Подготовка текста и комментарии А. М. Панченко.
ПОВЕСТЬ О САВВЕ ГРУДЦЫНЕ
«Повесть о Савве Грудцыне» возникла, видимо, в конце XVII или в начале XVIII в. По своему консервативно-охранительному характеру она сходна с «Повестью о Горе и Злочастии».
Текст печатается по изданию: Скрипиль М. О. Повесть о Савве Грудцыне. Тексты // Труды Отдела древнерусской литературы Института литературы АН СССР. М; Л., 1947. Т. V.
ПОВЕСТЬ ЗЕЛО ПРЕДИВНА И ИСТИННА, ЯЖЕ БЫСТЬ ВО ДНИ СИЯ,
КАКО ЧЕЛОВЕКОЛЮБИВЫЙ БОГ ЯВЛЯЕТ ЧЕЛОВЕКОЛЮБИЕ СВОЕ
НАД НАРОДОМ ХРИСТИАНСКИМ
Хощу убо вам, братие, поведати повесть сию предивную, страха и ужаса исполнену и неизреченнаго удивления достойну, како человеколюбивый Бог долготерпелив, ожидая обращения нашего, и неизреченными своими судбами приводит ко спасению.
Бысть убо во дни наша в лето 7114 году (в 1605 - 1606 г.), егда за умножение грехов наших попусти Бог на Московское государство богомерскаго отступника и еретика Гришку растригу Отрепьева похитити престол Российскаго государства разбойнически, а не царски. Тогда по всему Российскому государству умножися злочестивая литва и многия пакости и разорения народом российским на Москве и по градом творяху. И от того литовского разорения многия домы своя оставляху и из града во град бегаху.
В то же время во граде Велицем Устюге бысть некто житель града того именем Фома прозванием нарицаемый Грудцын Усов, их же род и доднесь во граде том влечется. Той убо Фома Грудцын, видя в России великое нестроение и нестерпимыя пакости от нечестивых ляхов и не хотя жити, оставляет великий град Устюг и дом свой и преселяется з женою своею в понизовый царственный град Казань, зане1 не бысть в понизовых градех злочестивыя литвы. И живяше той Фома с женою своею во граде Казани даже до лет благочестиваго и великаго государя царя и великаго князя Михаила Феодоровича всея России самодержца.
Имея же у себя той купец единороднаго сына своего именем Савву 12 лет возрастом. Обычай же имеяше той Фома куплю деяти, отъезжая вниз Волгою рекою иногда к Соли Камской, иногда во град Астрахань, а иногда за Хвалынское море в Шахову область отъезжая, куплю творяше. Тому же и сына своего Савву поучаше и неленостно таковому делу прилежати повелеваше, дабы посмерти его наследник был имению его.
По некоем же времени восхоте той Фома отплыти на куплю в Шахову область и обычные струги с товары к плаванию устроиша. Тако ж и сыну своему, устроив суды со обычными товары, к Соли Камской повелевает плыти и тамо купеческому делу со всяким опасением прилежати повелеваше. И потом обычное2 целование подаде жене и сыну своему, пути касается. Малые же дни помедлив, и сын его Савва на устроенных судах по повелению отца своего к Соли Камской плавание творити начинает.
Достигшу же ему Усолскаго града Орла, абие3 пристает ко брегу и по повелению отца своего у некоего нарочитаго4 человека в гостиннице обитати пристал. Гостинник же той и жена его, помня любовь и милость отца его, немалое прилежание и всякое благодарение творяху ему и яко о сыне своем всякое попечение имеяше о нем. Он же пребысть в гостиннице той немалое время.
В том же граде Орле некто бысть мещанин града того именем и прослытием Бажен Вторый, уже престаревся в летех и знаем бяше во многих градех благонравнаго ради жития его, понеже и богат бе зело и попремногу знаем и дружен бе Саввину отцу Фоме Грудцыну. Уведав же Важен Вторый, яко ис Казани Фомы Грудцына сын его во граде их обретается, и помыслив в себе, яко "отец его со мною многую любовь и дружбу имеяше, аз же ныне презрех5 ".
И сия помыслив, усмотря некогда того Савву путем идуща и, призвав его, начат глаголати: "Друже мой Савво, или не веси6, яко отец твой со мною многую любовь и дружбу имать, ты же почто презрел еси мене и не пристал еси в дому моем обитати? Ныне убо не преслушай мене, прииди и обитай в дому моем, да питаемся от общия трапезы моея. Аз убо за любовь отца твоего вселюбезно яко сына приемлю тя". Савва же, слышав таковые от мужа глаголы, велми рад бысть, яко от таковаго славнаго мужа прият хощет быти, и ниско поклонение творит пред ним. И немедленно от гостинника онаго отходит в дом мужа того Бажена Втораго и живяше во всяком благоденствии, радуяся.
Той же Бажен Вторый стар бысть, имея у себя жену, третиим браком новоприведенну, девою пояту сущу. Ненавидя же добра роду человеческаго супостат диавол, видя мужа того добродетельное житие и хотя возмутити7 дом его, абие уязвляет8 жену его на юношу онаго к скверному смешению блуда и непрестанно уловляше юношу онаго лстивыми9 словесы к падению блудному. Весть бо женское естество уловляти умы младых к любодеянию. И тако той Савва лестию жены тоя, паче же рещи от зависти диавола, запят10 бысть, паде11 в сеть любодеяния с женою оною и ненасытно творяше блуд и безвременно12 во оном скверном деле пребывая с нею, ниже воскресения день, ниже праздники помняше, но забывши страх божий и час смертный, всегда бо в кале блуда яко свиния валяюшеся и в таковом ненасытном блужении многое время яко скот пребывая.
И некогда же приспевшу празднику Вознесения Господа Бога и спаса нашего Иисуса Христа, в навечерии праздника той муж Бажен поим 13 с собою юношу оного Савву и поидоша до святыя церкви к вечернему пению. И по отпущении вечерняго пения14 паки15 приидоша в дом свой, и каждый на ложи своем, возлегати спати нача. И егда Бажен Вторый заспа крепко, жена же его дияволом подстрекаема, воста тайно с ложа своего и пришед к постели юноши Саввы и, возбуди16 его, понуждаше к скверному смешению блудному. Он же, аще и млад, но яко некоею стрелою страха Божия уязвлен бысть, убоялся суда Божия и часа смертного, помышляше в себе: "како в таковый Господский праздник аз таковое скверное дело сотворити похощу?" И, сия помыслив, начат отвращатися, с клятвою 17 глаголя, яко "не хощу всеконечно погубити душу свою и в таковый превеликий праздник осквернити тело мое". Она же, ненасытно распалилася похотию блуда, понуждашее его, ово18 ласками, ово же и прещением19 неким, угрожая ему, дабы исполнил желание ея. И много увещевала его, никако его возможе приклонити к воли своей. Видя же оная лукавая жена то, яко не возможе прильстити юношу к себе, абие20 злою яростию на юношу распалися и, яко лютая змия, востонавше21, отиде от ложа его, помышляше волшебным зелием опоити его и злая свои помыслы сотворити хотя на него. И елико22 замысли, тако и сотвори.
23, благолюбивый же оный муж Бажен Вторый скоро воста от ложа своего, возбудив же и юношу оного Савву к заутрени. И отслушавше со вниманием и страхом Божиим и приидоша в дом свой. Егда же приспе время божественной литургии, поидоша паки с радостию до святыя церкви. Проклятая же оная жена тщательно устроиша волшебная зелия на юношу, яко лютая змия хотяше яд свой изблевати на него. По отпущении же Божественныя литургии Бажен Вторый и Савва изыдоша из церкви, хотяше итти в дом свой. Воевода же града того пригласи онаго мужа Бажена Втораго, да обедает с ним, вопроси же и о Савве, чей есть сын и откуда. Поведав же Бажен, яко ис Казани, Фомы Грудцына сын.
Воевода же пригласи и Савву в дом свой, зане добре знаяше отца его. Бывшу же в дому воевоцком, обычно трапезы причастишеся и возвратишася в дом свой.
Бажен же повеле принести от вина жене, да испиют в дому своем чести ради о праздника, ничтоже бо лукаваго умышления жены своей знаяше. Она же, яко ехидна злая, скрывает злобу в сердцы своем и подпадает 24 лестию к юноши оному. Принесену бывшу вину, наливает чашу и подносит мужу своему. Он же испив, благодаря Бога. И потом вливает сама себе, и потом, испив, наливает отравнаго зелия и подносит юноше оному Савве. Он же, нимало помыслив, ниже бояся лукавства жены оныя, чающе 25 яко никоего зла мыслит на него, и без всякаго размышления выпивает лютое оное вино зелное.
И се начат яко огнь горети в сердце его. Он же помышляше в себе, яко "много различных питей пиях в доме у отца моего, такого пития николи же пивах, якоже ныне".
Егда же испив пития оного, начат сердцем болети и тужити по жене оной. Она же яко лютая змея и лвица, яростию поглядеше на него и приветства не являше ему.
Он же, сокрушаяся, по ней тужа. Она же начат мужу своему клеветати и нелепо26 глаголати на него и изгнати его вон хотяше из дому своего. Богобоязливый же оный муж, и жалея в сердце своем по юноше, обаче27 уловлен бысть женскою лестию, повелевает юноше изыти из дому своего, сказуя ему вину некую. Юноша же с великою жалостию отходит от него, тужа и сетуя о лукавой жене оной.
И прииде в дом гостинника , иде же сперва живяше и обитающе. Он же вопрошает его, каковыя ради вины изыде вон из дому Баженова. Он же сказа ему, яко сам не восхоте жити у него, а сердцем своим скорбя по той лукавой жене. И нача от великия жалости красота лица его изменятися и плоть его истончевати. Видев же гостинник юношу сетующа и скорбяща зело, недомевающе, что ему бысть.
Бысть же во граде том некто врач, чарованием28 своим сказуя, кому какая скорбь29 прилучится, он же знает, кому жити или кому умрети. Гостинник же и жена его, благонравны суще, и немало попечение о юноше имеяху, и призвав тайно волхва онаго, хотяще уведати, какова скорбь приключися к юноше. Волхв же оной посмотри в волшебныя своя книги, сказал им истинну, яко он никакой скорби юноша не имать в себе, токмо скорбит по жене Баженовой, ибо в блудное дело впаде с нею, ныне же отстужен30 бысть от нея и, по ней тужа, сокрушается. Гостинник же и жена его, таковая слышаше от волхва и не имеяше веры, занеже Бажен муж благочестив и бояся Бога, и ни во что же то дело вмени. Савва же непрестанно скорбя и тужа по ней и день от дне, истончи плоть свою, якобы кто великую скорбь и болезнь имел.
И некогда той Савва изыде из града на поле един, и никого за собою или пред собою виде. И помышляше о разлучении своем от жены оной. И, помыслив такую злую мысль злую во уме своем, глаголя: "Егда бы кто от человек или сам диявол сотворил бы сие, еже бы паки совокупитися з женою оною, аз бы послужил диаволу". И такую мысль положи во уме своем,, аки бы ума иступлен бысть.
И идяше же един по пустыни 31 и, мало пошед, слыша за собою глас, зовуще его: "Савва! Савва!" Он же обратишася назад, зря за собою юношу к нему борзо текуще в нарочитом32 одеянии, мазающе рукою, пождати себя повелевающе. Он же стоя, ожидающе, юноша же той пришед к нему, паче же рещи33 34 непременно рыщет и ищет погибели человеческия.
И пришед к нем, по обычаю поклонишася между собою и глаголя бес к Савве: "Брате Савва, что убо яко чужд35 бегаеши от меня? Аз убо давно ожидал тя, да како бы пришел еси ко мне и сродственную любовь имел. Аз убо тя давно знаю, яко от рода ты Грудцын- Усов из града Казани. А о мне аще36 хощеши уведати, и я того же града Казани и недавно здесь пребываю ради конной купли. И убо по плотскому рождению братья мы с тобою есмы, а ныне убо буди мне брат и друг и не отлучайся от меняе. Аз убо вспоможения во всем рад чинить тебе". Савва же слышав от мнимаго брата, паче же рещи от диавола, обаче таковые к себе лепыя глаголы, велми о том возрадовашася, яко в такой далной и незнаемой стране сродника к себе обрете. И поидоша оба вкупе по пустыни оной.
Рече же бес к Савве: "Брате Савва! Какую ты скорбь имаше в себе, яко велми исчезе юношеская красота твоя?" Он же, всяко лукаво37 сказывающе ему некую быти скорбь в себе. Бес же усмехнувся и рече ему: "Что убо скрываешися от мене? Аз бо вем скорбь твою, аз убо помогу скорби твоей?" Савва же рече: "Аще убо истинно ведаеши скорбь мою, то поиму веры, яко можеши мне помощи подати". Бес же рече ему: "Ты убо сокрушаешися по жене Баженовой, зане отлучен еси от любви ея. Но что мне даси38, аз учиню ти с нею по- прежнему в любви быти". Савва же рече: "Аз убо, елико39 имам здесь товаров отца своего и прибытков, все отдаю тебе; токмо прошу, братец, сотвори ми по-прежнему любовь имети з женою оною". Бес же, рассмеявся, рече ему: "Почто убо искушаеши мя? Аз убо вем, яко отец мой седмерицею богатее тебя и отца твоего, что ми будет в товарех твоих? Но даждь мне на себя рукописание мало некое, аз исполнго желание твое".
Савва же рад бысть, яко "богатство отца моего все цело будет; аз дам ему рукописание, что велит написати". А в какову пагубу хощет впасти, того не ведая, еще и писати и ниже слагати40 совершенно41 не умея. О безумный юноша ! Како уловлен лестию женскою, и тоя ради хощет в такую пагубу пасти к диаволу ! Егда же бес рече к Савве словеса тои, он же с радостию обещася дати ему рукописание. Мнимый же брат скоро взем изо чпага42 свою хартию43 и чернила, дает юноше и повелевает немедленно написати писание. Савва еще и совершенно не умеяше писати и, елико бес сказываше ему, Савва же тако и писаше, не слагая. И тем писанием отречеся от Христа, истиннаго бога, и предадеся в служения диаволу, мнимому своему брату. И поидоша убо во град Орел.
Вопроси же Савва беса: "Повеждь ми, брате, где обитаешися, да увем44 дом твой". Бес же рече ему: "Аз убо своего дому не имею, где мне прилучитца, тамо и ночую. Аще ты хощеши видетися со мною часто, то ищи меня на конной площадке, якозде живу для конной купли. Аз же сам не обленюся, часто стану посещати тебя. Ты же, Савва, иди к лавке Баженовой, вем бо, с радостию он призовет тя в дом свой ". Савва же по глаголу брата своего диавола радостно тетече к лавке Баженовой.
Бажен же, егда виде Савву, усердно приглашаше к себе, глаголя: "Господине Саввоа, какую злобу сотворил тебе я? Почто изшел еси из дому моего? Молю тя, прииди паки обитать в дому моем. Аз убо за любовь отца твоего яко присному своему сыну рад тебе всеусердно". Савва же, егда услыша от Бажена таковые речи, тече в дом Баженов. Ижена его, увидев Савву и диавольским жалом подстрекаема, радостно течаше и стречает его со всяким ласканием и лобызает его. Юноша же уловлен бысть лестию женскою, паче же диаволом, паки запинается в сети блуда с проклятою оною женою. Савва же не знаше ни праздника, ниже воскресного дне, ниже страха Божия помня. Непрестанно с нею в кале блуда, аки свиния в кале, валяшеся.
По многом же времени, абие входит слух во град Казань к матери Саввиной, яко сын ея живет неисправно и непорядочное житие имеет. Елико было с ним отеческих товаров, все изнурил45 в блуде и пьянстве. Мати же, о нем таковое слыша, и непостоянством зело огорчися и пишет к нему писание, дабы оттуда возвратился во град Казань в дом отца своего. Егда же прииде к нему писание, он же, прочет, посмеялся и ни во что же вменил. Она же паки посылает второе писмо, и третие, ово с молением, ово и с клятвою46 и заклинает его, дабы немедленно ехал оттуду во град Казань. Савва же ни мало внят матернее моление, и клятву ни во что же вмени, токмо в несытстве блуда упражняшася.
47 бес Савву, и поидоша оба из града. И глаголет бес к Савве: "Брате Савва, веси ли ты, кто есмь аз? Ты убо мниши мя совершенно быти от рода Грудцыных, но несть тако. Ныне за любовь твою повем ти всю истинную, ты же не убоися, ниже устыдися братом звати меня. Аз убо совершенно возлюбих тя во братство себе принять. Но аще хощеши о мне ведати, аз убо есмь сын царев. Пойдем прочь, да покажу ти славу48 и богатство отца моего".
И сия глаголя, прииде в пустое место на некий холм и показа ему в некоей раздолине49 град велми славен - стены и помост и покровы50 от злата чиста блистаяся. И рече ему бес: "Сей есть град творения отца моего! Поидем убо и поклонимся купно отцу моему; а еже дал ми еси писание, ныне взем, сам вручи его отцу моему; и великою честию почтен будеши от него". И, сия изглагола, бес отдает Савве богоотметное писание.
Оле51 безумия отрока! Ведый бо яко никоторое царство прилежит в близости к Московскому государству, но все обладаемо царем московским. Аще бы тогда вообразил на себе образ честнаго креста, вся бы сия мечты52 диавольския, яко сень53, погибли бы! Но на предлежащее возвратимся.
Внегда же приидоша к привиденному оному граду и, приближився им ко вратом града, сретают54 их юноши темнообразни, в ризах и поясы украшены златыми, и тщанием55 поклоняющеся, честь воздающе сыну цареву, паче же рещи бесу, такожде и Савве поклоняющеся. Вшедшим же им во двор царев, паки сретают инии юноши, ризами блистающеся, паче первых, такожде поклоняющеся им. Егда же внидоша в полаты царевы, абие друзии56 юноши сретают их с честию. И, диаволом превосходящем57, воздающе достойную честь сыну цареву и Савве. Вшедшим же в полату, глав бысть Савве: "Брате Саввоа, пожди мя зде мало. Аз убо шед, возвещу о тебе отцу моему и веду тя к нему. Егда же будеши пред отцем моим, ничто же размышляй или убоися, подаждь ему писание свое". И се рек, поиде бес во внутреннюю полату, оставил Савву единаго. И, помедлив тамо мало, приходит к Савве и поем его и приведоша пред лице царя.
Он же, седя на престоле велице, камением драгим и златом преукрашен; сам же той славою велицею и одеянием блисташеся. И около его стояща множество юношей крылатых, лица же их овых сини, овых багряны, иных яко смола черная. Пришедши же Савва пред лице царя оного, пад на землю, поклонися ему. Вопроси же его царь, глаголя: "Откуду пришел еси семо58 и что есть дело твое?" Безумный же Савва подносит ему богоотметное свое писание, глаголет, яко, "приидох, великий царю, послужити тебе". Древний же змий Сатана приемлет писание и, прочет его. Обозреся к темнообразным своим воином, рече: "Аще ли и прииму отрока сего, не вем, крепок ли он будет нам, или нет". Призвав к себе сына своего, Саввина любимаго брата, глаголя ему: "Иди прочая59, и обедай с братом своим". И тако оба поклонишася царю, изыдоша в преднюю полату и начаша обедати.
Неизреченныя благовонныя яди60 приношаху, такожде и питие, яко дивишася61 Савва, глаголя, яко "никогда в дому отца моего таковых ядей не вкушах или пития испих".
"Что, брате, яко видех у отца твоего окрест престола множество юношей крылатых стояща?" Бес же, усмехнувся, рече ему: "Или ты не веси, яко у отца моего мнози языцы62 служат, персиды, турки, арапы и ины мнози? Ты же не дивися сему и не сумневайся братом звати меня. Аз убо тебе менший брат; токмо елико аще реку тебе, и ты во всем буди мне послушен. Аз же всякаго добраа рад тебе деяти". Савва же во всем обещася послушен быти; и, тако уверишася.63
Паки приидоша во град Орел, и оставиль бес Савву. Савва же паки прииде в дом Баженов и пребываше в прежнем скаредном деле.
В то же время прииде во град Казань из Персиды со многими прибытки отец Саввин Фома Грудцын. И яко обычное целование подаде жене своей, и вопрошает о сыне своем: жив ли есть сын или нет. Она же поведа ему, глаголя, "яко от многих слышах64 о нем, что по отшествии твоем в Персиду отеде он к Соли Камской, тамо и доднесь живет житием неудобным65: и непорядочно все богатство избыл в пьянстве и блуде. Аз же много писав к нему, дабы возвратился в дом наш, он же ни единой отповеди66 не даде мне. Жив ли есть ныне или нет, о сем не вем".
Фома же, таковые глаголы слышав от жены своея, зело смутися и скоро написав епистолию со многим молением, дабы безо всякагоразмышления оттуда ехал во град Казань: "да увижу, чадо мое, красоту лица твоего, понеже давно не видах тя". Савва же таковое писание принял и прочет, ни во что же вменив, ниже помыслил ехать ко отцу своему, токмо упражняшися в ненасытном блудении. Видев же Фома, яко ни во что вменяет писание его, повелевает готовитисуда с товары и пути касается к Соли Камской, яко "сам поиму его в дом свой".
Бес же, егда уведа, что отец его, Саввин, путешествие творит к Соли Камской, хотя Савву поимати, сына своего, и привести во град Казань, и абие бес к Савве рече: "Брате Савва, доколе зде во едином малом граде нам жити будет? Пойдем во иный град и погуляем и паки семо приидем".
Савва же нимало отречеся67, глаголя ему: "Брате, како идем, то пожди мало, да возму от богатства моего". Бес же возбранише68 ему, глаголя: "О сем не веси ли ты славы отца моего, како слава везде есть? Где приидем, тут и денег у нас много будет, елико потребно". И поидоша из града Орла, никому не ведомы, ниже той и сам Бажен ,и ни жена его уведавши.
Бес же Савву постави во едину нощ от Соли Камской объявишася на реке Волге во граде, нарицаемом Козмодемьянск, растояние имеюще от Соли Камской тысяча и болше поприщ69. И глаголет бес Савве: "Аще кто тя узрит знаемый здесь, и откуду пришел еси спросят, ты же глаголи: от Соли Камской в третию неделю приидохом". Савва же глагола, елико заповеда ему бес. Тако пребывавше в Козмодемьянском несколко дней.
И паки бес поем Савву, и об едину нощ оттуда приидоша на реку Оку, в село, нарицаемое Павлов Перевоз, и бывшии тамо в день четверга. В той бо день в том селе торг бывше. Ходяще же они по торгу, узрев же Савва некоего старейша нища мужа стояще, зело худо одеяние на нем. И зряще на Савву велми прилежно и плачуще горко. Савва же отиде мало от беса и притече к старцу оному, хотя уведати вину70 плача его. И приече к старцу и рече: "Кая, ти, отче, вина плача твоего, яко тако неутешно плачешися?" Старец же глагола ему: "Плачу, чадо, о погибели души твоея. Не веси бо, погубил еси ты душу свою и волею предался диаволу. Веси ли, человече, с кем ныне ходиши и кого себе братом называеши? Но сей не человек, но бес с тобою ходит, доводит тя до пропасти адския". Егда же изрече старец к Савве глаголы сия, он же обозревся на брата своего беса. Он же издалеча стояше, угрожая ему. Савва же оставил святаго старца, скоро притече к бесу. Он же велми начат поносити его и глаголати: "Чего ради с таким душепагубцом сообщился еси? Не знаеши ли сего лукаваго старца, яко многих погубляет; на тебе же, видя одеяние нарочито и, глаголы к тебе лестныя испущает, хощет тебя от людей отлучити и удо смерти удавити и содрать с тебя одеяние. И егда аще оставлю тя единаго, то вскоре имаши погибнути ". И сия изрече со гневом,и потом поем Савву, оттуда приходит во град, нарицаемый Шую, и тамо пребываху неколикое время.
Фома же Грудцын- Усов пришед во град Орел и вопрошает о сыне своем, и ни кто ее может поведати ему о нем. И вси дивляхуся, яко перед его приездом сын его во граде живяше и всем видимо. Егда же внезапу скрыся, никто же весть. И глаголаху, яко "убоялся приезду твоего, зане все здесь избыл имения твое и богатство, и сего ради скрылся". Паче же всех Бажен и жена его дивяшася, глаголаху: "В сию ночь спаше у нас, заутра же пошед не вем куды, мы же ожидахом его обедати, он же от того часа никгде же не явишася во граде нашем. А куда поиде, аз и жена моя не вемы".
Фома же слезами облияся, ожидаше сына своего, и возвратися в дом свой, и нерадостный случай возвещает жене своей. И оба вкупе сетуя и скорбяше о лишении сына своего, и в таковом сетовании Фома, пожив неколикое время, ко господу отъиде; жена же его остася вдовою.
Бес же и Савва живяше во граде Шуе, и в то времяо благочестивый великий государь, царь и великий князь Михаил Федорович всея России изволил послать воинство свое против короля полскаго под град Смоленск. И по его, великаго государя, указу по всей России набираху новобранных солдат. Во град Шую ради салдацкаго набору прислан был с Москвы столник Тимофей Воронцов и новобранных солдат по вся дни воинскому артикулу учаше. Савва же и беспоидоша для смотрения их. И рече бес к Савве: "Брате Савва! Хощеши ли ты послужить царю? Да напишемся в солдаты?" Тако и записашеся в солдаты, и начаши ходити на учение. Бес же Савве в воинском учении такову мудрость дарова, яко и старых салдат лутче и началников всех во учении происходит71 лутче же. Сам же бес слугою за Саввою хождаше и оружие носяше за ним.
зело изрядно поступающе и ни малаго порока во всем артикуле не имеюще, и многих старых воинов и начальников превосходяще, и велми удивися остроумию его. Савва же сказа ему всю истинную, какого рода он. Полковник же велми его возлюби и назва его сыном своим, даде ему шляпу с главы своея и вручи ему три роты новобранных солдат, да вместо его устрояет и учит той Савва
Бес же тайно припаде к Савве и рече ему: "Брате Савва! Егда недостаток денег будет ратным людем на жалованье, тогда повеждь мне. Аз тебе принесу, елико тебе потребно будет, дабы в команде твоей роптания и жалобы на тебя не было". И тако у оного Саввы все солдаты во всякой тишине и покое пребываху; в протчих же ротах молва и мятеж бысть непрестанно, яко иногда от глада и наготы непожалованны и по миру ходят. И вси дивляхуся остроумию Саввину.
По некоем же случае явственно учинися о нем и самому царю. В то же время в Москве не малу власть имяше шурин царев, болярин Семен Лукоянович Стрешнев. Уведа про онаго Савву, и повеле его привесть пред себя, и рече ему: "Хощеши ли, Савва, да прииму в дом мой и чести немалой сподоблю тя?" Он же поклонися, рече ему: "Господине мой! Есть брат у меня, поиду и вопрошу его. Аще повелит, с радостию послужу тебе". Боярин же ни мало возбранив72 ему, отпусти его, да вопросит брата своего. Савва же пришед, поведа сие мнимому брату своему бесу. Он же яростно рече ему: "Почто убо хощеши презрети цареву службу и хощеши служити холопу его? Ты убо и сам ныне в том же порядке и чести, уже и самому царю знатен73 учинился еси. Егда бо царь уведает верную службу твою, тогда и чином повыше будеши".
И по повелению цареву вси новобранныя салдаты розданы по стрелецким полкам в добавку. Той же Савва поставлен бысть на Устретенкие в Земляном городе в Зимине приказе в домеу стрелецкаго сотника Якова Шилова. Сотник же той и жена его, благочестивы и благоразумны суще, видя Саввина остроумия, зело почитаху его. Полки же в Москве во всякой готовности ко отшествию во град Смоленск бяху.
Во единый же от день прииде бес к Савве и рече ему: "Брате Савва! Пойдем прежде полков в Смоленск и видим, что творят поляки, како град укрепляют и бранные сосуды74 устрояют". И абие об едину нощь стали с Москвы в Смоленск, и пребываху в нем три дни, никому не видимы, а их всех видяху.
И созирающе75, како поляки град укрепляют на приступных местах, всякия гарматы76 к реце Днепру, и абие разступишася вода, преидоша оную великую реку, аки по суху. Поляки же много стреляху по них и но ничим вредиша77 их, глаголюще, яко "бесове суть во образе человека приидоша и бывше во граде нашем". Савва же и бес паки возвратишася в Москву и сташа у того же сотника Якова Шилова.
Егда же по указу государеву поидоша полки с Москвы под Смоленск, тогда той Савва с братом своим поиде. А надо всеми полками тогда был командующим боярин Федор Иванович Шеин. На пути же бес Савве рече: "Брате Савва! Егда убо будем под Смоленским, тогда от поляков из града выедет един исполин и станет звати противника себе. Ты же не убоися ничего, изыди противу его. В другий же день паки выедет другий, ты же и того поразиши. В третий же день выедет из Смоленска третий поединщик78, ты же ничего убоися против его, вем убо, что и того поразиши, но и сам уязвлен79 будеши от него. Аз же твою рану скоро излечу". И тако уверив его, и приидоша под град Смоленск, ставше в удобное место.
80 противу его ехати. Савва же объявляет себя в полках, глаголя: "Аще бы мне был добрый конь, аз бы пошел противу его на брань81. Другии же, его слышаше похваление, скоро возвестиша болярину о сем. Болярин же, услыша, повеле Савву привести пред себя и повеле ему коня нарочита82 дати и оружие, и мнит, яко скоро имать погибнути от такого страшнаго воина.
Савва же, по глаголу брата своего беса, ничто же размышляя и не бояся, выехал противу того богатыря и порази его, и приводит и с конем в полки свои, и от всех похваляем. Бес же ездяше по нем, служаше ему и оружие его носяще.
из града Смоленска некий славны воин паче первых в храбрости, и ищет себе сопротивника. Савва же уже того устрашишася, ехати противу того, однако же по словеси бесовскому немедленно выезжает. И абие поляк той яростно напусти на Савву и уязви его копием в лево стогно83. Савва же исправися, нападает на поляка онаго и убивает его, но и с конем в таборы привлече и не мал зазор84поляком учини. Потом же нача из града выходити и свалным85 боем битися. Савва же с братом своим с котораго крыла выезжаху, тамо поляки от них невозвратно бежаху. И многих убиваху, и тако от них бежаху, токмо след свой показываху, сами же ни от кого ни малого повреждения себе, вреды́
Слышав же болярин о храбрости Саввиной, не мог скрыти гнева своего в сердце своем, призва Савву к шатру своему и глагола ему: "Повеждь ми, Савва, какова ты рода и чей есть ты сын?" Он же поведа ему, яко из Казани Фомы Грудцына сын. Болярин же нача его нелепыми словами поносити и глагола: "Какая ти нужда в такой случай? Пришел еси к смерти! Аз убо знаю отца твоего и сродников твоих, яко бесчисленно богатство имеют. От какова гонения или скудости пришел еси ты семо?. Сия глаголю ти: поиди в дом родителей твоих и там благоденствуй, с родители своими пребывай. Аще же не преслушаеши мене и услышу о тебе, яко зде имаши пребывати, то без всякаго милосердия зде имаши погибнути; и главу твою скоро повелю мечем отсещи". И сия болярин изрече с яростию.
Он же отиде от него, печален бысть. И рече бес к Савве: "Что убо, брате, печалуешися о сем? Аще неугодна служба наша, поидем в Москву и тамо пребываем". И тако вскоре отидоша в Москву и нача обитати в доме того же вышереченнаго сотника. Бес же днем бываше у Саввоы, в нощи же отхождаше до пропасти адския, идеже же жилище их , искони обычай окаянному пребывати.
Не малу же времени минувшу, абие разболеся Савва, и бе болезнь его велми тяжка зело, и быти ему к смерти. Жена же онаго сотника, благоразумна суща и всякое попечение и прилежание о Савве имуща, и глагола ему многажды, дабы повелел призвати иерея исповедати грехи своя и причастился бы Святых Христовых Тайн; да некако, в такй тяжкой скорби без покаяния умрет. Савва же о сем отрицашеся и глагола: "Аще и тяжко болен, но несть моя болезнь к смерти". И день от дня болезнь его тяжщае бяше.
Жена же оная неотступно притуждашеего, дабы покается, и едва принудише Савву оная благоразумная жена. И повеле Савва призвати священника. Жена же веле вскоре итти ко храму святаго Николы сюдотворца, и повелевает призвати иерея тоя церкви. Иерей же, нимало замедлив, притече к болящему; бе бо священник той муж благочестив и бояся Бога. И, пришед , нача молитвы покаянныя глаголати, яко же обычно.
86 изшедшим, иерей же нача болнаго исповедати.
И се внезапу зрит болны: в храмину тую вшедше множество бесов. Мнимый же его брат, паче же рещи бес, прииде с ними, не якоже человеческим образом, но существенным87 своим звериныи образом. И ста созади всех бесов и зубы на нем скрежеташе, показуя ему богоотметное писмо, еже даде у Савва у Соли Камской. И глагола бес болящем Савве: "Зриши, ли, клятвопреступниче, что есть сие? не ты ли писал еси? Или мниши, яко покаянием зощешь отбыти88? Аз убо великою силою моею подвигнуся на тя, и более сих узриши"
89 их, ово ужасаяся, ово же надеяся на силу Божию и до конца все подробну исповеда священнику оному. Священник же он, муж свят, обаче убояся страха онаго, зане людей во храмине единаго несть, кроме болнаго. Глас же велик слышаше от бесовския оные силы, и с великою нуждою90 исповеда болнаго и отиде в дом свой, ничтоже никому же поведа.
По исповеди же оной нападе на Савву дух нечисты и начат немилостиво мучити, ово о стену бияше, ово о мост91 с одра его метая на пол, ово храплением92 93 и всякими различными томлении мучаше его.
Боголюбивый же он муж сотник со благонравною и разумною женою своею, видяще такое незапное на него от диавола нападение и несносное мучение, велми жалеюще по юноше оном, но никакой же ему могут помощи подати. Бес же день от дне на болнаго люте нападает и мучаше его, но и всем предстоящим тут ужас бывает.
Господин же дому того, видя над собою такову необычную вещь, паче уведев94, яко юноша той Савва ведом и царю, но есть же у них сродница, в дому царском пребываше. И, сия помыслив, посылает немедленно жену свою ко оной сроднице, повелевает ей, да всё подробно возвестила бы царю, да "никако бы, - рече, - Савва в таком зле умрет, а мы за то истязаны95 ".
Жена же его, нимало помедлив, скоро тече к сроднице своей и вся повеленная от мужа по ряду сказа. Сродница же оная, яко слыша таковыя глаголы, умилися душею, ово бо болев по юноше, паче же скорбяще по сродниках своих, да некако и вправду от таковых случаев беду приимут. И, ни мало помедлив, скоро тече из дому своего до палат царевых. И внидох, по времени донесла царю о сем.
Царь же, слышав о Савве таковы глаголы, рече предстоящим, да бывает у онаго сотника, у болнаго онаго, повсядневное изменение96 караулщиков. Д а посылаются по два караулщика,да надзирают опасно97 юношу онаго от соннаго бесовскаго мучения, да во огнь или в воду никако ввержется. Сам же благочестивый царь, посылаше к болящему повсядневную пищу. И егда здрав болны явится, повелевает возвестити себе.
И месяца июля в первый день Савва же необычно от беса мучен бысть.
Заспа мало и бысть: во сне яко наяву глагола, изливая слезы из очей своих, сице, рече: "О, Всемилостивая Госпоже Царице Богородице, помилуй мя! Не солгу, в сердце, но исполню обещнием, якоже обещався тебе". Дому же того людие,слыша таковыя глаголы от болнаго, зело удивишася, глаголюще, яко некое видение видит.
Егда же болны возбнудися98, приступи к нему сотник и рече: "Повеждь ми, господине Савва, что таковыя глаголы во сне видел и к кому рекл еси?" Он же паки начат убо омывати лице свое слезами, глаголет: "Видех ко одру моему пришедшу жену святолепну, светлостию сияющу, и ризу багряну носяще с нею же два мужа, сединами украшенны, во одежде един архиерейской, а другий во апостолской одеяны. И я мню быти жену оную Пресвятую Богородицу, мужей же: единаго же наперстника99 "Что ти есть, Савва, и что о скорбиши?" Аз же рекл ей: "Скорблю, моя владычица, прогневах Сына твоего и Бога моего и тебя, заступницу рода христианскаго, и за то люте бес мучит мя!" Она же, осклабися100, рече ми: "Како ты можешь выручити писание свое, еже ты подал самаму Диаволу?" И аз же рек ей: "Не могу, Владычице, аще не помощию Сына твоего и твоею милостию!" Она же рече ми: "Аз убо о тебе Сына моего и Бога упрошу, токмо един глагол мой исполни: аще избавлю тя от беды сея, хощеши ли инок быти?" Аз же молебныя глаголы со слезами глаголах ей, яко же и вы слышавше. Она же паки рече: "Слыши, Савва, егда убо приспеет101 праздник явления образа моего, еже в Казани, ты же прииди во храм мой, иже на площади у Ветошнаго ряду; и аз пред всем народом покажу велие чюдо ". И сия изрече, невидима бысть".
Сия же от Саввы сотник слышавше, паки повелевает и посылает жену сваю к вышелеченной сроднице, дабы возвестила царю о сем, и абие возвещено бысть видени царю. Царь же повелевает хранити его.
И егда же прииде Праздник Казанския Богородицы, июля 8-го числа, и повеле царь привести болящегово храм ея, Пресвятыя Владычицы нашея Богородицы, нарецаемыя Казанския. Якоже николи102 "О, Преблагословенная и Преблагая, Честнейшая Мати Христа Бога нашего! Благодарю тя за неизреченное твое милосердие, яко избавила мя еси от погибели и настави мя, на путь покаяния обрати мя!" Народу же зрящу на онаго Савву и слышавше глаголы его, удивишася.
Царь же узрел его. И егда нача пети Божественную литоргию, а Савве лежащу среди церкви на ковре, и видев Савва пришедшу жену, в белых ризах одеянну, всякими лепотами сияющу, глагола ему: "Савва, отселе будеши здрав, к тому не согрешай и повеление мое да исполни: буди инок"
И с того часа получи Савва себе здравие, и се невидима бысть. И тако получи неизпеченную славу Савва, и прииде во ум свой и не чающе болезни в себе, яко никогда боле, и воста на нозе103 свои.
Царь же рече: "Не сей ли трудившийся104 " Отвещав же некто болярин его, стояше, яко "той есть Савва". Царь же повеле его вопросити, како воста от таковыя тяжкие болезни. Вопрошенну же бывши Савве, Савва же поведати о себе нача вся бывшая над ним, и о неизреченном чудеси явленияобраза Пречистя Владычицы нашея Богородицы, како избави его от тмы греховныя.
Царь же, благодаря Бога (возвещено о чудеси над оным Саввою) и Прчистую Богородицу, и возрадовася радостию велиею. И как отпевше Святую литоргию, Савва же нача молебное пение пети Пресвятеи Богородице и, немного дней помедливше,прииде в церковь святаго архистратига Михаила и восприят монашеский чин и благодарив Пресвятую Богородицу. И пожив лет доволно, и преставися, ко Господу душу предаде.
Богу нашему слава ныне, и присно, и во веки веков. Аминь.
Примечания.
1. ибо, так как
3. тотчас
4. именитого
5. пренебрег им
6. знаешь
8. совращает
9. коварными
10. запнулся, споткнулся
11. пал
13. взял
14. после чтения священной молитвы, заключающей службу.
15. опять, снова
16. разбудила
18. то
19. угрозами, стращая
20. тотчас
21. застонав
23. звонить в колокол
24. подлаживается
25. думая, ожидая
26. лживо
28. чародейством
29. болезнь, хворь, кручина
30. отдален
31. пустынному месту
33. вернее же сказать
34. который
35. как чужой
36. если
38. дашь
39. сколько
40. излагать
41. в совершенстве
43. пергамен. Здесь: лист хорошей бумаги, использававшейся для документов
44. узнаю
45. расточил, извел
46. с проклятием
48. величие, блеск
49. в логу, в долине
50. кровли
51. О (междометие)
53. тень
54. встречают
55. усердно, старательно
56. другие
58. сюда
59. пребыв в ожидании
60. яства
61. дивился, удивлялся
63. сговорились, присягнули друг другу
64. слышали
65. негодным
66. ответа
68. запретил
69. здесь: верст
70. причину
71. превосходит
73. известен
74. военные орудия
75. высматривая
76. пушки
78. одиночный боец
79. ранен
80. не смел
81. на битву
83. в бедро
84. срам, поношенье, позор
85. рукопашным
86. из хором, жилья
88. отделаться, избыть
89. явственно
90. здесь: принуждая себя
91. помост
93. давил (душил) бес
94. узнав
95. гаказаны, подвергнуты строгому допросу
96. смена
98. проснулся
99. любимца
100. улыбнулась
101. настанет, наступит
103. на ноги
104. здесь: страдалец. измученный болезнью
Комментарии
ПОВЕСТЬ О САВВЕ ГРУДЦЫНЕ
«Повесть о Савве Грудцыне» написана в 60-х гг. XVIIв. как эпизод из недавнего прошлого. Она начинается с 1606 г., когда «попусти Бог на Московское государство... Гришку Отрепьева»; герой принимает участие в борьбе с поляками за Смоленск в 1632—1634 гг. Безымянный автор пишет не историю России, он рассказывает о частной жизни купеческого сына Саввы Грудцына. Повесть на русском материале разрабатывает фаустовскую тему: тему продажи души дьяволу за мирские блага и наслаждения.
Грудцыны-Усовы — существовавшая в реальности купеческая фамилия. Ее представители торговали в Москве и Великом Устюге, участвовали в земских соборах и закладывали храмы, входили в гостиную сотню, т. е. принадлежали к самой верхушке торгового сословия (данные о них см.: Скрипиль М. О. Повесть о Савве Грудцыне//ТОДРЛ. Т. II. М.; Л., 1935. С. 181—214; Т. III. M.; Л., 1936. С. 99—152). Возможно, что повесть отразила какие-то реальные беды, пережитые этой семьей, что беспутный недоросль из рода Грудцыных-Усовых соблазнил замужнюю купчиху. Возможно также, что «присушить» купчиху он пытался с помощью сатаны.
В «Повести о Савве Грудцыне» использованы две сюжетные схемы. Это, во-первых, схема «чуда», религиозной легенды с ее, как правило, тремя сюжетными узлами: прегрешения, несчастья или болезни героя; затем покаяние, молитва, обращение к Христу, Богоматери, святым за помощью и наконец — отпущение греха, исцеление, спасение. В повести отразились религиозные легенды о юноше, который согрешил, продав душу дьяволу, затем покаялся и был прощен (см. наблюдения Д. С. Лихачева в кн.: Истоки русской беллетристики. Л., 1970. С. 525—536).
Второй сюжетный источник повести — волшебная сказка (см.: ТОДРЛ. Т. XXVII. Л., 1972. С. 290—304). Сказкой навеяны сцены, в которых бес выступает как волшебный помощник, «даруя» Савве «премудрость» в военном деле, снабжая его деньгами, излечивая от раны. К сказке восходят поединки Саввы с тремя вражескими богатырями под Смоленском (троичная символика здесь явно фольклорного происхождения).
Автор строит повествование то по законам «чуда», то по стереотипам сказки. В художественном отношении эти переключения с одного сюжетного прототипа на другой, с религиозной легенды на сказку и снова на религиозную легенду создают эффект обманутого ожидания, не характерный для средневековой литературы, когда знакомая сюжетная ситуация влекла за собой другую, столь же знакомую. Такой прием характерен для искусства Нового времени, в котором ценится неожиданное и непривычное. Именно поэтому «Повесть о Савве Грудцыне» принято считать первым русским опытом романа.
плотская страсть, как и вообще стремление к наслаждению. Но сила любви-страсти, притягательность пестрой жизни уже вошли в плоть и кровь людей «бунташно-го века». Автор противится новым веяниям (поэтому его повесть — печальная повесть), но как истинный художник признает, что эти веяния прочно укоренились в русском обществе.
ВАРИАНТ ОКОНЧАНИЯ:
И егда же приспе время июля 8-го числа, бысть праздник Пресвятыя Богородицы Казанскиа. Абие повелеваетъ царь болящаго оного Савву нести до церкви. Бысть же в той день хождение крестное из соборныя апостолския церкви Пресвятыя Богородицы, в том же году был и самъ царь.
И егда же начаша Божественную литоргию, принесенну же бывшу болящему оному Савве и положену вне церкви на ковре. Егда же бо начаша пети херувимскую песнь, и се внезапу бысть глас, яко бы громъ велий возгреме: «Савво, востани, что бо медлиши, и прииди в церковь! Мню, здравъбудеши. К тому не согрешай». И абие спаде1 от верху церкви богоотметное оное писание Саввино, все заглажено, что никогда же писано, пред всем народом.
«О преблагословенная Мати Господня, христианская заступница и молебница о душахъ наших к сыну своему и Богу! Избави от пропасти адския, азъ вскоре исполню обещание свое».
Сие же слышавъ, великий государь, царь и великий князь Михайло Феодоровичь всея России повеле призвати к себе оного Савву, и воспросивъ ево о бывшемъ видении. Он же поведа ему все по ряду и показавъ писание свое. Царь же подивися зело милосердию Божию и несказанному чюдеси.
Егда же отпеша Божественную литоргию, поиде Савва в домъ сотника Иакова Шилова. Сотникъ же той и жена его, видевъ над нимъ милосердие Божие, благодарив Бога и Пречистую его Богоматерь. Потом же Савва раздавъ все имение свое, елико имеяше, убогимъ, сам же иде в монастырь Чюда архистратига Михаила, идеже лежатъ мощи святителя Божия Алексия митрополита, еже зоветца Чюдовъ. И восприятъ иноческий чинъ, и нача тутъ жити в посте и молитвахъ, безспрестанно моляся Господеви о согрешении своемъ. В монастыре же оном поживъ лета доволна, ко Господу отиде, идеже святии пребываютъ. Буди же Вседержителю Богу слава и держава во веки вековъ, аминь.
«Повесть о Савве Грудцыне» публикуется по списку РНБ, Q. 1.762 (середина XVIIIв.), л. 73 об.—99 об. По классификации М. О. Скрипиля (ТОДРЛ. Т. V. М.; Л., 1947. С. 225—308) список принадлежит к первому варианту I редакции. В этом списке сюжет передан достаточно точно, но архаизированный язык произведения несколько облегчен. Исправления, дополнения и вариант окончания даны по списку РНБ, —122.
Стр. 44. ... оставляетъ великий градъ Устюгъ... — После того как летом 1612 г. интервенты были разгромлены у стен Москвы, два отряда, состоявшие в основном из «черкас», т. е. запорожских казаков, двинулись на север. Они разграбили вологодский Прилуцкий монастырь, захватили Сольвычегодск, а в конце января 1613 г. предприняли два приступа на Великий Устюг, но были отбиты (см.: Кукушкина М. В. Новая повесть о событиях начала XVIIв. // ТОДРЛ. Т. XVII. М.; Л., 1961. С. 374—377).
... до лет благочестиваго царя... Михаила Федоровича... — Царь Михаил Федорович правил с 1613 по 1645 г.
Обычай же имеяше той Фома куплю деяти... — Казань была центром торговли с Востоком, в частности с Персией.
Стр. 45. ... бысть мещанинъ именемъ Баженъ Вторый... — Бажен — мирское имя. Определение «Вторый» говорит о том, что у него был старший брат с тем же прозвищем, Бажен Первый.
... поятъея сущую девою. — Это значит, что третьим браком Бажен женился не на вдове, а на девице.
—50. ... стены и помостъ... и веду тя к нему. — В рукописи отсутствует; восполняется по списку РНБ.
Стр. 50. ... около его стояща множество юношей крылатыхъ, лица же ихъ овыхъ сини, овыхъ багряны, иныя яко смола черная. — По православным представлениям, божественному «свету» противостоит дьявольская «тьма» (она «кромешная», потому что вне, «кроме» света). Соответственно сам дьявол и его слуги «темны», отчего и назывались обычно «синьцами» и «ефиопами».
Стр. 52. ... по ево, великаго государя, указу во всей России набираху новобраныхъ салдатъ. — Формирование (по западному образцу) солдатских полков началось в 1630 г. Воинскому артикулу их обучали служилые иноземцы.
Стр. 53. — Имеется в виду брат царицы Евдокии Лукьяновны, урожденной Стрешневой. Чином боярина был пожалован позднее.
Стр. 54. ... тогда былъ командующим боляринъ Федоръ Ивановичь Шеин. — В действительности Шеина звали Михаилом Борисовичем. За неудачную осаду Смоленска он был обвинен в измене и казнен в 1634 г.
Болярин же нача его нелепыми словами поносити... — По царскому указу торговых людей в солдатские полки не записывали, поэтому воевода и прогоняет купеческого сына из войска.
Стр. 57. ... Казанския Богородицы, что в Китае... — Церковь Казанской Божьей Матери в Китай-городе, на Красной площади, «на пожаре».