Повесть о Шемякином суде
СУДЪ ШЕМЯКИНЪ
Источник: Памятники литературы Древней Руси: XVII век. Книга вторая. – М., 1989. С. 182–184.
Подготовка текста и комментарии А. М. Панченко.
В некоихъ местехъ живяше два брата земледелцы, единъ богатъ, други убогъ. Богаты же ссужая много летъ убогова и не може исполнити скудости его (1). По неколику времени прииде убоги к богатому просити лошеди, на чемъ ему себе дров привести. Братъ же ему не хотяше дати ему лошеди и глагола ему: «Много ти (2), брате, ссужалъ, а наполнити не могъ». И егда даде ему лошадь, он же вземь, нача у него хомута просити. И оскорбися (3) на него братъ, нача поносити убожество его, глаголя: «И того у тебя нетъ, что своего хомута». И не даде ему хомута.
Поиде убогой от богатого, взя свои дровни, привяза за хвостъ лошади, поеде в лес и привозе ко двору своему и забы выставить подворотню и ударив лошадь кнутомъ. Лошедь же изо всеи мочи бросися чрез подворотню с возомъ и оторва у себя хвостъ.
И убоги приводе к брату своему лошадь без хвоста. И виде братъ его, что у лошеди ево хвоста нетъ, нача брата своего поносити, что лошадь, у него выпрося, испортил, и, не взявъ лошади, поиде на него бить челомъ во град к Шемяке судии.
Братъ же убоги, видя, что братъ ево пошел на него бити челомъ, поиде и онъ за братом своимъ, ведая то, что будетъ на него из города посылка (4), а не ити, – ино будет ездъ приставом платить.
И приидоша оба до некоего села, не доходя до города. Богатый прииде начевати к попу того села, понеже ему знаемъ. Убогий же прииде к тому же попу и, пришед, ляже у него на полати. А богатый нача погибель сказывать своей лошади, чего ради в город идетъ. И потомъ нача поп з богатым ужинати, убогова же не позовут к себе ясти. Убогий же нача с полатей смотрети, что попъ з братомъ его естъ, и урвася (5) с полатей на зыпку (6) и удави попова сына до смерти. Попъ также поеде з братомъ в город бити челом на убогова о смерти сына своего.
от брата и от попа, и умысли себе смерти предати, бросися прямо с мосту в ров, хотя ушибьтися до смерти. Бросяся, упаде на старого, удави отца у сына до смерти; его же поимаше, приведоша пред судию. Он же мысляше, как бы ему напастей избыти и судии что б дати. И ничего у себе не обрете, измысли (8), взя камень и, завертев в платъ и положи в шапку, ста пред судиею. Принесе же братъ его челобитную на него исковую в лошеди и нача на него бити челомъ судии Шемяке.
Выслушав же Шемяка челобитную, глаголя убогому: «Отвещай!» Убогий же, не веды, что глаголати, вынял из шапки тотъ заверчены камень, показа судии и поклонися. Судия жъ начаялся (9), что ему от дела (10) убоги посулилъ, глаголя брату ево: «Коли он лошади твоей оторвал хвостъ, и ты у него лошади своей не замай до техъ местъ (11), у лошеди выростетъ хвостъ. А какъ выростетъ хвостъ, в то время у него и лошадь свою возми».
И потом нача другий суд быти. Попъ ста искати (12) смерти сына своего, что у него сына удави. Он же такъ же выняв из шапки той же заверчены платъ и показа судие. Судиа же виде и помысли, что от другова суда други узел сулит злата, глаголя попу судия: «Коли де у тебя ушипъ сына, и ты де атдай ему свою жену попадью до тех местъ, покаместъ у пападьи твоей он добудетъ ребенка тебе. В то время возми у него пападью и с ребенкомъ».
И потом нача трети суд быти, что, бросясь с мосту, ушибъ у сына отца. Убогий же, вынявъ заверчены из шапки той же камень в плате, показа в третие судие. Судия же начаяся, яко от третьего суда трети ему узол сулить, глаголя ему, у кого убитъ отецъ: «Взыди ты на мостъ, а убивы отца твоего станеть под мостом, и ты с мосту вержися (13) самъ на его, такожде убий его, яко же он отца твоего».
После же суда изыдоша исцы со ответчиком ис приказу. Нача богаты у убогова просити своей лошади, он же ему глагола: «По судейскому указу как де у ней хвостъ выростеть, в ту де тебе пору и лошадь твою отдам». Брат же богаты даде ему за свою лошадь пять рублевъ, чтобы ему и без хвоста отдалъ. Он же взя у брата своего пять рублевъ и лошадь его отда.
же взя у него десять рублев.
Той же убоги нача и третиему говорить исцу: «По судейскому указу я стану под мостомъ, ты же взыди на мостъ и на меня тако жъ бросися, яко жъ и аз на отца твоего». Онъ же размишляя себе: «Броситися мне – и ево де не ушибить, а себя разшибьти». Нача и той с ним миритися, даде ему мзду, что броситися на себя не веле.
И со всех троихъ себе взя. Судиа шь высла человека ко ответчику и веле у него показанние три узлы взять. Человекъ же судининъ нача у него показанныя три узла просить: «Дай де то, что ты из шапки судие казалъ в узлахъ, велелъ у тебя то взяти». Он же вынявъ из шапки завязаны камень и показа. И человекъ ему нача говорить: «Что де ты кажешъ камень?» Ответчикъ же рече: «То судии и казал». Человек <…> нача его вопрошати: «Что то за камень кажешь?» Он же рече: «Я де того ради сей камень судье казал <…> кабы онъ не по мне судил, и я тем камнем хотел, его ушипти». И пришед человек и сказал судье. Судья же, слыша от человека своего, и рече: «Благодарю и хвалю бога моего, что я по немъ судил: ак бы я не по немъ судил, а онъ бы меня ушип».
Потом убогий отыде в дом свой, радуяся и хваля бога. Аминь.
Примечания
2. Ттебя
3. Рассердился
4. Приедут за ним посыльные
5. Сорвался
7. Где
8. Сообразил, придумал
9. Надеялся
12. Предъявил иск
13. Прыгни, сверзись