ДОМОСТРОЙ
КНИГА ГЛАГОЛЕМАЯ ДОМОСТРОЙ, ИМЕЕТЪ В СЕБЕ ВЕЩИ ПОЛЕЗНЫ, ПОУЧЕНИЕ И НАКАЗАНИЕ ВСЯКОМУ ХРИСТИЯНИНУ — МУЖУ, И ЖЕНЕ, И ЧАДОМ, И РАБОМ, И РАБЫНЯМ
1. НАКАЗАНИЕ ОТ ОТЦА К СЫНУ
с верою творяще волю Божию и храняще заповеди его, себе утвержающе во всякомъ страсе Божии и в законномъ жительстве, и жену поучающе, тако же и домочадцов своихъ наказующе, не нужею, ни ранами, ни роботою тяжкою, имеюще яко дети во всякомъ покои сыты и одены и в тепломъ храме, и во всякомъ устрои. И вдаю вамъ, християньскому жительству, писание се на память и вразумление вамъ и чадом вашимъ. Аще сего моего писания не внемлете и наказания не послушаете и по тому не учнете жити и не тако творити, яко же есть писано, сами себе ответъ дадите въ день Страшнаго суда, и азъ вашимъ винамъ и греху не причастенъ, кроме моея душа: аз о семъ о всякомъ благочинии благославлялъ и плакалъ, и молилъ, и поучалъ, и писание предлагалъ вамъ, и, аще восприимете сие мое худое учение и грубое наказание, и сие писание со всею чистотою душевною, прося у Бога помощи и разума, поелико возможно, какъ Богъ вразумит, и начнете делом творити вся се — будет на вас милость Божия и пречистые Богородицы, и великих чюдотворцов, и нашего благословления отныне и до века, и дом вашь, и чада ваши, и стяжание ваше и обилие, что вам Богъ подоровал от своих трудов — да будет благословенно и исполненно всяких благъ во веки. Аминь.
2. КАКО ХРИСТИЯНОМ ВЕРОВАТИ ВО СВЯТУЮ ТРОИЦУ[1] И ПРЕЧИСТУЮ БОГОРОДИЦУ И КРЕСТУ ХРИСТОВУ, И СВЯТЫМ НЕБЕСНЫМ БЕСПЛОТНЫМ СИЛАМ, И ВСЕМ СВЯТЫМ, И ЧЕСТНЫМ И СВЯТЫМ МОЩЕМ И ПОКЛОНЯТИСЬ ИМ
Подобает убо всякому християнину ведати,[2] како по Бозе жити в православной вере християньстей: первое убо от всея души веровати во Отца и Сына и Святаго Духа — в неразделную Троицу, и воплощению Господа нашего Исуса Христа, сына Божия, веруй и рождьшую его матерь Богородицу нарицай, кресту же христову с верою покланяйся, яко на том всем человекомъ спасение содела Господь. И понеж иконе же Христове и пречистой матере его и святым небеснымъ бесплотным силам и всемъ святымъ честь воздай, яко сам любов.
3. КАКО ТАЙНАМЪ БОЖИИМЪ ПРИЧАЩАТИСЬ И ВЕРОВАТИ ВОСКРЕСЕНИЮ МЕРТВЫХЪ, И СТРАШНАГО СУДА ЧАЯТИ И КАСАТИСЯ ВСЯКОЙ СВЯТЫНИ
Тайнамъ Божиимъ веруй, телу его, крови веруй причащатися и со страхомъ, на очищение и освящение души же и телу и во оставление грехомъ и в жизнь вечную, веруй воскресению мертвым и жизни будущаго века, помяни Страшный судъ, и воздаяние по деломъ будетъ намъ. Аще когда приочистив себе духовно, в чистой совести с молитвою и с молениемъ целовати животворящий крестъ и святыи честныи образы чюдотворные многоцелебная мощи; по молении прекрестяся поцеловати, духъ в себе удержавъ, а губъ не разеваючи. А благоволитъ Богъ кому причасьтитися божественыхъ Христовыхъ тайнъ, ино лжицею от иерея приимати во уста опасно, губами не сверкати, руце имети к персемъ согбени крестаобразно, а дора и просфира[3] и всякая святая вкушати бережно, крохи на землю не уронити, а зубами просфиры не кусати, яко же прочии, хлебъ уломываючи, невелики кусочки класти в рот, ести губами и ртомъ, не чавкати, со опасением ести; а просфиры с вологою не ести, токмо воды прихлебывати или укропу с виномъ служенымъ или без вина, а иного ничего не примешати. Преже всякия ествы свершати просфира в церкви или в дому, а и с кутьею никако же просфиры не ести, ни с кануномъ,[4] и на кутью просфиры не класти; аще с кемъ о Христе целование сотворити, такоже духъ в себе удержавъ поцеловатися, а губами не плюскати; поразсуди: человеческия немощи, нечювьственаго духа гнушаемся чесночного, хмелного, болного и всякого смрада, коль мерско Господеви нашь смрадъ, и обоняние — сего ради со опасениемъ творити.
Посем же возлюбиши Господа Бога твоего от всея душа своея и от всея крепости своея, и подвигни вся твоя дела и обычая, и нравы угодная творити по заповеди его, паки же искреняго си возлюби, всякаго человека, по образу Божию созданна, рекше всякаго християнина; страхъ Божий всегда имей в сердцы своемъ и память смертную — всегда волю Божию творити, и по заповедемъ его ходи. Рече Господь: «В чемъ тя застану, в томъ и сужу»[5] — ино достоитъ всякому християнину готову быти в добрых делех, в чистоте и в покаянии, и во всякомъ исповедании, всегда чающе часа смертнаго.
5. КАКО СВЯТИТЕЛЬСКИЙ ЧИНЪ ПОЧИТАТИ, ТАКО ЖЕ И СВЯЩЕННИЧЕСКИЙ ЧИНЪ И МНИШЕСКИЙ
По святительскому чину всегда прибегай и должную честь имъ воздавай, и благословения и духовнаго поучения от него требуй от них, и припадай к ногамъ их, и во всемъ повинуйся имъ по бозе; священническому чину и мнишескому велию веру и любовь, и повиновение, и всякое покорение пред ними имей, и духовную ползу от нихъ внимай: те убо суть слуги и молебники небеснаго царя, имеютъ дерзновение у Господа просити добрых и полезных душамъ нашимъ и оставление греховъ и жизни вечьныя.
6. КАКО ПОСЕЩАТИ В МОНАСТЫРЕХ И В БОЛНИЦАХ, И В ТЕМНИЦАХ, И ВСЯКАГО СКОРБИ
и всякаго скорбна и бедна, и нужна, и нища не презри, введи в домъ свой, напои, накорми, согрей, одежи всею любовию и чистою совесьтию: теми милостива Бога сотвориши и свободу получиши; а родителемъ своим преставльшимся память твори, к церквамъ Божиимъ приношение и в дому по них кормлю твори, нищимъ милостыню, и самъ от Бога помяновенъ будеши.
СЕБЕ О СЕМЪ ВНИМАТИ
Царя бойся и служи ему верою, и всегда о немъ Бога моли, и ложно отнюдъ не глаголи пред нимъ, но с покорениемъ истинну отвещай ему, яко самому Богу, и во всем повинуйся ему; аще земному царю правдою служиши и боишися его, тако научишися и небеснаго царя боятися: сей времененъ, а небесный веченъ, и судия нелицемеренъ, воздастъ комуждо по деломъ его. Тако же и княземъ покаряйтеся и должную ему честь воздавай, яко от него посланомъ во отмщение злодеем. В похвалу же добродеемъ князю своему прияйте всемъ сердцемъ, и властелемъ своимъ; ни помыслите на ня зла. Глаголетъ бо Павелъ апостолъ: «Вся владычества от Бога учинена суть[6]», да аще кто противится властелемъ, то Божию повелению противитца, а царю и князю, и всякому велможе и клеветою, и лукавъствомъ; погубит Господь вся глаголющая лжу, а шепотники и клеветники от народа прокляти суть. Старейшимъ себе честь воздавай и поклонение твори, среднихъ яко братию почитай, маломожных и скорбных любовию привечай, юнейших яко чада люби — всякому созданию Божию не лихъ буди.[7] Славы земныя ни в чемъ не желай, вечьныхъ благъ проси у Бога, всякую скорбь и тесноту з благодарениемъ терпи, обидимъ — не мсти, хулимъ — моли, зла за зло не воздавай, согрешающая не осужай, воспомяни своя грехи, о техъ крепко пекися, злых мужей совету отвращайся, буди ревнитель правожительствующимъ, и техъ делания написуй в сердцы своемъ, и самъ тако ж твори.
8. КАКО ДОМЪ СВОЙ УКРАСИТИ СВЯТЫМИ ОБРАЗЫ, ДОМЪ ЧИСТЪ ИМЕТИ
В дому своемъ всякому християнину во всякой храмине святыя и честныя образы, написаны на иконахъ, по существу ставити на стенах, устроив благолепно со всякимъ украшениемъ, и со светилники, въ них же свещи пред святыми образы возжигаются на всякомъ славословии божии, и по пении погашают, завесою закрываются всякия ради чистоты и от пыли, благочиния ради и брежения; а всегда чистым крылышкомъ ометати, и мяхкою губою вытирати их, и храмъ тот чистъ держати всегда. А к святымъ образомъ касатися достойнымъ в чистей совести и на словословии божии, и на святомъ пении, и молитве свечи вжигати, и кадити благовоннымъ ладономъ и фимияномъ, а образы святыя поставляются, иже в начале по чину, свято почитаеми суть имяны прежереченными, в молитвах и во бдениих, и в поклонех, и во всякомъ славословии Божии всегда почитати их со слезами и съ рыданиемъ, и сокрушенымъ сердцемъ исповедаяся, просяще отпущения грехомъ.
А к церквамъ Божиимъ всегда с верою приходити, с приношениемъ: с свечею и с просфирою, с фимияномъ и с ладономъ, с канономъ и с кутьею, и с милостынею, и за здравие, и за упокой, и к празникомъ; и по монастыремъ тако с милостынею и с приношениемъ приходити, егда принесеши даръ свой ко олтарю, воспоминай еуаггельское слово: «Егда нечто имать братъ твой на тя,[8] остави ту даръ свой пред олтаремъ, и шедъ смирися з братомъ своим прежде», тогда принеси даръ свой к Богу от праведнаго своего имения: от неправды неприятна милостыня к силнымъ. Речено бысть: «Лучше не грабити, неже милостыня даяти».[9] От неправды отдай обидимому — приятнее милостыни, а к Богу приятна милостыня от праведнаго стяжания и от добрых делъ.
10. КАКО СВЯЩЕННИКОВЪ И ИНОКОВ В ДОМЪ СВОЙ ПРИЗЫВАТИ МОЛИТИСЯ
А в которые любо празники по обещанию своему да призываютъ священнический чин в домъ свой, елико по силе, и молебная совершают о всякомъ прошении и молятъ за царя и великаго князя имярек, всея Руси самодержца, и за его царицу и великую княгиню имярек и за их благородныя чада, и за братью его и за боляре, и за все христолюбиво воиньсьтво, иже победу на враги и о плененых свободе, и о всемъ священническомъ и иноческом ящаго[10]... А от стола или от трапезы ества и питие тайно износити или высылати не по повелению настоящаго и без благословения святотаство суть и самочиние, таковых всячески бесчествуютъ. Егда званъ будеши кимъ на бракъ,[11] не седи на преднемъ месте, егда кто честнее тебе будетъ, званныхъ имъ; и пришедъ, иже тебе звавый, иного речетъ, ты даждь сему место, и тогда начнеши со студомъ посьледнее место держати; но егда званъ будеши, шедъ сяди на последнемъ месте, да егда приидетъ звавый тя и речетъ ти: «Друже, посяди выше!» — тогда будет ти слава превозлежащими с тобою, яко всякъ возносяйся смирится, а смиряйся вознесется.[12] Егда на трапезе предпоставят ти многоразличныя яди и пития, егда кто честнее тебе будетъ званныхъ, не начни вкушати преже ничто же; аще ты начальстьвенъ будеши, предпоставленую ядь разсужая начинай. У некихъ боголюбцевъ изообилно бываетъ вкушение и питие и излишнее цело снимают, и вперед инымъ на потребу пригожается. И аще кто нечювьственъ и не искусенъ, и не ученъ, и невежда не рассуждая всякаго брашна в пресыщения начинаетъ и небрегомо творитъ, будет и самъ поруганъ и посмеян, и обещестенъ от Бога и от человекъ.
предстоят и написуютъ дела добрая, и ества и питие в сладость бывает; аще начнетъ предпоставленую еству и питие похулят, тогда мотыло обращается сии вкушаюгь; и аще скаредныя речи и блудные срамословие, и смехотворение, и всякое глумление или гусли и плесание и плескание, и скокание, и всякие игры и песни бесовские, — тогда якоже дымъ отгонитъ пчелы, такоже и отыдутъ аггелы Божии от тоя трапезы и смрадныя беседы, и возрадуются беси и приидут, волю свою улучивъ, и вся угодная творится имъ: да такоже бесчиньствуютъ и зернью, и шахматы, и всякими играми бесовскими тешатся, даръ Божий еству и питие, и всякие овощи в поругание помещут, и проливают, другъ друга шибают и обливаютъ, всячески поругаются дару Божию, а дияволи записуютъ дела их, приносятъ къ сотане и вкупе радуются погибели християньския. И та вся дела предстанут в день Страшнаго суда. О горе деющим таковая! Егда жидове седоша ясти в пустыни и пити[13] и, обьядшася и опившеся, и восташа играти и блуд творити, и тогда пожре земля их двадесят тысящь и три тысящи. О устрашитеся, людие, творите волю Божию, якоже есть в Законе писано, а от сего злаго бесчиния соблюди, Господи, всякаго християнина. Ести бы и пити в славу Божию, а не обьядатися, ни упиватися, ни пустошных творити и, аще пред кого поставляеши еству или питие и всякое брашно или пред тобя поставятъ всякаго брашна, не подобает похулити, глаголати: «гнило» или «кисло», или «пресно», или «солоно», или «горко», или «затхлося», или «сыро», или «переварено», или какую ни буди хулу возлогати, но подобаетъ даръ Божий всякое брашно похваляти и со благодарениемъ вкушати, ино Богъ обоняет вонею благоухания, и в сладость претворити. И аще которая ества или питие непотребно, ино о томъ наказывати домочадцовъ, кто то делалъ, штобы впередъ таково не было.
12. КАКО МУЖУ 3 ЖЕНОЮ И 3 ДОМОЧАТЦЫ В ДОМУ СВОЕМЪ МОЛИТИСЬ
По вся дни в вечере мужь ж женою и з детьми, и з домочадцы, кто умеетъ грамоте — отпети вечерня, павечерница, полунощница с молчаниемъ и со вниманиемъ, и с кротъкостояниемъ, и с молитвою, и с поклоны, пети внятно и единогласно, после правила отнюдъ ни пити ни ести. Всегда всяму тому наукъ. А ложася спати, всякому християнину по три поклона въ землю положити, а в полунощи всегда тайно вставъ, со слезами прилежно к Богу молитися, елико вместимо, о своемъ согрешении, а утре воставая такоже, и комуждо по силе и по желанию, а непразнымъ женамъ кланятися до пояса, всякому християнину молитися о своемъ согрешении и пущения грехомъ, и о царскомъ, и о царицине, и о чадех ихъ здравии, и о братии его, и о болярехъ его, и о христолюбивом воиньстве о помощи на враги, и о плененых свободе, и о святительскомъ и священническом чину, и о болящихъ, и в темницахъ заключенныхъ, и за вся християне; жене молитися о своемъ согрешении и о мужи, и о чадехъ, и о домочадцех, и о сродникехъ, и о отцехъ духовных, а мужу такоже. А утре вставъ, Богу молитись и отпети заутреня и часы,[14] а в неделю и в празникъ молебен с молитвою и молчаниемъ, и с кротъкостояниемъ и единогласно пети и со вниманиемъ слушати и святымъ кажение. А где некому пети, ино молитися доволно вечере и утре, а мужемъ отнюд не погрешити по вся дни церковнаго пения вечерни, заутрени, обедни.
А в церкви стояти на всякомъ пении со страхомъ и с молчаниемъ молитися. А дома всегда павечерница и полунощница, и часы пети. А кто прибавит правила своего ради спасения, ино то на его воли, ино боле мзда от Бога. А женамъ ходити к церкви Божии какъ въместимо на произволение по совету с мужемъ, а в церькви ни с кемъ не беседовати, с молчаниемъ и послуша стояти, никуда не обзираяся, ни на стену не прикланятися, ни к столпу, ни с посохомъ не стояти, ни с ноги на ногу не преступати, руце согбени к персемъ крестообразно, твердо и непоколебимо молитися со страхом и трепетомъ, и со воздыханиемъ, и со слезами, и до отпения из церкви не исходити, а приити к началу. А неделя и празники Господския и среду, и пятокъ, и святый постъ, и Богородиченъ в чистоте пребывати, а от обьядения и пияньства, и от пустошныхъ бесед и смехотворения неподобнаго всегда беречися, и от татбы, и от блуда, и лжи, и клеветы, и зависти, и всякаго неправеднаго собрания, и ростовъ, и корчмы, и мыта, и перевозовъ, и мостовщинъ, и всякаго лукавъства не любити и не гневатися ни на кого. Ранного пития и ядения и позного после пения отнюд не творити, есть бы и пить в славу Божию, и в подобно время; малымъ детемъ и работнымъ по разсужению мужа и жены кормити их. Или не весте, яко неправедницы царствия Божия не наследят,[15] якоже апостолъ Павелъ рече: «Аще некий братъ именуемъ или блудникъ, или лихоимецъ, или идолослужитель, или ругатель, или пьяница, или хищник — с таковыми ни ясти, ни пити». И паки рече: «Ни идолослужители, ни прелюбодей, ни сквернителя, ни малакия, ни мужеложницы, ни лихоимцы, ни татие, ни пьяницы, ни досадителе, ни хищницы царствия Божия не наследят», но достоитъ от всякаго зла блюстися всякому християнину.
Подобаетъ ведати се, како чтити детемъ отцевъ своихъ духовных, изыскати отца духовнаго добра, боголюбива и благоразумна, и разсудителна, а не потаковъника пьяницу, ни сребролюбива, ни гневлива. Такова подобает чтити и повиноватися ему во всемъ и каятися пред нимъ со слезами, исповедати грехи своя не стыдно и безсрамно, и заповеди его хранити. А призывати его к себе в домъ часто и извещатися всегда во всякой совести,[16] и наказание его с любовию приимати, и послушати его во всемъ и чтити его. И беите челомъ пред нимъ ниско: онъ учитель нашь и наставникъ, и имеите его со страхом и любовию к нему приходити и приношение ему давайте от своихъ трудовъ по силе; и советовати с нимъ часто о житии полезномъ, и востязатися от греховъ своихъ, и како учити и любити мужу жена своя и чада, а жене мужа своего слушати и спрашиватися по вся дни. А извещатися о гресехъ своих всегда пред отцемъ духовнымъ и обнажати грехи своя вся, и покарятися пред нимъ во всемъ: тии бо бдят о душахъ наших, и ответъ дадутъ о нас в день Страшнаго суда. А не поносити их, ни осужати, ни укоряти, а о комъ учнутъ печаловатися, ино его слушати, и виноватаго пожаловати, по вине смотря, с нимъ же разсудя.
А пошлетъ Богъ у кого дети — сынове или дщери, ино имети попечение отцу и матери о чадех своих, снабдити их и воспитати в добре наказании, и учити страху Божию и вежству, и всякому благочинию, и, по времени и детемъ смотря и по возрасту, учити рукоделию матери дщери, а отцу сынове, кто чево достоинъ, каковъ кому просугъ Богъ дастъ; любити ихъ и беречи, и страхомъ спасати, уча и наказуя и, разсужая, раны возлогати. Наказуй дети во юности[18] — покоитъ тя на старость твою. И хранити и блюсти о чистоте телесней и от всякаго греха отцемъ чадъ своих, якоже зеницу ока и яко своя душа. Аще что дети согрешаютъ отцовымъ и матернимъ небрежениемъ, имъ о техъ гресехъ ответъ дати в день Страшнаго суда. А дети, аще не брегомы будутъ в ненаказании отцовъ и матерей, аще что согрешатъ или что сотворят, и отцемъ и матеремъ з детми от Бога грех, и отъ людей укоръ и посмехъ, а дому тщета, а себе скорбь и убытокъ, а отъ судей продажа и соромота. Аще у богобоязнивых родителей и у разумныхъ и благоразсудныхъ чада воспитани в страсе Божии, и в добре наказании, и в благоразсудномъ учении всякому разуму и вештву, и промыслу, и рукоделию, — и те чада с родители своими бываютъ отъ Бога помиловани, а отъ освященнаго чину благословены, а отъ добрых людей хвалими, а в совершене возрасте добрые люди с радостию и зъ благодарениемъ женятъ сыновъ своихъ по своей версте, по суду Божию, а дщери за ихъ дети замужь выдаютъ. А аще отъ таковых которое чадо Богъ возметъ в покаянии и съ причастиемъ, то отъ родителю безскверная жертва к Богу приносится, и в вечныя кровы вселяются, а имеютъ дерзновение у Бога милости просити и оставления греховъ и о родителехъ своихъ.
16. КАКО ЧАДЪ ВОСПИТАТИ, С НАДЕЛКОМЪ ЗАМУЖЬ ВЫДАТИ
годы ей в пришенной сундукъ кладутъ и платье, и саженье, и монисто, и святость, и суды оловяные и меденые, и деревяные; прибавливати непомношку всегда, а не вдруг, себе не в досаду, и всево будетъ полно. Ино дочери растутъ, а страху Божию и вешътву учатся, а приданое с ними вдругъ прибывает, и какъ замужь зговорятъ — ино все готово. А толко ранее хто о детехъ не смышляетъ, да какъ замужь давать, и въ ту пору все покупать, ино скорая женитва видомая работа; а по судбамъ Божиимъ толко та дочь преставится, ино ее наделкомъ поминают по еи души сорокоустъ и милостыню ис того дают. А толко иные дочери есть, тако ж о них промышляти.
Казни сына своего отъ юности его и покоитъ тя на старость твою и дастъ красоту души твоей; и не ослабляи, бия младенца; аще бо жезломъ биеши его, не умретъ, но здравие будетъ, ты бо бия его по телу, а душу его избавляеши от смерти. Дщерь ли имаши, положи на них грозу свою, соблюдеши я отъ телесных; да не посрамиши лица своего, да в послушании ходит, да не свою волю приимеши и в неразумии прокудит девство свое, и сотворится знаемъ твоимъ в посмехъ, и посрамят тя пред множествомъ народа. Аще бо отдаси дщерь свою бес порока, то яко велико дело совершиши и посреди собора похвалишися, при концы не постонеши на ню. Любя же сына своего, учащай ему раны, да последи о немъ возвеселишися, казни сына своего измлада и порадуешися о немъ в мужестве, и посреди злых похвалишися, и зависть приимутъ враги твоя. Воспитай детище с прещениемъ, и обрящеши о немъ покой и благословение; не смейся к нему, игры творя: [19] в мале бо ся ослабиши — в велице поболиши, скорбя, и после же яко оскомины твориши души твоей. И не дажъ ему власти во юности, но сокруши ему ребра, донележе растетъ, и, ожесточавъ, не повинет ти ся и будет ти досажение и болезнь души, и тщета домови, погибель имению и укоризна отъ суседъ, и посмехъ пред враги, пред властию платежь и досада зла.
18. КАКО ДЕТЕМЪ ОТЦА И МАТИ ЛЮБИТИ И БЕРЕЧИ[20] И ПОВИНОВАТИСЯ ИМЪ И ПОКОИТИ ИХ ВО ВСЕМЪ
Чада, послушайте заповеди Господни, любите отца своего и матерь свою, и послушайте их, и повинуйтеся имъ по Бозе во всемъ, и старость ихъ чтите, и немощь ихъ и скорбь всякую от всея душа понесите на своей выи, и благо вамъ будетъ, и долголетны будете на земли, симъ очистите грехи своя и от Бога помиловани будете, и прославитеся от человекъ, и домъ его будетъ благословенъ в веки, и насьледит сыны сыновъ твоих, и досьтигнетъ старости маститы, во всякомъ благоденьстве дни своя препровожают. Аще ли кто злословитъ или оскорбляетъ родителя своя или кленетъ, или лаетъ, сий пред Богомъ грешенъ, отъ народа проклятъ; аще кто биетъ отца и матерь — отъ церкви и отъ всякия святыни да отлучится, и лютою смертию и градскою казнью да умрет,[21] писано бо есть: «Отча клятва иссушит, а матерня искоренитъ». Сынъ или дщерь, не послушьливы отцу или матери, в пагубу имъ будетъ, и не поживутъ дней своихъ, иже прогневают отца и досажаютъ матери. Мнится не согрешяя к Богу, и есть поганого горее, и обещникъ есть нечестивымъ, о них же пророкъ Исаия рече: «Возмется нечестивый, да не видит славы Господня».[22] Сихъ нечестивыи именова, иже бесчествуют родителя своя и паки насмехающагося отцу и укаряюща старость матерню, да ськлюютъ их вранове и снедят орли! Честь же творяй отцу и матери, и повинующеся имъ по Бозе во всемъ, возвеселитися имутъ о чадех своихъ, и в день печали избавит их Господь Богь, и молитву ихъ услышит, егоже просят, подастъ имъ вся благая; покояй матерь свою волю Божию творит и угожаяй отцу во благихъ поживет. Вы же, чада, деломъ и словомъ угожайте родителемъ своимъ во всякомъ блазе совете, да благословени будете отъ нихъ: отчее благословение домъ утвердит, и матерня молитва отъ напасти избавит. Аще ли оскудеют разумомъ в старости отецъ или мать, не бесчествуйте ихъ, не укаряйте, да от своихъ чадъ почтени будете, не забывайте труда матерня и отцова, яже о васъ болезноваша и печални быша, покойте старость ихъ и о них белезнуйте, якоже они о вас. Не глаголи много: «Сотворих имъ добра одеяниемъ и пищею, и всякими потребами», но ни си свободи, симъ не можеши бо ею родити и тако ею болети, яко она о тебе; тем же со страхомъ раболепъно служити имъ, да и сами отъ Бога мзду приимете и жизнь вечную наследите, яко свершители заповеди его.
В домовитомъ обиходе и везде всякому человеку, государю или государыни, или сыну или дщери, или служке мужеска полу и женьска, и стару и малу всякое дело начати или рукодельничати: или ести, или пити, или ества варити, или печи што и всякие приспехи делати, и всякое рукоделие, и всякое мастерьство, и, устроивъ собя, очистивъ от всякия скверны и руки умывъ чисто, преже святымъ покланятися трижды въ землю, а по нужи или до пояса, кто умеетъ достойно проговорити да, благославясь у настоящаго, да молитву Исусову проговоря да перекрестяся, молвя: «Господи благослови, отче», — тоже начати всякое дело, ино тому Божия милость поспешесътвуетъ, аггели невидимо помогают, а беси отбегнут, и то дело Богу в честь, а души на пользу. И ести, и пити зъ благодарениемъ, ино сладъко, а што впрокъ зделано, ино мило, а делати с молитвою и з доброю беседою, или с молчаниемъ, а делаючи што ни буть, начнется слово празное или хулное, или с роптаниемъ, или смехи, или кощуны, или скверныя и блудныя речи — от такова дела и от таковыя беседы Божия милость отступитъ, аггели отидутъ скорбни, и возрадуются нечестивии демони, видя волю свою содевающу безумнии християне; и приступятъ ту лукавии, влагающе в мысль всякую злобу и всякую вражду и ненависть, и подвизают помыслы на блудъ и на гневъ и на всякие кощуны и сквернословие,[23] и на всякое зло ино, — то уже дело, ества или питие не споро, и всякое мастерство и всякое рукоделие не о Бозе свершается, Богу на гневъ, а людемъ не благословленое не потребно и не мило, и не прочно, а ества и питие не укусна и не сладка, только врагу и его слугамъ угодно и сладко, и радостно. А къто въ естве и в питии, и во всякомъ рукоделии не чисто стряпает, и во всякомъ мастерьстве што украдетъ или прилжет, или божитца на криве: не толко зделано или не в толке стало, а онъ лжетъ, — и те все дела не угодны Богу, беси написуютъ, и в томъ во всемъ человеку истязану быти в день Страшнаго суда.
20. ПОХВАЛА ЖЕНАМЪ[24]
Аще даруетъ Богъ жену добру, дражайши есть камени многоценнаго, таковая от добры корысти не лишится, делаетъ мужу своему все благожитие. Обретши волну и ленъ, сотвори благопотребно рукама своима, бысть яко корабль куплю деющи: издалече збираетъ в себе богатество и востает из нощи, и дастъ брашно дому и дело рабынямъ, от плода руку своею насадит тяжание много; препоясавъше крепко чресла своя, утвердит мышца своя на дело и чада своя поучаетъ, тако же и рабъ, и не угасаетъ светилникъ ея всю нощь: руце свои простирает на полезная, лакти же своя утвержает на вретено, милость же простирает убогу, плод же подаетъ нищим, — не печется о дому мужь ея: многоразлична одеяния преукрашена сотвори мужу своему и себе, и чадомъ, и домочадцемъ своимъ. Всегда же мужь бысть в соньмищи с вельможи и сядет знаемымъ вельми честенъ бысть, и благоразумно беседова разумеетъ, яко добро делати, никто же без труда венчанъ будетъ. Жены ради добры блаженъ мужь, и число днии его сугубо, жена добра веселит мужа своего и лета его исполнит миромъ, жена добра часть блага в части боящихся Господа да будет, жена бо мужа своего честне творяще: первие Божию заповедь сохранивъ, благословена будет, а второе отъ человекъ хвалима есть. Жена добра и страдолюбива и молчалива венецъ есть мужеви своему, обрете мужь жену свою добру износитъ благая из дому своего: блаженъ есть таковыя жены мужь, и лета своя исполняют во блазе мире; о добре жене хвала мужу и честь.
не просмеивати, не помнити зла, не гневатися ни на кого, к большимъ быти послушны и покорну, к средънимъ любовну, к меншим и убогимъ приветну и милостиву, со всякимъ управа без волокиты, ноипаче наимита наимомъ не изобидети, а всякая обида со благодарениемъ терпети Бога ради: и поносъ, и укоризна, аще по деломъ поносятъ и укаряютъ, сие с любовию приимати, и от таковаго безумия отвращатися, а противъ не мстити. Аще в чемъ не повиненъ, за сие от Бога мзду приимеши. А домочатцевъ своихъ учи страху Божию и всякой добродетели, и самъ тая же твори, вкупе от Бога обрящете милость. Аще ли небрежениемъ и нерадениемъ самъ или жена мужнимъ ненаказанием согрешит или что злое сотворитъ, и вси домочадцы, мужи и жены, и дети господаревым ненаказаниемъ каковъ грех или что зло сотворят, или брань, или татбу, или блудъ, все въкупе по деломъ своимъ приимутъ: зло сотворшии — муку вечную, а добро сотворшии, Богоу угодно поживше, — жизнь вечную наследят в царствии небеснемъ.
22. КАКОВЫ ЛЮДИ ДЕРЬЖАТЬ[25] И КАКЪ О НИХ ПРОМЫШЛЯТИ ВО ВСЯКОМЪ УЧЕНИИ И В БОЖЕСТВЕНЫХ ЗАПОВЕДЕЙ, И В ДОМОВНОМЪ СТРОЕНИИ
А людей у собя добрых дворовыхъ держати, чтобы были рукоделны, кто чему достоинъ и какому рукоделию ученъ, не воръ бы, не бражник, не зерьщикъ, не тать, не разбойникъ, не блудникъ, не чародей, не корчмитъ, не оманьщикъ; всякой бы человекъ у доброго государя наученъ страху Божию и вежьству, и смиренью, и всякимъ добродетелемъ, доброму промыслу, не солгалъ, ни розбилъ, никово бы не обиделъ, сыт бы был государевымъ жалованьемъ да оденъ, или своимъ рукоделиемъ; а чемъ государь пожалует: платьемъ или лошедь и всяким нарядцомъ, или пашенькою, или кокою торговлею, а и сам что замыслитъ своими труды, — ино лучшее платенко верьхнее и нижнее, и рубашка, и сапогь блюсти по праздникомъ и при добрых людех в ведро, а всегды было бы чистенко и не изваляно, и не изгрязнено, и не излито, и не измочено, и не измято. А которой человекъ глуп и грубъ и невежда, и небреженъ, а и есть у нево платенко, государьско жалованье или своими труды зделано, да беречи не умеет, ино государю или кому приказано у таких нечювьсьтвениковъ платье берегутъ у собя лучшее, дадутъ, коли во время надеть да, опять снемше, у собя блюдутъ. А всемъ дворовымъ людемъ наказъ: всегда што делают в ветшаном платье, а какъ пред государемъ и при людех — въ чистомъ во вседневномъ платейцы, а в празники и при добрых людехъ или с государемъ или съ государынею где быти, ино в лучшемъ платьи; а беречи от грязи и от дожжа, и от снегу, и пришед да снявъ платейце, высушить да вымять, и вытерьть, и выпахать хорошенько, укласть и упрятать где то живет, — ино и себе мило, и от людей чесно, и государю споро, и слушкам прочно, и всегда внове. А люди бъ были во чти и в грозе, и во всякомъ дозоре, промеж бы собя не кралися, чюжево бы отнюдь не хотели никоими делы, а государьского бы берегли все за одинъ, а государю бы и государыни не лгали и не клеветали ни на кого ни в чемъ, а государи бы темъ не потакали, обыскивали бы прямо ставя с очей на очи, дурному бы не попущали, а доброго бы жаловали, ино всякъ добру ревнуетъ и государьское жалованья хочет выслужить правдою и прямою своею службою, и государьскимъ наказом и добрымъ наукомъ векъ живетъ и душу спасетъ, и государю служит, и Богу угодит. Да наипаче указывати, которымъ вместно к церкви Божии всегда ходити и по праздникомъ или во дворе петья слушати, и особъ наедине молитися, чистота телесная хранити от всякаго блуда, и пьяньства, и лакомъства, и от безвременного пития и ествы, и обьядения, и пияньства воздержатися, и отцовъ бы духовных и з женами своими имети, и на покаяния приходили, а женатые с своими женами законно бы жили по духовнаго отца наказанию, от женъ бы своих не блудили, а жены от мужей; да чему самъ от государя наученъ, тово бы и жены наказывали, всякому страху Божию и вежству, и государыни бы слушали и повиновалася во всемъ, и своими труды и рукодельемъ выслуживала, а не крала бы и не лгала, и не бляла, и не бражничала, и з дурными речми к государыни не приходила, и волхвовъ, и с кореньемъ, и з зельемъ, кто темъ промышляетъ, с теми бы отнюдь не зналася и государемъ бы про таких людей не сказывали, то бо суть слуги бесовския. Служили бы государемъ своимъ верою и правдою, и добрыми делы, и праведными труды, а государи бы и государыни людей своих, мужей и женъ, и робят, и всяких слугъ жаловали, и кормили, и поили, и одевали, и въ тепле бы жили и во всякомъ покои, и в благоденьстве всегда, и государи бы себя и свою душу и домъ свой добре строивъ, и домочадцовъ безо всякия скорби, тоже нищих и странных и убогих вдовицъ и сирот покоити достойно от своих праведных трудовъ и к церквамъ Божиимъ и церковникомъ, и в монастыри проносити милостыня, и к себе в домы своя призывати, ино то и Богу приятно, и души полезно; а отнюдъ бы не вмещалося в домъ ни от насилия, ни от грабления, ни от всякого мшелоимъсътва, ни от посулу, ни от поклепу, ни от резоимъства, ни от ябедничества, ни от крива суда, — аще от сего зла Богъ соблюдетъ, тотъ домъ будетъ благословенъ отныне и до века.
Аще Богъ пошлет на кого болезнь или какую скорбь, ино врачеватися Божиею милостию, да слезами, да молитвою, да постомъ, да милостынею к нищимъ, да истиннымъ покаянием, да благодарение и прощение, и милосердие, и нелицемерная любовь ко всякому, да отцовъ духовных подьвизати на моление Богу, и молебны пети, и вода святити с честных крестов и со святых мощей и с чюдотворных образовъ, и масломъ свящатися, да и по чюдотворнымъ, по святымъ местомъ обещеватися и, приходяще, молитися со всякою чистою совестию, тем целба всякимъ различнымъ недугомъ от Бога получити, да и от всяких греховъ удалятися, и впередь никакова зла не творити; а отцовъ духовных заповеди хранити и епитемъи исправляти, темъ очиститися от греха, и душевная и телесная болезнь исцелити, и Бога милостива сотворити. И всякому християнину целити себе от всяких различьных недугъ душевныхъ и телесныхъ, и душетленныхъ и болезненых страстей, жити по заповедемъ Господнимъ и по отеческому преданию, и по християньскому закону, якоже в начале писано книги сея от первыя главы вся пятьнадесят главъ и прочая главы книги сея такоже, 25 глав, внимати и достоит творити, ино и Богу угодит, и душу спасет, и греха избудетъ, и здравие получитъ душевное и телесное, и вечных благъ наследникъ будетъ. А кто безстрашенъ и бесчиненъ, страху Божию не имеетъ и воли Божии не творит, и закону християньского и отеческаго предания не хранит, о церкви Божии и о церковномъ пении, и о келейномъ правиле, и о молитве, и о всякомъ славословии Божии не радитъ, естъ и пиетъ без воздержания, и во обьядение и в пияньство, и не в подобно время, и законного жительства не хранит, недели, и среды, и пятка, и празниковъ, и Великого поста, и Богородичьна, без воздержания блудитъ и не в подобно время, и чрезъ естество и чрезъ законъ, или от жены блудятъ, или содомъский грехъ содевают, и всяко скаредие творятъ и всякие богомерзские дела: [26] блудъ, нечистоту, сквернословие и срамословие, песни бесовские, бубны, трубы, сопели, — всяко бесовское угодие и всякое бесчиние, и бесстрашие, к сему ж чарование и волхвование, и наузы,[27] звездочетье, рафли, алнамахи, чернокнижье, воронограй, шестокрылъ, стрелки громныя, топорки, усовники, дна камение, кости волшебныя и иныя всякия козьни бесовъския. Или кто чародействомъ и зелиемъ, и корениемъ, и травами на смерть или на потворьство окормляетъ, или бесовскими славами и мечтаньми, и кудесом чаруетъ на всякое зло или на прелюбодейство, или кто кленется именемъ Божиимъ во лжу или клевещетъ на друга, туто ж прочти и 24 главу. В техъ во всехъ делехъ и в обычеехъ и нравех востаетъ в человецехъ гордость, ненависть, злопомнение, гневъ, вражда, обида, лжа, татьба, клятъва, срамословие и сквернословие, и чарование, и волхвавание, смех, кощуны, обьядение, пияньство безвременное и рано и поздно и всякая злая дела, и всякий блудъ, и всякая нечистота. И благий человеколюбецъ Богъ не терпя в человецехъ таких злыхъ нравовъ и обычаевъ и всякихъ неподобных делъ, якоже чадолюбивый отецъ скорбьми спасаетъ,[28] и ко спасению приводит, показуя, и наказуетъ за премногия грехи наша, смерти же скорыя не предастъ, не хощет смерти грешничи, но ожидает покаяния, еже обратитися и живу быти ему; аще не обратятся и не каются от злыхъ делъ, наводит грехъ ради наших, овогда глад, ово моръ, ово пожаръ, ово потопъ, ово пленение, и о посечение от поганых и градомъ разорение, и церквамъ Божиимъ и всякой святыни потребление и всякому стяжанию расхищение, овогда от царска гнева разграбление имению и самому казнь без милости и поносная смерть, и от разбойникъ и от татей окрадение и от судей продажа и мучение, ово бездождие, ово безвременные дожди и нестройные лета, и зима неугодна, и лютые мразы, и земли бесплодие, и всякому животному — скоту и зверемъ, и птицамъ, и рыбам: и всякому обилию скудость, родителемъ и жене, и чадомъ нужными и напрасными, и съкорыми смертьми лишение от многоразличных нужныхъ и тяжкихъ недуговъ страдания и злескончание. И о всех сихъ настоящих бедах не уцеломудримся и не накажемся, и в покаяйие и в чювьство, и в страх не внидемъ, видя таково праведного гнева Божия наказание за премноги» грехи наши? И паки Господь наказуя ны и обращая к покаянию, якоже и долготерпеливаго Иова искушая,[29] посылая различныя скорби и болезьни, и тяжкия недуги, от духов лукавых мучение, телу согнитие, костемъ ломота, отокъ и опухолъ на все уды, проходом обоимъ заклад и камень во удахъ, и глухота, и слепота, и немота, в утробе терзание, и блевание злое, и на низъ во оба прохода кровь и гной, и сухотная, и кашель, и главоболение, и зубная болезнь, и камчюгъ, и френьчюги,[30] и разслабление, и трясение, и всякие тяшкие различные недуги — наказание гнева Божия. И сия вся своя грехи презрехомъ и в покаяние не внидохомъ, ничто же не уцеломудри, ни устраши и не накажемъся, о семъ видя Божие наказание на себе и болезни тяшкие, оставя Бога, создавшаго ны, и милости и прощение греховъ от него не требуя, еже зле содеяхомъ и приступихомъ к нечистымъ бесомъ, от них же отрекохомъся во святомъ крещении и всехъ делъ их, и призываемъ к себе чародеевъ и кудесниковъ, и волъхвовъ, и всяких мечетниковъ и зелейниковъ, и с кореньемъ, от нихже чаемъ душетленныя и временныя помощи и уготоваемъ собя дияволу во дно адово во веки мучитися. О безумнии человеци! Оле неразумия вашего, не разсуждаем своихъ греховъ, за што ны Богъ наказуетъ, и не каемся о них, и не престаемъ от злобъ и от всяких неподобныхъ делъ, не помышляемъ вечнаго, но желаемъ тленнаго и временнаго. Престаните от злобъ и от всяких душетленных делъ и очистимъ себе истинным покаяниемъ, яко милостивъ Господь помилуетъ от грехъ и подастъ телесемъ здравие и душамъ спасение и вечных благъ не лишит, аще кто потрудится в семъ веце царства ради небеснаго. Писано бо есть во святомъ Апостоле: «Многими скорбми подобаетъ намъ внити в царство небесное»;[31] во святомъ Еуаггелии речено бысть: «Уский и прискорбный путь[32] вводяй в живот, а широкий и пространный, вводяй в пагубу», и паки рече Господь: «Нужно есть царство небесное,[33] и нужницы восхищаютъ е».
А кто не по Бозе живет, не по християньскому житию чинит всякую неправду и насилие, и обиду силно отоиметъ, возмя не заплатит, волокитою уморитъ, а молода человека во всемъ изобидит, а на суседьсьтве кто не добръ или в селе на своих християнъ или на приказе, или на власти дани тяжкия, и всякие уроки незаконныя накладывает, или чюжую ниву попахалъ, или лесъ посекъ, или землю переоралъ, или лугъ перекосилъ, или ловлю рыбную переловилъ, или борти или перевесье и всякую ловлю, и всякое угодье неправдою и насилиемъ сотворит или ограбит, или покрадет, или розобьетъ, или кого чимъ поклепет, или кого чимъ подкинет, или чимъ ополичьнитъ, или напрасно кого продастъ, или в работу неповинных лукавьствомъ или насилиемъ охолопит, или непрямо судитъ или неправедно обыскиваетъ или накриве послушествуетъ, или кающимся немилостивъ, или лошадь или всякую животину и всякое стяжание и села или винограды, или дворы и всякое угодие силою отимет, или дешево в неволю купит, или ябедничествомъ вытяжет или корчемнымъ прикупомъ, или лихвы, и всякимъ лукавным ухищрениемъ, и неправедным собраниемъ или росты и насъпы и мыта, всякия неподобныя дела: блудъ, нечистоту, сквернословие и срамословие, клятвопреступление, и ярость, и гневъ, и злопамятство, — самъ государь или государыня творят или дети их или люди их, или крестьяне их, а они, государи, о томъ не возбраняют и не обороняют, и управы не дают — прямо и все вкупе будутъ во аде, а зде прокляти, ино во всех техъ плодех не благословеных, а от Бога не помилованъ, а от народа проклят, а обидимии Богу вопиют; а своей души на погибель, а дому тщета, и все проклятое, а не благословеное; и носити, и ясти, и пити — то все стяжание и плоди не Божии, но бесовские; низходятъ во адъ живы душа их, тако творящих, а от нихъ всякого обилия и плодовъ от таковых неприятна Богу милостыня ни при животе, ни по сьмерти, аще хощете вечныя муки избыти, отдай неправедное обидимому и кайся вперед тако не творити со всеми своими, еже есть писано: «Скоръ Господь на милость свою, истинно кающихся приемлетъ, и великимъ грехомъ свободу даруетъ».
— БОГАТУ И УБОГУ, И БЛИЖНЕМУ, И ДАЛНЕМУ, ДОВОЛНИ БУДУТЪ УРОКИ ПРАВЕДНЫМИ, И ТВОРИТИ
Аще ли в селех такоже и во граде и на соседьстве хто добръ и у своих християнъ или на власти, или на приказе праведъныя уроки в подобно время емлет, не силою и не граблением, и не мучениемъ, а коли что не радилося, а заплатити нечим, и онъ наровит, а у суседа или у своево християнина чево не достало на семена или лошади или коровы нетъ, или государьские дани нечимъ заплатить, ино ево ссудити и подмочи, а у самого мало, ино заняти, а о нихъ болезновати от всея душа, а ото всякаго обидящаго беречи их в правде, а сомому и людемъ твоимъ отнюд никово ни в чемъ не обидети: ни в пашне, ни в земле, ни в домашнемъ ни в какомъ запасе, ни в животине, и всякаго неправеднаго стяжания не желати, благословлеными плоды и праведнымъ стяжаниемъ жити подобаетъ всякому християнину. И видя Богъ ваша добрая дела и такову милость, и нелицемерую любовъ ко всем, и правду во всемъ, и подастъ Богъ богатую милость, и гобину плодомъ, и всякого изобилия умножит, и милостыня та от праведных трудовъ и Богу приятна, и молитву ихъ Богъ услышит, и от греховъ свободит и жизнь вечьную даруетъ.
26. КАКО ЖИТИ ЧЕЛОВЕКУ, СМЕТЯ СВОЙ ЖИВОТ
и в долгехъ всегда себе смечать, и потому живешь и обиходъ держишь, по приходу и росходъ.
Всякому человеку: богату и убогу, велику и малу — разсудити себя и сметити по промыслу и по добытку, и по своему имению, а приказному человеку сметя собя по государьскому жалованью и по доходу, и по поместью, и таковъ дворъ себе держати, и всякое стяжание, и всякой запасъ, по тому и люди держати, и всякой обиходъ, по промыслу и по добытку по тому и ести, и пити, и носити, и людей одевати, и с людьми сходитися з добрыми. Аще кто не разсудя собя и не сметя своего житья и промысла, и добытка, и учнетъ на люди глядя жити не по силе и заимуя, или неправеднымъ имениемъ, и та честь будет с великимъ бесчестиемъ и со укоризною, и с поношениемъ, в злое время нихто ему не поможет, а от Бога грехъ, а от людей посмехъ, ино надобе всякому человеку тщеславия бегати и похвалы, и неправеднаго собрания, жити по силе и по промыслу, и по смете, и по добытку своею правою силою. Ино то житие благоприятно и богоугодно, и от людей похвално, и себе, и детемъ своим прочно.
28. АЩЕ КТО СЛУГЪ ДЕРЖИТ БЕЗ СТРОЯ
А толко людей держат у собя не по силе и не по добыткамъ, а не удоволити его ествою и питиемъ, и одежею, или которой не рукоделенъ и собою не умеет промыслити, ино той слуги, мужику или женки или девки, у неволи заплакав, и лгать и красть, и блясть, а мужикомъ и розбивать и красть, и в коръчме пити, и всякое зло чинити, — и тому безумному государю и государыне от Бога грехъ, а от людей посьмехъ, и не суседьство со всякимъ, а от суседей продажа и тщета дому, и самъ оскудеет за скудость ума.
Подобаетъ поучити мужемъ женъ своихъ с любовию и благоразсуднымъ наказаниемъ, жены мужей своихъ вопрошают о всякомъ благочинии, како душа спасти, Богу и мужу угодити, и домъ свой добре строити, и во всемъ ему покарятися; и что мужь накажетъ, то с любовию приимати и творити по его наказанию: перьвие, имети страх Божий и телесная чистота, яко же впреди указано бысть. Воставъ от ложа своего, предочистивъ себе и молебная совершивъ, женамъ и девкам дело указати дневное, всякому рукоделию что работы: дневная ества варити, и которой хлебы печи ситные и решетные, и сама бы знала, как мука сеяти, какъ квашня притворити и замесити, и хлебы валяти и печи, и квасны и бухоны, и выпеклися, а колачи и пироги тако же, и колко муки возмутъ, и колько испекутъ, и колко чево родится ис четверти или из осмины, или из решота, и колко высевковъ, и колко испекутъ, — мера знати во всемъ. А еству мясную и рыбную, и всякие пироги и всякие блины, и всякие каши и кисели, и всякие приспехи печи и варити, — все бы сама государыня умела, ино умеетъ и слугъ научити, и все сама знает. А коли хлебы пекутъ, тогды и платья моютъ, ино с одного сьтрепня и дровамъ не убыточно, и дозирати, какъ красные рубаши моют и лучшее пълатья, и колко мыла идетъ и золы, и на колке рубашекъ, и хорошо бы вымыти и выпарити, и начисто выполоскати и иссушити, и искатати и скатерти, и убрусы, и ширинки, и утиралники, такоже и всему счетъ самой знати, и отдати, и взяти все сполна, и бело и чисто, а ветчано вежливо бы поплачено, ино сироткамъ пригодитца. А коли хлебы пекутъ, ино того же теста велети отняти и пироговъ начинити, а коли пшеничьное пекутъ и семъе из межъситки[34] велети пироговъ зьделати, в скоромные дни скоромною начинкою,[35] какая лучится, а в посные дни с кашею или з горохомъ, или с сокомъ, или репа, или грибы, или рыжики, или капуста, — что Богъ лучит, ино семъе потешенье. И всякую бы еству, и мясную и рыбную, и всякой приспех, скоромной и посной, жена сама бы знала и умела зделать, и слушку научить: то государыни домовная и домоводицы добрые. И то бы знала же: пивной, медовой и винной, и бражьной, квасной и уксусной, и кислаштяной, и всякой обиходъ как делают, и поваренной и хлебной, и в чемъ что родится, и колко ис чево будет. Коли все знаетъ, доброго мужа наказаниемъ и грозою и своимъ добрымъ разумомъ, ино все будетъ споро и всево будет много. А которая женьщина или девка рукодельна, и той дела указати: рубашка делати или убрусъ брати, или ткати, или золотное или шелковое пяличное дело, и которая чему учена — того всего досмотрити и дозрети. И всякой мастери самой прядено, а тафта, и камка, и золото, и серебро отвесити и отмерити, и сметити, и указати, сколко чего надобно и сколко чего дастъ, и прикроити, и примерити, самой все свое рукоделие знати, а малых девокъ учити, которая чево пригоже; а мужнимъ женкамъ, которые черное дело делают, избу топятъ и хлебы пякутъ, и платья моют, — темъ ленъ дают на собя и на мужа, и на дети прясти, а одинокая жоночка или девка на государя ленъ прядетъ, а изгребии и пачеси на собя или какъ пригоже. А все бы ведала сама государыня, которой дело какое дастъ, колко чево дастъ и колко чево возметъ, и сколко чево зделаетъ кто днемъ, много ли мало, и сколько ис чево выйдетъ, — то бы сама все знала, и в счете бы было все. А сама бы государыня отнюдъ никако же, никоторыми делы, опрично немощи, без дела не была, ино и слушкамъ, на нее смотря, повадно делати. Муж ли придет, гостья ли обычная придетъ, — всегды бы над рукоделиемъ сидела сама: то ей честь и слава и мужу похвала; а николи же бы слуги государыни не будили, государыня бы слугъ будила, а, ложася бы спать, всегды от рукоделия молебная совершивъ.
30. ДОБРЫЕ ЖЕНЫ РУКОДЕЛНЫЕ ПЛОДЫ И БЕРЕЖЕНЬЕ ВСЕМУ, И ЧТО СКРОИТ, И ОСТАТКИ И ОБРЕСКИ БЕРЕЧИ
А добрая домовитая жена благоразумнымъ своимъ помысломъ и мужнимъ наказаниемъ, и добрымъ подвигомъ своихъ трудовъ с слушками полотенъ и усчинъ, и холъстовъ наделано да на што пригоже: ино окрашено на летники и на кавтаны, и на сарафаны, и то у ней на домашней обиходъ перекроено и перешито, а будетъ слишкомъ за обиходомъ наделано полотенъ или усчинъ, или холъстовъ, или скатертей, или убрусовъ, или ширинокъ, или иного чего, ино и продастъ, ино што надобе купитъ, ино того у мужа не проситъ. А рубашки красные мужьские и женьские, и порты, — то все самой дати при себе кроити, и всякие остатки и обресъки камчатые и тафтяные,[36] и дарагие и дешевые, и золотное, и шелковое, и белое, и красное, и пухъ, и оторочки, и споръки, и новые и ветшаное, — все бы было прибрано мелкое в мешечках, а остатки сверчено и связано, а все розбрано по чисълу и упрятано, и какъ чево поделать ветшана или у новаго не достало, а то все есть в запасе, в торгу того не ищешь: далъ Богъ, у доброго промысла, у совершенаго разума все ся лучило дома.
или кожи как не краити, или сагадакъ, или на седло[37] или ометюкъ, или сумы, или сапаги, или шуба, или кафтанъ, или терликъ,[38] или однорятка, или кортель,[39] или летникъ и каптуръ,[40] или шапка, или нагавицы,[41] или какое платно ни буди, — и самъ государь или государыня смотри и смечаетъ остатки, и обрески живутъ, и те остатки и обрески ко всему пригожаютца в домовитомъ деле: поплатить ветчаново товож портища или к новому прибавить, или какое ни буди починить, а остатокъ или обрезокъ какъ выручить, а въ торгу устанешъ прибираючи в лицо темъ видомъ в три дороги купиш, а иногды и не приберешъ. А коли лучится какое платно кроити молоду человеку, сыну или дщери, или молодой невеске, летникъ или кортель, или шуба с поволокою, или опашень зуфрянъ[42] или камчат, или обьярь, или отласъ или бархатъ, или терликъ, или кафтанъ, — и што ни буди доброе и, кроячи, да загибати, вершка по два и по три на подоле и по краемъ, и по швомъ, и по рукавомъ, и какъ вырастетъ годы два или три или в четыре, и, распоровъ то платно и загнутое отправит, опять платно хорошо станет; кое платья не всегда носити, то такъ краити.
32. ВСЯКАЯ ПОРЯДНЯ ДОМАШНЯЯ ДЕРЖАТИ
А всякому рукоделью и у мужа, и у жены, всякая бы порядня и снасть была в подвории: и плотницкая, и портново мастера, и железная, и сапожная, и у жены бы всякому ей рукоделью и домовитому обиходу всякая бы была порядня своя, и держано бы то бережно, где что пригоже: ино что себе ни зделалъ, и нихто ничево не слыхалъ, в чюжии дворъ не идешь, ни пошто свое без слова. А поваренная порядня и хлебная, а все бы было у собя сполна: и медяное, и оловяное, и железное, и деревяное — каково ся лучить, а лучится у кого кокая ссуда взять или свое дать: саженье или мониста,[43] или съкрута женьна, судно серебряное или медяно, или оловяное, или какое платно, и како ни буди запасъ пересмотрити и нового и ветшаного, где измято или избито, или утло, или што где изваляно или подралося, и которая на чемъ ни буди притча, или што не цело, — и все то исчести и сметити и записати, и хто емлет, и хто даетъ — обема то бы было ведомо. А что весовое — то бы извешено, и всякой ссуды бы цена поставлена: по грехомъ какова притча станетца, ино на обе стороны хлопотовъ и остуды нетъ, ино тому платежь. А всякая ссуда имати и давати в честь и беречи паче своего, и отнести на срокъ, чтобы сами государи того не просили и по то не посылали: ино и впредь дадут, и дружба впрокъ. А толко чюжаго не беречи или не срокъ не отнести или испортивъ отдать, ино остуда въ векъ и убытокъ в томъ, и продажа живетъ, и впередь нихто ни в чемъ не веритъ.
А по вся дни государыня у слугъ дазираетъ, которые пекутъ и варятъ, и всякие приспехи делаютъ, и которые всякое рукоделие делают; и которая служька хорошо делает по приказу: или есть варитъ или хлебы печет, или колачи, или пироги, или какие-нибудь приспехи, или какое рукоделие зделает хорошо, — и за то слушка примолвити и пожаловати, и есть подати, и по преже писанному какъ дворовымъ людемъ от государя бережение и, по службе смотря, а хто худо и не по приказу зделает или не слушает, или ленитца, или испортитъ што, или нечисто стряпает, или крадет, — ино по преже писаному наказанию учити, какъ от государя слугамъ живет; впреди о томъ наказании писано, как кого пожаловати или наказати, или научити. А в горнице и в комнате, и в сенех, и на крыльце, и на леснице всегда бы было чисто, и рано, и позно, а столъ и суды всякие всегда чисто мыти, и скатерть чиста. А сама бы государыня всегда была устоина во всякомъ обиходе, таковый бо у нее служки были вежливы по преже писаному, а с слугами бы государыня пустошных речей ни пересмешныхъ отнюд не говорила, ни торговки, ни безделные женки, ни волхвы никако не приходили. А постеля и платья по гряткамъ и в сундукехъ, и в коробьях, и убрусы и рубашки, и ширинки — все бы было хорошенко и чистенько и беленко, уверчено и укладяно и не перемято, и не сполщено. А саженье и мониста и лучшее платья всегда бы было в сундукехъ и в коробьях за замкомъ, а ключи бы держала в малам ларце, а все бы ведала сама.
А по вся бы дни у мужа жена бы спрашивалась и советовалась о всякомъ обиходе и воспоминала, что надобет; а в гости ходити и к себе звати, ссылатца, с кемъ велитъ мужь, а гостьи коли лучится или самой где быти, за столомъ сести — луччее платье переменити, отнюдь беречися от пьяного пития: пьяный мужь дурно, а жена пьяна в миру не пригоже; а з гостьями беседовати о рукодельи и о домашьнемъ строении, как порядня вести и какое рукоделейцо здети; чего не знаетъ, и того у добрых женъ спрашиватися вежливо и ласково, и, кто что укажетъ, на томъ ниско челомъ бити; или у собя в подворье у которой гостьи услышитъ добрую пословицу, какъ добрые жены живутъ и какъ порядню ведутъ, и какъ домъ строит, и какъ дети и служокъ учатъ, и какъ мужей своихъ слушают, и какъ с ними спрашиваются, и какъ повинуются имъ во всемъ, — и то в себе вънимати, а чево доброво не знаетъ, ино спрашиватца вежливо, а дурных и пересмешных и блудныхъ речей не слушати и не беседовати о томъ; или в гостяхъ увидит добрую порядню или вь естве, или в питье, или в каких приспесех, или какое рукоделье необычно, или кокая домашняя порядня где хороша, или которая добрая жена и смышленая, и умная, и в речехъ и в беседе, и во всяком обиходе, или где слушки умны и вежливы, и порядливы, и рукоделны, и ко всякому добру смышлены, — и всего того добра примечати и внимати, чево не знает или чево не умеетъ, и о томъ спрашиватись вежливо и ласково, и о томъ бити челомъ, и, пришедъ на подворья, то все мужу сказать на упокой; с такими то з добрыми женами пригоже сходитися ни ествы ни пития для, добрыя ради беседы и науку для, да внимать то в прокъ себе, а не пересмехатись и ни о комъ не переговаривати. И спросятъ о чемъ, про кого, иногды и учнутъ пытати, ино отвещати: «Не ведаю азъ ничего того и не слыхалъ, и не знаю, и сама о ненадобномъ не спрашиваю, ни о княиняхъ, ии о боярынях, ни о суседах не пересужаю».
А слугъ своихъ заповедывати о людех не переговаривати, и где в людех были, и что видели недобро — тово дома не сказывали бы; а что дома деется, того бы в людех не сказывали: о чемъ послано, то и паметуй, а о иномъ о чемъ учнутъ спрашивати, того не отвечевай и не ведай, и не знай того. Борзее отделавшися да домой ходи и дело кажи, а иныхъ вестей не приноси, што не приказано, ино промежь государей никакой ссоры не будеть и неподобные речи и блудные. То бы отнюд не было, то доброму мужу похвала и жене, толко у них таковы служки вежливы. А пошлешь куды слушку или сына, и што накажеш говорити или што зделати или што купить, и ты вороти да спроси ему, что ты ему наказалъ, что ему говорити или что ему зделать, или что ему купити, и толко по тъвоему наказу тебе все изговорит, ино добро. А пошлеш с слугою к кому еству или питье или что ни буди, да воротивь спроси его куды несетъ: толко такъ скажетъ, какъ наказано — то добро. А посылати питие вполне, а еству целу, ино солгать не умееть, а товаръ посылай сметивъ или смерявъ, а деньги счетши, а што весовое — свесивъ, а всево лучши запечатавъ, ино безгрешно. Да о томъ наказывати, что послано без государя отдать ли, или домовъ отнести. И о тех всехъ людехъ не догадается государь или государыня сына или слуги воротитъ да спросит, куды и с чимъ послали и что наказали, и умная слушка вежливая самъ воротся да вежливенко соймя колпакъ, у государя или у государыни спросивъ, о всемi переговорит, что наказано — толко по тому, ино добро. А куды пошлють в добрые люди, у воротъ легонко поколотить, а по двору идешь и какъ спросит, какимъ делом идешь, ино того не сказывати, а отвечать: «Не к тебе азъ посланъ, к кому азъ посланъ, с темъ то и говорить». А у сеней или у избы или у кельи[44] и ноги грязные отерти, носъ высмаръкати и да выкашлятся, да искусно молитва сотворити, а толко аминя не отдадутъ[45] — ино и в другое, и в третие молитва сотворити, поболши перваго, а ответа не отдадут, ино легонко потолкатися, и какъ впустят, ино в ту пору носа не копать перстомъ, ни кашлять, ни сморкать, вежливенко стоять и на сторону не смотрить, да что наказано, то исправить, а о иномъ ни о чемъ не беседовать да борзее к себе поити да тотъ ответъ государю сказать, о чемъ посылан. А где лучится быти у кого в подворье или в кельи при государи или без государя, никакой вещи, ни доброй ни худой, ни дорогой ни дешево не ворошити, ни смотрети бес прощения, ни с места на место не переложити, и, с собою возмя, ничего не вынести без благословения; а ествы и пития також не покушати, чево не велено: то святотатьство и лакомъство, кто на то дерзаетъ без благословения и без веления. Тому ни в чемъ не верити, а заочи его никуды не пошлют, по еуаггелию: «В мале бе веренъ,[46] надо многими тя поставлю». А что куды послано покрыто или повязано или запечатано или заверчено — того не дьвигнути и не посматривати, ествы или пития, что послано, того не покушивати: каково послано, таково и отнести, толко туто осмотрити, какъ дают — цело ли и вполне ли посылаютъ, чтобы там неверки не было, куды то нести.
36. ЖЕНАМЪ НАКАЗЪ О ПЬЯНЬСТВЕ И О ПЬЯНОМЪ ПИТИИ И СЛУГАМЪ ТАКО ЖЕ, И О ПОТАЙ НЕ ДЕРЖАТИ НИЧЕВО НИГДЕ, И СЛУГЪ ЛЖИ И КЛЕВЕТЫ НЕ СЛУШАТИ БЕЗЪ ИСПРАВЫ; КАКЪ ИХЪ НАКАЗЫВАТИ ГРОЗОЮ И ЖЕНУ ТАКО ЖЕ, И КАКЪ В ГОСТЕХ БЫТИ И ДОМА СЕБЯ УСТРОИВАТИ ВО ВСЕМЪ
приидутъ отколе жены о здоровъи спросить, темъ пития пьяного не давать, а свои женки и девки не пили же бы в людех и дома допьяна; а жене втаи мужа своего не ести и не пити, и похоронакъ на еству и на питье потай мужа своего не держати, а у подруг и у племяни потай мужа своего питья и ествы и зделки и поминковъ всяких не просить и самой не давать, а у себя чюжево не держать без мужня ведома, о всем советовати с мужемъ, а не с холопомъ и не с робою. Отнюдь беречися от всякаго зла, а рабъ своихъ и рабынь ложьными словесы не обговаривати мужу своему и насердки не держати, а кто что избродитъ, и то мужу сказати прямо бес прибавки, а мужу и жене отнюдъ оговору не слушати никаково и не веровати безъ обыску без прямого, а жене к мужу безлепицъ домашних не доносити; чего сама не возможет управити, а которое дурное дело, то мужу сказати въ правду, а в чемъ которая женка или девка не слушает, и слово и наказание неиметъ ее, или какову пакость учинит, о томъ о всемъ с мужемъ переговорити, каково кому наказание учинити. А гостьи коли лучатся, и их потчивати питиемъ как пригожа, а самой пьяново пития хмелново не пити, а питие и еству и всякой обиходъ приносит одинъ человекъ сверстной, кому приказано, а мужескъ полъ туто и рана и поздно отнюдъ никако же никакими делы не былъ бы, кроме того, кому приказано сверстному человеку что принести или о чемъ спроситца, или о чемъ ему приказати, и всего на немъ пытати, и безчиния, и невежества, — а иному никому тута дела нет. А завтракати мужу и жене отнюдъ не пригоже кроме немощи, ести и пити в подобно время.
А платья и рубашки, и убрусы на себе носи бережно по вся дни, не изваляти, не изсуслати, не измяти и не излити, на рудне и на мокре не класти; все то снимаючи с себя, класти бережно и беречи того накрепко, и слугъ учити всякому тому наукъ, а самаму государю и государыни, и детемъ, и слугамъ в чемъ делать, то платье ветшано, а остряпавши дело, ино переменить платно чисто вседневное и сапогъ. А в празникъ и в ведро и при людехъ или к церкви ити, или в гости, ино лучшее платье надети, из утра бережно ходити, и от грязи, и от дожжа, и от снега беречися, и питьемъ не улити, и ествою и саламъ не извалять, и не иссуслать, на руде и на мокре не сести; от празника или от церкви, или из гостей пришед, лучшее платья с себя снемъ, пересмотрить и высушить, и вымять и выпахать, и вычистить, да хорошенько укласти да упрятать. А и ветшаное и вседневное всякое платно, и верхнее и нижнее, и белое, и сапаги, — все измыто всегда бы было, а ветшаное исплачено и исшито, ино людемъ посмотрити пригоже и себе мило и прибылно, и сиротины дать, ино спасенья; платья всякое и рубашка, и убрусы, и ширинки, и всякой нарядъ и, складши и свертевъ хорошенько, положити где ни буди в сундукъ или въ коробью.
38. КАКЪ ИЗБНАЯ ПАРЯДНЯ УСТРОИТИ ХОРОШО И ЧИСТО
Столъ и блюда, и ставцы, и лошки, и всякие суды и ковши, и братены, воды согревъ, из утра перемыти и вытерьти, и высушить, а после обеда такоже и вечере; а ведра и ночвы, и квашни, и корыта, и сита, и решета, и горшки, и кукшины, и корчаги також всегды вымыты и выскресть, и вытерть, и высушить, и положить в чистомъ месте, где будет пригоже быти. Всегда бь всякие суды и всякая порядня вымыто и чисто бы было, а по лавке и по двору, и по хоромамъ суды не волочилися бы, а ставцы и блюда, и братены, и ковши, и лошки по лавке не валялися бы, где устроено быти в чистомъ месте лежало бы опрокинуто ницъ; а в какомъ судне што ества или питие, и то бы покрыто было чистоты ради, и всякие суды сь ествою или с питиемъ, или с водою, или квашня ростворить, всегда бы покрыто было, а в ызбе и повязано от тороканавъ и от всякия нечистоты. Изба и стены, и лавки, и скамъи, и полъ, и окна, и двери, и в сенехъ, и на крылцы вымыть и вытерть, и выместь, и выскресть, всегда бы было чисто, и лесницы, и нижнее крылце, — все бы то было измыто и выскребено, и вытерто, и сметено, да перед нижнимъ крыльцомъ сена положить грязные ноги отирать, ино лесница не угрязнится, а у сеней перед дверьми рогошка или войлокъ ветшаной положить или потирало ноги грязные отирать, чтобы мосту не грязнить в грязное погодье; у нижнего крылца сено или солома переменити, а у дверей рогозинка или войлокъ переменити или потирало чистое положить, а грязъное прополоскать и высушить, и опять туто же под ноги пригодится. Ино то у добрых людей, у порядливой жены всегды домъ чистъ и устроенъ, — все по чину и упрятано, где что пригоже, и причищено, и приметено всегды: в устрой как в рай воити. Всего того и всякой порядни жена смотрила и учила слугъ и детей добромъ и лихомъ: не имет слов, ино ударить; и увидит мужь, что не порядливо у жены и у слугъ или не по тому о всемъ, что в сей памяти писано, ино бы умелъ свою жену наказывати всякимъ разсужениемъ и учити; аще внимает — и по тому все творити и любити, и жаловати, аще жена по тому научению и наказанию не живетъ, и такъ того всего не творит и сама того не знаетъ, и слугъ не учит, ино достоитъ мужу жена своя наказывати, и ползовати страхом наедине и, понаказав, и пожаловати, и примолвити, и любовию наказывати, и разсужати, а мужу на жену не гневатися, а жене на мужа, всегды жити в любви и в чистосердии. И слуги, и дети, тако же посмотря по вине и по делу, наказыти и раны возлогати да казавъ пожалоти, а государыни за слугъ печаловатися по разсужению, ино служкам надежно. А толко жены или сына, или дщери слово или наказание не иметъ, не слушаетъ и не внимаетъ, и не боитца, и не творит того, как мужь или отецъ, или мати учитъ, ино плетью постегать, по вине смотря, а побить не перед людьми, наедине поучити, да примолъвити, и пожаловати, а никако же не гневатися ни жене на мужа, ни мужу на жену. А по всяку вину по уху ни по виденью не бити, ни под серцо кулаком, ни пинком, ни посохомъ не колотить, никакимъ железнымъ или деревянымъ не бить; хто с сердца или с кручины такъ бьетъ, многи притчи от того бывают: слепота и глухота, и руку и ногу вывихнутъ, и перстъ, и главоболие, и зубная болезнь, а у беременных женъ и детемъ поврежение бываетъ во утробе. А плетью с наказаниемъ бережно бити; и разумно, и болно, и страшно, и здорова, а толко великая вина и кручинавата дело, и за великое, и за страшное ослушание и небрежение, ино соимя рубашка плеткою вежливенко побить, за руки держа, по вине смотря, да поучивъ примовити: «А гневъ бы не былъ, а люди бы того не ведали и не слыхали, жалоба бы о томъ не была». А по людцкой ссоре или по оговору без обыску без прямого брань и побои, и гневъ никако же бы не было, како было наношение или речи недобрые, или своя примета — того наедине пытати добромъ: истинне покается — безо всякаго лукавства милостивно наказать да и пожаловати, по вине смотря; а толко не виновато дело, ино оговорщикомъ не попущати, ино бы вперед вражда не была, а толко по вине и по обыску по прямому; а не каетца о грехе своем и о вине, то уже наказание жестоко надобет, штобы былъ виноватой в вине, а правой в правде: поклонны главы мечь не сечет, а покорно слово кость ломит.
Аще мужь самъ того не творитъ, что в сей памяти писано, и жены не учит и домъ свой не по Бозе строитъ, и о своей души не радит, и людей своихъ по сему писанию не учитъ, и он самъ погубленъ в семъ веце и в будущемъ, и домъ свой погубит. Аще ли добрый муж о своемъ спасении радит и жену наказуетъ, тако же и домочадцовъ своихъ всякому страху Божию учитъ и законному християньскому жительству, яко же есть писано, и онъ вкупе со всеми в благоденьстве по Бозе жизнь свою препроводит и милость Божию получитъ.
40. САМОМУ ГОСУДАРЮ ИЛИ КОМУ ПРИКАЖЕТЪ ГОДОВОЙ ЗАПАСЪ И ВСЯКОЙ ТОВАРЪ КУПИТИ
Приказному человеку, дворецкому или ключнику, или купчине на комъ вера положена, или самому государю всегда в торгу смотрити всякого запасу к домашнему обиходу: или хлебнаго всякаго жита и всякаго обилия, хмелю и масла и мясново, и рыбново, и свежево, и просолу, или товары какие привозные или лесовой запасъ, и всяко товаръ, со всехъ земель идетъ, коли чему навозъ или коли чево мъного у приезжих людей и у християнъ — в те поры и закупить на весь годъ, ино у рубля четверти не дадастъ, а у десети рублевъ по тому же, а у закупщика дороже купити, двои денги дати, да не любое купишь, коли чево нет, а надобеть. А которой товаръ или запасъ не портитца вдаль, а коли дешево, ино и с лишкомъ купить, свою нужу исполнить на свой обиходъ, а лишнее в пору продастъ, коли дорого: иногды свой обиходъ прибылью пролезет, такъ то ведетца в добрых людех, и у доброго государя домовитаго и благоразсуднаго своимъ дозоромъ и добрымъ наукомъ. А купить у кого что-нибудь много или мало у приезжево ли гостя, или у крестьянина, или у здешнево человека, торгуй полюбовна, а денги плати въручь, а над темъ по человеку смотря и по купле, и почестку учинишь хлебомъ да солью и питьемъ — въ томъ убытка нет: дружба да впередь познать, всегды мимо тебя товару доброго не продастъ и лишьнево не возметъ, и худово не дастъ; а за добрую послугу или торговлю самаму государю такова гостя или торгового человека или приезжего пригоже почтити: напоити, накормити, добрымъ словом привечат и ласковымъ приветомъ, и в такой доброй дружбе во всемъ прибытокъ живет великой. А посмотря по торговле и по человеку, что чево достоин, подаришь его чемъ, то у тебя сугубо будет; а кто темъ путемъ живетъ, первое — от Бога греха нет, а от людей остуды, а от гостей похвала во всехъ землях, а в дому все благословеное, а не с клятвою, и носити и пити и ести и милостыня довати ис того, ино Богу приятно, а души на пользу.
цветного, литра или болши золота и серебра по тому же, или белки, или всякому запасу, коли чему навозъ, по своему обиходу смотря и по промыслу, и по рукоделью, и по своей семьи, и по мостерицамъ, и по рукоделникомъ, и по своему прожитку, такъ и покупать, и запасать, коли чево много и дешево, ино и споро, и прибылно. Да толко лучитца мастерокъ свой портной и сапожьной и плотникъ, ино во всякомъ запасе и в остатках, и в обресках прибыль будет или к новому портищу остатки пригодятца, или ветчаново починить, а ты тово не прикупаешь. А лесъ и дрова, и бочьки, и мерники,[47] и скалы, и дубник, и лубья, и липнягь, и доски, и драницы, и желобы, коли тому навозъ в зиме на возех, а лете на плотех и в лодьяхъ, на год запасешъ: у всего не додашь, а у рубля четьверть збудется. А у прасола коли занадобитца не любое купишъ, а денегь слишкомъ дашъ, а всякой таваръ запасъ, коли ему навозъ, всякому товару, а дешево: хоти не надобе, а в ту пору купи — и свою нужу исполънишъ, а чево запасено слишькомъ, на томъ денги будут съ прибылью.
42. О ТОМ ЖЕ: КОЛИ ЧТО КУПИТЬ, У КОГО СЕЛЪ НЕТ, И ВСЯКОЙ ДОМАШНЕЙ ОБИХОДЪ, И ЛЕТЕ, И ЗИМЕ, И КАК ЗАПАСАТИ В ГОД И ДОМА ЖИВОТИНА ВОДИТИ ВСЯКАЯ, И ЕСТВА, И ПИТИЕ ДЕРЖАТИ ВСЕГДЫ
Годовой обиходъ домовитому человеку, мужу и жене, и у ково поместья и пашни, селъ и вочины нетъ, ино купити годовой запасъ: хлебъ и всякое жита, зиме на возехъ, а полтевое мяса тако же, и рыбу всякую, свежую или иную, осетрину на провесъ, и бочесную в годъ, и семжину, и икру сиговую и черную, и которая рыба в лето ставити, и капуста, — и те суды зиме в лед засекати, и питье запасное глубоко, и покрывъ лубомъ засыпать, и коли надобе лете и тогды свеже и готово. А в лете мясо ести покупати домовитому человеку: купити боранца, а дома облупити а овчинки, а бораней потрохъ прибыль в столе, потешенье у порядливой жены или у доброго товара; много промыслу: из рудины ушное нарядит, почки начинитъ, лапатки изжарит, ношки, яички начинит, печень иссекши с лукомъ, перепонкою обертевъ, изжарит на сковороде, легкое, молочкомъ с мукою сь яички приболтав, нальет, а кишечьки яички нальетъ, боранью голову можжокъ с потрошкомъ уху нарядит, а рубецъ кашкою начинит, почечные части сваритъ или, начинивъ, ижжаритъ, — и такъ делати, ино из одново борана много прохладу. А студень на леду держати хорошо, что останетца. В лете мяса покупать на обиход — под росход в пятницу, в понеделникъ, в среду — на всю неделю купить: не додастъ у гривны алтына, просолено на леду въ два или в три дни или неделею не испортится. А с Семеня дни купи яловицу или колко надобет не вдруг изгодою, коли подешевле, а ты тогды больши купишъ. Мясо соли в годъ и на провесъ, а потрохомъ семья сыта во всю осень. А на коже да на сале половину возмешь денегъ, а про себя сало перетопишъ, на год с вологою, потрохи, голова, уши, губы, скороньи и мозгъ, кишки, осердье, окоренье, ноги, печень, почьки жонки переделаютъ да кашею сальною ошвариною начинят, а каша бы овсяная или гречневая и ячная, и иною какою хочешъ. А не переядятъ потроховъ осеню, ино в рожественой мясоед пригодитца, а рубцы и губы, и уши, и ноги коровьи на студень во весь год пригодитца, коли не делай квашенину, — всегды прохлад. А свиньи доморощеные в осень бити по тому же полти в годъ осолити, а голова и сало, и ноги, и жолудь, и кишки, и потрохъ, и спина в осень и в зиму пригодитца у промышьленово мужа и у промышьленой жены, у доброй порядни во всемъ спорыня, а всегды прохлад и себе, и семье, и гостем. А не убыточно: по што в торг, и ты в клет. А гуси и утки и куры кто дома водитъ, и толко у воды, ино скормит лете ничемъ, а на годъ з запасомъ з даровымъ, да кто про себя коровы держитъ дойные, лете кормъ на поле, а дома всякого корму много у добрые порядни, и лете и зиме: гуща пивная и бражная, и киселная, и квасная, и кислыхъ штей[48] и отрубей овсяныхъ, и высевки оръжаные и пшенишные и ячные, и заспу делаючи и толокно, и в осень капусту солят, и свеклу ставят, и репу и морковъ запасают, и у всего того хряпье и листье и коренье и обресковъ и крохъ, и в скатерти и в столе и в веке въ хлебномъ и по полицамъ и по чюланомъ, и по залавкам крохи и остатки и обьеди, и домовитая добрая государыня или ключникъ доброй все то обирает и по судомъ ставит, и темъ животину: лошеди страдные и коровы, и гуси, и утки, и свины, и куры, и собаки кормит; себе не убытокъ, а приплоду и прохладу много, всегды в столе прибыль, и себе, и гостю. Толко дома родитца: куры и яйца, и забела и сыры, и всякое молоко, — ино по вся дни празникъ и прохлад, а не в торгу куплено; всякие пирои и всякие каши и всякие блины и трубицы, и кисели, и всякие молока, — коли чево похотелося, а все дома готова, а сама жена все умееть зделать и слугь научит рядити. От токих домочатцовъ богатеют мужи. А толко у промышленого человека у домовитого, и у доброй жены Богъ пошлет приплоду поболши у сьвиней или у гусей или у куравъ и у вутокъ или у коровъ молока и сметаны, масла и сыравъ, и яицъ: сами всегда ядятъ воложно да и людей кормят и милостыню даютъ от праведных трудов, а от благословеных плодовъ. А излишнее упродадутъ, ино на иную потребу пригодитца благословленая денешка, и на милостыню Богу приятно. А у молода человека или у вдовы только запасу такого нетъ, чемъ живота кормит, что в сей главе писано, а коровка дойная есть или в деревни у молода человека не одна есть, ино кормит: сена изрети да мукою посыпати овсяною или иная какая мякинка лучится, да кипяткомъ облить или елычемъ[49] облить да передъ собою покормить, да и издоитъ. А самой руки умыти чисто, и платно ветчаное чисто же надеть и воды теплой принести, потиралце на плечи принесть и вымя и соски вымыть у коровы, и потиралцемъ чистымъ вытерть, и в чистомъ месте издоить, и во всякомъ бережении, и на мякке держать и кормъ класть, какой лучился; а лошадки и кобылы по вся дни таким ж кормомъ християнину вызбе перед собою покормить, ино будетъ плодовито и служиво, и то имъ за овса место. А телята и ягнята молоды, и куры, и гуси, и свиньи, и утки тако же перед собою корми, какой кормъ, которой животине пригодитца.
А толко у мужа в год все припасено: и ржи, и пшеницы, и овса, и гречи, и толокна, и всякие запасы и ячмени, солоду, гороху и конопли; и въ постъ всякие ествы перемяняяся, по вся дни делают самъ и жена с слугами; и семья сыта и прохладна, и гостя употчивают безъ убытка. А которой ествы будетъ похочет постной, и то и делает масло конопляное, и заспа все дома, и мука, и всякие пироги, и всякие блины делает и соцни, и трубицы, и всякие каши, и лапши гороховые, и цыженой горохъ, и зобонецъ, и кундумцы[50] и вареные и соковые каши, ествы — пироги з блинцы и з грибы, и с рыжики, и з груздями, и с макамъ, и с кашею, и с репою, и с капустою, и с чимъ Богъ послалъ, или орешки в соку и коровайцы. А у доброго человека и у порядливой жены толко пасено в пору, коли рыбу свежую купячи, иную солит, иную вялит, иную подвариваетъ, иную сушит мелкую, иную и в муку толчет, в пост во шти подсыпает, коли пригоже, ино в постные дни про гость и про себя, коли свежей рыбе не быть; ино преже в столе ретка, хренъ, капуста, росолъ ставленой и иные земленые плоды, што Богь послалъ: и икры, и вялая рыба, и прутовая[51] и подвариваная, и ухи пластовые и щипаные, и подвариваные, и всякие потрохи, и хохолковые,[52] и из немецких селдей, и из вандышевъ, и в росоле, и в пирозехъ, и в каши, и яглы,[53] и всякой снетъ — всякихъ ествъ постных у доброй порядни много. А все Богъ послал домо, ничего в торгу не купишъ. А брусничная вода и вишни в патоке, и малиновой морсъ и всяки сласти, и яблока, и груши в квасу и в патоке, и постелы, и левашники[54] себе и про гость и за немощь всегды есть, толко в пору припасено. А нужному и болному и родителнице, и заежжему человеку дастъ, ино велия мзда от Бога. А которой рыбы нетъ в запасе или запасъ придержалъся и бочка самому не изойдет купити, прибавъ товарыща или два — бочку осетрины или белужины или селдей или какой ни буди рыбы, или осетрины купить вместе или икру всякую: у рубля пяти алтынъ не додашъ. А не будетъ в запасе чево, а гостя для и про себя что понадобится купить, и того в торгу не добудешъ, а и добудешъ не в пору — и ты втридорога, а не милой кусъ.
А у доброго человека и у доброй жены у порядливой и у смышленыхъ и у разумныхъ и у благоразсудныхъ и у благобоязнивыхъ людей и у годового у всякого запасу, и у рухляди, и у питья, и у ествы, и у хлебново, и у воложново, и у мясново, и у полтявого, и у рыбного, и у ветчины, и у солонины, и у вялого, и у ветренего, и у просолу, и сухари, и мука, и толокно, и иной запасъ, и макъ, и пшено, и горохъ, и масло, и конопли, и соль, и солодъ, и хмель, и мыло, и зола, и всякой запасъ, чему мочно впередь быти в бережении и не згноено — у всякого бы году во всякомъ обиходе и в запасе сходилося. Выном году чево не родилося или дорого, ино темъ запасомъ как даромъ проживет, а нужного и болново, и недостаточново ссудит и подможетъ, кому какъ пригоже. А коли чево изобилно запасено в дешевую пору, ино в дороговлю и продастъ, ино сам елъ и пилъ даромъ, а денги опять дома: доброго человека и доброй жены николи ни в чем меженина не имет. А старой запас держать на много лет, кои не портятся.
А у которого человека огородецъ есть, и, кто пашетъ огородъ, сам ли государь дозирает или государыня, или кому приказано, первое городба перекрепити, чтобы в огород собаки ни свиньи, ни куромъ, ни гусемъ, ни уткамъ и всякой животине взойти не имутъ ни с чюжево двора, ни с своего, ино яблонямъ и всякому плоду пакости нет, а с суседа остуды — толко от тобя твердо твоей животине к нимъ не уметь, а ихъ к тебе. А дворъ бы былъ потому же везде бы крепко гороженъ или тыненъ, а ворота всегды приперты, а к ночи замъкнуты, а собаки бы сторожливы, а слуги бы стерегли же, а сам государь или государыня послушиваютъ ночи. А огородъ всегды бы былъ замкнутъ, да кому приказано, тот бы его всегды берегь и день и ночь, и в немъ всегда дозиралъ. Да какъ гряды копати весне и навоз класти, а навозъ зиме запасати, и к садиломъ на дыни варовые гряды готовить, и всякие семена водить у себя и, посадивъ или посеевъ всякие семена и всякое обилие, в пору поливати и укрывати, и от морозу всегды беречи, и яблони подчишати и суша выбирати, и почки разсаживати, и пенки и почки прививати, и гряды всякое обилие полоти, и капуста от черьвя и от блохи беречи и обирати, и оттрясывати, а возле тына около всего огорода борщу сеет,[55] где кропива ростет, и с весны его варит про себя много, и тово в торгу не купит, и нужному дастъ Бога ради, а толко у молода человека ино и продастъ, на иную вологу. А какъ насадит капусты и свеклы и поспеет, листье капустное варит, и какъ учнетъ витися въ клубъ, и толко часта, ино изретка секучи варити, а листья, обламываючи, животина кормить. А в ту пору и до осени борщъ режучи сушит, ино всегда пригодится — и в год, и в даль; и капусту все лето варит и свеклу, а в осень копусту солити, а свеколной росолъ ставит, а огурцы солит, а летомъ прохлажаетца: естъ дыни, стручье, морковь, огурцы и всякой овощъ, а, Богъ послалъ, поболши чево природилося, ино и упродаст. А садъ развадити про себя, ино прививка от древа до древа по три сажени и болши, ино яблони ростутъ велики, обилью и всякимъ овощемъ не помешает ростетъ, а как будет густо от ветъя по деревиемъ, не растет ништо, ино борщу насеяти, ино всегды плод. А падушокъ яблочных и што поспело, огурцы и дыни, и всякой овощь, в пору бы обирати, што про себя сьесть или поблюсть, или в год что поставить, или что осолить, или в квасы ставить яблока и груши, или в патоке и ягодный, и вишневой морсъ, а в дешевую пору и грибы сушить, и грузди, и рыжики солить, и всякой овощь в годъ ставити, или чево упродати, — то бы все было убережено, а семена бы всякие у собя водить, ино велика прибыль: в торгу тово не купишь, а будет слишкомъ, и ты и продашъ.
46. КАКЪ ЧЕЛОВЕКУ ЗАПАСНОЕ ПИТИЕ ДЕРЖАТЬ ПРО СЕБЯ И ПРО ГОСТЬ, И КАКЪ УСТРОИТИ ТО ПРИ ЛЮДЕХЪ
в леду, засечено, медокъ и мартовское пивцо. Аще коли празникъ или именины, или свадба, или родины, или крестины, или по родителех память, или лучится гость зневесть любо приежей любо званой, или избранной человекъ, или игуменъ честной, и одново часу из одной бочки в пять оловениковъ меду нацыдят или, по людемъ смотря, в бочечки малые, да запасного мушкатцу в мешечке, а гвозьдики в другомъ мешечке дерьжит, а в третьемъ мешечке всяких благовонных зелей, в печи подваривъ, в оловеники покласти или в бочечки, в горячее вино, а вишневого морсу и малинового два оловяника, а в ыной патоки готовой, ино в одночасье шесть медовъ про гость да два вина, да вишневого морсу, и в переварку в оловеничекъ поддастъ, ино дъва пива; и кто з запасомъ живетъ, и у порядливой жены ества запасная же, ино всегды гостя не соромъ, хотя пиръ — ино нужново чево прикупитъ, ано далъ Богъ — всего дома много.
А в пивоварнюю поварню на пиво и на брагу и на кислые шти солоду и муки, и хмелю отдать — то бы было все в письме и смерено и счете. А коли пиво затирают ячное или овсяное, или оржаное, или хмель парить, и у квашенья и у сливаныя дозирати самому — все бы было бережно и чисто, и не раскрадено, и не испрокужено, и за посмехъ не выпить. А коли пиво варят, ино отваривъ пиво, и силенъ толко солод — ино бочку и болши другово пива нарядят, а после всякого пива водою на гущу поливают, воды взогревъ ведръ с тритцать и с сорокъ на ячную гущу, и пятьдесят и шестьдесят взогревъ, взлити и больши, по вари смотря. И тотъ исътокъ приквасит, добре хорошо семъе пити; а ис первого последу приквасивъ, на кислые шти пригодится. А уксусъ ставити из доброго сусла, и в береженье и в тепле держати, и в чистоте приходити к нему. А хмелины пивные копити на винную брагу и в перепускъ, и бережно держати, а на то ветшаные суды пригожаются, толко бы было в запасе да и перекреплены. А мед сытити самому, а какъ кишетъ, хоромина та запечатати, самому толко назирати; и хто бы тутъ не ходилъ, а сливати самому же, а на сливанье бы не пили же. А вино курити самому, неотступно же быти, или кто веренъ — прямо тому приказати, и у перепуска по тому же, да смечать, по сколку ис котла араки[56] первой и другой и последу уточат. А у перепуску по тому же смечать, колко ис котла укурит первого и середнего и последу. И на погребъ, и на ледникъ, и в сушило, и в житницы без собя никакова не пускати, везде самому отдавати и отмерити, и отвесити; и сколко кому чево дастъ, то все записати.
48. У ПОВАРОВЪ И У ХЛЕБНИКОВ И ВЕЗДЕ ВСЯКОЙ ПОРЯДНИ КЛЮЧНИКУ ДОЗИРАТЬ
А у поваровъ бы и у хлебниковъ и у всяких приспешниковъ была бы вся порядня: и котлы, и сковороды, и горьшки, и медные и железные, и таганы, и решотки, и чюмичи, и корцы, — все бы было чисто и цело и извары,[57] все бы было в счете и в писме, а медяное и оловяное в весу. А по вся дни у ключника то бы было пересмотрено, чтоб было все по числу и перекреплено и вымыто, и в суши, и на месте лежало замкнуто, а бочки и всякие суды перемыты и перекреплены, и лежало бы в суше и замкнуто.
По вся дни и по вся вечеры, исправя си долгъ душевный, и во утрии встати по звону и после пения мужу з женою советовати о устроении домовномъ, на ком что положено и каму которое дело приказано ведати, и тому наказати, что коли устроити ести и пити про гости или про себя, или ключник по государеву приказу прикажет что купити на обиходъ и, купивъ что принесутъ, то смети и правды смотрити; а повару отдастъ то, что варити, и хлебнику, и на приспехи на всякие, по тому же отдастъ. А всегды бы то было в памяти, что государю сказати. А в поварню ества мясная и рыбъная и печь и варити отдавати в число, колко государь велит, и на колко блюдъ, да испечено и съварено, но у повара взяти в число же. А на столъ всякая ества ставити по государеву наказу по гостемъ смотря, а хлебенной приспехъ по тому же дати в число и взяти в число же, и всякой ествы, что у стола: останетца и цело, и едено, и ухъ и приспеху всякого, а целую еству перебрати, а початое о себе и мясное и рыбное, и покласти в суды в чистые и в твердые и покрыть, и в леду засечь; а початая ества и всякие остатки давати на обиход, как по пригожу а целое блюсти про государя и государыню и про гость; а питье в столъ давати по приказу, по гостемъ смотря и безъ гостей, а государыне брага или квасъ. А суды бы всякие столовые и поваренные всегды после стола в горячей воде перемыть и переполоскать и перетерть и высушить и, все собравъ, счести и устроити з замкомъ, где что живетъ и у ково што на рукахъ. А столовые суды: оловяники и братины, и ковши, и судки столовые — всегда беречи, и уксусницы, перешницы, росолники, солоницы, лошки, блюды, ставцы, скатерти и фаты, всегды бы было чисто, и готово на столъ. И столъ бы былъ чист, и скамъи, и лавки, и избы, и образы на стене уставлены, а изба метена и устроена. А уксусъ и огуречной росолъ и лимонной, и сливной, — все бы цежено в ситце, и огурцы, и лимоны, и сливы также бы очищено и перебрано, и на столе бы было чисто и скусно. А рыба прутовая и всякая вялая, и всякая студень, посная или мясная, и икра, и капуста — очищено, и по блюдомъ раскладено, до стола изготовлено. А питье бы всякое чисто, в ситце бы цежено. А ключники бы и повары, и хлебники, и всякие стряпчие сами бы къ столу при людехъ устроилися чистенко, а руки бы были мыты чисто во всяко стряпни. А всякие суды и всякая порядня у ключника и у всехъ стряпчихъ, все бы было мыто и чисто и бережьно и у государыни и у ее слугъ по тому же. А ества и питие на столъ понести осмотря, чтобъ то судно было чисто, в чемъ несешь, и ества или питие чисто же бес пороха и бес пригарины: осмотря ставить, а поставя еству или питие, да тут ни кашлять, ни сморкать, отшедъ на сторону, вычистить носъ или выкашлятся, ино не скаредно и вежливо.
50. КЛЮЧНИКУ ПРИКАЗЪ, КАКЪ ПИРЪ ЛУЧИТСЯ
А коли пиръ болшой, ино всюды самому дозирати и в поварне и в хлебне, а за столом ества отдавати приставити добра человека, а у поставца, у питья и у судовъ бережной же доброй человекъ надобе. А в столъ питье подавати по государеву наказу, кому што велено, а на сторону никому не давати без веления. И как пиръ минет, и весъ запасъ серебряной и оловяной, и всякие суды смотрити и счесьти, и поваренной, и хлебной, и ества перебрати и питие созрити, початое дополнивати. А в пиръ на дворе бреженъ же человекъ надобе, всего бы смотрилъ и берегъ, и домашние всякие порядни: не окрали бы чево. И гостя пьяново беречи, чтобы не истерялъ чево, и брань бы не была. А как столъ отойдет, ино суды сметити всякие и перемыти велети, и всякая ества перебрати, мясная или рыбная, и студень, и ухи, и устроити по преже писанному. А коево дни пиръ, тово вечера или порану самому государю пересъмотрити, все ли по здорову, и сметити и перепытати у ключника подлинно, колько чево сьедено и испито, и кому что отдано, и кому что послано, и всякой бы росход во всякомъ обиходе былъ в ведоме, и суды бы всякие были в счете, и умелъ бы государю сказати про все прямо, куды што розошлося и куда что дано, и сколко чево розошлося; и толко далъ Богъ — все по здорову и не исьтеряно, и не испорчено и ништо, ино государю ключника пригоже почтити и иныхъ служекъ по тому же: и поваров, и хлебниковъ, которые бережно стряпали, а не пили, ино всехъ прохладит, и накормить, и напоитъ.
государя ключнику, какое питье носити про государя и государыне и про семью, и про гость, — и то все чинити и делати и отдавати по государеву наказу, а о всякомъ обиходе ключнику государя по вся утра спрашиватися о естьве и о питье, и о всякомъ обиходе, как государь накажет, такъ и творити. Государю съ женою о томъ о всяком обиходе в домашнемъ советовати и ключнику наказывати, какъ челядь кормити по вся дни: хлебъ решетной,[58] шти да каша с ветчиною житкая, а игда густая с саломъ, переменяя часто, мяса как лучится дадут к обеду, а в неделю и в празники иногды пироги, а иногды кисель, а иногды блины или иная какая ества; а у вужины шти да молоко или каша, а в посные дни шти да каша житкая, иногды с сокомъ, иногды сущь,[59] иногды репня, а у вужины иногды шти капуста, толокно, иногды росолъ, иногды ботьвинье, по неделямъ, по празникомъ к обеду пироги какие или гуща, или яглы, или селедавая каша и что богъ лучитъ. А у вужину копуста, росолъ, ботьвинья, толокно. А у женъ у челяденных и у девокъ и у робят по тому же, а страдымъ людемъ та же да прибавка остатковъ столовых государевых и гостиных, а лутчие люди, которые торгуют, техъ государь в столе у себя сажает; а коли гости ядят, и они стряпают, а после стола едят ествы с прибавкою, и столовых остатков. А у государыни мастерицамъ и швеямъ по тому же, сама за столомъ их кормит и подаетъ имъ от себя. А челяди питие — истокъ пивной, а в неделю и в празники брага, а торговымъ всегда брага; а питьемъ всякимъ государь жалуетъ или прикажет, а в прохлад и самимъ пивца дадуть.
Наказ от государя повару и ключнику или от государыни, варит на семью челяди или нишимъ скоромную и постную еству: капусту или натину, или крошиво — иссечено мелко, и вымыть хорошо, и уварить, и упарити горазно, в скоромные дни мяса или ветчина, или сальца ветчинного положить, забелъки поддать да припарить, а в постъ сочкомъ залить или иной какой навары прибавить да упаригь; хорошо или заспицы подсыпать да с солью и с кислы штями приварить, а кашку всякую по тому же уварить и упарить хорошо с саломъ или с масломъ, или селедовую, или с сокомъ, и всякую семеиную еству хорошенько усьтряпати, и хлебы семеиные тако ж месити и укъвасити, и вывалять хорошо и выпечь, и пирошки семеиные по тому же. И всякую еству хорошенко и чисьтенько устряпать, какъ своя душа любит, и всякой семеиной ествы государыня или дворецкой самъ кушаетъ, и толко не хорошо сварено или испечено, и о томъ бранит на повара или на хлебника, или на женки, которые то стряпают, а дворецкой того не брежетъ, ино на него бранит, а государыня того не брежет, ино мужу на нее бранити; какъ своя душа любит, такъ служокъ и нищих кормити, ино то Богу в честь, а себе во спасение. Да государю или государыне всегды ззирати и спрашивати слугъ и маломощьных и убогихъ о всякой нуже и о естве и о питии, и о одежи, и о всякой потребе, и о всякой скудости, и о недостатки, и о всякомъ обиходе, и о всехъ техъ нужах, о них Бога ради промышляти, и попечение имети, елико вмесьтимо, сколко Богь поможе, от всея душа, яко же о своихъ чадехъ и яко же о присныхъ, аще кто не радит о семъ и не болезнуетъ о сихъ, да будет анафема; а кто сие с любовию от всея душа и брежет и хранит, велию милость от Бога обрящет и грехомъ свободу получит и жизнь вечную наследитъ.
52. В ЖИТНИЦАХЪ И В ЗАКРОМЕХЪ О БЕРЕЖЕНЬИ
бочкахъ или в коробах мука и всякой запасъ, и горох, и конопли, и греча, и толокно, и сухари, и ржаные и пшеничьные, — то бы было все покрыто, и судно твердо, и не намокло бы, и не знило, и не затхлося. А всему бы тому была мера и счет, сколко чево ис села или ис торгу привезутъ, и записати, а что весовое — то взьвесити, и колко коли отдаст чево на росход или взаимы и на всякой обиход, ли кому государь велит что дати — то все записати же, и сколко чево зделают, то бы было ведомо ж; и хлебы, и колачи, и пиво, и вино, и брага, и квасъ, и кислые шти, и уксусъ, и высевъки, и отруби, и гуща всякая, и дрожьжи, и хмелины, — то бы было все у ключника в мере и записано, а хмель и медъ, и масло, и соль вешено.
53. В СУШИЛЕ ТАКО ЖЕ СМОТРИТИ
сколко чево куплено и вывешено, провялено и положено; и держано бы то брежно и не згноено и не измочено, и не измято, убережено бы от всякие пакосьти, и всегда замъкнуто.
54. В ПОГРЕБЕ И НА ЛЕДНИКЕ ВСЕГО БЕРЕЧИ
студенью и всяй запасъ естомой, и огурцы, и капуста соленая и свежая, и репа, и всякие овощи, и рыжики, и икра, и росолы ставленыя, и морсъ, и квасы яблочные, и воды брусничные, и вина флязские и горючие, и меды всякие, и пива сыченые и простые и брага, и всяго того запасу ключнику ведати. И столко чево на погребице поставлено, и на леднике и на погребе, — и все бы то сочтено и перемечено, што вполне, что не вполне, и перемечено, и записано, и сколко чево куды отдастъ по приказу государеву, и сколко чево разоидетца, — то бы было все в счете, было бы што господарю сказать и отчетъ во всемъ дати. А все бы то было чисто и в покрыте и не затхлося и не заплеснело, и прокисло. А вина фряские и сыченая перевара, и всякое лутчее питье в опришенномъ погребе за замкомъ держать, а самъ бы тамо ходилъ.
55. А В КЛЕТЕХ И В ПОДКЛЕТЕХ И В ОНБАРЕХ УСТРОИТИ ВСЯКАЯ ПОРЯДНЯ КЛЮЧНИКУ ПО ГОСУДАРЕВУ НАКАЗУ
А в клетехъ и в подклетехъ и в онъбарехъ устроити по государеву наказу ключнику всякая порядня: платье ветчаное, и дорожнее, и служне, и полсти, и епаньчи, и кепеняки,[61] и шляпы, и рукавицы, и медведна, и ковры, и попоны, и войлоки, и седла, и саадаки, и с луки и с стрелами, и сабли, и топорки, и рогатины, и пищали, и узды, и оброти, и морхи, лысины, и похви, и остроги, и плети, и кнутье, и вожжи моржовые, ременные, и шлеи, и хомуты, и дуги, и оглобли, и миндери, и мехи дымчатые, и сумы, и мехи холщовые, и припоны, и шатры, и пологи, и ленъ, и посконь, и веревки, и ужища, и мыло, и зола, и ветшаной всякой запасъ и обрески, ветшаное и новое, и пълатяные и коженые, и железные обломки всякие, и гвоздье, и чепи, и замки, и топоры, и заступы, и всякой железной запас, и всякая рухледь, — и все то разобрати, что пригоже — в коробьяхъ положити или в бочках, иное по гряткамъ, иное по спицамъ, иное в коробех, где что пригоже, то туто и строити, в сусе и в покрыте, от мышей и от мокра, и от снегу беречи, и от всякия пакости, и все бы было в счете и в писме, сколко чево нового и сколко ветчаного; а что попортилося, то починивати, а всегды бы было готово, всякой запасъ, какъ попытают. А в ынех подклетех или в подсенье или в онбаре устроити сани, дровни, телеги, колеса, одры страдные, дуги, хомуты, оглобли, рогожи, посконные вожжи, лыка и мочала, веревки лычьные, оброти, тяжи, шлеи, попоны, иной дворовой запас коньской, где что пригоже поставити или положити или повесити. А лутчие сани, возъ, коптана, калымага укрыть на подкладках, все бы было брежно в суше з замкомъ; а в ыномъ онбаре бочки и мерники, и цепники, высытки, корыта, жолобы, извары, корцы, сита, решота, фляги и всякая порядня поваренная и погребная; которые бочки и всякое судно попортилося или обручи огнили или свалились, и то велети окрепити или уторы переделати или дъна поправити и обручи новые наколотити, все бы то было готово и выпарено, и вымыто, и высушено, чтобы ни гнилью, ни плеснью и затъхолью не пахнуло; дрожьжи бы ни хмелины не засушены, ни загнилися. Какъ которое судно понадобитца, ино бы было готово, а дубник в запасе держати, что починити или зделати, а ветчаная бочка, извара и выситокъ, донце дощечки бочечные и вечка всякое судно, — все бы было припрятано, а все то ся пригожаетъ на худую потребу, и ты доброво не портишъ.
бы, и не навъяло, и не гнило, замкнуто. А солома по тому же бы была в кровле и прикладено, и обрано, и очищено, и не разволочено бы и подметено, а в конюшне бы дозирати, по вся дни сена бы класти въ ясли какъ лошедемъ сьести, и в ноги бы не рыли, а соломка под лошади слати и подгребати, по вся дни перетрясывати. А на воду бы лошади водити брежно, робята бы на них не гоняли, и вываляти, и вычесати, и на дворе из жолоба овсомъ передъ собою кормити, и попонами терти, и покрыти, а лете подкупывати и холодити; а коровамъ и гусем, и уткамъ, и курамъ, и свиньямъ, и сабакамъ кормъ давати и в хлевы солома слати и подгребати, и поити — вода ставити, а животине и собакамъ, и куром на то свои суды держати, а чистых судовъ не поганити. А по всемъ службамъ ходити вечере и в ночи и утре, в фонаре бы была свеча с огнемъ, а в конюшне и у сена и у соломы однолично из фонаря огня не вымати всякия притчи. А бревна бы и дрова и доски, и драницы, и усечки, и урупки дощаные и бревенные и всякие устроити в стороне, где пригоже, а не на дороге; а бревна и доски и драницы на подъкладках, а толко под кровлею и тово лутче, чтобы в сухе не навьяло и не замокло, дрова толко сухи, ино топитца хорошо — и служке приступита и взять и понесть, ино хорошо и не угрязнено.
57. В ПОВАРНЯХ И В ХЛЕБНЯХ, И В ДЕЛОВЫХ ИЗБАХЪ УСТРОИТИ ДЕЛАНОЕ
А в повареныхъ избахъ и в поварнехъ, и в хлебнех гуща и дробина, и отруби всякие, и кобустное коренье и хряпье, и листье свеколное и репное, плюсенье и бражная гуща и винная ис котловъ, и кисельные ожимкы, и в поварьне от мяса и от рыбы что очищают, и кислых штей, и опара, — всего тово не метати, все то обрати и в ветчаные суды класти, которые ни в поварьне, ни на погребе не пригодятся, да ставити то в опричьней хоромине, и темъ страдные лошеди кормити или чем подмешиваючи невеиницы или овсяной муки или сено резаное или чево иного, а иное коровамъ давати и свиньямъ и гусемъ, и уткамъ, и курамъ, собакамъ, что какъ пригоже: и мукою посыпают и помывки судовые и горшечные и котелные и всякие ествы, и пригарины, — все животине копят, животина темъ сыта бываетъ; а и в деревни животине такой кормъ ссылают же.
58. НА ПОГРЕБЕХЪ И НА ЛЕДНИКЕХЪ, И В ЖИТНИЦАХЪ, И В СУШИЛЕХ, И В ОНБАРЕХЪ, В КОНЮШНЯХ ЧАСТО ГОСУДАРЮ СМОТРИТИ
всякого запасу, и всякой рухледи, и в конюшне, и хлебне, и в поварне, и в чьемъ приказе: или у ключника, или у повара, или у хлебъника, или у конюха — всего песмотрити самому, по тому чину устроено, какъ в сей памяти писано, и перепытати, колко чево есть и всему ли есть мера и счетъ, и писмо. Да все то сметити и згадати самому: и сколко чево зделано, и колко чево разошлося, и кому что отдано, — и все бы то умели сказать именно; иново вечера кълючника, иново вечера хлебника, иново вечера пивовара и конюха смотрити и сметити во всемъ, а ключнику туто же быти. И толко везде стройно по наказу все зблюдено, и счетъ сойдется, и устроено хорошо, и счетъ отдастъ подлинно и памятно и прямо — ино того за его службу жаловати; а кто небреженьемъ или истерялъ или испортилъ, или солгалъ, или покралъ — ино посмотря по вине наказывати и пеня чинити. А государю или государыне, или ключьнику, иля ключнице по вся дни, из утра вставъ, всего преже по всему двору у всехъ хоромовъ замковъ пересмотрити, а где есть печати — ино печатей, и по здорову — ино добро, а где худо замкнуто или замокъ испорченъ, или не замкнуто или печать испорчена, или худо запечатано — и в ту хоромину влезши, всего пересмотрити: толко тати были — ино знать, или свои крали, или небереженьемъ худо замкнуто, и о томъ, по вине смотря, и бранить и наказывать, и обыскивати, где хто начевалъ и што какъ деялося, и по тому управа чинити. А в вечере по тому же везде переходити и пересмотрити, и перенюхать, где огня бы не уронили на погребе и на леднике, и в вечере и утре смотрити гвоздье, крепко ли прибито, не поттекаетъ ли уторами и ладами, и дномъ, где не каплетъ ли и везде ли чисто и в росоле, и не заплесневело, и не згнилося, и покрыто, и перечищено, и перебрано. Толко все по здорову в такомъ береженье — ино добро, а што не по тому — ино по вине смотря, наказывать. А в поварнях и в хлебнях, и во всякихъ хоромехъ, и в конюшняхъ у всякой животины, и в сенникехъ, у мастеровъ и у мастерицъ, и у вучениковъ, и у торговцовъ, и у всяких своихъ прикащиковъ всегда всево пересматривати и пытати: толко все по наказу — ино добро, а не по тому — ино наказание, по вине смотря, по преже писанному; а за доброе устроение и брежение любити и жаловати, всячески доброму бы была честь, а худому гроза.
59. С СЛУГАМИ ГОСУДАРЮ СМЕТЯСЯ ВО ВСЕМЪ ПО ТОМУ ИХ ЖАЛОВАТИ
А которой служка в которомъ приказе береженъ и по наказу живетъ и в службе чисто ходит без хитрости, за посмехъ не отдастъ и сам не украдет, а везде ества и питие и всякая потреба: покрыто и не згнило, и не поплесневело, и прокисло, и везде подметено и вытерто и не намочено, и не налито, и не нагрязнено, и не насорено, и суды всякие чисты, перемыты, и устроено хорошо, и ества, остатки всякие, перебърано цело, — и впередь блюсьти про государя и про гость, а початое в росходъ давати и в столъ, кому что достойно и какъ ему велено от государя. И во всякой службе кто добро и бережно и бесхитросно служит и по приказу чинит, и того пожаловати и добрымъ словомъ привечати, и есьти и пити подати, и нужа его всякая исполнити, а чево безхитростно или недогаткою, или неразумиемъ не гораздо зделалъ или попортилъ што — и в томъ словомъ наказати передо всеми: все бы того береглися, и вины отдати; а в другие и в третие проступит или ленитца — и ино, по вине и по делу смотря, по разсужению наказати и побити: доброму бы была честь, а худому наказание — и всему тому наукъ. А государыня жонокъ и девакъ в своемъ обиходе тако же сзирает и смечаетъ, и наказуетъ такоже, какъ зде писано.
60. О ТОРГОВЫХ И О ЛАВОЧНЫХЪ ЛЮДЕХ, ПО ТОМУ ЖЕ СЧЕТЪ С НИМИ ЧАСТО ДЕРЖАТИ
росходе, и в купле, и в продаже: с темъ вечеръ, а с ынымъ иной вечеръ. А кто береженъ и памятенъ и радитъ о своем деле, и все в счете живетъ у него, и хитрости в немъ нетъ никоторые, и прибыточекъ от него есть, — и того примолвити и пожаловати ествою и питиемъ, и нужа его пополнити во всемъ, а за добро — промыслъ, на выимокъ своимъ платьемъ пожаловати. А кто безхитросно что учинит или ленивъ, или позно в лавку ходитъ или спитъ долго, или кто с товаромъ не ходитъ к гостем, или какое его небрежение и нерадение — ино его наказывали и бранити и, по вине смотря, такова ему и пеня учинити; а за добрую службу — техъ у себя за столъ сажати и от себя подавати и жаловати, и во всемъ их беречи. А во всякой службе и в домашнемъ обиходе и въ торговле кто ленивъ и сонълив, и крадливъ, и упьянчивъ, и наказание и побои неимутъ — и тово от дела отставити и по немъ работати. А кто глупъ и грубъ, и крадливъ, и ленивъ, и ни во что не пригодится, и наказание ни ударъ немет — ино накормивъ да зъ двора спустить: и иные, на токава дурака глядя, не испортятся!
Всякаму человеку домовитому доброму, у кого, Богъ послалъ, свое подворейце или деревеньку, или лавочку в торгу, или онбаръ, или домы каменые, или варницы, или мелницы — ино бы было по преже писаному всякой запасъ купленъ в пору, коли дешево, да везде на дворе всегды у собя смотрити, — или ключникъ, или кому приказано: или тынъ попортился, или городба в поле или в огороде, или ворота, или замки попортилися, или которой хоромины кровля гънила или обетшала, или жолобы засорилися, — все то смывати и мести, и жолобы вычищати и перекрывати и перекрепливати, кое поветшало или поломилося, или прокапало, или ветрамъ подрало, или в ызбе, или в которыхъ хоромехъ столъ, лавка или скамъя, или печь попортилася, или на погребе, или на леднике, или в мылне, или мостъ, — и где што ни будь попортилося: или порядня домовитая какая ни буди дворовая, или какая или поваренная, или конюшенная, или погребная, или всякое платно и сапогъ, — все бы было ветшаное поплачено, а порченое покреплено, а все бы было и твердо и крепко, и не згнило, и не накапало, и не нагрязнено, и не намочено, и в кровли, и в суши, и тому подворью и всякому обиходу домовному старости обетшания нетъ, всегды живет внове. А печи всегды посматривают внутри и на печи и по сторонамъ, и щели замазываютъ глиною, а подъ новымъ кирпичемъ поплатитъ, где выломалося; а на печи всегды бы было сметено, ино николи притчи от огня не сътрах, и спать на ней хорошо, или чево посушить; и у всякой бы печи над челомъ былъ искреникъ глинянъ или железенъ, и хоти и низокъ потолокъ, ино не страхъ огня. А всегды бы были всякие хоромы чисто метены и сухи, и не нагрязнены, и не засорены. А на дворе и перед вороты всегды после снегу згребено и свожено и сметено, а посьле дожжа грязь пригребена и ненадобное пристроено, и не насорено и не заволочено, а в сушу приметено, — ино всегды в подворье чисто и сухо и не нагрязнено. А метлы и лопаты и всякой запасъ и всякая порядня по двору бы не валялась, все бы было прибрано и припрятано, а на дворе и в огороде колодязь бы былъ, а нетъ колодезя — ино бы вода всегды была, а лете и по хоромомъ вода бы стояла, пожарные ради притчи. А коли избу или мылню топитъ, а вода бы напередь принесена, пожарные ради притчи.
62. КАКЪ ДВОРОВОЕ ТЯГЛО ПЛОТИТЬ[62] ИЛИ С ЛАВКИ ПОЗЕМ ИЛИ 3 ДЕРЕВНИ ПОДАТЬ, И ДОЛЖНИКОМЪ ДОЛГЪ ВСЯКОЙ ПЛАТИТЬ
вдругъ, а платити ранее до сроку: и ты без работы живешь, и от сроку и от поруки денекъ не даешъ, и поминковъ не носишь, и самъ не таскаешся. А кто на срокъ всякихъ оброковъ и всяких тяглей не платит, а от того откупается, и две дани будетъ — ино уже вдвое будетъ платить. И такъ нерассудные люди живутъ в роботе, и на правежи, и в долгу до коньца обнищает; а кто живет в росплате и в управе, и всякихъ податей за собою не клачиваетъ, и долгу на себе безлепичново не водит, и тот человекъ всегды без работы живетъ и свободенъ, и при животе добро, и по смерти детемъ поминокъ и наделокъ: дворъ со всемъ запасомъ или лавка с товаромъ, или деревня со всяким животомъ, толко ни в кабалах, ни в записехъ, ни в порукахъ, ни в какихъ тяглехъ, ни в каких податехъ не зорощено. А лучится кому денегь занять бескобально или в кобалу, или закъладъ, или без росту — ино бы на срокъ платитъ, ино и впередь добрые люди верят; а хто на срокъ не платитъ или росту напередь не уплачиваетъ, ино с убыткомъ и со студомъ платежь, и ;въпередь никто не веритъ.
63. УКАЗЪ КЛЮЧНИКУ, КАКЪ ДЕРЖАТЬ НА ПОГРЕБЕ ВСЯКОЙ ЗАПАСЪ ПРОСОЛНОЙ И В БОЧКАХЪ, И В КАДЕХЪ, И В МЕРНИКЕХЪ, И ВО ТЧАНЕХЪ, И В ВЕДЕРЦАХЪ МЯСО, РЫБА, КОПУСТА, ОГУРЦЫ, СЛИВЫ, ЛИМОНЫ, ИКРА, РЫЖИКИ, ГРУЗЬДИ
а плеснь всегды счищать и росоломъ дополнивати. А которой росолъ пахнетъ затхолы, и его сливать да свежимъ дополнивати, россоливъ. Да толко которой просолъ не в росоле стоитъ, ино верхней рядъ зниетъ, а не в береженье ино испортится: а то все в лете все засекати, а мясо по времени вывешивати, а и в рыбе только духъ появится, ино перемывъ вывешивать же. А которая рыба всякая и мясо солено на провесъ, и вывешивати под весну, и какъ выветрело, и есть поспело, ино от стропа збирати да переносити в сушило, да что пригоже, вешати, а иное в стопу класти; а рыба прутовая в рогожи вертетъ, а пласти по полице класти, а подпариваная в крошню, чтобы ветръ проходилъ: которая какъ пригоже, такъ дерьжати. А о всемъ о томъ, какъ беречи, в начале писано. А в житницах и в закромехъ, и в сушилех всякаго обилия пересматривати; притчею которою накапало или навяло, или сыро, или затлося, или поплесневело, или слеглося, ино то, рассыпавъ, на сонце пересушивати или в печехъ, а что попортилося, ино то напередь ести и в заимъ давати и милостыню и нужнымъ, а толко много, ино упродастъ: а которой свежей, сухой, в береженье стоитъ, ино то вдаль блюсти. А питье всякое, и меды, и пива, и морсы, и вишьни в патоке, и яблока, и груши в патоке и в квасу, и брусничная вода по тому же, кои бочки в леду засечены, и те держати вполне, а которое питье стоитъ не вполне, ино дополнивати и в леду засекати; а толко которое питье тронулося, окисло или поплесневело, ино то по малымъ судомъ растачивати, да то борзо изведет, а которое свежее — вдаль блюсти и вполне держати. И яблока, и груши, и вишни, и ягоды, — то бы было в росоле, а плеснь счищать и, подсытивъ, доливать и что как пригоже; а на леднике полное питье и еству к леду засекши держать, ино не портитца. А платье всякое и таваръ, которое в полатахъ и в клетехъ, и в онбарехъ, и в лавкахъ, и в сундукех, и в бочкахъ, и в коробьях, и верьхнее и нижьнее, и новое и ветчаное, дорогое и дешевое, и усчины и полотна, — того всего лете пересматривати розвешивати, и пересушивати, и перетрясывати, а которое попортилося, того починить, и нового, и ветчаного, и опять по старому хорошо укъладывати, и держать то в суше и в покрыте, и за замкомъ. А сено толко накапало или навьяло, или сыро, или слеглося, или затхлося, ино его в ведреной день в солнечной и на ветръ выносить ис сенницы да просушить и перетрясть, да и опять в сенницу скласть; а в стогу толко слеглося или затхлося, по тому же розослать и перетрясть, и просушить, и опять хорошенько сметать, да толко таково ино продастъ или лошедми кармить, да то изводит кое попортилося, а много — ино продастъ, а кое доброе, ино дале блюсть, и в суше покласть и сенницы укрыти.
64. ПОСЛАНИЕ И НАКАЗАНИЕ ОТО ОТЦА К СЫНУ
Господнихъ, и състраху Божию и божественому писанию изучену, и всякому закону християньскому, и промыслу доброму, во всякихъ торговлехъ и во всяких товарехъ наказану; и святительское благословение на себе имеешь, и царское государево жалование и государыни царицы, и братии его, и всехъ боляръ, и з добрыми людми водишися, и со многими иноземцы великая торговля и дружба есть все еси доброе получилъ и умеи еси совершити о Бозе. Якоже начато при нашемъ попечении, и по насъ тако же бы Богь соблюлъ по тому жити. И законному браку сочтах тебе у добру родителю благодарную дщерь, и благословилъ есми тобя всякою святынею и честными кресты, и святыми образы, и благословеннымъ стяжанием, яко же, мню, от праведныхъ трудовъ, а в неведании Богъ правитель. И ныне убо, сыну Анфимъ, предаю тебе и поручаю, и оставляю создатели нашему доброму, блюстителю Исусу Христу и его матери, пречистыя Богородица, и заступнице нашей, помощнице, и всемъ святымъ, яко же рече Писание: «Подщися дети оставити наказаны в заповедехъ Господнихъ — лучше неправеднаго богатества: аще и в праведнемъ убожестве, неже бы въ неправеднем богатестве». И ты, чадо, блюдися неправеднаго имения, а твори добрая дела, имей, чада, великую веру к Богу, все упование возлогай на Господа: никъто же, надеяся на Христа, не погибнетъ! Прибегай всегды с верою ко святымъ Божиимъ церквамъ, заутрени не просыпай, обедни не прогуливай, вечерни не погреши и не пропивай павечерница и полунощница и часы в дому своемъ всегды по вся дни пети: то всякому християнину Божии долгъ. Аще возможно, по времени прибавишь правила, на твоемъ произволении, болшую милость от Бога обрящеши, а в церкви Божии и дому на правиле и на всяком молении и самъ, и жену, и детей, и домочатцовъ стояти, со страхомъ Богови молититися и со вниманиемъ слушати, отнюдъ в те поры ни о чемъ не беседовати, ни обзиратися, разве ли кия нужда, а говорити правило келейное и церковное единогласно, чисто, а не вдвое; священнический чинъ и иноческий почитай: те бо суть Божии слуги, теми очищаемъся от греховъ, те имеют дерзновение молитися Господу о гресехъ нашихъ и Бога милостива сотворятъ. Повинуйся, чадо, отцу духовному и всякому священническому чину во всякомъ духовномъ наказании, а жена тако же; в домъ свой их призывай молитися о здравии за царя и государя и за царицу и чада ихъ, и за братию его, и за сьвещеннический чинъ и мнишеский, и за вся християне. И о своемъ согрешении и о своихъ домочадцевъ молебная совершай; и воду бы святили з животворящаго креста и со святыхъ мощей, и с чудотворныхъ образовъ. Аще болезьни ради за здрави и масломъ свящаютъ и в церквах Божиих — тако же твори: приходи с милостынею и с приношениемъ за здравие и по родителехъ преставльшихъся память твори со всякою чистотою, и самъ воспомяновенъ будеши от Бога. Церковников и нищих, и маломожныхъ, и бедных, и скорбныхъ, и странных пришелцовъ призывай в домъ свой и по силе накорми и напои и согрей, и милостыню давай от своихъ праведныхъ трудовъ и в дому и в торгу и на пути тою бо очищаются греси: те бо ходатаи Богу о гресехъ нашихъ. Имей, чада, истинную правду и любовь нелицемерную ко всемъ, не осужай никого ни в чемъ, свои грехи рассужай, како избыти ихъ; чево самъ не любишъ, того и другу не твори, и храни чистоту телесную паче всего, да наступи на совесть свою, яко же на лютаго врага и возненавиди, яко же милаго душетленнаго дъруга; хмелново пития, Господа ради, отверзи от себе, пияньство в семъ убо недуге, и вся злая ражаются обычаи от него. Аще от сего сохранитъ тя Господь, вся благая и полезная от Бога получиши, и от человекъ чесьтенъ будеши, и души своей просветъ сотвориши на вся добрая дела. Воспомяни, чада, апостольское слово: «Не прельщайтеся — ни пьяница, ни блудникъ, ни прелюбодей,[63] ни содомленинъ, ни тать, ни разбойникъ, ни клеветникъ, ни хищникъ царствия Божия не наследятъ!» Аще которою страстию победился еси, чадо, или в которое грехопадение впал, о семъ прибегни к Богу с теплою верою и ко отцу духовному з горкими слезами и плачися о гресех своихъ, и кайся истинне, еже таковая не творити, и заповедъ отца духовънаго храни и епитемью держи: милостивъ Господь праведныхъ любитъ, грешныхъ милуетъ, всехъ зовет ко спасению, и паки храни и блюди себе в християньскомъ жити праведномъ законе, удержи языкъ свои от зла и устне свои, еже не глаголати льсти, храни себе ото лжа и от похвалы, и от клеветы, и самъ ни в чемъ не величайся: уничижи себе паче всехъ человекъ — узриши славу Божию. И всякого, чадо, не презри, во всякой нужи памятуй, чадо, како мы жихомъ векъ, никто же изыде от дому нашего тощь или скорбенъ, по силе вся потребная всякому человеку Бога ради давано и скорбново словомъ ползовано. Аще кому в чемъ возможно, и мы помогали Бога ради, и ссужали всячески, а намъ невидимо Христосъ изобилно посылалъ милость свою, всяких благихъ. А не помыслихомъ никогда на зло никому, разьве недоразумия, а без лукавства. Чадо, люби мнишеский чинъ, и страннии пришелцы всегда бы в дому твоемъ питалися, и в монастыри с милостынею и с кормлею приходи и в темницахъ и убогихъ и больныхъ посещай и милостыню по силе давай. А домочадцовъ своихъ одевай и корми доволно, а жену свою люби и в законе живи по заповеди Господни: в неделю и в среду, и в пяток, и в праздники Господни и Великий постъ в чистоте пребывайте, в посте и молитве, и в покаянии и во всяких добродетелех, законъное жительство в славу Богу и в жизнь вечную, а любодеемъ и прелюбодеемъ судитъ Богъ. Да самъ, чадо, что твориши, того жену учи, всякому страху Божию и всякому вежьству и промыслу, и рукоделью, и всякому рукоделью и домашнему обиходу, и всякой порядне: умела бы сама и печи, и варити, и всякую домашнюю порядню умела, и всякое женьское рукоделье знала — коли сама все знаетъ и умеет, ино умеетъ и детей и слуг всему научити и наряжати, и наказати во всемъ. И сама бы хмелново питья отнюд не любила, и дети и слуги у ней того не любили же, а всегда бы жена без рукоделия сама ни на часъ не была, разве немощи, а слуги у ней тако же. А в гостех будет или у ней гости, отнюд бы сама пьяна не была, а з гостьями беседа бы была о рукодельи и о домашней порядне, и о законномъ християньскомъ житии, а не пересмеивайся и не переговаривала бы ни о комъ ничево; в гостехъ и в дому песней бесовскихъ и всякого срамословия и блядивых речей и блудных пословицъ сама и слуги не говорила и не творила бы, того ни у кого бы не слушала, и волъхвовъ, и кудесниковъ, и всякого чарования не знала бы и в домы не пущали ни мужиковъ, ни женокъ. Аще не внимает сего, всячески наказуй страхомъ и спасая, а не гневайся на жену, а жена на тебе. Наказуй наедине, да наказавъ примолви и жалуй и люби ея, тако же и детей и домочатцовъ своихъ учи страху Божию и всякимъ добрымъ деломъ, понеже тебе о нихъ ответь дати въ день Страшного суда. Аще по нашему наказанию и по сему писанию учнете жити, велию благодать от Бога обрящете и жизнь вечную наследите и з домочатцы своими.
Да держися, чадо, добрыхъ людей во всяких чинехъ, и ревнуй добрымъ делом, вънимай словеса добрые и твори я. Почитай часто божестьвеное писание и влагай въ сердце себе на ползу. Виделъ еси, чадо, како в житии семъ жихом во всякомъ благоговении и сътрасе Божии и в простоте сердца и церковномъ прилежании со сътрахомъ, и божественнымъ писаниемъ ползуючися всегда, и како были Божиею милостию от всехъ почитаемъ и всеми любимъ и всякому и в потребныхъ уноровилъ и рукоделиемъ и службою и покорениемъ, а не гордынею, ни прекословиемъ не осужахъ никого, не просмеивалъ, ни укаривалъ никого, ни бранивался ни с кемъ, и пришла от кого обида, и мы Бога ради терьпели и на себя вину полагали, и темъ враги други быша. И аще которою виною душевною или телесною согрешихъ пред Богомъ и предо всеми человеки, и вскорь о томъ плакахся к Богу греха своего, и у отца своего духовнаго каяхся со слезами и умилне прощения прося, и заповеди его духовныя с любовию храняхъ, яко же повелитъ ми. И аще кто мя въ моемъ прегрешении или въ какове невежьстве обличитъ, или кто духовне накажетъ или кто в посмехъ поноситъ мя и укоряетъ, — вся сия с любовию приимах и себе внимах, аще по делом о всемъ о семъ каяхся и от таковых делъ удаляхся Богу поспешествующу ми. Аще что и не повинно и не по делу молва или поношение, или посмехъ каковъ или укоризна, или ударение, — во всемъ в томъ винихся и не оправдахъся пред человеки, Богь сие праведнымъ своимъ милосердиемъ исправит. Воспоминахъ Еуаггельское слово: «Любите враги ваша,[64] добро творите ненавидящимъ васъ, благословите кленущая вы, молите за творящая вамъ пакости, изгонящая вы, биющему тя в ланиту обрати ему и другую и от взимающаго ти ризу и срачицу не возбрани, и всякому просящему у тебе дай, от взимающаго твое не истязуй, аще кто тя поиметъ поприще едино — иди с нимъ и две», и паки еще воспоминая причастную молитву: «Господи, даждь ми милость ненавидящимъ мя и враждующимъ ми и поношающимъ ми, такоже и оклеветающимъ мя, да никто же никако же от нихъ мене ради, нечистаго и грешнаго, зло некако постражетъ ни в нынешнемъ, ни в будущемъ веце, но очисти ихъ милостию своею и покрый ихъ благодатию своею, благий!» Темъ всегда утешал себе, не погрешихъ никогда же церковнаго пения от юности своея и до сего въремени, кроме немощи; ни нища, ни странна, ни убога, ни скорбна, ни печална никогда же презрехъ, кроме невидения, и в темницы болна и пьленена, и из работы должьна, и во всякихъ нужах по силе окупихъ, и гладных по силе кормих, работныхъ своих всехъ свободихъ и наделихъ и, ины окупихъ из работы и на свободу попущахъ, и все те роботые наши свободны, и добрыми домами живутъ, яко же видиши, и молят за ны Бога и доброхотают намъ всегда. А кто забылъ насъ — Богъ его проститъ во всемъ. А ныне домочадцы наши все свободны живутъ у нас по своей воли, виделъ еси, чадо мое, многихъ пустошныхъ, сиротъ и работныхъ, и убогихъ, мужеска полу и женьска, и в Новегороде и зде, на Москве, вскормихъ и вспоих до совершена возраста, изучихъ, хто чево достоинъ, многихъ грамоте и писати и пети, иныхъ иконного писма, инехъ книжного рукоделия, овехъ серебреново мастерства, и иныхъ всякихъ многихъ рукоделей, а иныхъ всякими многими торговли изучих торговать. А мати твоя многие девицы и вдовы пусътошные и убогие воспитала в добре наказании, изучила рукоделию и всякому домашнему обиходу и, наделивъ, замужь давала, а мужеский полъ поженили у добрыхъ людей, и все те, далъ Бог, свободны, своими добрымъ домами живутъ, многи во свещенническомъ и во дьяконьскомъ чину, и в дьяцехъ, и в подьячихъ, и во всякихъ чинехъ: кто чево дородился и в чемъ кому благоволилъ Богь быти — овии рукодельничают всякими промыслы, а многия торгуютъ в лавках, мнози и гоздьбы деют в различныхъ земляхъ всяки торговлями. А Божиею милостию во всехъ техъ наших скормленикехъ и послуживцех ни соромота, ни убытокъ, никакая продажа от людей, ни людемъ от насъ, ни тяжа ни с кемъ не бывала: во всемъ Богь соблюлъ по ся места. А от кого намъ, от своих скормлениковъ, досада и убытъки многи и велики бывали, ино то все на себе понесено, нихто того не слыхалъ, а намъ то Бог исполнилъ. И ты, чадо, тому же ревнуй и тако твори: на себе всякую обиду понеси и претерпи, Богъ сугубо исполнитъ. Не познахъ другия жены, разве матери твоея; еже с нею обещахове, то и сотворих. О Бозе, соверши, Христе, християньски сконьчати животъ свой в заповедехъ твоихъ! Живи, чадо, по християнскому закону во всякихъ обычаехъ без лукавства и безо всякия хитрости ко всемъ, а не всякому духу веруй, доброму ревнуй, лукавыхъ и законопреступных во всякихъ обычаех отнюдъ не люби. А законной бракъ со всякимъ опасениемъ храни до коньчины живота своего, чистоту телесную храни, кроме жены своей не знай никого, и пьяньственаго недуга такоже берегися: в дву сихъ главизнах вся злая сводятся, до ада преисподняго: и домъ пустъ — имению тщета, и от Бога не помилованъ будетъ, и от людей безчестенъ и посмеянъ, и укоренъ, и от родителю прокълятъ. Аще, чадо, тебя от сего зъла Господь сохранит, законъ сохраниши по заповеди Господни, и от хмелного питья воздержися, и во всяких добродетелех поживеши, яко же есть богобоязнивии люди, и ты от Бога помилованъ будеши, а от людей честенъ. И исполнит Господь домъ твой всякою благодатию. И еще воспомянути: гостей приезжихъ у себя корми, а на суседстве и з знаемыми любовно живи, о хлебе и о соли и о доброй зделке и о всякой ссуде. А поедешь куды в гости — поминки не дороги, вози за любовь, а в пути от стола есть подавай домовнымъ государем и приходящимъ, и ихъ с собою сажай за столъ и питейца такоже подавай. А маломожнымъ милостыню давай. Аще сия твориши, то везде тебя ждутъ и стречаютъ, а в путь провожаютъ — от всякого лиха берегутъ: на стану не покрадутъ, а на дороге не розобьютъ, того ради кормят добраго до добро, а лихова от лиха, тот ся на добро обратит, во всемъ в томъ убытка нетъ в добрых людехъ. Хлебъ соль — заемное дело, а поминъки такоже, а дружба въ векъ, а слава добрая. А на дороге и в пиру и в торговле отнюдъ самъ брани не зачни, а кто излает — терпи Бога ради, а от брани уклонися: добродетель злобу преодолеваетъ. Господь бо гордымъ противится,[65] смирена Богъ любит, а покореному Богъ благодать даетъ. Аще людемъ твоимъ лучитца с кемъ брань где ни будь, и ты на своихъ брани, а кручиновато дело — и ты и ударь, хоти и твой правъ: темъ брань утолиши, такоже убытокъ и вражда не будетъ. Да еще недруга напоити и накормити хлебомъ да солью, ино вместо вражды дружба. Воспоминай, сыну, великое Божие милосердие к намъ и заступление от юности и до сего времени. На поруку не давалъ никого, ни меня не давывалъ никто во всякихъ вещех, и на суде не бывалъ ни с кемъ, ни искивалъ, ни отвечивалъ. А виделъ еси сам, в рукодеяхъ и во многих бо всякихъ вещех мастеровъ всякихъ было много: иконники, книжные писцы, серебреные мастеры, кузнецы и плотники и каменыцики, и всякие и кирпищики, и стеньщики, и всякие рукоделники; денги имъ даваны на рукоделье напередь по рублю и по два, и по три, и по пети, и по десяти, и болши; а многи были чмуты и бражники, и со всеми теми мастеры в сорокъ летъ, далъ Богъ, разлезенося без остуды и бес пристава и безо всякия кручины, все то мирено хлебомъ да солью, да питьеме, да подачею и всякою добродетелью, да своимъ терпениемъ. А самъ у кого што купливалъ, ино ему от мене милая розласка, без волокиды платежь, да еще хлебъ да соль сверхъ, ино дружба в векъ, ино всегда мимо мене не продастъ и худого товару не дастъ, и у всего не доимет. А кому што продавывалъ, все в любовь, а не в оманъ; не полюбит хто моего товару, и азъ назадъ возму, а денги отдам. А у купли и о продажи ни с кемъ брань и тяжба не бывала, ино добрые люди во всемъ верили, и зде, и иноземцы — никому ни в чемъ не сьлыгивано, не манено, ни пересрочено, ни в рукодельи, ни в торговли, ни кабалы, ни записи на себя ни в чемъ не давывалъ, а ложь никому ни в чемъ не бывала. А виделъ еси самъ, какие великие сплетъки со многими людьми были, да все, далъ Богъ, безъ вражды коньчалося. А ведаешъ и самъ, что не богатествомъ жито з добрыми людми, правдою да ласкою, да любовию, а не гордостию, и безо всякия лжи. Чадо мое любимое, Анфимъ, еже тя поучахъ и всячески наказывахъ о всякомъ добродетелномъ и богодухновенномъ житии, и грубое сие писание худаго моего учения предахъ ти, молю тя, чадо, Господа ради и пречистой Богородицы и великихъ чюдотворьцевъ, почитай себе с любовию и со вниманиемъ и напиши на сердцы своемъ и, прося у Бога милости и помощи, и разума, и крепости, и вся предиреченная с любовию и деломъ, тако же по сему писанию и жену поучай и наказуй, такоже и детей своихъ и домочадцовъ всехъ учи страху Божию и добродетелному житию. И аще самъ вся сия твориши, и жену и детей, и рабъ, и рабынь, и всехъ ближнихъ своихъ и знаемыхъ научиши, и домъ свой добре устроиши, вся благая от Бога обрящеши, и жизнь вечную наследиши со всеми одержимыми тобою. Аще, сыну, моего моления и поучения не внемлеши, и по сему писанию не учнеши жити, яко же и прочии добрые люди и боязнивии мужие, и отца духовнаго заповеди не учнешъ хранити и от богодухновенныхъ мужей не пользуешися поучениемъ и почитанием святаго Писания и християньскаго праведнаго закона не храниши, и о домочатцехъ своих не радиши, и язъ твоему греху не причастенъ, самъ о себе и о домочатцехъ своих и о жене ответъ даси в день Страшнаго суда. Аще, чадо мое, возлюбленное, и малые сия заповеди худаго моего учения сохраниши, и по нашему пути поидеши, и словесъ моихъ послушаеши, и деломъ творити начнеши, и будеши сынъ свету и наследникъ небесному царствию, и будетъ на тебе милость Божия и пречистыя Богородицы и заступницы нашея, и великихъ чюдотворьцевъ Николы, Петра,[66] Алексея и Сергия, и Никона, и Кирила и Варлама, и Александра, и всехъ святыхъ, и родительская молитва, и мое вечное на тебе благословение отныне и до века, и благословляю тебя, чада своего, и прощаю в семъ и в будущемъ и буди на тебе милость Божия, и на жене твоей и на чадехъ твоихъ, и на всехъ вашихъ доброхотавъ отныне и до века.
Чадо мое единородное и любимое, Анфимъ, произволилъ Богъ и благочестивый и православный царь государь, велелъ послужити тебе в своей царской казне у таможенныхъ делъ, и ныне молю тя, чадо, и со слезами глаголю: «Господи ради памятуй царское наказание, прося у Бога помощи и разума от всея душа и от всего помышления, служи верою да правдою безо всякия хитрости и безо всякаго лукавства во всемъ государьскомъ; другу не дружи, недругу не мсти, и волокида бы людемъ ни въ чемъ не была, всякого отделай с любовию без брани; а не поспеется, и ты добрым словомъ отвещай и, присрочивъ, не изволоча отпусти; а въ торговли прямую розласъку чини, душевредная бы тъвоя служба не была государю ни в чемъ, а самъ благословленымъ государьскимъ урокомъ сыт буди, и все бы у тебя государьское было всегда въ счете и в смете, и в писме, и приходъ, и расходъ, и к казначеемъ буди послушенъ, а с товарищами советенъ, а к подьячимъ и мастеромъ и к сторожемъ грозенъ и любовенъ, и ко всякимъ людемъ приветенъ; а победныхъ и скорбныхъ, и нужных, и полонениковъ отнюдъ без волокиды управъ и от собя по силе накорми и напои, и милостыню дай, по человеку смотря; а случится судъ, всякаму человеку, богату и убогу, другу и недругу, аще свое дело истинно и праведно, без волокиды и безо всякия хитрости соверши, по Еуаггельскому словеси: «Не на лица судите, сынове человечестии,[67] но праведенъ судъ судите: имъ же судите судомъ, судится вамъ, и в ню же меру мерите, возмерится».
— Троица у русских, согласно Никейскому собору — равенство Бога (Отца), Иисуса (Сына) и Духа Святого. Далее в тексте Домостроя встречаются обычные рассуждения об «образе и подобии» человека божеской сущности, что также важно в плане осмысления ранга Сына: сын подобен Отцу (ὁμοιούσιος), как полагали ариане, или единосущен (ὁμοούσιος), как признали иерархи церкви на Никейском соборе в 325 г. В сущности, весь текст Домостроя обсуждает эту богословскую проблему на мирском уровне, далеком от философских споров средневековья, а сама проблема чрезвычайно важна как теоретически идеальная схема, которая накладывается на взаимоотношения отца и сына в быту — сын во всем должен быть подобен своему отцу в жизни.
[2] Подобает убо всякому християнину ведати... — Первые главы Домостроя (см. главы 2—5 и 7) содержат выписки из «Стословца» Геннадия, патриарха Константинопольского (в греческом оригинале — сто стихотворных строк). В свою очередь и зти стихи основаны на цитатах из учительных «слов» Иоанна Златоуста. Первые стихи излагают христианский «Символ веры», и сравнение с древнейшим славянским переводом этого греческого текста в Изборнике 1076 года помогает понять, насколько «бытовое христианство» Руси в XVI в. отошло уже от исходных позиций христианской веры (ср. соответствующие места по изданию: Изборник 1076 года. М., 1964, с. 207—209, 237—239, 214, 271—273, 241—244, 257—260, 266—267).
[3] ... дора и просфира... — Просвира — белый круглый хлебец из крутого теста, употребляется в православном богослужении; дора, точнее, антидор — часть просвиры.
[4] ... с кутьею... с кануномъ... — Кутья и канун — кушанья при поминовении умерших, особым образом приготовленные из круп.
«В чемъ тя застану, в томъ и сужу»... — Распространенный в древнерусской литературе перифраз, составленный на основе многих текстов Писания, прежде всего — книг пророков и евангельской притчи о неправедном домоправителе: судить человека станет Бог по делам его.
[6] ...«Вся владычество от Бога учинена суть»... — Рим. 13, 1: «Ибо нет власти не от Бога, всякая власть установлена Богом».
[7] ... всякому созданию Божию не лихъ буди... — Подборка выражений из различных новозаветных текстов в сочетании с традиционными формулами древнеславянской книжности, ср.: 1 Кор. 4, 12—ІЗ и др.
[8] «Егда нечто имать братъ твой на тя...» — Краткое переложение («напоминание») из Евангелия: «Если ты принесешь дар твой к жертвеннику и там вспомнишь, что брат твой имеет что-нибудь против тебя, оставь там дар твой пред жертвенником и прежде пойди помирись с братом твоим, а потом вернись и принеси дар твой» (Мф. 5, 23—24).
«Лучше не грабити, неже милостыни даяти». — Лк. 11, 41: «Подавайте лучше милостыню из того, что у вас есть: тогда все будет в вас чисто».
— Испорченный текст с неясным пропуском.
[11] Егда званъ будеши кимъ на бракъ... — Притча из Евангелия от Луки (14, 8—11) приводится по древнеславянскому переводу, в котором слово брак значит «пир»; здесь же добавления и комментарии, заимствованные из «Слов» Иоанна Златоуста по Измарагду, своего рода «преддомострой».
[12] ... яко всякъ возносяйся смирится, а смиряйся вознесется. — Перифраз многих выражений Писания, ср.: «низложил сильных с престолов и вознес смиренных» (Лк. 1, 52) и т. д.
— Напоминание о библейских текстах, говорящих о неизбежности наказания идолопоклонникам: «... народ сел есть и пить и стал играть. Не станем блудодействовать, как некоторые из них блудодействовали, так что в один день погибло их двадцать три тысячи» (1 Кор. 10, 78).
[14] ... заутреня и часы... — Имеются в виду разные формы и время церковного богослужения.
— Далее следует развернутая. цитата из 1-го послания апостола Павла коринфянам (6, 9—10).
[16] ... извещатися всегда во всякой совести... — Это место и другие употребления слова «совесть» (о душевных совестех и т. п.) некоторые исследователи считают ошибочным написанием вместо слова советех, однако именно таково значение этой древней славянской кальки с греческого слова συνειδος; «совесть» в Домострое понимается еще просто как совместное «сознание», ср. ниже уточнения к смыслу термина, как бы его раскрытие: «извещатися о гресехъ своихъ всегда», «и советовати с нимъ часто о житии полезномъ» и т. д.
— Вся 15-я глава представляет собою переложение, с точными из нее выписками, 53-й главы Измарагда «Слово о притчи и о наказании детей родителемъ» (во второй редакции это глава 17) (см. наст. т.), в основе которой также лежат «Слова» Иоанна Златоуста («Слово на пяток 5-ой недели после всехъ святых» и т. п.).
[18] Наказуй дети во юности... — Смягченная форма первоначального текста, также восходящего к поучениям Иоанна Златоуста; ее первоначальный вид сохранился в начале главы 17: «Казни сына своего отъ юности его...»
[19] ... не смейся к нему, игры творя... — Призыв избегать веселья и смеха во время игры с маленькими детьми отражает средневековые представления о смехе как о греховном деле, искажающем реальные отношения в миру, — сатанинская сила, связываемая с язычеством.
— Вся 18-я глава представляет собою переработку соответствующей главы из Измарагда.
— «Гражданское», т. е. нецерковное, наказание смертной казнью — в отличие от «торговой казни», т. е. наказании плетьми у позорного столба на рыночной площади.
[22] «Возмется нечестивый, да не видит славы Господня». – Краткое напоминание о библейском тексте: «Если нечестивый будет помилован, то не научится он правде, - будет злодействовать в земле правых, и не будет взирать на величие Господа» (Ис. 26, 10).
[23] ... всякие кощуны и сквернословие... — В других местах Домостроя представлена более строгая дифференциация: срамословие и сквернословие, которые различались в отношении к объектам порицания. Кощуны — срамословие над святыней, над общепринятым, над нравственностью, пустой смех и издевка; сквернослоеие — ругань и брань. О «скверноглаголании», противопоставленном кощунствам, говорил в начале XVIII в. еще Иван Посошков, по-прежнему различая оскорбление Бога (христианский мотив) или оскорбление тем же словом человека (древний языческий мотив).
[24] Похвала женамъ. — Следует текст «Слова» Иоанна Златоуста «О добрых женах», во всей сложности его языка и символики; в данном случае «Слово» заимствовано из Измарагда, однако и оно, и его непосредственный первоисточник (Притчи Соломоновы, 30, 1—31) были широко известны и часто использовались в древнерусских компиляциях.
— С комментарием и некоторыми текстовыми добавлениями излагается «Слово» Иоанна Златоуста «Како имети челядь» по тексту Измарагда. В этой и последующих главках использованы и другие «Слова» Иоанна Златоуста (напр., его «Слово о посте»), извлеченные из Златой Чепи или из того же Измарагда: «Аще кто слуг держит», «Каковы люди держати и како о них промышляти» и пр. — ничего специфически «русского» в этих наставлениях нет.
[26] ... всякие богомерзские дела... — Следует подборка цитат из главного источника Домостроя — «Слов» Иоанна Златоуста, находящихся в составе Измарагда.
[27] ... к сему ж чарование и волхвование, и наузы... — Перечисляются осуждаемые церковью астрологические и магические книги, с XV в. распространяемые «еретиками»: наузы — гадальные книги (в древнерусском языке это слово обозначало также и колдуна, и защищающий от нечистой силы амулет); звездочетье — астрология; рафли — книга истолкования сновидений и примет; алнамахи — также астрологические книги («альманахи»); воронограй — гадание по крикам ворона; шестокрылъ — таблицы для гадания по знакам зодиака и по звездам; усовники — лечебные книги с рекомендациями против болезней с внутренним воспалением (усовье — колотье тела); дна — также болезни внутренних органов; затем перечисляются и некоторые магические средства: волшебные кости и камни, особенно стрелки громные и топорики — сплавленный молнией песок или камень метеоритного происхождения, с которых «сливали лечебную воду» для магических обрядов; чарование, волхвование, чернокнижие и т. д. — разные именования магических манипуляций на основании всех указанных орудий и источников.
[28] ... якоже чадолюбивый отецъ скорбьми спасаетъ... — Следует большой фрагмент из «Слова» Иоанна Златоуста по Измарагду; ставшее общим местом средневековой литературы перечисление Божьих наказаний («гнев Господень») за грешную жизнь и в случае неповиновения своим источником имеет послания апостолов.
— В книге Иова рассказывается о многочисленных и страшных наказаниях праведника Иова, которого Бог испытывал в его верности себе.
— «Тайным удом отгнитие» — новое добавление к перечням бед, которое стало возможно в Новгороде: именно там с 1499 г. впервые появляются сообщения о болезни («а словет францозска») — сифилисе, незадолго перед тем завезенном в Европу.
[31] ...«Многими скорбми подобаетъ намъ внити в царство небесное»... — Перифраз высказывания из Деяний апостолов (14, 22).
[32] ...«Уский и прискорбный путь...» — Краткое изложение евангельской мысли: «Входите тесными вратами, потому что широки врата и пространен путь, ведущие в погибель... потому что тесны врата и узок путь, ведущие в жизнь...» (Мф. 7, 14).
«Нужно есть царство небесное...» — Краткое изложение мысли, несколько раз повторенной в Евангелии: как трудно имеющим богатство войти в царство Божие (Мр. 10, 23—25).
[34] Межъситки — крупяные высевки, оставшиеся после провеивания крупы.
— Скоромной считалась пища, дозволенная в мясоед и в мясопустье, т. е. мясо, молоко, масло, яйца и т. д., в противоположность постной (нежирной) пище; по свидетельству иностранцев, посетивших Россию в XVI—XVII вв., скоромные дни составляли менее третьей части года.
[36] ... обресъки камчатые и тафтяные... — Тонкие шелковые ткани, но тафта — гладкая, а камка — узорная ткань.
— Перечисляются различные предметы домашнего обихода и одежды: сагадакъ — саадак, т. е. расшитый чехол для лука и стрел.
[38] терликъ — узкий нижний кафтан.
[39] кортель — женская нарядная одежда на меху.
— теплая меховая шапка с круглым верхом.
— ногавицы, нижнее белье.
[42] опашень зуфрян — верхняя длинная одежда со столь же длинными рукавами из шерстяной ткани.
[43] ... саженье или мониста... — Женские украшения из драгоценных камней или самоцветов, а также жемчуга; саженье — головное украшение, «нанизанное каменьями».
[44] ... у избы или у кельи... — В древнерусском быту так назывались разные типы жилых летних построек, не обязательно сельских или монастырских; различались разным числом комнат.
— Т. е. не произнесут заключительного к молитве слова «аминь», указывающего на то, что молитва услышана и можно приступить к делу.
[46] ...«В мале бе веренъ...» — Слова господина к верному рабу, известные из евангельских текстов: «... в малом ты был верен, над многими тебя поставлю» (Мф. 25, 21).
[47] Мерники — сосуды для измерения объема жидкостей.
[48] ... кислыхъ штей... — Кислые щи как разновидность кваса, который готовили из пшеничной и гречневой муки и ячменного солода путем брожения сусла; от обычного кваса отличались сильным кислым вкусом и были газированы; использовались как напиток, для маринада и для приготовления холодных супов.
— рассолом, специально готовившимся для сохранения говядины или рыбы.
— изделия из пресного пшеничного теста в виде ушек с начинкой из грибов или сорочинского пшена (риса); жарили и подавали с крошевом из кислицы или щавеля.
[51] Прутовая рыба — солено-сушеная рыба, которая хранилась в связках-«прутах», а не в кулях, как обычно.
[52] Хохолковые, хохолъ, хохлики — народное название мелкого ерша, из которого готовилась особенно вкусная уха.
— общее название некоторых крупяных продуктов, получаемых из остролистых растений, например, — просо.
[54] Левашники — пирожки из пресного сдобного теста (в пост — на растительном масле) с начинкой из протертой фруктовой массы или варенья.
— Борщевник — крупное, с опушенными стеблями, многолетнее травянистое растение из семейства зонтичных (Heracleum), молодые листья и побеги которого употребляли в пищу; это и есть исконно славянское блюдо «борщ».
[56] Арака — водка из ячменя или пшеницы.
— специальные чаны для приготовления напитков, в том числе и вина.
[58] Хлебъ решетной — т. е. из муки, просеянной через решето, очень мелкой.
[59] Сущь — сущик, т. е. сушеная мелкая рыба, в том числе и снеток.
— Крошнями назывались плетенные из прутьев короба, предназначенные для хранения продуктов питания.
— Следует перечень некоторых видов верхней одежды, конской сбруи и т. д.: епанча — накидка, широкий плащ, длинное верхнее платье без рукавов; кебеняк — верхняя мужская одежда для ненастной погоды; медведно — выделанные медвежьи шкуры, служащие полстью в санях и коврами в доме; морхи — кисти на переносье у лошади, часть сбруи; лысина — конский налобник; похва — подхвостник у лошади, также часть сбруи; мехи дымчатые — мешки, сшитые из мягких, выделанных на пару или в дыме шкур; одръ — рабочая повозка со скамьями; коптана — вид кареты; калымага — закрытый возок шатрового типа с кожаными шторами; высытки — сосуды, в которых взваривают, «сытят», меды; уторы — нарезка на клепках деревянной посуды для вставления дна.
[62] Какъ дворовое тягло плотить... — Перечисляются различные повинности, уплачиваемые с городского двора (тягло), с купеческого места на торгу (позем) и с сельского имения (подать).
[63] «... не прельщайтеся — ни пьяница, ни блудникъ, ни прелюбодей...» — 1 Кор. 6, 9.
[64] «Любите враги ваша...» — Следует свободная по композиции подборка из нескольких евангельских стихов, но не в точной цитате (Мф. 5, 39 и 44; Лк. 6, 27—30 и 35).
— Слова из посланий апостолов Иакова (4, 6) и Петра (Первое послание, 5, 5).
[66] ... и великихъ чюдотворьцевъ Николы, Петра... — Перечисляются принятые в церковной традиции «покровители» Руси и царствующего града Москвы: святые Николай Мирликийский, московские митрополиты Петр и Алексий, также Сергий Радонежский и другие игумены главных русских монастырей — Кирилл Белозерский, Варлаам Хутынский (новгородский святой), Александр Невский
[67] ...«Не на лица судите, сынове человечестии...» — Каки обычно у Сильвестра, представлена сложная амальгама расхожих евангельских текстов, составленная, в частности, из отрывков: Иоан. (7, 24) и Мф. (7, 2) и др.