Поиск по материалам сайта
Cлово "DEI"

1. Независимый летописный свод 80-х гг. XV в. (оригинал)

Входимость: 1. Размер: 108кб.

1. Независимый летописный свод 80-х гг. XV в. (оригинал)

Входимость: 1. Размер: 108кб.

Часть текста: гг. XV в. Въ лета 6923 <...>. Того же лета, июня въ 7, въ 4 час дни, тма бысть по всей земли, и солнце померче, якоже в распятии Христове, и звезды явишася, и заря явися утренея и вечернея. И паки по едином часе Господь Богь дасть прощение всеми миру.[1] <...> Въ лета 6926 <...>. Того же лета, месяца июля 12, изволением великого Спаса и пречистыя его Матери и святого чюдотворца Леонтия, епискупа Ростовского,[2] понуди господинъ Фотей митрополит Киевский и всея Руси и князь велики Василей Дмитриевичь епискупом быти граду Ростову и Ярославлю Дионисиа. Ему же своего ради смирения не хотевши, многи слезы пролиявшу, изначала бо желаше пустынное житие и труды, еже по Бозе. Они же поставиша его нужею,[3] и исполнися на немъ Божественное слово: «Ни хотящему, ни текущему, егоже постави пастыря стаду своему, еже стежа честною си кровию...» <...> Въ лета 6945. Посла князь велики Василей Васильевичь дву князей Дмитриевъ Юрьевичевъ и прочих князей, с ними же многое множество безчисленных полковъ на реку Белеву, на царя Махмета. Сущу тому в мале, от некоего царя выбегшу изъ Орды. И постави себе городъ на реце на Белеве, от хврастия себе исплет, и снегом посыпа, и водою поли, и смерзеся крепко. И хоте ту зимовати. Князь же велики здума з братьею, хотя его изженути из своея земля. Яко приидоша на нь рустии князи, онъ же убояся князей рускихъ, поча мира просити и дети своя давати въ закладе, яко ни чинити ему ничтоже земли Руской пакости. Князи же рустии, видевше своихъ вой множество, а сих худо и недостаточество, и разгордешася, поидоша на нихъ. И бе некто Григорей Протасьевъ сотвори крамолу, хотяше бо лестию промежь их миръ сотворитй, князи же рустии емше сему веру. Бе бо сей лестець прия Махмету царю, и не веляше им битися, мнящи мира. А сей въ то время Григорей Протасьевъ и посла ко царю, веля им в то время приити на руския полки своими, а рускимъ княземъ обещася стати заодинъ....