ХОЖДЕНИЕ НА ФЛОРЕНТИЙСКИЙ СОБОР
В лето 6945 поехал митрополит Сидоръ[1] с Москвы на Рожество святыа Богородици,[2] приехал въ Тверь на Воздвижение честнаго креста.[3] А с ним владыка Аврамий Суждальский.[4] И въстретилъ его князь Борис Тверьский[5] с своими боляры с великою честию, а владыка Илиа[6] съ кресты, съ всеми священникы, и весь народ града того. А был въ Твери 9 дней. А выехал в неделю и ночевал въ Савине пустыне. А от Москвы до Твери 200 верст без 20. А от Твери до Торъжку 60 верстъ, а от Торжку до Волочка 70 верстъ. А от Волочка пошел рекою Мъстою в лодье к Великому Новугороду, а кони берегом. А от Волочка рекою до Новагорода триста верст.
И сретоша его далече владыка новгородский Еуфимий[7] и посадники с великою честию. И ночевал въ Юрьеве монастыри. На утре же въехал въ град месяца окьтября въ 7 день. И сретил его владыка съ кресты, с попы и диаконы, и весь народ, и тесноте велице суши народом. И дошед врат града того, и на вратех церковь, и ту митрополит облечеся в ризы, а с ним владыка Аврамий облечежеся. И ту свящали воду, и кропили народ. И иде къ святой Софии,[8] и розволкся ту, и того дни пировал у архиепископа Еуфимиа, и давъ ему честь велию. Бысть же в Новегороде седмь дний.
А из Новагорода поиде ко Пскову. И пьсковичи сретоша его на рубижи и почтиша его велми. И приеха въ Пьсков месяца декамвриа на память святаго отца Николы.[9] И за градом сретоша его съ кресты священици и народ многъ. И того дни служил обедню у святые Троици,[10] а с ним владыка Аврамий, и благословилъ народ; и даша ему 20 рублевъ. А от Новагорода до Пскова два 90 верстъ. И ту быша пирове мнози и дары велици. А отпуская его, даша ему 100 рублевъ. И поеха изо Пскова в Немци,[11] месяца генваря, на память святаго апостола Тимофеа.[12] А был въ Пскове 7 недель.
Первый град немецкий Коспиръ бискупа Юрьевьскаго.[13] И ту его сретил бискупъ юрьевскый с великою честию по своему праву немецкому, съ своими стрыи немецкыми, съ трубами и съ свирельми, и дав ему честь велику, и дары многы. А от Пьскова до Юриева[14] града 100 верстъ.
И приехал господинъ[15] къ Юрьеву, и ту сретоша его посадникы и ратманы[16] далече, и священници съ кресты, и множество народа града того, и даша ему честь велию.
Град же бе Юриев каменъ, велик, полаты же в нем велми чюдны, и нам же не видавшим, дивлящемся; церкви же бе многы и монастыри велици. И монастырь бе женскый, по их праву, един, велми чюденъ: неисходяшим бо имъ никогдаже из монастыря того, а стригущимся в монастыри том девами суще, и того ради звашеся святыа девы; ризы же черниць тех белы яко снегъ, ряскы же и монатьи, а на главах ихъ венець чернъ, а поперек главы крестъ, а на то наметкы белы, яко снегъ; а от мирян никакоже к ним не ходят, но токмо же нам у них бывшим съ господиномъ, и видевше их житие, удивихомся. Река же бе обошла с тое страны, откуду мы приехали. Горы же бяху у них, поля и садове красны. Церкви же христианскые бе у них две: святый Никола и святый Георгий; христианъ же мало.
А от Юриева до Ригы града 200 верст и 50. А от Юриева ехал къ Ризе, много градовъ видехом. И ехал на Володимерь град. И сретоша его паны велиции за день; и егда быша близ града, и сретоша его арцибискупъ Тимофей[17] и архимандрит Захариа, и посадникы, и ратманы, и весь град съ трубами и съ свирелми, и гудци, и с великою честию.
А приеха в Ригу до обеда, месяца февраля въ 4, на память отца Сидора. Въ граде же его сретоша съ кресты попове и вси народи, и ради бывше ему велми. И ялъ господинъ у арцибискупа; и владыка Аврамий и Фома, посол тверскый,[18] седоша за единымъ столом с митрополитом, и арцибискупъ, а нам за другым. И ту видехом честь велику, и вина различные быша. И ту был господинъ 8 недель.
И поиде в корабль на море, и проводиша его с великою честию; и поеха из Ригы месяца маиа въ 5, на память мученици Ирины рекою Двиною к морю. И на брезе у моря был день. И пошелъ в корабли по морю в среду 4 недели по Пасце, в Преполовление праздника.[19] И бывшу ему един день ветру добре веющу. И не по мнозех днехъ внезапу в полунощи нападе на нас буря не ветреным делом, ино корабль волнами покрывашеся, а градьцу верховнему в валех бывшу. Мы же вси живота своего отчаяхомся, глаголюще: «Увы! погыбаемь». Но не многу тому бывшу. Но не единова тацей бури бывши, и потом тма бысть на мори велика, а ветру не веюшу. И роптанию бывшю в немцех: «Не нас ради сиа быша, но христиан ради». И приидоша немци господину глаголюше: «Видиши ли толику беду нашу — тме бывши и ветру не веюшу; и ту бо островъ Свитскылих камены, преборы и разбои великиа; и мы того ради приидохом к тебе: помоли Бога, а мы поюще по своему». Господину призвавшу владыку Аврамиа и Фому, посла тверьскаго, и архимандрита Васиана, и все свои боляре, и нача глаголати: «Епископе, помоли Бога». И нача молебен святей Богородици Одигитрие по греческы и съ своими грекы; а владыка Аврамий по своему, по русскыи. И нача тма расходитись, и уже бысть при вечере, и ветру добре веющу; и оттоле зла ничтоже не видевше. И по многых днех брегъ увидевше, и доидохом пристанища по здорову.
А ис корабля пошелъ в понеделник, месяца майа в 19 на память святаго мученика Патрекиа, и дошедшу ему до пристанища, и сретоша его посадникы и ратманы. От славнаго града Любка моремъ тысяща верстъ, а брегом полторы тысящи. И привезоша 20 возов, и седохом на возы, и поидохом ко граду, и быхом близь града, и сретоша весь народ мног.
И видехом град велми чюденъ, и поля бяху, и горы невеликы, и садове красны, и полаты велми чюдны, позлащены връхы, и монастыри в нем велми чюдны и силни. И товара в нем всякаго полно. А воды приведены в него, текут по всемъ улицам, по трубам, а иные ис столповъ студены и сладкы. И ходящу ему на празник Възнесениа[20] по божницем;[21] и видехом съсуды священныа златыя и серебреныя, и мощей святых множество. И ту приидоша мниси и начаша звати господина, чтобы их монастыря посмотрилъ. Он же поиде, и показаша ему съсудовъ священных множество неизчетенно и риз драгых златых множество с камением драгым и съ жемчюгом. И увидехом ту мудрость недоуменну и несказанну: просте, яко жива, стоить Пречистая и Спаса дръжит на руце младенечным образом; и зазвеняше колоколчик, и слетит аггел с верху, и снесет венець в руках, и положит на Пречистую; и поиде звезда, яко по небу; и на звезду зряху, идяху вълсви три, а пред ними человекъ с мечем, а за ними человекъ с топоромъ; и внесоша дары Христу, злато, и ливан, и измирну, и приидоша къ Христу и Богородици, и поклонишася; и Христос обратяся, и благослови их, и хотяше руками взяти дары, яко дитя, играя у Богородици на руках; они же поклонишася и отидоша; и аггелъ же възлетит горе, и венець взя.[22] И ведоша нас, идеже лежат их книгы, и видехом боле тысящи книг, и всякого добра неизреченнаго, и всякыа хитрости, и полаты чюдны велми. И въведоша нас в трапезу свою и, несоша вина различная, и сахары многы разныа, а ту даша господину честь велику. И ту видехом на реце устроено колесо, около его 100 сажен, воду емлет из рекы и пущает на все домы. И на том же вале колесо мало, тоже мелеть и сукна точет красные.[23] Ту же видехом два зверя люты в полате, у окна прекованы железы.
А кони митрополичи гнали берегом от Риги къ Любку на Курскую землю, а поперек Жемотские земли 3 дни, и оттоле на Прускую, и оттоле на Баморьскую землю, и оттоле на Жунскую землю, и оттоле на Висмертьскую, и оттоле к Любку. И в Любок приехав един день господинъ в корабли, а с конми брегом, а поехали с конми из Ригы за 6 недель до поезда до митрополича.
Мелна града 4 мили до рекы Елевы. А от Елевы рекы Мечь река,[26] а перевоза поперекъ ея три версты. А от тое рекы до Луньбрега града 2 мили.
От Любка до Луньбрега 8 миль. Той убо град величеством подобенъ есть Любку. И среди града того суть столпы устроены, в меди и позлащены, велми чюдно, трею саженъ и вышше; и у тех столпов у коегождо люди приряжены около тою же медию; и истекают ис тех людей изо всех воды сладкы и студены: у единого из уст, а у инаго изъ уха, а у другаго изъ ока, а у инаго из локти, а у инаго из ноздрию, истекают же велми прудко, яко из бочек; те бо люди видети просте, яко живи суть, и те бо люди напояют весь град той и скотъ; и все приведение вод тех велми хытро, истекание и несказанно.
А от Луньбрега до Бруньзвига града 16 миль. И той град величеством вышьши тех градовъ прежних, и полаты в нем видети чюдны, верхы их устроены; а покровение их велми подобно удивлению: есть бо крыто дъсками синего камени хитро и хороше, яко и лемешем,[27] и утверживано гвоздиемь, яко не мощно рушитися во много лет. И еще суть реки великы приведены по всему граду тому, береги их и дна морованы камением; а иные воды въ столъпы приведены, якоже и в предписанных градехъ. И все здание града того видети твердо есть, и подивитися о сем.
А от Бруньзвига до Батмера града 11 миль. Той бо град величеством Любку подобен. И под весь град той улици морованы и полаты, а воды к нему приведены от Аламаньские земли.[28]
И от того града есть град именем Липесъ велми велик. А от того же града есть град именем Афрат, велик и чюденъ, и имениемъ многым и хитрым рукоделиемъ преумножен; и таковаго товара и хитра рукоделиа ни в коемъ граде въ предписанных не видехом.
Да того же дни господинъ выехал изъ того града милю, и облегохом въ граде именем Понтъ,[30] а река под нимъ зовома Тискъ, и того ради зовется той град Понтенскъ. И той убо град окааннаго Пилата. В том бо граде вотчина его и рожение, и по граде зовется Понтийскый Пилатъ.
И от того града есть град Нурбехъ, велми велик и крепок. И людий в нем много, и товара; и полаты в нем деланы белым каменем, велми чюдны и хитры; такоже и рекы приведены къ граду тому великими силами хитро; а иные воды во столпы приведены хитрее всех предписанных градов, и сказати о сем убо не мощно и недомыслено отнудь. От Любка до Нурбеха 100 миль.
И тьи Нурбех град стоит среди Аламанские земли. Аламанская земля, то есть не инаа вера, ни ины язык, но есть едина вера латиньская, а языкъ немецкий же, но разно, яко и русь с сербы, тако и оне с немьци.
И от того града 17 миль есть град во имя Августа царя, его же из начала тъй царь Иустиниянъ нача и създа на славной реце Дунаи, и того ради зоветса град той Августъ, а по немецки же Авспрокъ.[31] И величьством превъзыде всех предписанных градовъ. И полаты в немъ, и воды, и иная вся строениа велми чюдна. И божници в нем устроены, и с надвориа писано велми хитро, а внутри якоже и иные божници подписаны; и ту написан царь Иустиниан, началный здатель града того, да и иные цари римьские писаны, то же и угорское и аламаньское.
въ Фряжскую землю[33] до града Павды 15 миль. И всех Полониных горъ 60 миль. Горы же те не ту суть, но от Чернаго моря пошли даждь и до Белаго моря,[34] яко зовутся поясъ земный, камены. Толико жо высоци суть, облаци вполь их ходят, и облаци от них ся взимают. Снези же лежат на них от сотворениа горъ техъ; лете же варъ и зной велик в них, но снег же не тааше. Павда же град велик велми и крепок. И оттоле до Ферары града 10 миль. И ту есмя приехали по Госпожине дни на 3 день.[35]
И ту есмя наехали папу римьскаго Еугениа,[36] от Рима за 50 миль. Ту же и святаго царя греческаго Иоанна,[37] и святаго патриарха Иосифа[38] вселеньскаго, и святый вселеньскый соборъ. А въ зборе бысть с патриархом митрополитов 22: первый — раклийскый Антоней, 2 — ефесскый Марко, 3 — русскый Исидоръ, 4 — манавасийскый Досифей, 5 — трапизонскы Дорофей, 6 — кизитьскый Митрофанъ, 7 — никейскый Висарионъ, 8 — никомидейскый Марко, 9 — лакедомонийскый Мефодий, 10 — тръновскый Игнатей, 11 — амасийскый Иасафъ, 12 — малъдовъскый, рекше влашки, Демианъ, 13 — ставропольскый Исайа, 14 — родовьскый Нафанаилъ, 15 — митулиньскый Дорофей, 16 — драмасиньскый Дорофей, 17 — мелетинскый Матфей, 18 — тристриасийскый Калистъ, 19 — каланьскый Генадей, 20 — ахелоньский Генадей, 21 — иверьскый Иоанъ, 22 — сардакийскы Дионисий,[39] тъи на том святемъ съборе къ Господу отьиде.
1-ый соборъ бысть месяца октября въ 8 день, въ граде Фераре в Фрязех. На соборе же седе римьскый папа Еугений, а с ним 12 гардиналовъ, и арцибискупы, и бискупы, и капланы, и мнихы. Православные же веры на съборе седевшу греческому царю Иоану и брату его деспоту Дмитрею,[40] и вселенскому патриарху Иосифу, а с ним митрополитовъ 22, и епископовъ русскых — Авраамий Суздальскый, и архимандриты, и попы, и диакони, и черньци, и послов 4, трапизоньскый, иверьский, и тверьскый Фома, и волошьскый Микула. Въ вопросех бывшим тремъ митрополитом, въ ответех ефесскый Марко, русскый Исидоръ, никейскый Висарионъ.
2-й соборъ месяца того же 13. Третий съборъ месяца того же 16. Четвертый съборъ месяца того же 20. Пятый собор месяца того же 25. Шестый соборъ месяца ноября 1. Седмый соборъ того же месяца въ 4. Осмый соборъ месяца того же 8. Девятый съборъ месяца того же въ 11. Десятый съборъ месяца того же въ 18. Первый на десять соборъ месяца того же въ 26. Вторый на 10 соборъ месяца декамбря въ 4. Третий на 10 соборъ месяца того же 8. Четвертый на 10 соборъ месяца того же 13.
В том же граде Фераре на папине дворе възведен столпъ каменъ высокъ и велик, над торгом. И на том столпе устроены часы, колокол великъ; и коли ударит, на весь град слышати; и у того столпа отведено крыльцо, и двои двери; и коли приспеет час и ударит в колокол, и выдет из столпа на крилце аггел, просте видети, яко жив, и потрубит въ трубу, и въходит другыми дверцами въ столпъ; а людем, всем видящим аггела и трубу и глас его слышати; и потом в той же великый колоколъ въсходяще на всяк час аггелъ и ударяше.
Пятый на 10 соборъ месяца генваря въ 10, в зборной божнице во имя святаго Юриа. Папе же оболчену сущу въ святительскый сан и в рогате клобуце[42] седяшу ему на высоце месте, а с ним гардиналовъ и бискуповъ 44, такоже облачены въ святительскый санъ и в рогатых клобуцех. А патриарху и митрополитом седящу в монатиах. И тогда четшим им грамоты по латынскыи и по греческыи, и что им ити ис Ферары къ Флоренску граду.
И поеха папа месяца генваря 16. И поеха патриархъ ис Ферары месяца того же въ 26 рекою Повою, в судех на низ; а митрополит рускый поиде месяца того же въ 27 рекою тою же въ судех. От Ферары до града Рженти 25 миль. От Рженти до града Обатши[43] 7 миль. А от Обатши до града Селжи 7 же миль. И ту поиде господинъ из судна на кони. А от града Селжи до града Алугы 7 миль. А от Лугы до града Фензы 10 миль. От Фензы до града Бряги 28 миль. От Бряги до града Берена[44] 13 миль; а река под ним Ирнець[45] быстра вельми, чрез ее мостъ камен; и садовъ множество масличных, и место красно меж горъ. И от Берена до града славнаго и прекраснаго Флорензы 50 миль. А все горы камены, высоци, а путь тесенъ и тяжекъ велми, занеже возы не ходят, но на въюкехъ возять. И вино родится в горах тех велми добро и сладко и красно. И приехал господинъ въ славный град Флорензу месяца февраля въ 4. А патриарх въехал месяца того же 17, а царь того же дни.
Той же славный град Флоренза велик зело, и такова не обретохом въ предписаных градех: божници в нем красны зело и велици, и полаты в нем устроены белым каменем, велми высокы и хитры. И посреди града того течет река велика и быстра велми, именем Рна; и устроен на реце той мостъ каменъ, широк велми, и съ обе страны моста устроены полаты. Есть же во граде том божница велика и есть в ней за тысящу кроватей, а и на последней кровати перины чюдны, одеяла драгы; то ж устроено Христа ради маломощным пришелцем и странным и иных земель; тех же боле кормят и одевают, и обувают, и омывают, и дръжат честно; а кто ся оможет, той ударя челом граду, пойдет хваля Бога; и посреди постель тех устроена служба, и поют на всяк день.[46] Есть ины монастырь, устроенъ белым камениемъ хитро и велми твердо, и врата железны; а божница велми чюдна, и есть в ней служеб 40; и мощей святых множество, и риз драгых множество с камением, и съ златом и съ жемчюгом. Старцев же в нем 40, житие же их неизходно из монастыря никогдаже, ни миряне к ним не ходят николиже; рукоделие же их таково: шиют златом и шолком на плащаницах[47] святые. В том же монастыре был господинъ, и нам ту же бывшим, и та вся видехом. А погребение же умерших тех старцевъ въ устроеных тех монастырехъ, и гробы их, новоумершаго старца въкладают, а ветхыа кости выимают, и кладутъ в костеръ, и на них смотрят, поминают час смертный. В том же граде делают камки[48] и аксамиты съ златом.[49] Товара же всякого множество и садов масличных, и тех маслиц древяное масло. И есть в граде том икона чюдотворна, образ пречистыа Божиа Матере; и есть пред иконою тою в божнице исцелевъших людей за 6 тысяч доспеты вощаны, въ образ людей тех, аще кто застреленъ, или слепъ, или хром, или без рукъ, или велик человекъ на коне приехав, тако устроени, яко живи стоят, или старъ, или унъ, или жена, или девица, или отрочя, или какого портище на нем было, или недугъ каков в нем был, и како его простило, или какова язва, тако то и стоит доспет. И ту же сукна скорлатные[50] делают. Ту же видехом древие кедры и кипарисы; кедръ как руская сосна, много походило, и кипарис корою яко липа, а хвоею яко ель, но мала хвоя кудрява, мяхка, а шишки походили на сосновую. И есть во граде том божница устроена велика, камень моръморъ белъ, да чернъ; и у божницы тое устроен столпъ и колоколница, тако же белы камень моръморъ, а хитрости ея недоумеетъ умъ наш; и ходихом в столпъ той по лествице и сочтохом степеней 400 и 50.[51] В томь же граде видехом лютых зверей 22.[52] А около града того стена 6 миль.
Шесты на 10 соборъ въ граде Флерензе месяца февраля 26. Седмый на 10 соборъ месяца марта въ 2. Осмый на 10 соборъ месяца того же въ 5. Девяты на 10 соборъ месяца того же въ 10. Двадесятый соборъ месяца того же въ 13. 21 соборъ месяца того же въ 14. 22 соборъ месяца того же в 17. 23 соборъ месяца того же в 21. 24 соборъ месяца того же въ 24. 25 соборъ месяца майа въ 2. Деспот, царевъ братъ, пойде от собора къ Царюграду изъ Флорензы месяца июня 25.
коиждо своею рукою.[53]
В том же граде видехом черви шолковыя, да и то видехом, как шолкъ той емлють с нихъ.
Месяца того же въ 6 служил обедню папа Еугений опресноком[54] въ соборной божнице въ имя пречистыя Богоматере, а с ним гардиналовъ 12, а бискупов 93, опричь каплонов и диаконов. Царю же греческому Иоану, седящу ему на уготованном месте, зрящу службы их, и вси бояре его с ним; и митрополитом ту же седящим на уготованных местех въ всемь святительском сану, тако же и архимандриты, и хартофилакове,[55] и попове, и диакони, оболчени кождо въ свой санъ, и калугерове[56] ту же седяще на уготованных местех, зряще еже служат; тако же и от грекъ и от руси миряне седяще; места же те высоци чрез люди зряще. Народу же толику ту сущи, что бы их пущали, то бы много задушенных людей было; но подвойские[57] папины хожаху в пансырех сребряных, и палици в руках дрежаще, и не дадуще наступати; а иные свещи виты дръжаще в руках зажьжены, и теми къ народом махаху, чтобы не наступали. И по службе нача молебен пети съ своими, и по молебне седе папа посреди собора того на уготованом ему высоце престоле позлащене, и близ его поставиша амбон. И взыде от латинъ гардинал именем Иулианъ,[58] а митрополит никейскый Висарион, и възнесоша грамоты съборныя; и нача чести Иулианъ латиньскую грамоту велегласно, и по том нача чести митрополит грамоту греческую. И по чтении грамот благословилъ папа народ. И потом начаша папины диакы пети хвалу папе, и потом начаша царевы диакы пети хвалу царю. И потом начаша пети весь соборъ латинскый и весь народ, и начаша радоватися, зане бяше прощение приали от грек.
И поеха царь от збора из Флорензы месяца августа 26. И проводиша его с честию гардиналове вси и бискупы, и весь народ града того, с трубами и свирельми; и несоша над ним небо наряжено[59] 12 человекъ; а коня под ним ведоша пеши два ратмана болшие града того.
Месяца септевря 24 папа служил въ церкви святаго Иоанна Предтечи. И по службе гардиналове и арцыбискупы и бискупы изволоклися в ризы, множество их. И ту седяше рускый Исидоръ да греческых 12 въ тех же манатияхъ, а папа седяше на престоле злате въ святительском сану. И взыде на высоко место бискупъ, именемъ Андрей, и нача чести грамоту неблагословеную, и прокля съборъ Базмейскый Аламанские земли, занеже не пришли на соборъ к папе, а учинили себе соборъ, не хотя повинутися папе; и того деля их прокля.[60]
От Флорензы до града Корпиа 13 миль, От Корпиа до града Флоренца 12 миль. От Флоренца до града Кравениа 17 миль. А от Кравена до града Болоньи 23 миль; той же град велик. От того града поиде господинъ рекою Фарою, а кони берегом. К Фаре от Болоньи 40 миль. От Фары поиде рекою Повою, да и кони провадили тою же рекою в судехъ. От Фары до града Кезы 80 миль,[61] той град у Белого моря на брезе, ту родится соль крупна.[62]
От Кезы до града Венеции 25 миль, а шли морем. А той град стоит на мори, а суха пути к нему нетъ, а от берега 13 миль стоит в море. Среди его проходят корабли и катарги, а по всем улицам воды, ездят в барках.[63] Но велми град той великъ, и полаты в нем чюдны, а иные позлачены. И товару в нем всякого полно, занеже корабли приходят изо всех земель, от Иерусалима и от Царяграда, и от Азова, и ис Турьские земли, и ис Срачинъ,[64] и из Немець.[65] Есть в граде том цръковь камена святый Марко Еуангелистъ, и столпы в ней морованы, имущи мрамор всякъ цветом; а иконы в ней чюдны, гречин писал мусиею, и до верху видети велми чюдно; а внутри резаны святые на мраморе велми хитро; а сама велика церковь. А надъ предними дверми изнутри поставлены 4 кони медяны, позлащены, велики, видети яко живи, и повешены два змия великы убиты. Ту и сам святый Марко лежит; а мощей святыхъ много, иманы изъ Царяграда. И монастырей много около града того по островом на море близь, и иных церквей въ граде том.
Въеха господинъ въ град той месяца септевря 15. Видехом в том же граде, в монастыре святаго пророка Захарии за престолом, в раце камене отца Иоанова Предтечи и святаго Григориа и Федора во единой раце, и ту черньцевъ 63. В том же граде, в монастыре святые Варвары, мощи ее в теле лежать, трупъ без главы.
И поиде господинъ из Венеции в корабле месяца декамбря 22. И приста корабль к острову. И ту монастырь святаго Николы, и ту сам святый Никола лежит. И видехом гробъ его въ церкви на четырехъ столпех, учинено по лествице 6 степени, и знаменахомся у гроба святаго, самого не видехом, замурован бе лежит; с ним дядя его, да Федоръ в едином гробе. И въпрошахом игумена монастыря того, откуды мощи святаго Николы взяты; они же поведаша: «От Бара града слали венетяне 100 катаргъ, да 3 корабли с житом, и взяли мощи». И стоя корабль нашь два дни, зане ветръ противенъ. И поидохомъ на море в корабли на Рожество Христово.
господинъ на конех сам-третей, а 15 человекъ пеших с ним, а владыка кораблем, а господиновы боере с ним. А от Полы до града Осоры 8 миль. И ту стоя корабль 10 дней, зане ветръ; и ту родится соль тако же. До града Сени 60 миль; той град стоить у Белово моря межи горъ; ту бо выидохом ис корабля месяца генваря 17.
От Сени до града Брыни 15 миль, а путь лесомъ на горы; и в тех градех живут хавратяне, языкъ с руси, а вера латыньская.
От Мудруши до града Возоля[66] 20 миль; той град древянъ, а река под ним Коленъ. А от Возоля до града Ястреболска 15 миль. От Стреболска до града Окичи 5 миль. От Окичи до града Грева 20 миль; той град великъ и красенъ, а дрьжава угорьскаго царя. И в сем граде видехомъ серпьскаго цесаря деспода съ царицею его и съ детми, запленено бысть црьство его Серпьское от турьскаго царя Амурата.[67] И в том же граде видехомъ во церкви на престоле в раце младенецъ в теле весь цел, от Ирода избиенных во Христово рожество, то же видехом месяца февраля в 7 день.
От Загреба до Раковца 4 мили. А от Раковца до Крижца 3 мили. От Крижица до Копрыницы 3 мили. От Копрыници до рекы Даравы миля. Та убо река у рубежа Словеньской земли с Угорскою землею.[68]
От рекы Дъравы до града Закона миля. А от Закона до града Чергу 2 мили. А от града Чиргу до града Сегистя 3 мили. А на техъ трех милях ехати до Шегездя лесомъ все. И ту есть разбой велик велми, без переима и человекъ доспешныхъ едва мочи проехати, иже Богъ поможет; ту и шубу разбили в Федорову суботу;[69] а выежьжают на той разбой ис Чиргова от Шегезяда и от всех сторонъ. А от Шегезяда до Иляши миля. А от Иляши до Дюд 5 миль великых; и на тых милях есть же разбой великъ. А от Дюд до Корешеди до Вепшина 4 мили. А от Вепшина до Белагорода 3 мили. А от Белагорода до Мартомвашеря 4 мили. А от Мартомвашеря до Будина 4 мили. И той есть град столный и угорескаго кърьльвъства, и стоит на славной реце Дунай. А из Будина за Дунай перевезлись есмы и поехали месяца марта 14 день.
6 миль. А Кошеца есть град велик и тверд, а ставили его немци и дрьжат а въ Угорьском королевстве. А от Кошици до Априяша града 4 мили. А от Априяша до Любльва 300 и 36 миль. И той Люблевь останочный есть городок угорескый, стоит на лядской граници.[70] И есть в нем дело вугореские пенязи, новци зовутся, по 3 на золотой.
А от Любльва в Лядскую землю до Судеча 6 миль; и той есть град велми добръ. И ту быхом въ пресветлый и въ превеликий праздник Христова Воскресения. А от Судоча до Липници 4 мили. А от Липници до Вохны 2 мили. А в той Вохне соль копают, а град есть. А от Вохны до Кракова 5 миль. Ту убо видехом коръля Володислава[71] и брата его Казимира. Под Краковым река Висла; та убо река впала в море. А от Кракова до Бохны 25 връст. От Бохны града до места Воинича 4 мили. А от Воинича до реки Дунайца миля. А от Дунайца до града Терънова миля. А от Терънова до Пильзны 3 мили. А от Пилизны до Торопьчици 4 мили. От Торопчици до Решева 4 мили. От Решева до Ланцюха 3 мили. От Ланцаха до Пригорьска 3. От Пригорьска до Ярославля 2 мили. От Ярославля до Радемны 2 мили. От Радемны до Перемышляа города 2 мили. А под городом Перемышляемъ река Сянъ, другая Ярев, третиа Ярют. От Перемышляа до Мостища 4 мили. От Мостища до Вишене 2 мили. От Вишене до Городка 3 мили. А от Городка до Волвова 4 мили, а врьст 134. А от Фролензы до Лвова 600 миль без трех, а врьстъ 2000 и 200.
А от Лвова до Галича 14 миль. И приидохом в Галич месяца мая 21. А оттоле опять приидохом в Лвов по Петрове дни на завтрее.[72] И поехали есмя изо Лвова июня 10. А от Лвова до Батятичина 6 миль. А от реки до Белза града 3 мили. От Белза до Видкова, где вишни, 3 мили. От Виткова до Хрубешева 4 мили. А от Хрубешева до Лещан 5 миль. А от Лещан до Холъму 3 мили. А приехали есмя в Холмъ в Ильин день.[73] В Пантелеймонов же день в среде месяца июля 27 бысть буря велика з дождемъ, и храмы потрясаше. На утрия же въ четверток в 28 того же месяца выехахом ис Холму и ночевахом у пана у Ондрюшка в Вугрушкех на реце на Бузе, 4 мили. А от Угровеска до Ганое 5 миль. От Ганое до Володавы 6 миль. От Володавы до Берестиа 3 мили. Поидохом же из Берестия месяца августа в 4 и приидохом в Каменецъ. А от Берестия до Каменца 5 миль. А дръжить князь Сендушено, а река Илцена, а смотрит.[74] От Каменца до Новаго двора 10 миль. А оттоле до Порозова 2 мили. А от Порозова до Волковыйска 4 мили. От Волковыйска до Немна 5 миль. От Немна до Василийска 5 миль. От Василиска до Радуни 5 миль. От Радуни до Рудниковь 7 миль. От Рудниковь до Троков 5 миль. А от Лва до Троков 100 миль великых, връст 500. Приехали есма въ Трокы августа 11 в четверток. А ис Троков поехали есми в суботу 13. От Троковь до Вилны 4 мили. И поехале есми от Вилны въ Торнок августа 16. А от Вилны до Медниковъ 4 мили. От Медниковь до Шмены 3 мили. От Шьмены до Крева 5 миль. От Крева до Маркова 3 мили. А от Малодешня до Каменца Краснаго, села Дока, 3 мили. От Каменца до Анны 5 миль. От Танны до Логожска 2 мили. От Логошьска до Борисова до реки до Березыни 8 миль. От Борисова до Дрютска 18 миль. От Дрютска до Орши 8 миль. От Орши до Дубровны 4 мили. От Дубровны до Климентиа святого 8 миль. От Катаны до Смоленска 4 мили. От Смоленска до Дорогобужа 18 миль. От Дорогобужа до Мстисловца 16 миль. От Мстисловца до Кореи 4 мили. От Кореи до Вязмы 8 миль. От Вязмы до Можайска 26 миль. А приехали есмя в Можайск сентября 14 в среде, а на Сторожи 18 в неделю сентября же. А приехали есми на Москву 19 день того же месяца. А поехали есмя с Москвы в Суждаль месяца того же 24 в суботу. А в Суждаль месяца того же 29 в четвертокъ.
[1] ... митрополит Сидоръ — Исидор, митрополит киевский и всея Руси (1437—1441 гг.).
[2] ... на Рожество святыа Богородици... — 8 сентября.
— 14 сентября.
[4] ... владыка Аврамий Суждальский — Авраамий, епископ Суздальский (упоминается в 1437—1440 гг.).
[5] ... князь Борис Тверьский... — Борис Александрович, великий князь тверской (1425—1461 гг).
[6] ... владыка Илиа... — Илья, епископ тверской (упомин. в 1437, 1438, 1451 гг.).
[7] ... владыка новгородский Еуфимий... — Евфимий II, архиепископ Великого Новгорода (1429—1458 гг.).
— Речь идет ο соборе святой Софии, патрональном храме Великого Новгорода.
[9] ... на память святаго отца Николы — 6 декабря.
[10] ... у святые Троици... — Речь идет ο соборе святой Троицы, патрональном храме Пскова.
[11] ... поеха изо Пскова в Немци... — «Немци», «Немецкая земля» — в данном случае Ливония.
[12] ... на память святаго апостола Тимофеа — 24 января.
— Имеется в виду замок Фербек, принадлежавший дерптскому епископу.
[14] ... до Юриева... — Юрьев — русское название города Дерпта, современный Тарту (Эстония).
[15] ... господинъ. — «Господином» здесь и далее называется митрополит Исидор.
[16] Ратман — член городского совета (рата); раты имелись в немецких городах.
[17] ... арцибискупъ Тимофей... — Геннинг Шарпенберг, архиепископ Рижский (1424—1448 гг.).
— Фома — посол великого князя тверского Бориса Александровича на Флорентийском соборе.
[19] ... Преполовление праздника — срединный день праздника; в данном случае название праздника — середина между Пасхой и Троицей, который в 1438 г. приходился на 7 мая.
[20] ... празник Възнесениа... — 22 мая.
[21] ... по божницем... — «Божницами» здесь и далее называются католические храмы.
[22] И увидехом тyмудрость недоумеенну... и венець взя. — Речь идет ο представлении на сюжет евангельского рассказа ο поклонении волхвов млзденцу Христу; одни исследователи считают, что участники русского церковного посольства видели в Любеке мистерию, другие — представление с куклами, приводимыми в движение механизмом.
— Здесь описаны водозаборное устройство, подававшее воду в водопровод, мукомольня и сукновальня, в которых также использовалась сила воды.
[24] ... пяток Троицины недели... — 6 июня, «пяток» — пятница.
[25] ... мили... — При проезде через Германию употребляется немецкая миля, равная 7,5 км, при проезде через Италию — итальянская миля, равная 1,25 км.
[26] ... Мечь рек. а... — Установить, какая река так названа в «Хождении...», не удалось.
[27] ... яко и лемешем... — Автор «Хождения...» сравнивает черепицы с покрытием лемехом — пластинами из дерева, которые он видел у себя на родине.
— южная Германия.
[29] ... праздникъ святых апостолъ Петра и Павла... — 29 июня.
[30] Понт или Понтенск — город Форхгейм в Баварии, являвшийся, согласно местному преданию, родиной Понтия Пилата, римского прокуратора Иудеи, который, по Евангелию, предал Христа иудеям на распятие.
[31] ... град во имя Августа царя... Авспрокъ — город Аугсбург, выросший из основанной римлянами в 15 г. до н. э. в честь императора Августа колонии. Автор «Хождения...» ошибочно приписывает основание Аугсбурга византийскому императору Юстиниану (VI в.).
[32] ... до князя, зовомаго дукы... — Имеется в виду герцог тирольский Фридрих IV Габсбург.
— Италия.
[34] Белое море — в данном случае Средиземное море.
[35] ... пoГоспожине дни на З день — 18 августа; Госпожин день — день Успения Богородицы, 15 августа.
[36] ... папу римьскаго Еугениа... — Евгений IV (1431—1447 гг.).
[37] ... царя греческаго Иоанна... — Иоанн VIII, император Византии (1425—1448 гг.).
— Иосиф II, патриарх константинопольский (1416—1439 гг.).
[39] ...Α в зборе бысть с патриархом митрополитов 22... 22 — сардакийскы Дионисий... — Здесь перечислены митрополиты православных церквей (византийской, русской, болгарской, молдавской, грузинской), участвовавшие в работе Ферраро-Флорентийского собора.
[40] ... брату его деспоту Дмитрею... — «Деспот» — титул Дмитрия, брата византийского императора Иоанна VIII.
[41] Проскура — просвира, в данном случае отдельный хлебец.
[42] Рогатый клобук — двурогая митра, головной убор католических епископов. Β определенный период папская тиара также имела вид двурогой митры.
— вероятно, от итальянского Abbazia — аббатство; речь идет, очевидно, ο населенном пункте около какого-то аббатства.
[44] Берена — может быть, г. Понтессиеве.
[45] Ирнець — возможно, р. Арно.
[46] Есть же во граде том божница велика.... и поют на всяк день. — Здесь описан госпиталь Санта Мария Нуова.
[47] ... на плащаницах. — Плащаница — предмет культа в виде четырехугольного куска ткани с изображением тела Христа в гробу.
— сорт шелковых цветных тканей.
[49] ... аксамиты съ златом. — Затканные золотом шелковые ткани.
[50] Сукна скорлатные — сукна особенно высокого качества.
[51] И есть во граде том божница устроена велика... сочтохом степеней 400 и 50. — Имеется в виду собор Санта Мария дель Фьоре с колокольней.
[52] ... В томь же граде видехом лютых зверей 22. — Речь идет ο зверинце.
— Здесь говорится об акте подписания церковной унии.
[54] ... служил обедню... опресноком... — Опреснок — облатка, круглый листок из пресного теста, символизирующий тело Христа в римско-католическом богослужении.
[55] ... хартофилакове... — Хартофилаки — хранители документов, архивариусы.
[56] Калугеры — монахи.
[57] Подвойские — должностные лица, в данном случае, вероятно, телохранители.
— кардинал Джулиано Чезарини.
[59] ... несоша над ним небо наряжено... — «Небо» означает здесь ткань, символизирующую небесный свод.
[60] И взыде на высоко место бискупъ, именемъ Андрей... и того деля их прокля. — Сообщается ο проклятии папою участников заседавшего в Базеле собора католической церкви, стремившегося к ограничению власти папы; проклятие было произнесено родосским епископом Андреем.
[61] От того града поиде господинъ рекою Фарою... От Фары до града Кезы 80 миль... — Β этом отрывке «Фара» означает то реку, то город; если правильно второе, то под «Фарой» можно подразумевать Феррару, расстояние от которой до города Кьоджи («Кезы») близко κ указанному в тексте «Хождения...».
[62] ... той град у Белого моря на брезе, ту родится соль крупна. — «Белое море» здесь и далее означает Адриатическое море; в ряде пунктов на его побережье велась добыча соли путем выпаривания морской воды.
— Барка — род судна; в данном случае, может быть, гондола.
[64] ... ис Срачинъ — из арабских земель.
[65] ... из Немець — из Немецкой земли, в данном случае из Германии.
[66] ... от Мудруши до града Возоля... — Начиная с этого места в тексте «Хождения» перечисляется большое количество населенных пунктов, в которых побывали русские путешественники, проезжая через Хорватию, Венгрию, Польшу, Литву; в подавляющем большинстве эти населенные пункты представляли собой мелкие поселения. Β тех случаях, когда нам не удалось произвести идентификацию их названий с существующими в настоящее время или же встречающимися в других древнерусских источниках, мы оставляли в переводе «Хождения...» те формы названий населенных пунктов, которые читаются в его древнерусском оригинале.
[67] И в сем граде видехомъ серпьскаго цесаря деспода... от турьскаго царя Амурата. — Β Загребе русские путешественники видели сербского деспота Юрия Бранковича (1427—1457 гг.), чьи владения были захвачены войсками турецкого султана Мурада II (1421—1451 гг.). «Деспот» — титул правителя Сербии.
— Венгрия.
[69] ... тyи шубу разбили в Федорову суботу... — Смысл этой фразы неясен.
[70] ... на лядской граници — на границе с Польшей.
[71] ... видехом коръля Володислава... — Владислав III, король Польши (1434—1444 гг.) и Венгрии (с 1440 г.).
[72] ... пoПетрове дни на завтрее — 30 июня.
— 19 июля.
[74] Α дръжить князь Сендушено, а река Илцена, а смотрит. — Текст непонятен, по-видимому, в нем имеются пропуски.