смерти.

В лето 6422. Иде Игорь на древляны и, победивъ, възложи на ня дань болшю Ольговы. В то же лето приде Семеонъ Болгарьскый на Цесарьград и, створивъ миръ, иде въсвояси.

В лето 6423. Приидоша печенези первое на Рускую землю и, створивше миръ съ Игоремъ, идоша къ Дунаю. В си же времена приде Семеонъ, пленяя Фракию.[115] Греци же послаша по печенегы. Печенегомъ же пришедъшимъ и хотящимъ на Семеона, расваришася грецкыя воеводы. Видевъше печенизи, яко сами на ся реть имуть, отидоша въсвояси, а болгаре съ грекы съступишася, и посечени быша грецы. Семеонъ же прия градъ Одьрень, иже первое Орестовъ город нарицашеся, сына Агамемнонъ, иже первое въ трехъ рекахъ купався, недуга избы ту, сего ради град въ свое имя нарече. Последе же Андреянъ кесарь обновивый, въ свое имя нарече — Андреянъ; мы же зовемъ Ондреянем градом.[116]

В лето 6424. В лето 6425. В лето 6426. В лето 6427.

В лето 6429. В лето 6430. В лето 6431. В лето 6432. В лето 6433. В лето 6434. В лето 6435. В лето 6436.

В лето 6437. Прииде Семеонъ на Цесарьград, и поплени Фракию и Македонью, и приде къ Цесарюграду в силе велице и в горъдости, и створи миръ с Романомъ цесарем и възвратися въсвояси.[117]

В лето 6438. В лето 6439. В лето 6440. В лето 6441.

В лето 6442. Первое придоша угри на Цесарьград и пленяху всю Фракию. Романъ же створи миръ со угры.[118]

В лето 6449. Иде Игорь на Грекы.[119] И яко послаша болгаре весть къ цесарю, яко идуть Русь на Цесарьград, скедий[120] 10 тысящь. Иже и поидоша, и приплуша, и почаша воевати Вифаньскыя страны, и пленоваху по Понту до Ираклия и до Фофлагоньскы земля, и всю страну Никомидийскую пополониша,[121] и Судъ всь пожьгоша. Ихъже емъше, овехъ растинаху, и другия же сторожи поставьляюще,[122] стрелами растреляху и изъламляху опакы руци связавше, и гвозды железны посреде головъ въбивахуть има. Мьного же и святыхъ церквий огьневи предаша, и именье немало обою сторону взяша. Потомъ же пришедшемъ воемъ от въстока, Панфиръ деместникъ съ четырмидесятъ тысящь, Фока же патрикий съ македоны, Феодоръ же стратилатъ съ фракы,[123] и с ними же и сановницы боярьстии, обидоша русь около. И свещаша русь, и изидоша противу, въоружившеся на грекы, и брани межю има бывши зле, одва одолеша греци. Русь же възвратишася къ дружине своей к вечеру и, на ночь влезъше въ лодья, отбегоша. Феофанъ же усрете я въ олядехъ съ огнемъ, и нача пущати огнь трубами на лодья рускыя.[124] И бысть видети страшно чюдо. Русь же, видяще пламень, вметахуся въ воду морьскую, хотяще убрести, и тако прочии възвратишася въсвояси. Темьже пришедъшимъ в землю свою, поведаху кождо своимъ о бывшемъ и олядьнемъ огни: «Якоже молонья, — рече, иже на небесихъ, греци имуть в себе, и сию пущающе, жьжаху насъ, и сего ради не одолехом имъ». Игорь же, пришедъ, и нача съвокупляти вои многы, и посла по варягы за море, вабя и́ на грекы, паки хотя поити на ня.

В лето 6450. Семеонъ иде на хорваты, и побеженъ бысть хорваты, и умре, оставивъ Петра, сына своего, княжить.[125] В се же лето. родися Святославъ у Игоря.[126]

В лето 6451. Пакы приидоша угре на Цесарьград и, миръ створивше с Романом, възвратишася въсвояси.

В лето 6452. Игорь совокупи воя многы — варягы, и русь, и поляны, и словены, и кривичи, и тиверцы, и печенегы ная и тали в нихъ поемъ, поиде на грекы в лодьяхъ и на конехъ, хотя мьстити себе. Се слышавше, корсунци послаша къ Роману, глаголюще: «Се идуть Русь, покърыли суть море корабли». Тако же и болгаре послаша весть, глаголюще: «Идуть Русь и печенегы наяли суть к собе». Се слышавъ, цесарь посла къ Игореви лутьшии бояры, моля и глаголя: «Не ходи, но возьми дань, юже ималъ Олегъ, и придамъ еще къ той дани». Такоже и печенегомъ послаша паволокы и золото много. Игорь же, дошедъ Дуная, съзва дружину, и нача думати и поведа имъ речь цесареву. Ркоша же дружина Игорева: «Да аще сице глаголеть цесарь, то что хощемъ боле того: не бившися, имати злато, и серебро, и паволокы? Еда кто весть: кто одолееть, мы ли, они ли? Или с моремъ кто светенъ? Се бо не по земли ходимъ, но по глубине морьстий — и обьча смерть всемъ». И послуша ихъ Игорь, и повеле печенегомъ воевати Болгарьскую землю, а самъ, вземъ у грекъ злато и паволокы на вся воя, възвратися въспять и приде къ Киеву въсвояси.

рускыя слы, и повелеша глаголати и писати обоихъ речи на харотью:

«Равно другаго свещания, бывшаго при цесаре Романе, и Костянтине, и Стефане,[127] христолюбивыхъ владыкъ. Мы от рода рускаго слы и гостье: Иворъ, солъ Игоревъ, великаго князя рускаго, и обьчии сли: Вуефастъ Святославль, сына Игорева, Искусеви Олгы княгыня, Слуды Игоревъ, нетий Игоревъ, Улебъ Володиславль, Каницарь Предславинь, Шигобернъ Сфандръ, жены Улебовы, Прастенъ Турдуви, Либиарь Фастов, Гримъ Сфирковъ, Прастенъ Якунъ, нетий Игоревъ, Кары Тудковъ, Каршевъ Тудоровъ, Егри Ерлисковъ, Воистовъ Иковъ,[128] Истръ Яминдовъ, Ятьвягъ Гунаревъ, Шибьридъ Алдань, Колъ Клековъ, Стегги Етоновъ, Сфирка, Алвадъ Гудовъ, Фудри Тулбовъ, Муторъ Утинъ, купець Адунь, Адолбъ, Ангивладъ, Улебъ, Фрутанъ, Гомолъ, Куци, Емигъ, Турьбридъ, Фурьстенъ, Бруны, Роалъдъ, Гунастръ, Фрастенъ, Инъгелдъ, Турбернъ и другий Турбернъ, Улебъ, Турбенъ, Моны, Руалдъ, Свень, Стиръ, Алданъ, Тилий, Апубкарь, Свень, Вузелевъ, и Синько биричь, послании от Игоря, великаго князя рускаго, и от всея княжья и от всех людий Руское земли. И от техъ заповедано объновити ветхый миръ и от ненавидящаго добра, вьраждолюбца дьявола разореный от многъ лет, утвердити любовь межю Грекы и Русью.

И великый нашь князь Игорь, и бояре его, и людие вси рустии послаша ны къ Роману, и Стефану, и Костянтину, великымъ цесаремъ грецкымъ, створити любовь съ самими цесари, и съ всемъ боярьствомъ и съ всими людми грецкыми на вся лета, дондеже солнце сияеть и всь миръ стоить.

Иже помыслить от страны Рускыя раздрушити таковую любовь, и елико ихъ крещенье прияли суть, да приимуть месть от Бога вседержителя, осужение и на погибель и в сий векъ и в будущий, а елико ихъ не кресщено есть, да не имуть помощи от Бога, ни от Перуна, да не ущитятся щиты своими, и да посечени будуть мечи своими, и от стрелъ и от иного оружья своего, и да будуть раби и в сий векъ и будущий.

Великый князь рускый и бояре его да посылають на то въ Грекы к великымъ цесаремъ грецкым корабля, елико хотять, съ послы своими и гостьми, якоже имъ уставлено есть. Ношаху слы печати златы, а гостие серебряны. Ныне же уведалъ есть князь вашь посылати грамоту къ царству нашему,[129] иже посылаеми бывають от нихъ послы и гостье, да приносять грамоту, пишюще сице, яко «послах корабль селико». И от техъ да увемы и мы, оже с миромъ приходят. Аще ли безъ грамоты приидуть, и предани будуть намъ, держимъ и хранимъ, дондеже възвестимъ князю вашему. Аще ли руку не дадят и противятся, да убьени будуть, и да не изыщеться смерть ихъ от князя вашего. Аще ли, убежавше, приидуть в Русь, и мы напишемъ къ князю вашему, и яко имъ любо, тако створять. И аще придуть русь безъ купля, да не взимають месячины. И да запретить князь слом своимъ и приходящий руси сде, да не творять бещинья в селехъ, ни въ стране нашей. И приходящимъ имъ, да витають у святаго Мамы, да послеть царство наше, да испишеть имена ихъ, и тогда възмуть месячное свое, сли слебное свое, а гостье месячное свое, первое от града Киева, и пакы ис Чернигова и ис Переяславля и прочии городи. И да входять в город одиными вороты съ цесаревомъ мужемъ безъ оружья, 50 мужь, и да творять куплю, якоже имъ надобе, и пакы да исходять; и мужъ цесарьства нашего да хранить я, да аще кто от руси или от грекъ створить криво да оправляет тъ. Входя же русь в городъ, да не творят пакости и не имеють власти купити паволокъ лише по пятидесятъ золотникъ; и от техъ паволокъ аще кто купить, да показаеть цесареву мужеви, и тъ я запечатаеть и дасть имъ. И отходящи руси отсюду, взимають от нас, еже надоби брашно на путь, и еже надобе лодьямъ, якоже уставлено есть первое, и да възвращаются съ спасениемъ въ свою сторону, и да не имуть волости зимовати у святаго Мамы.

́, аще ли не обрящется, да на роту идут наши христеяне руси, а не христьянии — по закону своему, ти тогда взимають от нас цену свою, якоже уставлено есть преже, 2 паволоце за челядинъ.

Аще ли кто от людий царства нашего, ли от города нашего, или от инехъ городъ ускочить челядинъ нашь къ вамъ и принесеть что, да взвратять е опять, и еже что принеслъ будеть цело все, да возмет от него золотника два имечнаго.

Аще ли покусится кто взяти от руси и от людий царства нашего, иже то створить, покажьненъ будеть вельми; аще ли и взялъ будеть, да заплатит сугубо. Аще ли створить то же грецинъ русину, да приимет ту же казнь, якоже приялъ есть онъ.

Аще ли ключится украсти русину от грекъ что, или гречину от руси, достойно есть, да възвратит е не точью едино, но и цену его. Аще украденое обрящется продаемо, да вдасть цену его сугубу, и тъ покажненъ будеть по закону грецкому, и по уставу грецкому и по закону рускому.

И елико християнъ от власти нашея пленена приведут русь ту, аще будеть уноша или девица добра, да въдадять золотникъ 10 и поимуть ̀и. Аще ли есть средовечь, да вдасть золотникъ 8 и поиметь ̀и. Аще ли будеть старъ или детичь, да вдастъ золотникъ 5.

О Корсуньсций стороне.[130] Колко же есть городъ на той части, да не имуть власти князи рускыи, да воюеть на техъ сторонахъ, а та страна не покоряется вам, и тогда, аще просит вой от насъ князь рускый, дамы ему, елико ему будет требе, и да воюет.

И о томъ, аще обрящют русь кувару[131] гречьску, вывержену на некоемъ любо месте, да не приобидять ея. Аще ли от нея възметь кто что или человека поработить или убьеть, да будеть повиненъ закону рускому и грецкому.

И аще обрящють русь коръсуняны, рыбы ловяща въ устьи Днепра, да не творят имъ зла никакогоже.

И да не имеють русь власти зимовати въ устьи Днепра, Белобережии, у святаго Елеуферья,[132] но егда придеть осень, да идуть в домы своя в Русь.

Или аще ключится проказа некака от грекъ, сущихъ подъ властью царства нашего, да не имате власти казнити я, но повеленьемь царства нашего, да приимет, якоже будеть створилъ.

И аще убьеть крестьянинъ русина, да держимъ будеть створивый убиство от ближнихъ убьенаго, да убьють ̀и. Аще ли ускочить створивы убой и убежить, и аще будеть имовит, да возмуть именье его ближнии убьенаго; аще ли есть неимовитъ створивый убийство и ускочить, да ищють его, дондеже обрящется, да убьенъ будет.

Или аще ударит мечемъ, или копьемъ, или кацемъ инымъ съсудом русинъ гречина, или гречинъ русина, да того деля греха заплатить серебра литръ 5 по закону рускому. Аще ли есть неимовит, да како можеть, въ толко же и проданъ будеть, яко да и порты, в нихъже ходить, и то с него сняти, а о прочи да на роту ходит по своей вере, яко не имея ничтоже, ти тако пущенъ будеть.

Аще ли хотети начнеть наше царьство от вас вои на противящася намъ, да пишют к великому князю вашему, и пошлеть к намъ, елико хощемъ; и оттоле уведять иныя страны, каку любовь имеют греци с русью.

допроводять к великому князю Игореви рускому и к людемъ его, и ти, приимающе харотью, на роту идуть хранити истину, якоже мы свещахом и написахом на харотью сию, на нейже суть написана имена наша.

Мы же, елико насъ крестилися есмы, кляхомся церковью святаго Ильи въ зборней церкви и предлежащимъ честнымъ крестомъ, и харотьею сею, хранити же все, еже есть написано на ней, и не преступати от того ничтоже. А оже переступить се от страны нашея, или князь, или инъ кто, или кресщенъ или некрещенъ, да не имать от Бога помощи, и да будуть рабы в сий векъ и в будущий, и да заколенъ будеть своимъ оружьемъ.

А некрещении русь да полагають щиты своя и мечи свои нагы, и обручи свои и прочая оружья, и да кленуться о всем, и яже суть написана на харотье сей, и хранити от Игоря и от всехъ бояръ и от всех людий и от страны Рускыя въ прочая лета и всегда.

Аще ли же кто от князь и от людий рускыхъ или крестьянъ, или некресщеный переступить все, еже написано на харотье сей, и будеть достоинъ своимъ оружьемь умрети, и да будет клятъ от Бога и от Перуна, и яко преступи свою клятъву.

Да обаче будеть добре Игорь великый князь да хранить любовь вьсю правую, да не раздрушится, дондеже солнце сияет и всь миръ стоить, въ нынешняя векы и в будущая».

«Молвите, что вы казалъ цесарь?» И ркоша сли цесареви: «Се посла ны цесарь, радъ есть миру и хочеть миръ имети съ князем рускымъ и любовь. И твои сли водили суть цесаря нашего роте, и насъ послаша роте водить тебе и мужь твоихъ». И обещася Игорь сице створити. И наутрея призва Игорь сли, и приде на холъмы, кде стояше Перунъ, и покладоша оружья своя, и щиты и золото, и ходи Игорь роте и мужи его, и елико поганыя руси, а хрестьяную русь водиша въ церковь святаго Ильи, яже есть надъ Ручьемъ, конець Пасыньце беседы, и козаре: се бо бе сборная церкви, мнози бо беша варязи хрестьяни.[133] Игорь же, утвердивъ миръ съ грекы, отпусти слы, одаривъ скорою, и челядью и воском, и отпусти я. Сли же придоша къ цесареви и поведаша вся речи Игоревы и любовь, яже къ греком.

Игорь же нача княжити въ Киеве, и миръ имея къ всемъ странамъ. И приспе осень, и нача мыслити на деревляны, хотя примыслити болшюю дань.[134]

В лето 6453. Ркоша дружина Игореви: «Отроци Свенделжи[135] изоделеся суть оружьемь и порты, а мы нази. И поиди, княже, с нами в дань, да и ты добудешь и мы». И послуша ихъ Игорь, иде в Дерева в дань, и примысляше къ первой дани, и насиляше имъ и мужи его. И возмя дань и поиде въ свой городъ. Идущю же ему въспять, размысли, рече дружине своей: «Идете вы с данью домови, а язъ възвращюся и похожю еще». И пусти дружину свою домови, с маломъ же дружины възвратися, желая болшая именья. Слышавше же древляне, яко опять идеть, съдумавше древляне съ княземъ своимъ Маломъ и ркоша: «Аще ся въвадить волкъ въ овце, то относить по единой все стадо, аще не убьють его; тако и сий, аще не убьем его, то вси ны погубить», И послаша к нему, глаголюще: «Почто идеши опять? Поималъ еси вьсю дань». И не послуша ихъ Игорь, и шедше из города Искоростеня[136] противу древляне и убиша Игоря[137] и дружину его, бе бо ихъ мало. И погребенъ бысть Игорь, и есть могила его у Искоростиня города в Деревехъ и до сего дни.

Ольга же бяше в Киеве съ сыномъ своимъ детьском Святославомъ, и кормилець бе его Асмудъ, и воевода бе Свинделдъ, — то же отець Мьстишинъ. Ркоша же деревляне: «Се князя рускаго убихомъ, поимемъ жену его Олгу за князь свой Малъ и Святослава, и створимъ ему, якоже хощемъ». И послаша деревляне лучьшии мужи свои, числомъ 20, в лодьи къ Ользе. И присташа подъ Боричевом въ лодьи. Бе бо тогда вода текущи возле горы Киевьскыя, и на Подоле не седяхуть людье, но на горе. Городъ же бяше Киевъ, идеже есть ныне дворъ Гордятинъ и Никифоровъ, а дворъ кьняжь бяше в городе, идеже есть ныне дворъ Воротиславль и Чюдинь, а перевесище бе вне города. Дворъ теремный и другый — идеже есть дворъ демесниковъ[138] за святою Богородицею, надъ горою. Бе бо ту теремъ каменъ. И поведаша Олзе, яко деревляни придоша, и възва Ольга к собе и рече имъ: «Добре, гостье, приидоша?» И ркоша древляне: «Придохомъ, княгини». И рече имъ Ольга: «Да глаголите, что ради приидосте семо?» И ркоша деревляни: «Посла ны Деревьская земля, ркущи сице: мужа твоего убихомъ, бяшеть бо мужь твой яко волкъ, въсхыщая и грабя, а наши князи добри суть, иже роспасли суть Деревьскую землю, да иди за нашь князь за Малъ» — бе бо ему имя Малъ, князю деревьскому. Рече же имъ Олга: «Люба ми есть речь ваша, уже мне своего мужа не кресити, но хощю вы почтити наутьрея пред людми своими, а ныне идете в лодью свою и лязьте в лодьи величающеся. Азъ утро пошлю по вы, вы же речете: “Не едемъ ни на конехъ, ни пеши идемъ, но понесете ны в лодьи”, и възьнесуть вы в лодьи». И отпусти я в лодью. Ольга же повеле ископати яму велику и глубоку на дворе теремьскомъ вне города. И заутра Ольга, седящи в тереме, посла по гости, и приидоша к нимъ, глаголюще: «Зоветь вы Ольга на честь велику». Они же ркоша: «Не едемъ ни на конехъ, ни на возех, ни пешь идемъ, но понесите ны в лодьи». Ркоша же кияне: «Намъ неволя: князь нашь убитъ, а княгини наша хощеть за вашь князь», и понесоша я в лодьи. Они же седяху в перегбех въ великихъ сустогахъ[139] гордящеся. И принесоша я на дворъ къ Ользе, и, несъше я, и вринуша въ яму и съ лодьею. И приникши Олга и рече имъ: «Добьра ли вы честь?» Они же ркоша: «Пуще ны Игоревы смерти». И повеле засыпати я живы, и посыпаша я.

И пославши Олга къ деревляном, рече: «Да аще мя право просите, то пришлите къ мне мужи нарочиты, да въ велице чести поиду за вашь князь, еда не пустять мене людье киевьсции». Се слышавше, древляне изъбраша лучьшая мужи, иже держать Деревьскую землю, и послаша по ню. Деревляномъ же пришедъшим, повеле Олга мовницю створити, ркущи сице: «Измывшеся, придета къ мне». Они же пережьгоша мовницю, и влезоша древляне и начаша мытися, и запроша мовницю о них, и повеле зажечи я от дверий, и ту изгореша вси.

«Се уже иду к вамъ, да пристройте меды мьногы у города, идеже убисте мужа моего, да поплачюся надъ гробомъ его, и створю трызну мужю моему». Они же, слышавше, свезоша меды многы зело. Олга же, поемши мало дружине и легъко идущи, приде къ гробу его и плакася по мужи своемъ. И повеле людем съсути могилу велику, и, яко съспоша, повеле трызну творити. Посем седоша деревляне пити, и повеле Олга отроком своимъ служити передъ ними. И ркоша деревляне къ Олзе: «Кде суть друзе наши, ихъже послахомъ по тя?» Она же рече: «Идуть по мне съ дружиною мужа моего». И яко упишася деревляне, повеле отрокомъ своим пити на ня, а сама отиде прочь и потомъ повеле отроком сечи я, и исъсекоша ихъ 5000. А Ольга възвратися къ Киеву и пристрои воя на прокъ ихъ.[140]

Примечания.

[1] ... черноризца Федосьева манастыря Печерьскаго — В Х после слова «черноризца» добавлено — «Нестера». Косвенное указание на создателя ПВЛ имеется также в Киево-Печерском патерике: в главе «О Никите Затворнике» упоминается «Нестеръ, иже написа летописець». Слов «черноризца... Печерьскаго» нет в Л и Р. Если считать, что чтение И (даже без уточнения, имеющегося только в X) восходит к авторскому тексту, то оно является дополнительным указанием на причастность Нестора к созданию ПВЛ.

[2] Яся въстокъ Симови... — С этих слов начинается перечень земель, доставшихся каждому из сыновей Ноя. В ПВЛ он восходит не к Библии (ср.: Быт. 10, 10—12, 19 и 30), а в большей своей части к тексту хроники Амартола (см. с. 58—59).

[3] Солиду — все списки ПВЛ приводят это написание; в Хронике Амартола — «Еолиду».

— этот этноним добавлен в текст извлечения из Хроники Амартола летописцем.

[5] ... часть всякоя страны... — В Л «всяческой страны», в Хронике Амартола также, вместо — «Асийскыя страны».

[6] ... до Понетьского моря... — С этих слов начинается описание славянских земель, принадлежащее уже самому летописцу. Греки называли Черное море — Понт Евксинский, то есть «Море гостеприимное».

[7] ... Кавькасийскыя горы, рекше Угорьскыя... — Речь идет о Карпатах, которые назывались «Кавказскими горами» в некоторых источниках XI—XII вв.

[8] ... чюдь и вси языце... либь. — Чудь — предки эстонцев, пермь и печера — предки коми, меря — племя, обитавшее в районе Ростова Великого, мурома — племя, жившее в районе одноименного города, весь — вепсы, обитавшие между Ладожским и Белым озерами, заволочьская чудь обитала за волоками на Северной Двине, в бассейне реки Ваги и ее притоков. Ямь — предки финнов, угра — предки манси и хантов. Зимигола, корсь и летьгола — балтийские племена, давшие впоследствии названия областям Земгалия и Латгалия (ныне на территории Латвии), курши обитали южнее Рижского залива, ливы — по северному берегу Западной Двины.

— литовские племена, населявшие побережье Балтийского моря от Вислы до Немана.

— скандинавские народы; варягами именовали также наемные дружины.

[11] ... до земли Агаряньски... — В Л — «до земле Агнянски», то есть, по предположению, — до Англии.

[12] ... до Волошьскые. — По предположению В. Д. Королюка, — до Италии.

[13] Готы — жители острова Готланд в Балтийском море.

— значение этого термина спорно: жители Уэльса? Галлии? Галисии?

[15] ... волохове...— В. Д. Королюк полагает, что летописец отличал древних римлян (волохов) от современных жителей Рима, Венеции и Генуи, именуя последних римлянами, венедиками, фрягами (Королюк В. Д. Славяне и восточные романцы в эпоху раннего средневековья. М., 1985. С. 174).

[16] ... корлязи... — подданые каролингов?

[17] Симъ же, и Хамъ... хранимъ останокъ. — Библейский рассказ (Быт. 11, 1—9) дополнен апокрифическими подробностями о разрушении столпа и его размерах. Сходный текст находится в Хронике Амартола (с. 57).

— норики, жители одноименной римской провинции к югу от Дуная, между Ретией и Паннонией.

— предки сербов и словенцев.

[20] Волохомъ бо... насиляющимъ имъ. — Представления летописца о римлянах, «покоривших дунайские славянские племена и принудивших их начать расселение из прародины», восходит, по мнению В. Д. Королюка, к великоморавской историографической традиции, пытавшейся установить связи славян с первыми апостолами (Королюк. Славяне и восточные романцы. С. 175).

[21] ... ляхове... поморяне. — Летописец упоминает польские племена: полян, обитавших в Малой Польше, мазовшан, живших между Вислой и Бугом, поморян — на южном побережье Балтики (см. о них: Лециевич Л. Летописные поморяне // Древности славян и Руси. М., 1988. С. 133—138). Славянское племя лютичей населяло южный берег Балтийского моря между Эльбой и Одером.

— правый приток Западной Двины.

[23] Семь — Сейм, левый приток Десны. Область эта впоследствии именовалась Посемьем и принадлежала черниговским князьям.

— левый приток Днепра.

[25] Северяне — славянское племя.

— Реку Неву считали протоком, ведущим из озера Нево (Ладожского) в Балтийское море.

[27] Оковский лес — урочище на Валдайской возвышенности.

[28] Море Хвалисское — Каспийское море; хвалисы — жители Хорезма и само государство.

— Л. Мюллер обратил внимание на то, что культ апостола Андрея получает распространение на Руси в 80-х гг. XI в. Только в списках Ипатьевской летописи содержится сообщение (в статье 1086 г.) о том, что Всеволод Ярославич заложил церковь апостола Андрея в Киеве; до 1089 г. церковь Андрея воздвигает в Переяславле Южном (Русском) митрополит Ефрем, имя Андрей получает сын Владимира Мономаха, родившийся в 1102 г. (это сообщение есть только в И!). Нет ли основания связывать это внимание редакции ПВЛ, отразившейся в Ипатьевской летописи, к культу апостола Андрея со вставкой и самого эпизода о путешествии апостола? Л. Мюллер, в частности, полагал, что возможно в каком-то храме апостола Андрея в день его памяти «выступивший с праздничной проповедью высказал предположение, а может быть и говорил, как о достоверном факте, что апостол Андрей... зашел однажды в ту местность, где позднее был заложен Киев» (Мюллер Л. Древнерусское сказание о хождении апостола Андрея в Киев и Новгород // Летописи и хроники. 1973 г. М., 1974. С. 58). См. также: Кузьмин А. Г. Сказание об апостоле Андрее и его место в Начальной летописи // Летописи и хроники. М., 1974. С. 37—47.

— В Л этот рассказ читается иначе: «и облеются квасомъ усниянымь, и возмуть на ся прутье младое, бьют ся сами, и того ся добьють, егда влезуть ли живи и облеются водою студеною, тако ожиуть» (Ср. ПВЛ. С. 12).

[31] ... не мытву себе, а мученье. — В Л смысл противоположный: «мовенье собе, а не мученье». На это летописное разноречие стоит обратить внимание при толковании легенды.

[32] Увоз Боричев. — Боричев взвоз соединял центр Киева с Подолом (на берегу Днепра). Он проходил там же, где ныне — Андреевский спуск.

[33] Створиша городокъ... и наркоша ú Киевъ. — В современной науке существуют различные концепции о времени основания Киева. М. К. Каргер и И. П. Шаскольский относят возникновеиие города к IX—X вв. По мнению Б. А. Рыбакова, начало Киева следует связывать с деятельностью полянского князя Кия, княжившего в городке на Днепре, как полагает ученый, в конце V — первой половине VI в. (Рыбаков Б. А. Город Кия // ВИ, 1980. № 5). М. Ю. Брайчевський историю Киева начинает с поселений, существовавших на месте будущего города на рубеже новой эры (Брайчевський М. Ю. Коли i як виник Киïв. Киïв. 1963). Как указывает П. П. Толочко, «доказана заселенность горы Замковой и Старокиевской уже с конца V — начала VI в.» (Древний Киев. Киев. 1983. С. 29). По его же мнению, уже в «конце VI—VII вв. Киев являлся административно-политическим центром полянского союза племен» и в дальнейшем «рос и развивался за счет притока населения... и уже в те времена имел межплеменной характер» (Там же. С. 29, 33). Однако остается неясным, почему этот межплеменной центр с многовековой историей еще в IX в. оставался небольшим по размерам и населению; существенное расширение пределов города и рост его населения начинается лишь при Владимире.

— Б. А. Рыбаков полагает, что Кий посетил Византию при императоре Анастасии (491—518 гг.) или Юстиниане (527—565 гг.), так как монеты именно этих императоров были найдены археологами на киевских горах. См. упомянутую выше его статью «Город Кия».

[35] ... на Ростове озере... на Клещине озере... — Речь идет об озерах Неро и Плещеево (в современной Ярославской области).

[36] Си бо угри... цесаря перьскаго. — Византийский император Ираклий в 627 г. одержал победу над персидским царем Хосровом II. Византийская хроника называет в числе союзников императора «угров», видимо тех, кого ПВЛ именует «уграми белыми» (см.: Хроника Амартола. С. 434).

[37] Обры — авары. Аварский каганат — объединение различных, по преимуществу тюркских племен — был создан в 60-х гг. VI в. Центром его была Паннония (территория современной Венгрии). Авары притесняли покоренные ими народы, воевали с Византией. В 626 г. аварское войско было разгромлено под стенами Константинополя. В конце VIII в. каганат распался.

— славянское племя, входившее в объединение славян-антов. Впоследствии это имя носили племена, обитавшие на Волыни, в Чехии, на Среднем Дунае и в др. районах.

— союз тюркских племен. В конце IX в. печенеги заняли Северное Причерноморье от Дуная до Дона и постоянно совершали набеги на пограничные русские княжества.

[40] ... угри чернии... — венгры. В IX в. они кочевали в степях Причерноморья между Днепром и Днестром (См.: Перени Й. Угры в «Повести временных лет» // Летописи и хроники. 1973 г. М., 1974. С. 92—102).

[41] Хорваты. — Как полагают, здесь упомянуто восточнославянское племя: в прошлом это было «одно из антских племен, и этноним его восходит к периоду славянизации ирано-язычного населения в условиях черняховской культуры» (Седов В. В. Восточные славяне в VI—XIII вв. М., 1982. С. 125). «Около 560 г. хорваты подвергались нападению авар, в результате которого значительные части этого праславянского племени переселились в Далмацию» (Там же). Другая часть хорват обитала впоследствии в малой Польше и Приднестровье. Упоминаемые в ПВЛ хорваты заселяли в основном Левобережье Днестра в верхнем его течении.

— В Л — «улучи и тиверьци седяху бо по Днестру» (ПВЛ. С. 14). Днепр в И, а также в Р и М назван, видимо, ошибочно. Тиверцы (от античного названия Днестра — Тирас) обитали в его бассейне, а уличи, вероятно, и в нижнем Поднепровье, гранича непосредственно с полянами (См.: Седов. Восточные славяне. С. 129—132).

[43] Великая скуфь. — В византийской историографии традиционно использовались восходящие еще к античности этнонимы — названия ранее обитавших на данной территории племен переносились на народы, заселявшие ее впоследствии (см.: Бибиков М. В. Византийские источники по истории Руси, народов Северного Причерноморья и Северного Кавказа (XII—XIII вв.) // Древнейшие государства. 1980. М., 1982. С. 42—46).

— Далее, до слов «прилежно въспитают», в ПВЛ обширная выписка из перевода Хроники Георгия Амартола (Хроника Амартола. С. 49—50). Текст ПВЛ имеет много искажений, которые частично исправляются по названному переводу.

[45] ... върахмане и островичи... — У Амартола — «вактриане», жители Бактрии, государства в Средней Азии, ошибочно отождествлены с рахманами — легендарным народом, будто бы обитавшем на островах блаженных.

— семитское племя, обитавшее в южной части Месопотамии.

[47] Гилии — скифское племя, по античным представлениям обитавшее к юго-западу от Каспийского моря.

[48] Амазонки — легендарный народ женщин-воительниц, о котором рассказывали античные, а затем и средневековые авторы.

— Хазары — тюркская народность, этнически близкая к прото-болгарам. В середине VII в. на территории Дагестана, Прикубанья и приазовских степей возникло государственное образование — Хазарский каганат. В ПВЛ о «хазарской дани» сохранилось лишь полулегендарное предание, а также поздние сведения о том, как киевский князь Олег освобождал от уплаты этой дани племена северян и радимичей (см. статьи 884 и 885 г.). Подробнее о русско-хазарских отношениях см.: Новосельцев. Хазарское государство. С. 196—231 и др.

— Пересказ библейского текста (Исход. 1, 10) с апокрифическими добавлениями: в Библии не говорится о встрече младенца Моисея с фараоном и о пророчестве египетских вельмож.

[51] В лето 6360, индикта 15... —Летоисчисление на Руси после принятия христианства велось «от сотворения мира». Индикт — пятнадцатилетний цикл, применявшийся в византийском летоисчислении.

[52] ... наченшю Михаилу цесарьствовати... — Византийский император Михаил III вступил на престол в 842, а не в 852 г.

[53] ... от Адама... лет 542. — В этой хронологической выкладке упоминаются библейские персонажи: первый человек Адам, праотец Авраам, Моисей, возглавивший «исход» евреев из Египта, а также исторические деятели и события: цари Израильско-Иудейского царства Давид (1004—965 гг. до н. э.) и его сын Соломон (965—928 гг. до н. э.), завоевание Иерусалима Навуходоносором (597 г. до н. э.), Александр Македонский (336—323 гг. до н. э.), римский император Константин Великий (306—337 гг.), Михаил III, византийский император (842—867 гг.). Как видим, расчеты источника (им был, как полагают, «Летописец вскоре» константинопольского патриарха Никифора) весьма неточны.

— Святополк Изяславич умер в 1113 г. Следовательно, эта часть ПВЛ не могла быть написана ранее этого времени. В И ошибочно «Ярополчи» вместо «Святополчи».

[55] Цесарь же крести... съ болгары. — Принятие христианства болгарским царем Борисом датируется 865—866 гг. Ошибка летописца (858 вместо 866 г.) объясняется, вероятно, следованием за болгарским источником, в котором летоисчисление велось по «александрийской системе», отличавшейся от принятой в Византии и на Руси на 8 лет. См.: Зыков Э. Г. Известия о Болгарии в «Повести временных лет» и их источник // ТОДРЛ. Л., 1969. Т. 24. С. 49.

[56] ... на всехъ, кривичахъ. — В этом и других случаях переписчики поняли этноним «весь» (вепсы) как местоимение.

[57] ... по беле и веверици.... — Это чтение вызывало споры: идет ли речь о «беле» и «веверице», т. е. о серебряной монете и беличьей шкуре, или же их следует читать «по белей веверице» — т. е. по зимней шкурке белки. Обоснование первого варианта см.: Лихачев. Комментарии. С. 233.

— В науке не прекращаются споры о том, насколько соответствует действительности объяснение летописца, что «русь» — это название одного из скандинавских народов. См., например: Горский А. А. Проблема происхождения названия русь в современной советской историографии // История СССР. 1989. N 3. С. 131—136. См. также: Трубачев О. Н. Русь, Россия // Русская речь. 1987. № 3. С. 131—134.

— В Л город, в котором обосновался Рюрик, не назван, в М — «седе Новегороде». В И и в Р местом княжения Рюрика названа Ладога. Исследования последних лет позволяют допустить такую последовательность событий: в IX в. варяги (Рюрик) были приглашены в Ладогу (или захватили ее); затем Рюрик перенес свою резиденцию в Городище (так называемое Рюриково городище) — укрепленное славянское поселение на правом берегу Волхова, выше Новгорода по течению. Сам Новгород возник позднее: новгородская крепость («детинец») построена около 1044 г. Княжеская же резиденция была перенесена в начале XI в. на противоположный, правый берег Волхова, на Торговую сторону («Ярославово дворище»), но в XII в. князь вновь перебрался в Городище. Таким образом Новгород как укрепленный городской центр возникает лишь в середине XI в., хотя славянские поселения (особенно на северо-западном берегу озера Ильмень и в междуречьи Волхова и Веряжи) существовали здесь ранее, по крайней мере с середины IX в. (См.: Носов Е. Н. Новгородское (Рюриково) городище. Л., 1990. С. 170—205).

Что же касается самого приглашения варяжского князя с дружиной, то оно вполне могло иметь место, но летописец интерпретировал его, исходя из своего стремления узаконить права династии Рюриковичей. В действительности же пришельцы должны были, вероятно, лишь выполнять функции воинов-наемников — оберегать пригласивших их славян от внешних нападений, в том числе и от набегов своих соплеменников. Но затем варягам удалось захватить власть, оттеснив местных старейшин. Однако то, что первые князья династии Рюриковичей этнически были варягами, отнюдь не означает, что варягами и была создана русская государственность: варяжская правящая верхушка приняла уклад жизни славянского населения, его обычаи и верования. Характерно, что варягов и впоследствии продолжают приглашать как воинов-наемников. Утверждение, что Рюрик явился на Русь с двумя братьями, вероятно, легендарно (см. прим. Е. А. Мельниковой и В. Я. Петрухина в кн.: Ловмяньский X. Русь и норманны. М., 1985. С. 275).

[60] ... мы седимъ род ихъ... — Исправлено по Л, в И ошибочно «въ городе ихъ». «Род» — «родичи, потомки». То, что легенда подчеркивает непосредственную связь между Кием и его братьями и киевлянами IX в., как кажется, свидетельствует о том, что в представлении летописца время основания города не отстояло далеко от описываемых событий.

— Поход на Византию имел место в 860, а не в 866 г. Кто был его предводителем, не ясно: в Начальном своде в сообщении о походе русичей Аскольд и Дир не упоминаются (Новг. перв. лет. С. 105), впервые они называются воеводами в ПВЛ. Не знали имен русских военачальников и византийские историки, хотя само событие упоминается в ряде источников. Русских преданий о походе, видимо, не сохранилось: летописи воспроизводят сообщение Хроники Амартола (см. с. 511), Начальный свод — через посредство «Хронографа по великому изложению», составленному на основе Хроники Амартола (См.: Творогов О. В. Повесть временных лет и Начальный свод (Текстологический комментарий) // ТОДРЛ. Л., 1976. Т. 30. С. 11—15).

[62] Агаряне — название мусульманских народов. Оно восходит к представлениям о происхождении их от Агари — наложницы библейского праотца Авраама. Сын Агари звался Измаил, отсюда и другое название мусульман — измаилтяне. В данном случае речь идет о войне византийцев с арабами.

— река Мавропотам, впадающая в Эгейское море.

[64] Эпарх — в данном случае — глава городской администрации.

— залив Золотой Рог, на юго-западном берегу которого расположен Константинополь. Во время войн залив перегораживался массивной цепью, препятствовавшей проникновению вражеских судов.

[66] Фотий — константинопольский патриарх в 858—867 гг. С его именем связывают предание о крещении какой-то части русов; некоторые исследователи без достаточных оснований связывали это крещение с походом Аскольда и Дира (См.: Творогов О. В. Сколько раз Аскольд и Дир ходили на Константинополь? // Славяноведение. 1992. № 2. С. 54—59).

[67] ... церкви святий Богородици Вълахерни... омочиша. — Церковь находилась в районе Константинополя, примыкавшем к заливу Золотой Рог; раку с ризой Богородицы во время нашествия русичей перенесли в храм святой Софии.

— В византийской историографии существуют две версии избавления столицы: согласно одной (отразившейся в Хронике Амартола), русский флот разметала буря, согласно другой — русичи сняли осаду и ушли неотомщенными (см.: Сахаров. Дипломатия Древней Руси. С. 48—59).

— византийский император в 867—886 гг.

[70] Крещена... земля Болгарьская. — См. сноску 55.

[71] Умершю же Рюрикови... молодъ велми. — Это сообщение крайне сомнительно. Некоторые источники начинают династию киевских князей непосредственно с Игоря. Если допустить, что Олег был регентом при малолетнем Игоре, то недееспособность последнего растянется на три десятилетия, что трудно объяснимо. Вероятнее всего, что Олег был самостоятельным князем, а наследовавший ему Игорь не был сыном Рюрика.

[72] Любеч — город на Днепре, к северо-западу от Чернигова. Д. С. Лихачев допускает, что сообщение о взятии Любеча Олегом вставлено летописцем задним числом, исходя из упоминания города в договоре Олега с Византией (Комментарии. С. 250—251).

— Имеется в виду церковь, возведенная при Ярославе Мудром в честь святой покровительницы его жены Ингигерды, получившей на Руси имя Ирины.

[74] И вдаша Олгови по щелягу... — Д. С. Лихачев полагает, что «сбор дани с радимичей и вятичей польской монетой “щелягом”, очевидно, домысел летописца» (Лихачев. Комментарии. С. 254), так как о хождении таких монет у названных племен нет сведений.

[75] Леонъ царствова... лет 26. — Говорится о византийских императорах: Льве VI (886—912 гг.) и его брате, соправителе и преемнике — Александре (912—913 гг.).

[76] Седяху бо ту преже... землю Волыньскую. — В И ошибка: правильнее читается в Л, где — «землю словеньску». Летописец хочет сказать, что на землях, где в его время располагалась Венгрия, прежде жили славяне и «волохи», т. е. романизированное население Паннонии. Сведения о последнем могли прийти на Русь как из «венгерской, так и из собственно славянской центрально-европейской среды» (Королюк. Славяне и восточные романцы. С. 183). Исследователь полагает, что помещение статьи под 898 г. может быть связано с итальянским походом венгров 899 г. Появились венгры на Дунае еще в 839 г., а их переселение в Паннонию состоялось не ранее 892 г.

— Фессалоника — второй по значению после Константинополя городв Византии (на северном побережье Эгейского моря), ныне — Салоники.

— Как полагают, от этих слов и до конца статьи — извлечение из «Сказания о начале славянской грамоты», одним из источников которого было Житие Мефодия (См.: Шахматов А. А. «Повесть временных лет» и ее источники // ТОДРЛ. М.; Л., 1940. Т. 4. С. 80—92).

[79] ... первее положены... — Чтение ошибочно, следует читать как в Л — «преложены», то есть переведены.

[80] Ростислав — князь Великоморавского государства (846—870 гг.), Святополк (870—894 гг.) — его преемник. Коцел — князь Блатенского княжества (в районе озера Балатон). Посольство в Византию было послано одним Ростиславом в 863 г.

— Константин, в монашестве Кирилл (826/828—869/870) и его брат Мефодий (ок. 815—885) — создатели славянской грамоты и первые переводчики книг Священного писания и богослужебных книг на славянский язык.

[82] Октоих — богослужебная книга, содержащая церковные песнопения. В течение недели они исполнялись в одной тональности, на один «глас»; всего в октоихе таких гласов восемь, отсюда и название книги, которое в переводе с греческого значит «осьмогласник» (такой термин известен в древнерусской книжности).

— Согласно Евангелию (Лк. 23, 38), надпись на кресте — «Се есть Иисус, царь иудейский» — была воспроизведена по-гречески, по-латыни и по-еврейски.

[84] ... папежъ римьскый... — Римский папа Адриан II (867—872 гг.) в 869 г. издал буллу, согласно которой разрешалось богослужение на славянском языке. Об этом сообщается в 8 главе Жития Мефодия.

— Это фрагмент из Жития Мефодия (главы 8). Входящие в его состав цитаты — свободное переложение из Псалтири (85, 9) и Деян. (2, 4).

[86] ... посади 2 попа... дающему таку благодать... — Извлечение из 15 главы Жития Мефодия.

[87] Леонъ цесарь ная... въ Деръстеръ убежа. — Эти события происходили в 893 г. Симеон — болгарский царь (893—927 гг.). С его именем связывают расцвет болгарской книжной культуры; для него был переведен и сборник святоотеческой литературы, список с которого известен на Руси как Изборник Святослава 1073 г.

— Некоторые ученые считают поход 907 г. историографической легендой, ссылаясь на отсутствие сведений о нем в византийских источниках (См. например: Карпозилос А. Рос-дромиты и проблема похода Олега против Константинополя // ВВ. 1988. Т. 49. С. 112—118), но тексты договоров с греками свидетельствуют, что поход все же имел место. Другая проблема состоит в характере соотношения между собой договоров с Византией, включенных в ПВЛ под 907 и 911 гг. См. об этом: Сахаров. Дипломатия Древней Руси. С. 84—89. Анализ текста договоров см. там же (с. 104—124 и 165—180), а также: Лихачев. Комментарии. С. 272—280.

— по мнению некоторых ученых, это переводчики, толмачи. А. С. Сахаров полагает, что «толковины» — союзники. См.: Дипломатия Древней Руси. С. 98—100.

[90] Великая скуфь — см. сноску 43.

[91] ... въставити корабля на колеса. — Иногда это сообщение считают эпическим вымыслом. Однако если Олег действительно перетащил корабли через узкий перешеек в залив Золотой Рог, то воины могли использовать «колеса» — катки, которыми обычно пользовались при переправе судов через волоки. При попутном ветре распущенные паруса могли, разумеется, оказать помощь волочившим лодки людям.

[92] ... святый Дмитрий. — Приписываемое летописцем грекам сравнение Олега с Дмитрием Солунским отражает, думается, популярность этого святого на Руси. В XI в. Дмитрий считался небесным патроном Изяслава Ярославича, существовал Дмитровский монастырь и т. д. В Византии же Дмитрий почитался как покровитель Солуни, и сравнение с ним вождя враждебных русичей весьма странно.

— бог скота (домашних животных) и бог богатства.

[94] И повесиша щиты своя... — В Р — «и повеси щит свой», то есть речь идет об одном Олеге, что естественней. О древнем обычае (у болгар, норманнов) вешать щит на воротах города в знак примирения см.: Сахаров А. Н. «Мы от рода русского...». Л., 1986. С. 112—113.

[95] Явися звезда... копейнымъ образомъ. — Речь идет о комете Галлея, приближавшейся к Земле в июле 912 г.

[96] Равно другаго свещания... — А. Н. Сахаров считает, что смысл этих слов — указание на соответствие текста договора предварительным переговорам о мире (Сахаров. Дипломатия Древней Руси. С. 134—146).

— Смысл этих слов неясен, перевод отражает одно из возможных толкований.

— Эта статья свидетельствует, что на Руси существовала практика составления письменных завещаний и, следовательно, были грамотные люди уже в начале X в.

[99] ... състворихом Ивановомъ написанием... — Полагают, что речь идет об Иване (Иоанне) — писце или переводчике договора.

[100] ... в неделю 15... — В И ошибка, следует читать как в Л — «индикта 15».

— шелковая ткань, фофудья — восточная золототканная материя.

[102] ... страсти Господни, венець, и гвоздье... — Имеются в виду христианские святыни: гвозди с креста, на котором был распят Христос, и терновый венец. Об их находке Еленой, матерью императора Константина Великого, упоминает паломник Даниил: «... святаа Елена налезла честный крестъ, гвоздия, и венець...» (см.: наст. изд., т. 4). В «Хожении» Антония (начало XIII в.) также упоминается, что паломник видел в царских палатах «крест честный, венец, губу, гвозди».

— финно-угорский шаман. Комментарий к этому преданию см.: Рыбаков Б. А. Язычество Древней Руси. М., 1988. С. 358—361.

[104] ... словеть могила Олгова. — О смерти Олега и о месте его погребения составитель Начального свода имел другие сведения: он считал, что Олег похоронен в Ладоге, а версию о смерти от укуса змеи дает с оговоркой: «Друзии же сказають, яко идущю ему за море, и уклюну змиа в ногу, и с того умре» (Новг. перв. лет. С. 109).

— Фрагмент «Якоже бысть во царство... Не чюдесы прельщати» — извлечение из Хроники Амартола (см. с 304—306).

[106] ... Аполоня Тянинъ — искаженное написание имени Аполлония Тианского — философа и чародея, жившего во время правления римского императора Домициана (81—96 гг.).

[107] Антиохия — город в северной части современной Сирии на берегу реки Оронт (см. ниже: «при березе си Оронтии»). В античности и раннем средневековье Антиохия была одним из крупнейших городов Средиземноморья.

— «Божьим градом» называли Антиохию; Анастасий — почитаемый в Византии богослов Анастасий Синаит.

— Прорицатель Валаам (Чис. Гл. 22—24 и 29). Первый израильский царь Саул (1 Цар. Гл. 9—31), первосвященник Каиафа (Ио. Гл. 11 и 18), сыновья первосвященника Скевы (Деян. 19, 14). Какого Иуду имеет в виду Амартол — неясно.

[110] И Навходъносоръ... посреде же града откры... — Вавилонский царь Навуходоносор II (605—562 г. до н. э.), согласно библейской книге Даниила (Дан., гл. 2), видел вещий сон, истолкованный ему пророком Даниилом. В И текст испорчен, у Амартола: «... послежде пакы мнозехъ сущихъ родъ откры». Соответственно этому тексту и сделан перевод.

[111] Симон — фнлософ-гностик I в. н. э. Он упоминается в апокрифическом «Прении апостола Петра с Симоном волхвом»: Симон, как и Петр, творит чудеса, возносится на воздух, но по молитве Петра, поддерживавшие его духи оказываются бессильны, Симон падает на землю и гибнет.

[112] Менандр — чародей, живший во времена римского императора Траяна (98—117 гг.).

— Константин VII Багрянородный — византийский император (913—959 гг.); единоличным правителем он стал лишь после смерти своего тестя и соправителя Романа (920—944 гг.).

[114] ... деревляне заратишася... — В Л и Р — «затворишася»; судя по управлению («от Игоря») это чтение первично и верно; соответственно сделан и перевод.

[115] В си же времена приде Семеонъ, пленяя Фракию. — Речь идет о войне болгарского царя Симеона сВизантией в 913—917 гг.

[116] Семеонъ же прия градъ... Ондреянем градом. — Эта статья ПВЛ — пересказ Хроники Амартола (см. С. 545—546). Адрианополь именовался прежде Орестий, по имени Ореста, сына Агамемнона (героя Троянского эпоса). Город был перестроен и укреплен римским императором Адрианом (117—138 гг.).

— Из Хроники Амартола (С. 557—559).

— См.: Хроника Амартола, с. 556.

[119] Иде Игорь на Грекы. — Рассказ летописца построен в основном на переводных источниках: византийском Житии Василия Нового и Хронике Амартола (см. С. 567). Текстуальное сопоставление с ними летописного текста см.: Лихачев. Комментарии. С. 284—286. В Начальном своде извлечение из Амартола было полнее: этот текст отразился, например, в Новгородской четвертой летописи (См.: Творогов О. В. Повесть временных лет и Хронограф по великому изложению // ТОДРЛ. Л., 1974. Т. 28. С. 108—113).

[120] Скедия — греческий термин, обозначавший наскоро построенную лодку. Возможно, в его употреблении отразилось пренебрежительное отношение византийцев к «варварам» —русичам.

— Нападению подверглись византийские провинции на северо-западе полуострова Малая Азия и города Никомидия и Гераклея.

[122] ... другия же сторожи поставьляюще... — Текст испорчен; в переводе Амартола — «аки стража», в греческом тексте — «скопос», слово имеющее значение и «сторож» и «цель».

— Упоминаются византийские военачальники: Панфирий — командующий войсками империи, Варда Фока — полководец и командующий флотом Феофан.

[124] ... пущати огнь трубами на лодья рускыя. — Византийские корабли были оснащены сифонами, из которых выбрасывалась струей горящая смесь смолы, серы, селитры и нефти.

— болгарский царь (927—969 гг.).

[126] В се же лето родися Святославъ у Игоря. — Это сообщение отсутствует в Л и Р.

[127] ... при цесари Романе, и Костянтине, и Стефане... — Соправители Романа, его сыновья Константин и Стефан, свергли отца в декабре 944 г. Следовательно, договор был подписан до этого времени.

— В Л — «Воиковъ». Чтение спорно, отождествление с варяжскими именами в данном случае не удается; возможно чтение — «Воистъ Воиковъ».

— При переводе текста договора на русский язык переводчик иногда забывал заменять местоимение «ваш» (по отношению к русской стороне) на «наш» и наоборот. В наст. издании эти ошибки исправляются нами по смыслу.

[130] О Корсуньсций стороне. — Центром греческой (а с IV в. — византийской) колонии на южном берегу Крыма был город Херсонес (Корсунь), находившийся в границах современного Севастополя.

[131] Кувара — грецизм со значением «морское судно».

[132] ... у святаго Елеуферья... — Остров святого Еферия обычно отождествлялся с островом Березань, находящемся близ устья Днепра. Недавно выдвинуто предположение, что имеется в виду западная часть Кинбурнского полуострова, ограничивающего с юга Днепровский лиман, которая в древности была островом (Погорелая В. В. Остров св. Эферия // Древнейшие государства. 1984. М., 1985. С. 188—198).

— А. А. Шахматов предложил осуществить перестановку слов и конец фразы читать иначе: «... мнози бо беша варязи и козаре христьяни» (Повесть временных лет. СПб., 1916. С. 61).

[134] И приспе осень... болшюю дань. — Игорь отправился в полюдье — ежегодный осенний обход князем и его дружиной подвластных племен, где местные князья уже подготавливали для киевского князя собранную дань. О полюдье упоминает в своем сочинении византийский император Константин Багрянородный (См.: «Об управлении империей» // Развитие этнического самосознания славянских народов в эпоху раннего средневековья. М., 1982. С. 273).

[135] Отроци Свенделжи... — Отроки — младшая (по положению и в значительной степени по возрасту) дружина князя, его вооруженная охрана и слуги. В данном случае говорится об отроках княжеского воеводы Свенельда (в И он именуется Свендел).

[136] Искоростень — столица древлян; ее отождествляют с городом Коростень Житомирской области Украины.

— Византийский историк Лев Диакон сообщает, что Игорь «был взят... в плен, привязан к стволам деревьев и разорван надвое» (Лев Диакон. История. М., 1988. С. 57). Следует учесть, что пишущий располагал косвенными данными: он назвал древлян — германцами (!!) — и писал спустя сорок лет после гибели Игоря.

— Деместик — руководитель церковного хора.

[139] Сустога — значение этого термина неясно.

[140] А Олъга възвратися... на прокъ ихъ. — Как показали исследователи (См., например: Лихачев. Комментарии. С. 297—301; Рыбаков. Язычество Древней Руси. С. 365—376), три мести Ольги как бы воспроизводят три элемента языческого погребального обряда: покойника несли в ладье, затем сжигали, во время тризны совершались ритуальные военные игры.